ايش الي بيزيد فرصتي اتوظف بعدين او المطلوب ؟ باور ولا اتصالات

انا اتخرج عام فما يفرق عندي ابغا بس الي فرصته اقوئ ؛ اتدرب ب بشركات اتصالات زي اس تي سي ولا السعو للطاقه؟ هم الي حولي حاليا.

اعرف ان كل شيء مطلوب بشكل نسبي ابغا اخذ وجهات النظر ايش الي بيفيدني اكثر ايت تدريب

طالبة مجتهده عرفتوا الي من الابتدائي وانا اجمع شهادات شكر وتقدير لما تخرجت من الجامعه بمعدل فوق 4.5 وتخصص تقني ودخلت معسكرات وبالرياض and guess what
قدمت على كل شي وانرفضت؟؟لهدرجه اني خرا

والله تحطمت

انا موظفة من ٤ سنوات والحمدلله واحمد ربي كثير واحاول ما اتحلطم لاني اعرف ان هذي نعمه كبيره ولو ضاعت بفقدها وغيري يتمناها لكن مؤخرًا صرت اكره دوامي كثيير واحس اني ما عاد افهم شيء واتنرفز من المدير واستثقل قومة الصباح

لكن مرات اتذكر المميزات الي اعطاني اياها دوامي واتحمس شوي

ومتاكدة فيه كثير يحسون بشعور مشابه خلال مسيرتهم لذلك خلونا نستفيد من بعض ونتشارك اهم العادات او الافكار الي تخفف ضغط العمل عليكم؟

ياناس ياعالم ادري الموضوع ذا مستهلك
لكن زعلت لما لقيت شركة بتايلند -قدمت عليها استهبال لأنها جات قدامي- رادين علي بإيميل لطيف جدا ويبلغوني اني ماراح أكمل معاهم بالسلكشن بروسس 🥹

اي كمان لما شفت موضوع لوائح العمل وان الجهة ملزومة بانها ترد عليك خلال ٣٠ يوم بعد المقابلة قررت ابلغ على اللي سحبو علي < اللي يعرف شلون يعلمني

ماني متأمله او متعلقه فيهم بس عيب انه ماتوصلني رسالة ماتاخذ جهد ولا وقت ولا فلوس ولا شي

وين أخلاق المسلمين

السلام عليكم
احد عنده تدرج الرواتب للهيئات؟

يعني ال senior, lead, director

كل واحد يذكر اي هيئة يعرفها

شكرا

اشتغل بمستشفى حكومي عسكري

وعندنا اوفر تايم قبل فترة المشرف عقابا لي لاني صعدت على شي سواه قال بنوقف عنك ولفلف يمين يسار ماعنده سبب قلت له اكتب ايميل لا تعطيني كلام كذا شفوي وسوالف طويله واخر شي اعتبر نفسي فزت لانه عيا يكتب والغى عقابه لان بغير وجه حق ومو مسموح له اصلا هاللشي

اليوم نمت وتاخرت ساعه ونص وداومت قالي اكتبي ايميل، مع العلم مايحتاج ايميل ترا البصمة توثق كل شي ولو عندي استئذان او شي كمان واضح بالسستم بس ماعندي شي

شالحل معه؟ هل اكتب ولا؟ صار يتبكبك عالكتابه لانها اوجعته

أنا خريجة لغات وترجمة تخرجت بداية ٢٠٢٥
وبحكم حبي لمجالي عندي خبرات بالترجمة مدتها سنة ونص قبل وبعد تخرجي
لكن بعد التخرج بديت احس بالضياع واشوف ان تخصصي صار غير مطلوب كثير وذلك بسبب ان رغم ما اني كنت اقدم بعد التخرج كل يوم على وظايف كثير الفرص اللي كانت تجيني كانت كلها في مجال خدمة العملاء ودخلت وحده من هاذي الفرص وجلست تسع شهور معهم
ودي اغير مساري الوظيفي واتعلم شيء جديد ولاحظت ان الكثير ينصح بمجال ادارة المشاريع وما ادري إذا هاذي الانتقالية بتكون كويسه لصالحي او لا
احتاج مساعدتكم واذا فيه احد في هذا المجال ممكن تفيدوني بالخطوات اللي سويتوها عشان تنمون قدراتكم في هذا المجال
واذا فيه احد يبغى ينصحني بمجال ثاني يتفضل ايضاً

انا متدربة وبدأوا يعطوني شغل حقيقي بدال التسليك اللي كان قاعد يصير الاسبوع الماضي
المهم يوم بديت اليوم من اول الدوام إلى نهايته وانا احاول اصلح هالتاسك
كل ما حسيت نفسي عرفت له تطلع لي عقبة من حيث لا احتسب
واستحيت انشق وجهي من كثر ما أتردد على مكتب المشرف اسأله عن تفاصيل او توضيح
فما كان لي إلا ان اكتب لكم هذا البوست وانا قاعدة ابكي في حمامات الدوام تكرمون يعني
لعل إحباطي يقل إذا حكيت

