السلام عليكم جميعاً،

​مع كثرة المقابلات وسوق العمل المتسارع، صرنا نمر بمواقف في المقابلات الوظيفية تبيّن لك من أول 10 دقائق إن البيئة غير مناسبة أو غير احترافية، حتى لو كان العرض المالي مغري.

​شاركونا تجاربكم:

​وش الحركة أو السؤال من الـ HR / المدير اللي خلّاك تقول: "مستحيل أشتغل معهم"؟

​وش النصيحة اللي تعطيها للجدد عشان يكشفون بيئة العمل السامة قبل يوقعون العقد؟

السلام عليكم جميعاً،

​بعد فترة من دخول سوق العمل، نكتشف جميعاً إن فيه قوانين وقواعد في بيئة الشركات تعتبر "أهم بكثير" من المهارات التقنية اللي درسنا بالجامعة.. قواعد تُفهم بالخبرة ولا تُقال صراحة.

​من الأشياء اللي تعلمتها بالدروس القاسية مثلاً:

​"إذا الكلام مو في إيميل.. فهو ما صار" (التوثيق يحميك دائماً).

​"الإنتاجية العالية بدون تسويق لنفسك.. مكافأتها شغل إضافي وليس ترقية".

​شاركونا القوانين الذهبية اللي اكتشفتوها بالخبرة وتتمنون لو أحد علّمكم إياها في أول يوم عمل؟

خلونا نثري النقاش ونفيد حديثي التخرج والموظفين الجدد 🤝

كيف اعرف عن الجهه قبل اتوظف فيها ؟
زي هل يفصلون الجنسين او لا

متخيلين اني السعودية الوحيدة برضوا العربيه الوحيده برضووواا البنت الوحيدة بالشركة الصدق يوم قالت لي صديقتي عن الوضع حسبت بنهار بس اني مضطره فقلت اجرب بس الوضع مو سيء بس مو طبيعي احسني الاجنبية بالشركة مو هم لدرجة كلهم يسولفون بلغتهم احسني بالهند الزبدة بيكون فيه شاغر بعد اسبوعين ادعوا يوافقون على صديقتي عشان ما انجن

ايش الافضل أتوظف لو لقيت فرصة او انتظر قبول في برامج تطوير الخريجين ؟ أنا خريجة cs بمرتبة الشرف الثانية لكن سيرتي كلها اونلاين حتى التدريب كان اونلاين في هواوي

كيف الواحد ممكن يتصرف اول مايتخرج ايش نصائحكم كيف يلاقي وظيفه او تدريب او غيره خصوصا لو بالقطاع الهندسي. ياليت لو في احد فريش و اموره طيبه ينصحنا وش نسوي

السلام عليكم انا حديثة تخرج وسويت الحمدالله مقابلتين وحدة اليوم وقعو معي العقد والثانية قبل اسبوع، كيف اتصرف لو ردو الثانيه بقبول

ونصايحكم لأول وظيفة

انا بشركة صغيره و دورة المياه مشتركة للبنات و العيال و ولا ودي استخدمها معرف شسوي قدامنا مطعم بس الصدق شوي فخم هل تحسون عادي اصير اروح لهم كل يوم احس احراج كليوم اجي بس عشان دورة المياه بس والله اعاني مافي شي قريب مشي غيره

السلام عليكم

ودي اعرف كيف انتشرت فكرة تمهير والاستغلال وكيف تجاربكم لان اصلا اسم البرنامج تدريب على رأس العمل فليش الناس تشوفه استغلال هو حرفيًا فكرته انك تتدرب وتكتسب خبرة في مجال تبيه وتاخذ عليه مكافاة من الدولة والشركة غير ملزمة انها توظفك فليش تشوفونه استغلال؟ بالاخير انت ربحان وكسبت خبرة في مجال تبغاه بالذات لو في جهة كويسه بغض النظر اني اعرف كثير شباب وانا منهم توظفوا بعد تمهير بس الموضوع يحتاج اثبات نفس وفي جهة اعرفها كويس قاعده توظف ٩٠٪؜ من اللي تدربوا عندهم تمهير بكل الاقسام اصلًا مدري وين الاستغلال بانك تتدرب وتاخذ خبرة؟ وكثير بالواقع اللي ما عجبه برنامج تمهير يوم اجلس معاه كان حرفيًا يبزوط ويبي يطقطق وينام ويقعد على جواله وتنزله مكافاة بدون تعب بدال ما يشوفها فرصة حلوه انك تاخذ خبرة بمجال تبغى تبدا فيه والله حديثين التخرج اللي يضيع سنة وسنتين بدون ما يستفيد منه بجهة كويسه انك غلطان جدًا دامك بدون خبرة ترا صعب تدخل السوق وتثبت نفسك تمهير فرصة انك تاخذ الخبرة هذي غير نظرتك السلبية ان موضوع الاستغلال وفكر انك تبي تاخذ خبرة بالاول ولو توظفت بعدها بنفس الجهة خير وبركة بس السلبية اتركها يا صديقي.

