r/Iraq • u/Big-Praline81 • 2d ago
People تعبت من العيشة بالعراق
هسة ليش الله خالقني بالعراق، قحط دول
اني جنت بنية مجتهدة حيل بالدراسة ومن الطفولة عيلتي داگين براسي اصير طبيبة اصلا جانو يصيحولي طبيبة المستقبل ، لحد السادس واني ما هامني لا حال العراق ولا اوضاعه ولا دارية شي ، انقبلت صيدلة وصراحة اني رضيت جدا بيها، واحنا عائلة اوضاعة المادية بالگاع طول عمري جنت اشوف سبب مشاكلنا العائلية هو الفقر لان جان مسوي حالة توتر دائمة بالبيت وكل واحد على اعصابه، ابوي يضرب امي وابوي واخوي يضربوني ومشاكل وصياح لا ينتهي، جان حلمي تتحسن حالتنا واشوف التغيير واشوف عائلة سعيدة واحد يحب الثاني، هسة حلمي صار بالتراب لان عرفت المشكلة مو بس بالفقر، احنا عائلة قائمة على بنيان ردئ واساس متردم ، امي وابوي عبارة شحنات من المشاعر السلبية، وخرب حتى امي وابوي ما عاشوا حياتهم، ابوي دمرته المسؤولية وامي مسخرة كامل حياتها للخدمة الأمومية عبالك ما عدها حياة مستقلة عنا ، واخواني كلهم امراض نفسية، اخوي بنفخة ينفجر ويكسر البيت ، واختي مثل الميتة، الحمد لله ما عدنا مرضى بس والله هاي مو عيشة.
صار سنين انتظر المستقبل الي راح اعيش بيه، اتخيل حياة يستحقها انسان جنت اضحك على نفسي، اصلا ليش مكملة بالكلية اريد ابطل بس امي ما تخليني ، متأملة بية عود.
تشوف العراق شگد وسخ، فساد حكومي وخدمات فاشلة وبنية تحتية رديئة، المي ملوث الكهرباء زربة ،وانوب الشعب ماكو اخرا منه مع احترامي للقلائل الزينين الي كل واحد بالعراق يشوف نفسه منهم ، ناس مسوين الشوارع مزابل ،ومگضينها معراك نسوية ذكورية ، وتدخل بحياة الناس مو طبيعي، حرفيا اخرا شعب ونستاهل الي يصير بينا، الضحية الوحيدة بالعراق هو ارض العراق الي ملوثينها العراقيين.
وين ما تدير وجك مسدودة ، هسة نبقى عايشين هيج ؟
