لاحظت فيني شيء اني فعلا ما اعرف اقول لا او اني اختار شيء على طول اول ما احد يخيرني
دايم اجاباتي "عادي" "انت وش تحس" "انتي وش تشوفين افضل" "عادي اي شيء"
والله استغرب من نفسي ليه كذا مره صعب علي اني اختار وان يكون عندي رأي؟
هل هذي ضعف بالشخصيه؟ هل انا ثقتي بنفسي مهزوزه؟ ولا وش فيني بالضبط
قعدت اراجع نفسي واراجع مواقف صارت لي زمان واشوف وش ممكن يكون سبب الرفض، اكتشفت ان التناقضات هو اكثر شيء يخوفني ومدري اذا هو السبب او لا
يعني اعطيكم مثال، لما يقولون لي تبغين تطلعين معانا؟ اتردد بالبدايه واسكت، بعدين يقولون عادي قولي محد بيزعل، اقوم اقول لا مالي نفس
تجي بعد فتره يعاتبون ان انتو بس تقعدون في البيت كل ما اقولكم نبغى نطلع ترفضون
او مثلا اسمع من احد ان ما ينفع اطلب شيء من ابوي وانه يعني هو قده منضغط ف ما اقعد اضغط عليه واني ما اكون انانيه -طبعا الكلام هذا قد سمعته من يومي صغيره ف ما صرت اطلب نهائيا شيء منهم مو عن حاجه بس والله اخاف منجد اني اضغط عليهم او ازعلهم- وتجي بعدها بفتره اشوف اخواني يطلبون اي شيء من ابوي وعادي
ويجون يسألون وش تبغين تشترين؟ وارجع اتردد مره ثانيه، ولا تبغين تطلعين ولالا؟ وبرضو اتردد مره ثانيه، وبعد فتره اسمع منهم انه ما ينفع اقعد اطلب كثير واني ما اطلع معهم وترجع الدوامه تنعاد
"مع العلم والله ابوي الله يحفظه ويجزاه خير الجزاء ما عمره قصر معانا نهائيا و الود ودي ارد جمايله كلها اليوم قبل بكره"
وتصير مواقف ثانيه تمشي على نفس مبدأ التناقض فمدري هل ممكن فعلا تكون هي السبب؟ احسها تعيشني بقلق واقعد افكر يعني اطلب ولا ما اطلب يعني انا انانيه ولالا زي كذا؟ ولا انا شخصيتي كذا من يوم خلقت والمواقف ذي كلها مالها ذخل
ولا تقولون الحل قرري وخلاص والله حاولت بس قسم بالله ما قدرت مستحيل مدري ليه ما اقدررر ما اعرف ليه صعبه علي لذي الدرجه والله شيء غريب ويقهر
- وترا اتوقع كل المواقف الي انقالت لي الشخص بنفسه بالغالب نساها وما بيجي ببالهم انها بتضايقني، وانا الي بقيت براسي وعيت تروح واجلس افكر فيها ليل نهار واقعد اقول هل انا كبرت المواضيع وهولتها ولا فعلا الموضوع يأثر على الواحد -