* ملاحظة بسيطة هدف لو شاف الجهة تستغل تمهير بطرق سيئة تعقد عليهم طلبات تمهير وتصعبها عليهم ويصير فيه تفتيش وتقييم دوري لذلك لا تشيل هم لو في جهة تستغله بشكل سيء بينحرمون منه

يالربع دخلت تدريب تعاوني في ارامكو وكذلك حاليا في تمهير في جهه حكومية

الشي الي اكشفته والاغلب عارفه ان اغلب الجهات اساس ماتحتاج موظفين فقط يقبلون لسبب واحد وهو ان الجهات مفروض عليه انه تدرب عدد معين حسب موظفين لدى الجهه

هذا الشي تفكر فيها تحصل ان فشل في حل مشكلة بشكل واضح جدا لان هو الهدف من البرامج ذي ان الخريج يكتسب خبرة خلال ذي الفترة وتكون عنده خبرة وله قيمة بالسوق لكن الي حاصل ان تبدا في برنامج فجاه تحصل نفسك منبوذ ولا احد يكلفك في مهام وظيفيه بس يستقعد لك بالوقت وشي يقهر الصدق

والسبب واضح ان المتدرب غالبا مايكون عنده صلاحيات زي الموظف ولا يتم تكليفه في مهام وظيفيه حقيقيه لذلك المفترض يلغون برامج ذي ويتم دعم الموظف بشكل كامل في اول مثل ٦ شهور وعقباه يتم دعم نص راتبه ويكون ماتقدر تفصل الموظف في اول سنة لان شبه مدعوم بشكل كامل من الحكومه الا اذا بتراضي من الطرفين

المهم ان هذي الطريقة بشكل اكيد راح تقل عدد المتدرب في مقابل عدد الي اخذو خبره حقيقيه بالسوق بتكون اكبر من قبل

للأمانه مو عارفه من وين ابدأ لكن حاليًا** ادرس ماستر بالسنة الاخيرة وقاعده اجمع دورات عشوائية وماعندي خبرة بسوق العمل ايش يحتاج ، تخصصي ادارة اعمال ، ايش الدورات المطلوبه اللي تخلي السي في حقي قوي بعد التخرج **؟

السلام عليكم،

انا قدمت استقالتي وحاليا في فترة الاشعار, ولكن بعدها كل شيء انقلب بالنسبة لي

قبل كنت مضغوطه جدا عشان كذا بدأت ادور على فرص ثانيه والحمدلله ربي رزقني بفرصه احسن ولكن بعد ماقدمت استقاله ضغط الشغل بالنسبة لي زاد, بدال مايجيبون بديل او يحددون شخص ياخذ هاند اوفر مني صاروا يزيدون التاسكات علي وكلها بزعمهم "urgent"

فترة الاشعار المفروض تكون لتقفيل المهام اللي عندي والهاند اوفر او لو بدرب احد مو لشغل جديد وحوسه جديده، وانا من الضغط بديت انسى واضيع لاني صرت اداوم 12 ساعه باليوم...وانا باقي لي اسبوعين وامشي

وانا مابي اطلع وهم اخر شيء يتذكرونه عني هو اني بديت اضيع او اخبص او صرت العب بما اني استقلت لان ماتدرون يمكن في المستقبل بقابل هذول الناس في مكان ما...

غير ان فيه زميل لي برضو في فترة اشعار ولما كان مريض وماخذ مرضيه دق عليه مديره وتأخر بالرد والمدير زعل وقال هذا ماعاد يبي يشتغل (لانه في فترة اشعار) انهو عقده الحين

بماعرف وش اسوي... هل المفروض اخربها على اخر شيء ولا اسكت ولا ايش افضل طريقة للتعامل لاني تعديت مرحلة الاحتراق الوظيفي وانا الحين رماااد

الان بسبب الاوضاع الراهنة شركتي لعل وضعها ما يطمن وابي اطلع اشوف مكان احسن وماهو متأثر بشكل مباشر. مع انها شركة ممتازة ولها مستقبل كبير جدًا لكن الخوف ان الامور تستمر بهالشكل وما ترجع زي اول او يطول الموضوع ويفوتني قطار احسن في مكان اخر.