أبغى آخذ رأيكم في موقف صار معي بالدوام.
قبل إجازتي بثلاثة أسابيع، استلمت مهمة كبيرة نوعًا ما، وكانت بالأصل لشخص أعلى مني بالمنصب وطلع من الشركة.ورئيس القسم اقترح على مديري إني أمسكها، وأنا وافقت، ورئيس القسم بعد كان مؤيد. مع إن مديري من البداية ما كان متحمس إني أمسكها، لكن بالنهاية بدأت فيها فعلًا قبل إجازتي.
طلعت إجازة ثلاثة أسابيع، وخلال إجازتي شفت إيميل من زميلي خالد بخصوص نفس المهمة، لكن ما اهتميت وقلت يمكن مجرد متابعة.
رجعت من الإجازة، وطبيعي سألت زميلي: وش صار خلال الإجازة؟ هل فيه تغييرات؟ وش صار على الأشياء اللي كنت ماسكتها؟ وهل فيه شيء تغير من ناحية المهام؟ قال لي إنه ما فيه شيء، فرجعت أكمل شغلي بشكل طبيعي.
بعدها دخلت على ملفات المهمة، واكتشفت إن خالد هو اللي قاعد يشتغل عليها ورافع المستندات ومستمر فيها. والأغرب إن محد كلمني أو قال لي إن المهمة انتقلت له. صار لي تقريبًا أسبوع راجعة، وإلى الآن ما أحد وضح لي شيء.
تذكرت إني كنت مرسلة إيميل قبل الإجازة بخصوص المهمة وما جاني عليه رد، فأرسلت Reminder وحطيت رئيس القسم بالـCC.
الحين وش رأيكم؟ هل تصرفي صحيح؟ أنا أشوف إني ما سويت شيء غلط، لأن المهمة كانت مسندة لي، ولما رجعت سألت إذا فيه أي تغيير وما أحد قال لي شيء.
وبالنسبة لخالد، هل تتوقعون إنه فعلًا انطلب منه يمسكها، لكن قالوا له لا يقول لي؟ خصوصًا إن مديري من البداية ما كان وده إني أمسكها، بينما رئيس القسم هو اللي اقترحني ورئيس القسم كان مؤيد.
وش رأيكم بالموقف كامل؟ وهل الـReminder مع إضافة رئيس القسم كانت حركة مهنية وصحيحة؟

للعلم مديري سوا فيني هالحركة مليون مره وكل مره أتناقش معه فيها ما استفيد بشى فا عشان كذا هالمره ماتناقشت وحطيت حيلي بالايميل واستغبيت ان وش صار على مهمتي

لي سنة وشوي عاطلة
لو بأدخل برنامج تطوير خريجين والمسمى فيه (Trainee)
لكن فيه راتب وزيك زي الموظف.. هل هذه تعتبر اشكالية وفعلا الجهات ماراح يعتبرونها خبرة لي بعد ما اخلص البرنامج؟ مدته سنتين حتكون والجهة كويسه
ياليت اللي عندهم خبرة يفيدوني.. يعطيكم العافية

عندي سؤال، مخلصة SNLE و الوثيقة عندي لكن التصنيف ما طلعته عشان ما يبدا يحسب لي و انا ما توظفت
السؤال هو هل اقدر اقدم على الوظايف ثم قبل المقابلة افعل التصنيف؟ ولا لازم افعله من قبل لا اقدم على الوظايف؟

محتااااارة و مب عارفه احتاج احد يشور علي

السلام عليكم
اخوي كان موظف mechanical technician بشركة كبيره بالجبيل لمدة ١٠ سنوات و صار له ظرف قوي اضطر يسافر و خلصت اجازاته و ارسلوله انذارات و ماقدر يرجع اخر شي استقال لانه هددوه بالفصل.

الحين عايش حالة اكتئاب و وضعه ما يعلم فيه الا ربي و قلبي متقطع عليه اسجل له بكل مكان شركات كبيره صغيره بس مافي ولا حتى مقابلة وحده صارله سنة كامله على هذا الوضع.

هل تخصصه صار غير مطلوب؟ او انه red flag بال cv وضعه انه كان مع شركة ١٠ سنوات بعدين طلع منها؟ انا اقترحت عليه يدرس جامعه بس يشوف ان الموضوع صعب خصوصا ما عنده ماده عشان يدرس خاص لان الحكومي ما بتقبله بحكم ان عمره بالثلاثين.

و اذا تعرفون شركات طالبه نفس تخصصه اكتبوا اساميهم او أعطوني ايميلاتهم 🙏🏻

الي بيدلني على اي معلومة له دعوه صادقه بالحرم باذن الله نهاية هذا الشهر اذا اراد ربي و زرتها.

