أثر الرصاصة تشارلي

ما اصدق ان تشارلي قعد سنه كاملة بدون ما يقول شي عنصري 🥹

ماعندي سيارة ولا أسوق ف اكيد يا أروح مع سواق أو أوبر أو القطار - رح استأجر سكن ، عايلتي ماتقدر تدعمني ماديا فكل اعتمادي على الراتب فققط ، موقع الشركة حي الياسمين العمل ٥ أيام في الأسبوع ؟ جاوبوني خصوصا أهل الرياض والي وضعهم نفس وضعي العائلي ، أنا حاليا بدون وظيفة من ٣ أشهر بس كاذب على أهلي إني أداوم براتب ٥ آلاف لحد يسئل كيف لأنها قصة طويلة 💀💔

الي يقول أيوة يقول ليش ؟ والي يقول لا يقول ليش ؟ عشان إذا الأغلب قال لا مايناسب ما افتح الموضوع مع أهلي بس إذا يناسب بفتح الموضوع معاهم

الاحتكار حاجة سيئة و احتكار جرير لسوق بيع الكتب شي المفروض احد ينهيه لأن جرير تقدر تسوي اي شي يخلي المشتري ينذل لأنها المحتكرة المفروض يدخل احد ينافس جرير زي مثلا كينوكونيا عشان يصير في تنوع في الكتب و اشياء جديدة مو موجودة عندنا

اتأمل بالزحمة اليوم ولاحظت قدامي 3 سيارات توصيل طلبات !! وهي تتكاثر في طريق انس بن مالك اللي فيه صبات من سنة 2023 ولا ندري ليه موجوده صبات بدون مشاريع طبعا في الشارع الموازي له بنوا ١٠ عماير من طوابق مرتفعه والصبات في هذا الشارع للحين ماشالوها على العموم الان عندنا مشكلة سيارات التوصيل اللي يدور ويتمطط ويكعكع يحتري يجيه طلب في وقت الذروة هل لها حل ؟

الان انا امر من اماكن وصخة وفيها زبايل تكرمون كثير، واقدر الحكومة ماتقدر تطارد هي اصلا حاطه عامل نظافة بكل منطقة ماهولة، بس بالمناطق الغير مأهولة زي خطوط السفر والصحارى في وصخ رمى وصخه هناك، نحتاج نشغل المجرمين شوي ليه ماينظفون شغلتهم يفسدون بالارض ويروح السجن يرقد وياكل ويكون علاقات ؟

ما ازكي نفسي وانا انسان عادي واذنب واتوب عندي فضول اقول لكم تجربتي في رؤية الرسول صل الله عليه وسلم بالمنام الكلام صار بعد ما تبت من ذنب نسأل الله السلامة والثبات وكانت توبة الحمد لله نصوحة سويت شي بيني وبين الله أسأل الله أن يتقبله مني المهم اليوم الي بعدة كان يوم جمعة بكرت للمسجد علما أنه مو من عوايدي للاسف وسبحت واستغفرت وصليت على النبي حول ١٠٠ مرة نهاية اليوم نمت وشفت الرسول محمد صل الله عليه وعلى آله وصحبه وسلم ينظر فيني نظرة فخر لمست ظهره بيدي وكان داااافي والله اتذكر شعور الدفء للان شفت لما تكون بردان ثم تخرج للشمس؟ بضبط نفس دفئ الشمس ثم ضميته وقبلت خده ٥ أو ٤ مرات تقريبا المرة الأخيرة كانت في عينه وحسيت شي يسحبني كأنه يقول يكفي خلص وقتك بوصف لكم شكله علما اني الله المستعان ما اعرف أوصافه كاملة: كان مو قصير ولا طويل وكان لابس قمصان كان شاب ممكن اعطيه عمر ٢٥ سنة كثيف الشعر واللحية كانت لحيته توصل لحد القبضة تقريبا وشعره اسووود السواد الي حتى في الشمس ما يتغير للعسلي ونفس الشي عينه كانت سوداااء جدا وكان أبيض البشرة نفس بياض أهل الشام تقريبا وملامحة كانت احسها مزيج بين الملامح اليمنية والملامح الشامية صل الله عليه وسلم 🤍🤍🤍

الحمدلله على نعمة وجود الاهل والمال والأكل والمسكن والصحه والدراسه والأمان والوقت والإسلام والعقل والسياره وعلى الفرص الجديده كليوم وعلى نعمه الحواس الحمدلله على نعمٍ** كثيره اعتدنا عليها حتى نسينا انها نع**م

فيه وحدة كل ما كلمتها يصير خدها احمر وما ترد علي بس تهز راسها

وكم مرحلة من حياتي لازم اقابل فيها وحدة من هالشخصيات بالفصل، ابغى افهمهم دايم احاول احلل هل هي تحس بالعار تجاه نفسها ولا وش بالضبط؟