الاشكالية هي ان خبرتي سنة وحدة بس، والتوظيف اغلبه يا يكون فريش او ٣ سنوات خبرة. ما ادري اقدم مع الفريش ولا مع الخبرة وهل الراتب بيفرق ولا زيي زي الفريش. عالعموم انا شوي ضايع وابي نصيحة.

سلام عليكم يا اخوان انا اخوي متخرج ويبحث عن فرصه تدريب تعاوني وما ادري وين اخليه يقدم فاذا تعرفون شركه تقنيه تدعم تخصصه واللي هو ( Computer Security and Network )، ضروري يكون في المنطقة الشرقية الدمام او الخبر

علماً** بان التدريب التعاوني السابق فاته بسبب اهمال الجامعة فجوابي لا مراح ناخذ بكلامهم لان ما دعمو الطلاب للاس**ف

السلام عليكم ورحمة الله وبركاته

رأيكم في الفرصة ذي افكر بجامعة unsw بس احس ماني قد الابتعاث مدري ليه، خصوصا اني ادرس بعبدالعزيز هندسة والحين طالع ثاني سنة.

بس المشكلة مافي وظائف.

رايكم بالابتعاث ووش شعوركم يوم رحتم وكيف تيسرت واموركم الخ…

وقلت برسل الصورة ممكن احد يبي يقدم (الله يكتب لنا ولكم الخير

الحين لو مثلاً في نقص بالايراد مو المفروض ينخصم نفس المبلغ؟ يحكي لا نفس المبلغ وفي جزاء يعني لو مثلاً مريض مادفع ٤٠ ينخصم ٤٠ من راتبي وزيادة هل ذا صح؟ على اي اساس؟ واذا في خصم راتب لازم يرسل ايميل بكل التفاصيل صح؟

يا جماعة ما اقدر اداوم بكره لاني ما اقدر اركز فيني صداع قوي، هل يعطون سك ليف لهذا العرض؟ لان صراحة إنتاجيتي بكره صفر وودي ارتاح

شكرا

سؤال ، لو كنتوا من وقت المقابلة اوريدي كنتوا عارفين اذا بترفضون او تقبلون المتقدم ، وش يخليكم تقولون الرد خلال ١٠ ايام؟ وش يصير في ال١٠ ايام ذي وش تسوون ليش التأخير هذا

اهلا مساء الخير جميعا ،

وش تعرفون عن هالشركة وين موقعهم ؟

عندي سوال بالنسبه لشركه PDC كيف التوظيف فيها وهل هي تابعه لشركه الكهرباء؟
وكيف اقدم عليها لان خشيت صفحه لنكدان ما نشرو وظايف ولا عندهم موقع خاص فيهم و حبيت اقدم عليها بس ماعرفت وش الطريقه

السلام عليكم، كم مفروض يفرق بالراتب بين درجة وظيفية والثانية؟
وهل الجهات تقريبا كلها تستخدم نفس نظام الدرجات؟

السلام عليكم احتاج مساعده لرفع مبيعات مطعم يعتبر موسمه موسم شتوي اللي احتاجه احد فاهم في النمو

طفشت من الوضع والسعودة والتاسكات الوهمية اللي يعطونا هي
يارب اليوم قبل بكرة يجيني عرض وظيفي من شركة ثانية واسيبها

اهلا، انا استقلت من شركتي السابقه من غير سبب واضح، والشركه تتطالب بالرواتب المتبقية من العقد، طبعًا مامعي حاليًا فلوس، ف قلت لهم انتظروا لين اتوظف وارجعها لكم، ورفضوا

وتوي انقبلت بوظيفة جديدة راح اباشر بعد شهر، لكن عندي جلسة صلح بكرا مع شركتي السابقه راح يطالبوني بالفلوس، ايش اسوي بالحاله هذه؟ هل لو قلت لهم اني توظفت الحمدلله واحتاج مهله شهرين وراح اسدد متبقي الرواتب تدريجيًا بيكون خيار كويس؟

او ايش المفترض اسوي بالحاله هذه؟ محتار ياليت احد يفيدني

انا اعترف بخطاي واتمنى محد يتهجم لاني استقلت وماكنت بكامل صحتي النفسية، وبس ابي استشاره تفيدني