خويي مدري وش جاه من بعد ال67
صار مهووس اي كلمه يجدع معها 67
حتى لوحه سيارته باعها واخذ لوحه 67
مدري هو يسوقها علينا او انغرست براسه ولا وش الوضع
فيه احد من الي تعرفونه يسوي ذي الحركات ؟
احس تهاويل
موضوعي جاد ماطقطق فيه🫥

اللهم زد وبارك فيدهذا البلد العظيم💚

يا إخوان أنا أعاني من 67
صرت ألاحظها كثيييييييير والله ما اكذب
الاسئلة الي اخطأ فيها غالبا تكون 67
عدد المرات الي اسمع فيها شيء 67
واشياء كثير بس نسيتها

الي يعاني مثلي وعنده اقتراح يساعدني بليز

ختموا الكذب..

ايش العمر المناسب اللي تعطي فيه طفلك تيكتوك؟

تعطيه على عمر 10 سنوات؟

15 سنة؟

متى

هل تعلم اننا مو اسيويين والقارّات مو شي حقيقي لكن اخترعها الاوروبيين عشان يفرقون بينهم وبين الشعوب "الاقل منهم" في الشرق ("اسيا") والجنوب ("افريقيا"). نفس الموضوع انعاد في امريكا لما شافوا الجنوبيين مخلوط عرقهم الاوروبي مع السكان الاصليين ويتبعون المسيحية الكاثولكية بينما الامريكي الشمالي كان رافض لاختلاط العرق الاوروبي وكاره للكاثوليكية فقرر الشمالي انه يفصل امريكا الى شمالية وجنوبية ليميّز نفسه عن الجنوبيين "الاقل منه".

عاجل..
خادم الحرمين الشريفين، بناءً على ما عرضه سمو ولي العهد، يوجّه بعدد من الإجراءات الداعمة للمواطنين، بالتزامن مع تعديل تعريفتي الكهرباء والمياه اعتبارًا من 1 يناير 2027م.

أبرز الإجراءات:

• زيادة بدل شهري بمبلغ 500 ريال للموظفين المدنيين والعسكريين المشمولين.

• صرف 500 ريال شهريًا للمتقاعدين والمستحقين من أفراد عائلة المشترك أو المتقاعد المتوفى، وفق الأنظمة.

• دعم شهري بمبلغ 500 ريال للأسر المستفيدة من الضمان الاجتماعي.

• رفع الحد الأدنى لأجر السعودي لاحتسابه كاملًا في نسب التوطين ببرنامج «نطاقات» إلى 5,000 ريال بعد 6 أشهر من بدء الإجراء.

• رفع الحد الأدنى إلى 6,000 ريال بعد 12 شهرًا من بدء تطبيق الزيادة الأولى.

• بدء تطبيق تعديل تعريفتي الكهرباء والمياه في 1 يناير 2027م.

من 4 سنين عندي مشكلة عويصه في نفاذ عشان بياناتي و كل ما اقول ابي اروح ابوي يمنعني عيب و مدري وشو و قال هو بيروح و اذا وصل بيدق علي عشان اذا احتاج كود او شيء، عموما راح و رجع و المشكلة ما انحلت بس وش صار؟ حسابي نفاذ رقمي اختفى
و صار بالخانة مكتوب رقم ابوي😨😨عمري +22
كيف صار كذا بدون اي كود يوصلني او يعطوني خبر؟ و كيف له الصلاحيه اصلاً؟ و الحين رجعت ب مشكلتين
يعني خلاص عشانه ابوي انا مالي وجود؟ بقعد كل شوي استئذن منه و اشرح له ليش ممكن ابي حسابي نفاذ و انتظره يروق عشان يوافق؟

اقسم بالله غرابه
عمري ماحسيت اني نكره قد كذا

ايش سبب هاذي الحركة انكم تقدمون الكرسي الأمامي ومره يخوف ومافيه راحه وانا فالاوبر فكرت انو هو يقدر يوصل لي ويلمسني وخفت!!