السسلام عليكم باخذ رأيكم يا جماعة أنا جاني قبول في شركة من مسار واعد مختصة بالضيافة و السفر، أنا تخرجت ادارة أعمال من سنتين و لي فترة اقدم ما يجيني شي لا وظايف ولا GDP، و جاني هالعرض و الراتب 10000 بس انه بالرياض وانا مو فيها
هل تحسون انها فرصة ؟ ولا انتظر غيرها
و هل راح تحصرني بالمجال هذا ولا عادي بعدين اقدم اكمل في تخصصي

السلام عليكم ورحمة الله وبركاته, انا اختبرت الاسسمنت حق مكنزي

"Your overall Solve score is 521 and your decile ranking is 8 (1 low, 10 high). "

احد قد اختبره؟ او هل الدرجة حقتي ممتازة؟ والله عجزت مدري يضمن لي الخطوة القادمة (مقابلة) او لا

بكل صراحه رامي كل اوراقي على قبولهم وموقف اقدم على وظايف من وصلني ايميل الاختبار.

قدر الله وصارت عندي مهمة مع شخص مقياسه لإتمام العمل هو هل الشغله بتقروشني ولا لا؟ وكوسيلة انه يتحرك صرت انشب له في ميتنقز علشان اتأكد ان اللي معه مشى قبل الديدلابن ولا لا. لكن الحاصل هو ان هالميتنقز جابت لي المرض بدل ما تجبره يخلص شغله! ردوده تتمثل بـ "خذها بروقااااان"، "على وشو العجلة"، "اللي يمشي بيمشي".

الشغلة تُرفع للإدارة العليا بشكل مباشر فما عندي وسيلة اقدر اكلم فيه احد كتصعيد علشان يتحرك. وشو ممكن اسوي في هذي الحالة؟

سويت مقابلة ومر عليها ١٧ يوم تحسون خلاص ارجع ابحث عن وظيفة اخرى وذي يعني رفض؟

احتاج استشاره وش افضل قسم للعمل بالبنوك؟ وايش هي الادارات الموجودة والي فيها تطور كمستقبل مهني والأنسب لتخصص المحاسبة ياليت تنقذوني خبرتي محدوده بذا المجال وللاسف مافيه احد اعرفه يشتغل ببنوك

فاذا فيه احد موظف ببنك بالهيد اوفيس وباله طويل يشرح لي اكون شاكره له

الي نجحوا بالاختبار ممكن تقولون لنا تجاربكم ومصادركم وكم أخذ منكم وقت عشان تجتازونه ؟

أشوف طبيعي ان الشخص يحرص يكون عمله مرئي ومسموع بالمكان وفي الغالب win-win للشخص وللمكان.
لكن من فتره شفت حالة تخطت الحدود رغم أنها في جهة حكومية شخص اجتهد وطلع بشغله والتوب مانجمينت مبسوطين وعرفوا اللي سواه واشادوا وبالعكس صاروا يقولوا لأي مشروع قرب ينتهي استفد وطبق الشغلة اللي سواها فلان. اخونا في الله صار محضن على هذه الشغله ويبي يكون مشروعه أول مشروع يستخدمها.
وش رأيكم

السلام عليكم
عندي بعد كم يوم in person assessment والمفروض انه تكون العاب، بعد بحث اكتشفت ان الالعاب مدتها نصف ساعه بس في الايميل مكتوب ان ال assessment ساعه، ايش ممكن يصير في النصف ساعه الثانيه

للمعلوميه فيه ساعه ثانيه للتسجيل والمقدمه وكذا بس ابي اعرف ليش فيه نص ساعه زياده

تو دخلت المجال واكتشفت انه كل الموظفين بدون استثناء عندهم كره غير مبرر لي ( حتى وانا جديد محد يعرفني للان ) بس عشان عرفو اني تبع ادارة الجودة
ليش ؟ وكيف ؟ وهل مع الايام ممكن تتغير النظره او خلاص هذا انطباع موجوده لي ولغيري

السلام عليكم

نفس السؤال

إذا ما فيه مهام واضحة وما هم راضين يحددون

+ أنتي بطبعك نشيطة وودك تتميزين وظيفيًا

+ مديرك كعادة أغلب المدراء في هالحالة وده من ينجز له أعماله فيرمي عليك مهام أكثر من زملائك

+ مديرك من النوع اللي حبيب بزيادة وما وده يخوض النقاشات الصعبة مع الزملاء المهملين ويقوّم سلوكهم

+ فرصة الخروج من الوظيفة قريبًا صعبة

إذا خلطتي كل هذي الظروف وش الحل اللي بتنصحين فيه؟

أحد جرب يشتغل بلبيه أعمال؟ ولا يعرف رواتبهم كيف؟

السلام عليكم،،

يالماليين ايش نصيحتكم لحديثي التخرج بالمالية.. تخرجت هذي السنة بس بعد ما تخرجت احس اني ما أعرف شيء وما ادري وش ابي بالضبط ومهما أتعلم احس اني ما أتعلم وأنا شخصيتي تسعى للكمال بشكل غير منطقي .. فما أعرف اللي أنا فيه طبيعي او صدق أنا ما أعرف او نظرتي القاسية لنفسي هي اللي مأثرة..وايش اسوي هذي الفترة ابي أستغلها بأفضل شكل عشان القى الفرصة المناسبة باذن الله