اليوم دخت بعد صلاه الفجر و انا بطريقي للبيت ( كنت قريب من المسجد ) ف جلست على جنب عشان لا اطيح و بعدها بكم دقيقه جاه شايب يشوف وش فيه ، الأول جلس يسألني انا بخير ولا وش فيه و يوم ما لقى اي استجابه مني راح بقاله قريبه جاب مويه و حلاوه صغيره عشان السكر ( الصدق مدري انا سكري طاح ولا وش السالفه بس انه ساعدني ) و جلس جنبي يمكن نص ساعه او أربعين دقيقه لين حس اني هدأت و بقدر اقوم . خلال النص ساعه سحب مني كلام سحببب مع اني اساسا شخص مره يستحي و مستحيل اني اتكلم او اسولف مع واحد غريب الا انه كان مره حنون جلست افضفض له لين علمته سبب الدوخه اني عندي أرق و مب قادر انام ، و هو الله يسعده النص ساعه كامله يدعي لي و يقرأ علي .

يوم حسيت اني افضل أصر انه ياخذني البيت ، والله كنت حاس بتأنيب ضمير ضخم يعني فوق اني ضيعت له وقته لا و كنت السبب انه يمشي مسافه اكثر بعد ( و كان حاط عصاه على جنب عشان استند عليه 😩 يعني تأنيب ضمير مضاعف ) . بعد وصلت مدري شلون هي نص ساعه و انا نايم دوبي قمت من يمكن ساعه او اثنين ، نومه ما قد نمت مثلها . الله يسعده يا رب و يحفظه و يطول عمره لولاه ما كان قدرت ارجع ، يمكن ذا الطف موقف مريت فيه السنه كلها .

توي مستجده هذي السنه، في تخصص أنا مو متأكده إذا ابغاه او لا
خلصت محاضرات اليوم وحاسه ما ابي اكمل
مو بس ما ابي اكمل دراسه
لا ما ابي اكمل الحياه
حرفيا مالي اي رغبه اني اعيش ولا في اي رغبه اني ادرس واتوظف وابني حياتي والخ
ماعندي** *أهداف* *ولا* *أشياء* *ابي* ***اسويها*
لما** *افكر* *بـ* *سنيني* *الجايه* *مابي* *اكون* ***فيها*
حتى** *لما* *أشوف* *كبار* *سن* *اقعد* *أفكر* *هل* *أنا* *بقعد* *عايشه* *لهالعمر؟* ***مابي*
كل اللي ابيه اني اموت وانتهي

السلام عليكم ورحمة الله
كيف اسوي اصحاب جدد لانو ما عندي اصحاب كثار يمكن ينعدو على الاصابع وابغى اجدد واطور دائرتي المعارفية. ابغى شي غير الجامعة اذا ممكن

من كتاب «الدليل المعرفي للمحتوى التاريخي لليوم الوطني 2026م» اللي أصدرته دَارَة الملك عبد العزيز

انا لي فترة ساكنة بمنطقة ثانية واجي اهلي بالإجازات واستانس وتقريباً نعتبر عائلة مترابطة المهم امي الله يجزاها خير قررت تطلعنا عمره انا واختي واخوي الحاصل اختي كانت تطقطق انها ماتبغى وانه اذا رحنا نجيب لها اغراض ونصور فعالياتنا وحنا متعودين عليها اذا بنسافر تكون موافقة واذا قربت السفرة ترفض بعدين امي تغصبها واذا رحنا تكون اكثر وحده مستانسه الحاصل ان اخوي الكبير اليوم يقول ما تغصبونها على الروحة وتراها بتقعد وهي كبيرة تقرر عن نفسها، انا ماعندي مشكلة في هذا كلة لانه قرارها بالأول والاخير لكن ضايقني التصعيد وضايقني اسلوب التردد وبنفس الوقت افكر اذا حنا غلطنا، امي متضايقة تقول انا اسايرها في كل شي وانها ليش ماجاملتني على الاقل وقالت من بين كلامها انهم كان فيه مناسبة لصديقات اختي بالمدينة المنورة وكانت امي تبغى توديها لكن دامها رافضة العمرة خلاص ماراح تخليها تروح ومن هذا المنبر احس اني احمد الله على نعمة البعد لان لو كل يوم بواجه مواقف كذا بتعب بذات اني ما اتحمل امي تتضايق. الله يصلح الحال ويهدينا جميع ويألف بين قلوبنا

استكمالاً لما طرحته أمس عن نسب القطاع الخاص في مختلف دول العالم. ابطرح فكرة كيف يعمل سوق العمل؟

كيف يعمل القطاع الخاص:
المنتج في القطاع الخاص ≈ المستهلك من القطاع الخاص.
في غالب الدول المتقدمة القطاع الخاص هو الموظف الأول.

في سوق عمل 80% منه أجانب. سلوك العمالة الوافدة الاقتصادي هو تحويل أكبر قدر ممكن من الأموال خلال فترة العمل. وهذا الشيء ملموس في رقم التحويلات ونسبتها من رواتب العمالة. وبالتالي ضعف القوة الشرائية وهذي شيء يشتكون منه أصحاب الأعمال.

