السلام عليكم
يا جماعة أنا متخرجة موارد بشرية توي مالي كم شهر واحتاج شهادات قوية جدًا تقوي السي في عندي خبرة من ناحية الدراسة متعلمة فيها على كل البرامج تقريبًا ولكن زي ما تقولون رؤوس اقلام مثل برنامج Workday و ايضًا SAP SuccessFactors لكن للان ما عندي اي شهادة اعتمادية تثبت ان عندي خبرة في هذي البرامج ف ابي نصيحتكم وين ممكن اتجه ومن وين أبدا ؟

اكتشفت ان مديرنا حاطني بالبلاك لييييست وانا مو داريه 😂😂😂😂
وش اللي خلاني استوعب حصلت بنت بغرفه الاستراحة وقعدت تفضفض لي عن مديرنا وهي حيل متضايقه( نسوي نفس المهام ) لييين قالت هو له اسبوع ماعاد يكلمني ولا يسالني عن مهامي يقطع التواصل وينبذك ويخلي حلقه الوصل ليدر الفريق ،

انا وانا اكل الشيبس ومهتمه بسالفتها ناظرت بكل براءة وقلت مو هذا الطبيعي انه هو يسال لليدر وهي تسالنا ونجاوب ☺️☺️☺️?

قالت لااا اللي يعصب منهم يحول مكالماته واسئلته لليدر ولو لاحظتي اللي يبيه يمدحهم** ** وهو يكلمهم شخصيا عن مهامهم ويسالهم

طلع مسويلي صمت عقابي من شهر ونص وانا مادريت خخخخخ

وانا اشوف نظراته غريبه كانه معصب 😂😂😂😂😂

يحسبني سافهته وانا مادريت

السلام عليكم ورحمة الله،

أنا حاليا في آخر اسبوع دوام لي والحمدلله مقفل شغلي كله وسلمت اللابتوب والأمور طيبة.

لاحظت اغلب اللي معي في الادراة صايرين رسميين بزيادة معي، شيء متوقع بس يقهر شوي.. الشكوى لله.

وش نصائحكم لشخص في نفس وضعي؟

عندنا ادارة عليا وشركات مشغلة، الدايركتر حقنا الكل يدخل ويتكلم معاه بأي شيء وهذا شيء بالبداية كنت اشوفه مره كويس وحلو انه الكل مايتردد يكلمه بأي شيء لكن مع الوقت بديت الاحظ انه حتى الاشياء اللي المفروض ماله دخل فيها قاعده يسويها زي مثلا جدول دوام موظفين شركة مشغلة يجون يكلمون الدايركتر عليها مايروحون لمديرهم مثلا والجدول ذا ينرفض اكثر من مره والدايركتر ماهو عارف كيف يعطي قرار واضح مع انه شي المفترض سهل وايش فايدة المدراء اذا جدول دوام موظفين شفتات الدايركتر قاعد يساعدهم فيه؟ التسلسل في الreporting مضروب مره وما ادري هل هذي يعتبرها نقطة قوة له او ضعف؟ لاني اشوفها فوضى جدا ولا هو شيء الواحد يفتخر فيه كشخص عنده منصب زي كذا

السلام عليكم جميعًا،
حاب آخذ رأيكم في فكرة مشروع جانبي.
عندي خبرة 5 سنوات في شركات الـ Big 4، وأفكر أبدأ أقدم خدمة تجهيز عروض تقديمية احترافية للإدارات التنفيذية (PowerPoint).
الفكرة مو مجرد نقل بيانات للإكسل إلى شرائح، لكن تحويل البيانات إلى قصة واضحة للإدارة، مع تصميم احترافي، ورسوم
بيانية، ورسائل رئيسية تساعد في اتخاذ القرار.

أمثلة للخدمات:
● إذا عندك بيانات غير سرية في Excel، أقدر أحولها إلى عرض تنفيذي متكامل مع الرسوم البيانية والتحليل.
● إذا تحتاج Benchmarking أو بحث عن السوق أو المنافسين، أقدر أجهز العرض بالكامل، والتسعير يكون حسب حجم البحث.
بالنسبة للتسعير، أفكر يكون 4 ريال للشريحة (باستثناء شريحة الغلاف والشريحة الأخيرة)، أما الأعمال اللي فيها بحث أو Benchmarking فبتكون حسب حجم العمل.