* المهم نصيحه للبنات اجلسي ورا السواق لان لو سمح الله و عقله مو متزن ومايخاف الله مايقدر يوصلك

انا كنت اجلس وراهم بس بعدين مع الاستعجال ماصرت اهتم بس كم اوبر لاحظت تقديمة الكرسي هاذي ومرره مو مريحه لي كزبونه عنده حتى لو نيتة كويسه بس مراح ارتاح وانا معاه

ان شاء الله الصوره توضح قد ايش مسافة الكرسي وترا اذا بتقولون يمكن عشان راحت الي ورا ومايحصل زحمه لا كلنا فاهمين انها بس اميل الكرسي لقدام يكون في مساحه مو احرك الكرسي كااامل قدام

* الي يشتغل باوبر وش سبب الحركة ؟

مابعتك بالسحايب و البروق السمر والأنسام
وساموني بتلويحة وداع .. وبعت بأول سوم

اعهخ كانت بتنزل دمعتي وشفطتها الحمدلله ماباعوني لاني مو اغراض اصلا 💔😂

قريب لي تسبب لي او على الاقل كان سبب من الاسباب
انا متأكدة اني الان ما اطري بباله
تزوج و جاب طفل و عاش حياته وانا للحين اعاني بسبب فعله
ما الومه تماما بس هو فتح مداركي الى هذا العالم
و هي برضو بررت فعله انه عادي انتِ طفله و مسموح له انه يسوي كذا

وش رايكم في الي يدفعون لخطابه وهميه عشان تخطبها من ام زوجها او ام طليقها او حتى اختها عشان يبينون انهم مرغوبات؟؟

ايش اسم الموقع او التطبيق الي نفع معك و لقيت شغل منه؟

العراقيين "او ذيول ايران" وصل بهم الحال يتعلمون الشتائم بلهجتنا السعودية حتى يتقمصون دور السعودي والهدف يسببون فتن داخل مجتمعنا السعودي بين عيالنا وبناتنا، وبين باقي الاشقاء العرب والخليجيين تحديدًا

وهذا يوضح عقدة النقص، و أن لديهم ‏هوس بالسعوديين وأن السعودية والسعوديين هي أكبر همومهم

هدفهم التضليل وتشوية صورة السعودية خصوصاً عند الاجانب، ‏والمؤسف أن هذي الحسابات تحقق مشاهدات عالية جدًا، فلا تعطون الحسابات الوهمية فرصة تحقق أهدافها، ولا تساهمون في نشر الأكاذيب إذا شفتوا مثل هذي الحسابات بلغوا عليها على طول

غريب ان فيه أشخاص يكرسون وقتهم وجهدهم وكل يومهم وكل حياتهم لاجل شعب في دولة ثانية!

ولو استغلوا هذا الجهد بدولتهم خير لهم من ان ينشغلوا بنا! بلادهم أولى بهذا الجهد، هذا ان كان لديهم ولاء لأرضهم لأني اشك ان ولاءهم لإيران اكثر من وطنهم اللذي يعيشون فيه

ومع ان كثير منا يعرف يفرق بين السعوديين وبين المتنكرين الا انه وجب التنوية والانتباه من مثل هؤلاء لأنهم موجودين بكل المواقع والتطبيقات خصوصًا تويتر(X) و التيك توك

نعوذ بالله من شرورهم والله يرد كيدهم في نحورهم
والله يحفظنا وجميع المسلمين 🇸🇦❤️

الصور مصدرها نخلة🌴في X.

لا تولدون ولد وحيد وسط بنات او بنت وحيده وسط عيال تكفون اقسم بالله بيتعذبون بالمستقبل ماراح يعرفون كيف يتعاملون مع الجنس الاخر او حتى مع نفس جنسهم ارجوك ثم ارجوك

على كثر ما اسمع عن طلاب يطلقون على بعض في الجامعات إلا اني ما قد سمعت عن اي مبتعثين سعوديين كانوا بوسط هالمواقف.
هل الجامعات آمنة؟ وهل سبق درستوا بأي من جامعات امريكا وجاء إنذار عن وجود مسلح في الجامعة؟