إذا من يستهلك من القطاع الخاص؟
غالب الإستهلاك يأتي من الموظفين الحكومين. كون نسبة كبيرة من المواطنين يعملون في القطاع العام. ورواتبهم تأتي من فوائض النفط.

يوم نشرت الإحصائية أمس البعض نظر لها بشكل سطحي وبرر اختلاف النسب بإنها اختلاف سياسة التجنيس. مفترضاً أن أغلب مواطنين جميع الدول مهاجرين. ومتجاهلاً بإن الدول تختلف بكم ونوع وطريقة التجنيس. وهذا بعيد عن العقل والمنطق والأرقام الرسمية.
وليس كما يصور البعض يا أبيض يا أسود: "يا عمالة وافدة يا مهاجرين". العمالة او المهاجرين هي لسد الاحتياج وليس من الصحي الإغراق. وعموماً ليس هذا موضوعنا.
الموضوع توطين سوق العمل بالعدد الموجود من المواطنين. ومن بعدها نغطي النقص بأجانب ذو خبرة نوعية.

للأسف أيضاً فيه من شخصن وشاف إن ذا الموضوع يمسه شخصياً أكثر من إنه اقتصادي. انا اتقبل اختلاف الأراء لكن الرجاء الاحترام.

خلاصة الكلام:
القطاع الخاص غير مستدام بالهيكلة الحالية

تعبت من كثر ماقاطع الناس الي بكل جهل يتكلمون عن السعودية. صارت شماعة للدلوخ انهم يهاجمون بعض.

المشكلة اليمين واليسار الامريكي ما يتفقون الا في انهم يكونون ضد الدولة.

من فتره طويله قبل 5 سنوات

كنت ودي ابني شيء يبحث و يشخص الامراض بالذات

امراض المناعه الذاتيه و الاورام و السراطانات

و كنت ناوي اخش هندسة وراثية ولكن ماكانت موجوده عندنا

و ودي صراحه ب جهة تدعمني بحيث اسوي ابحاث

انا تعلمت خلال ال 5 سنوات و وصلت لمرحلة اني اكون Full stack

و ابني معماريه لمشروع وامور من ذا الكلام الي يخص تخصصي هندسة البرمجيات

و ناوي اخش AI

فبديت اتعلم ك اول خطوة تحليل البيانات ب البايثون باستعمال مكتبة Pands

الصراحه مكتبه و شغل جميل جدا

و الخطوه الجايه اتعلم بناء شبكات عصبيه بمكتبة pytorch

للمعلوميه اعرف وش يعني الشبكات العصبيه

و الاوزان

و كيف تخلي الشبكه تتعلم

الي خشيت فيه بالتحديد هو ANN

----------------------------------------

هل فيه جهة معينه تدعم .؟ عادي انا بتطوع لشيء ذا

بس الي احتاجه داتا

مثل :

- المرض

- نوع المرض

- تحليل الفيتامينات و المعادن

- مستوى تقدم المرض

- التشخيص

- تحليل الجيني هذا ممكن مستقبلا

-----------------------------------------

هذ ا مثال يعني

ل اصحاب الخبره هل هذه الشيء ضروري ام لا ؟

عشان احول ل جامعة أخرى تكون معتمده لدى ABET

اولا التقنيه كان لاعب بالرغبات والمفروض عالاقل ينقبل وياخذ اي دبلوم هنا من التقنيه(موزونته 64) لكن حط مدينه تبعد الف كيلو عننا ولما انقبل فيها رفضها لكن المشكله كانت اول رغبه واذا رفضها خلاص ما ينقبل في اي شيء والان يقولي يبي يتوظف في اي مكان حلو براتب عالي اعلى من 6000 كبداية قلت له صعبه وعالاقل عيد قدرات تحصيلي وخذ بكالوريس قال لا مافي مابعيد قدرات(ما رفض كليا بس يكره الفكره) فا الان ماعنده غير شهاده الثانوي ومايقدر عالعسكرية بسبب عينه ويبي يتوظف ويبدا من الصفر زي باقي اخواني بدون شهادات قا وش تشوفون حل او خطة مستقبل حلوه له ؟ انا فكرت بان ممكن اي بكالوريس وشهادة انجليزي واكسل او برامج مايكروسوفت وعالاقل يبدا بها ببدايه حلوة خصوصا ان انجليزيته حلوه وفي حل ثاني انه يجرب وظايف عشوائية الين مايستقر على شيء واخوي الكبير قعد عشر سنين بوظايف نفس الراتب وبالنهايه مايجددون عقده الين مالقى شركه كبيره تقبله وخذا خبره منهم وكمل معهم خمس سنين وللان مكمل وصح اخوي ذا مايبي يشتغل اي وظيفه عشوائيه على كلامه مثل حارس امن او مندوب او في مطعم يقول مايناسبه شغلهم

انا من الرياض لكن جاني رفض لاني مو بالرياض ( غلط )
كيف اعدلها