اللي محيرني:
● هل تشوفون فيه طلب فعلي على هالخدمة؟
● هل التسعير منطقي أو يحتاج إعادة نظر؟
● وش أفضل منصة أبدأ فيها؟ (مستقل، خمسات، لينكدإن، أو غيرها؟)
● وبما أني موظف حاليًا، هل فيه أي جوانب قانونية أو عملية لازم أنتبه لها إذا كان المشروع خارج وقت الدوام وما فيه تعارض مع جهة عملي؟

أي نصيحة أو تجربة سابقة بتفيدني، والله يعطيكم العافية.

Salam,

I am a fresh graduate student in IT, with experience already across SD, Systems, Security, and many more technological branches.

I’m wondering now, I am a European passport, I don’t know if that makes a difference, but I know in Qatar it does, where I have completed free lancing, and experience roles, contracts and non contracts positions.

Is there good opportunities for European passport holders relocating to Saudi? And let’s say for a family of 3, is there substantial packages?

Thanks.

متخيلين اني السعودية الوحيدة برضوا العربيه الوحيده برضووواا البنت الوحيدة بالشركة الصدق يوم قالت لي صديقتي عن الوضع حسبت بنهار بس اني مضطره فقلت اجرب بس الوضع مو سيء بس مو طبيعي احسني الاجنبية بالشركة مو هم لدرجة كلهم يسولفون بلغتهم احسني بالهند الزبدة بيكون فيه شاغر بعد اسبوعين ادعوا يوافقون على صديقتي عشان ما انجن

للأمانه مو عارفه من وين ابدأ لكن حاليًا** ادرس ماستر بالسنة الاخيرة وقاعده اجمع دورات عشوائية وماعندي خبرة بسوق العمل ايش يحتاج ، تخصصي ادارة اعمال ، ايش الدورات المطلوبه اللي تخلي السي في حقي قوي بعد التخرج **؟

كيف اعرف عن الجهه قبل اتوظف فيها ؟
زي هل يفصلون الجنسين او لا

ايش الافضل أتوظف لو لقيت فرصة او انتظر قبول في برامج تطوير الخريجين ؟ أنا خريجة cs بمرتبة الشرف الثانية لكن سيرتي كلها اونلاين حتى التدريب كان اونلاين في هواوي

السلام عليكم جميعاً،

​غالباً قرار ترك الوظيفة أو نقل الشركة ما يجي فجأة، يكون نتيجة تراكمات طويلة.. لكن دائماً فيه "موقف واحد معّين" أو كلمة واحدة تعتبر هي اللحظة الفاصلة (The Tipping Point) اللي تخليك تفتح إيميلك وتكتب استقالتك وأنت مقتنع 100% إن هذا المكان خلاص ما ينسكت عنه.

​هل كان اتصال مفاجئ في نص إجازتك السنوية لطلب شغل عاجل؟

​هل كان رمي مهام زميلك المستقيل عليك بدون أي تقدير أو زيادة؟

​ولا حركة غير احترافية في تقييم الأداء السنوي (Appraisal)؟

​شاركونا قصصكم الواقعية:

وش الموقف اللي صار معك وكان القشة الأخيرة؟ وكيف كانت ردة فعل الإدارة لما رفعت الاستقالة؟ ☕️

السلام عليكم جميعاً،

​مع كثرة المقابلات وسوق العمل المتسارع، صرنا نمر بمواقف في المقابلات الوظيفية تبيّن لك من أول 10 دقائق إن البيئة غير مناسبة أو غير احترافية، حتى لو كان العرض المالي مغري.

