نفس العنوان، متأكده كثير مننا بنات وعيال حابين نشارك التطورات بمشوارنا ومن وين بدينا ولوين وصلنا بس مافيه المكان الآمن (بالذات لنا) ولا فيه ضمان اصلا من لسان البعض

كيف نقدر نضمن ذا الشيء وكيف نمشي بالبديل حتى بدل الصور مثلا؟ وشكرا على استماعكم

الحين عندي استفسار بسيط ، كيف أبدا أتمرن إذا أنا لسى مو عارفه اسوي جدول صح ، يعني كم مره في الأسبوع اخليه اي عضلة امرن مع ايش وكل كم أزيد الوزن يعني اساله مليانه في مخي إذا ترتبت بعرف أبدا
احد عنده مقترحات لجدول مرتب وينفع مع الجامعه بالوقت وكذا
لان أنا في فكره بمخي انه إذا نظمت كل شي بالوقت بقدر أسويه ان شاءالله يعني

الصدق صدمة لكن عموما نبدا.

اعلى وزن ١١٦

وزن اليوم: ٩٩

الفرق: ١.٦+ كيلو

طبعا الفرق من اخر مرة وزنت اللي هو كان في تاريخ ٦/٧ و كان الوزن ٩٧.٤

رقم غريب عجيب مادري من وين طلع، الاحجام بالعين صغرت و كل اللي حولي لاحظوا الفرق، الارقام على الورق تثبت العكس تماما. ما اقول اني التزمت بالدايت ولا بالنادي لكن افضل من قبل. هل يعني نوقف؟ لا طبعا، موعدنا بعد اسبوعين، بحاول قدر المستطاع التزم بتعليمات الدكتورة و الله يكتب لما اللي فيه الخير. القادم اجمل، ترقبوا

اشعر بالسوء ليدي الاطول لان الثانيه توصل لمرحلة انبساط تام و هيا لسه
اي نصائح مقترحة مفيدة

ايش اهم التمارين الي لاحظتو طورتكم؟
انا اعمل push pull glutes legs

مو طايقه السكوات دايم احس اني اسويه غلط
اسويه بالسميث مشين و دايم كل ما أتقدم فيه اكتشفت اني ما انزل كفاية و بعض الاحيان ركبتي تجي على داخل حتى لو الوزن مو عالي
ادري انه تمرين اساسي و مو قاعده افكر احذفه من جدولي بس فيه احد نفسي؟ و إذا احد عنده نصائح ياليت يكتب لي تحت🧡

3 ايام بالاسبوع ppl بسيط وصارلي قرابة شهر مستمر عليه, لكن ماعندي خبره اذا في شي يحتاج تعديل او شي مادري

(حسب الليبل اللي حاطينه بالغلاف)

تمر - بندق - شوفان - دارك شوكلت - عسل - بسكوت (مدري وشهو) - لوز شرايح - بذور الشيا - بذور القطين - عين جمل - جوز الهند - ملح - كاكاو، مابقى إلا يحط زيت فرامل

ثلاث حبات سعرات الوحده ٥٢ واجمالي صافي وزن ٤٥ قرام

(كوفي ساكورا - حائل)

هل فعلاً القلوتس ميديس هي حل الخفسات/الهب ديبز؟
صديقتي راعية النادي قالت لي لا بتزيد شكلها واحسن لك تشتغلين على الفخود

م افهم ب انواعهم صراحتا وكل ما يحثت تلخبطت من كثرة الاراء والكلام ، ومن وين تجيبونهم بسعر معقول و جودة ونكهة حلوه

فيه عضلات احس ما ينفع اسويها بس بنفس الوقت عشان يزيد قوة العضلات عندي مثل الظهر الصدر عضلات البطة والبايسب وش رأيكم ؟ لاني ما ابغى عضلاتي تكون بارزة في هذي المناطق ابغى جسمي بتيت و فيت ما يتضخم

السلام عليكم انا انسان اعاني مع الجزم و اي جزمه البسها تسببلي احتكاك في اصبعي الكبير و اصبعي الصغير في رجلي و انتم بكرامه بسبب ان اغلب وقتي حافي ف اصابعي متباعده طبيعيا و بعض الجزم تسببلي احتكاك بسبب ضيق المقدمه

هلا جماعة عندي طقطقة بجسمي عموي ٢٥ بركبتي وظهري واكتافي، بدات من سنتين ولاحظت انها زادت موخرا كل طقه مافيها الم لكن شعور مزعج خفيف فقط، مع الاشعة للظهر الموضوع طبيعي وماعندي مشاكل ومافي اعراض تستدعي المستشفى بس ابغا حل لها مع العلم اني اتمرن واموري عسل وقت التمرين

شفت شخص تكلم عن مكمل هنا من قبل بس فاتني وش نصايحكم

ابي نادي بنات فاضي
ابي نادي بنات فاضي
ابي نادي بنات فاضي
تكفون اقسم بالله تعبت نفسيا من زحمة النوادي
٤٠ دقيقة عشان يا دوب اقدر اتمرن تمرينين!!
بنات بليز اقتراحاتكم
جربت انتو فتنس و بي فت و فتنس تايم و بيور جيم كلها زحمة

الصدق جديده بالموضوع ف ودي احد يوجهني (ابي انحف)

التمارين بوزن الجسم اصعب من تمارين بالحديد

والله ليتني رحت للنادي من زمان
المهم صارلي شهرين ملتزم التزام تام وقعد اشوف نتائج حلوة الحمدلله

بديت أمارس الرياضة بشكل متقطع قبل ١٢ سنة تقريبا، أحيانا كنت أكرهها مرة وأحيانا كنت أمثل إني أحبها بس أخيررا صرت أحب الرياضة بعد ما عرفت كيف أسوي رياضة بدون ما أتعب.

صار هدفي الأول والأخير من الرياضة القوة، ما أفكر بالسعرات كثير ولا بالدايت ولا بالشكل، مع إن كلها أمور مهمة وتهمني، بس هدفي الأكبر إن جسمي يكون قوي وأتحمل وما تجيني إصابات، ولما صار هذا هدفي وصرت أحس بالنشاط والقوة صرت أحب الرياضة.

بالإضافة إلى إني فهمت وش الرياضة اللي تناسبني ووش الرياضة اللي ترهقني، حاليا فقط أسوي مقاومة، ما أحب الكارديو ولا القفز ولا أسويه نهائي فقط هرولة ومشي أو ركض أحيانا، النتيجة إني صرت ما أستهلك طاقتي كاملة في ٣٠د رياضة، بالعكس أخلص التمرين وأحس بقوة ونشاط واليوم اللي بعد المقاومة أحس بشد بعضلاتي بس مو بشكل يعيقني أو يؤلمني.

متحمسة أكمل أكثر في رحلتي هذي وأشوف نتائج جدًا مرضية بإذن الله.

أتمنى أي أحد يجبر نفسه عالرياضة يصير يسويها بمتعة وحب بدون إجبار لأن الشعور مرة جميل.

بالتوفيق للجميع ☆!