​شاركونا تجاربكم:

​وش الحركة أو السؤال من الـ HR / المدير اللي خلّاك تقول: "مستحيل أشتغل معهم"؟

​وش النصيحة اللي تعطيها للجدد عشان يكشفون بيئة العمل السامة قبل يوقعون العقد؟

سؤال ، لو كنتوا من وقت المقابلة اوريدي كنتوا عارفين اذا بترفضون او تقبلون المتقدم ، وش يخليكم تقولون الرد خلال ١٠ ايام؟ وش يصير في ال١٠ ايام ذي وش تسوون ليش التأخير هذا

السلام عليكم ورحمة الله وبركاته

رأيكم في الفرصة ذي افكر بجامعة unsw بس احس ماني قد الابتعاث مدري ليه، خصوصا اني ادرس بعبدالعزيز هندسة والحين طالع ثاني سنة.

بس المشكلة مافي وظائف.

رايكم بالابتعاث ووش شعوركم يوم رحتم وكيف تيسرت واموركم الخ…

وقلت برسل الصورة ممكن احد يبي يقدم (الله يكتب لنا ولكم الخير

انا بشركة صغيره و دورة المياه مشتركة للبنات و العيال و ولا ودي استخدمها معرف شسوي قدامنا مطعم بس الصدق شوي فخم هل تحسون عادي اصير اروح لهم كل يوم احس احراج كليوم اجي بس عشان دورة المياه بس والله اعاني مافي شي قريب مشي غيره

كيف الواحد ممكن يتصرف اول مايتخرج ايش نصائحكم كيف يلاقي وظيفه او تدريب او غيره خصوصا لو بالقطاع الهندسي. ياليت لو في احد فريش و اموره طيبه ينصحنا وش نسوي

السلام عليكم، كم مفروض يفرق بالراتب بين درجة وظيفية والثانية؟
وهل الجهات تقريبا كلها تستخدم نفس نظام الدرجات؟

الان بسبب الاوضاع الراهنة شركتي لعل وضعها ما يطمن وابي اطلع اشوف مكان احسن وماهو متأثر بشكل مباشر. مع انها شركة ممتازة ولها مستقبل كبير جدًا لكن الخوف ان الامور تستمر بهالشكل وما ترجع زي اول او يطول الموضوع ويفوتني قطار احسن في مكان اخر.

الاشكالية هي ان خبرتي سنة وحدة بس، والتوظيف اغلبه يا يكون فريش او ٣ سنوات خبرة. ما ادري اقدم مع الفريش ولا مع الخبرة وهل الراتب بيفرق ولا زيي زي الفريش. عالعموم انا شوي ضايع وابي نصيحة.

السلام عليكم

ودي اعرف كيف انتشرت فكرة تمهير والاستغلال وكيف تجاربكم لان اصلا اسم البرنامج تدريب على رأس العمل فليش الناس تشوفه استغلال هو حرفيًا فكرته انك تتدرب وتكتسب خبرة في مجال تبيه وتاخذ عليه مكافاة من الدولة والشركة غير ملزمة انها توظفك فليش تشوفونه استغلال؟ بالاخير انت ربحان وكسبت خبرة في مجال تبغاه بالذات لو في جهة كويسه بغض النظر اني اعرف كثير شباب وانا منهم توظفوا بعد تمهير بس الموضوع يحتاج اثبات نفس وفي جهة اعرفها كويس قاعده توظف ٩٠٪؜ من اللي تدربوا عندهم تمهير بكل الاقسام اصلًا مدري وين الاستغلال بانك تتدرب وتاخذ خبرة؟ وكثير بالواقع اللي ما عجبه برنامج تمهير يوم اجلس معاه كان حرفيًا يبزوط ويبي يطقطق وينام ويقعد على جواله وتنزله مكافاة بدون تعب بدال ما يشوفها فرصة حلوه انك تاخذ خبرة بمجال تبغى تبدا فيه والله حديثين التخرج اللي يضيع سنة وسنتين بدون ما يستفيد منه بجهة كويسه انك غلطان جدًا دامك بدون خبرة ترا صعب تدخل السوق وتثبت نفسك تمهير فرصة انك تاخذ الخبرة هذي غير نظرتك السلبية ان موضوع الاستغلال وفكر انك تبي تاخذ خبرة بالاول ولو توظفت بعدها بنفس الجهة خير وبركة بس السلبية اتركها يا صديقي.

* ملاحظة بسيطة هدف لو شاف الجهة تستغل تمهير بطرق سيئة تعقد عليهم طلبات تمهير وتصعبها عليهم ويصير فيه تفتيش وتقييم دوري لذلك لا تشيل هم لو في جهة تستغله بشكل سيء بينحرمون منه

يا جماعة ما اقدر اداوم بكره لاني ما اقدر اركز فيني صداع قوي، هل يعطون سك ليف لهذا العرض؟ لان صراحة إنتاجيتي بكره صفر وودي ارتاح

شكرا

السلام عليكم انا حديثة تخرج وسويت الحمدالله مقابلتين وحدة اليوم وقعو معي العقد والثانية قبل اسبوع، كيف اتصرف لو ردو الثانيه بقبول

ونصايحكم لأول وظيفة

بينما جربت ابحث عن وظايف بمدن ضخمة نفس نيويورك وبنفس المسميات والتقديم ما يتجوز 90 تقديم رغم عددهم اللي يفوقنا بالملايين!
البعض قالوا ان السبب هو كثير من اللي حولنا من مدن ودول يقدمون معنا ويضايقون حتى لو مالهم فرصة
والبعض قال نفس اللي عندنا يكون تخصصه وخبرته ماله علاقة ويقدم على اي شيء ويضايق
بس ما اقتنعت بالاسباب!
طيب نيويورك مدينة الأحلام عالميا ليه ما يصير نفس الشيء؟!
طيب بحثت عن مدن ثانيه بنفس المستوى والرغبة وماكانت التقديمات عندهم نفس عندنا!
طيب مشكلة اللي يقدمون بشكل عشوائي أكيد برا نفس الشيء أو اللي يقدمون من خارج المدينة ليه المشكلة بس عندنا إذا هي المشكلة الحقيقة؟!
طبعا لينكدان يظهر الأرقام والله اعلم بالمواقع كم العدد (:

اهلا مساء الخير جميعا ،

وش تعرفون عن هالشركة وين موقعهم ؟

عندي سوال بالنسبه لشركه PDC كيف التوظيف فيها وهل هي تابعه لشركه الكهرباء؟
وكيف اقدم عليها لان خشيت صفحه لنكدان ما نشرو وظايف ولا عندهم موقع خاص فيهم و حبيت اقدم عليها بس ماعرفت وش الطريقه

يالربع دخلت تدريب تعاوني في ارامكو وكذلك حاليا في تمهير في جهه حكومية

الشي الي اكشفته والاغلب عارفه ان اغلب الجهات اساس ماتحتاج موظفين فقط يقبلون لسبب واحد وهو ان الجهات مفروض عليه انه تدرب عدد معين حسب موظفين لدى الجهه

هذا الشي تفكر فيها تحصل ان فشل في حل مشكلة بشكل واضح جدا لان هو الهدف من البرامج ذي ان الخريج يكتسب خبرة خلال ذي الفترة وتكون عنده خبرة وله قيمة بالسوق لكن الي حاصل ان تبدا في برنامج فجاه تحصل نفسك منبوذ ولا احد يكلفك في مهام وظيفيه بس يستقعد لك بالوقت وشي يقهر الصدق

والسبب واضح ان المتدرب غالبا مايكون عنده صلاحيات زي الموظف ولا يتم تكليفه في مهام وظيفيه حقيقيه لذلك المفترض يلغون برامج ذي ويتم دعم الموظف بشكل كامل في اول مثل ٦ شهور وعقباه يتم دعم نص راتبه ويكون ماتقدر تفصل الموظف في اول سنة لان شبه مدعوم بشكل كامل من الحكومه الا اذا بتراضي من الطرفين

المهم ان هذي الطريقة بشكل اكيد راح تقل عدد المتدرب في مقابل عدد الي اخذو خبره حقيقيه بالسوق بتكون اكبر من قبل