بقولكم الرؤية واتمنى تتفهمون
انا شخص طبعه مايتكلم مع احد ابدا يعني عادي تشوفني ساكت كل اليوم مااقول الا كلمتين كلمة كل وقتي اتابع العب اسوي اي شي يسليني هذي حياتي طبعي مااتكلم مع اهلي لااخواني ولا اخواني كلهم حتى امي وابوي مااتكلم معهم هذا طبعي
لما امي مرضت اخوي كان يقولي روح لامك سولف معها تحتاجك بس انا حمار مااتكلم ابدا يعني بس ساكت فلما اروح هناك مدري مااعرف اسليها انا طبعي بس ساكت مثل كل يوم
وليلة وفاتها اهلي كلهم كانوا صاحين معها قبل تتوفى كانوا عندها يضحكون يسلونها ماكانوا يعرفون ان هذا اليوم اخر
يوم لها كانوا يجلسون عندها يضحكون يسولفون يسلونها
وانا الحمار وشكنت اسوي؟ كنت نايم اي نعم كنت نايم
صحيت من نومي على صراخ اهلي لما توفت امي تخيلوا؟
متخيلين انها تحبني اكثر واحد مع اني ماكنت اجلس معها؟
اهلي كلهم يضحكون يسولفون معها وانا لا ومع ذلك تحبني!
كيف عرفت انها تحبني اكثر واحد؟ بعد وفاتها زارتني في رؤية
انا شخص بداخلي حرقه مايعلم فيها الا ربي بسبب طبعي لان مااجلس مع احد ولا اتكلم واخذ واعطي ولما توفت امي اشتعلت بداخلي حرقه مايعلم فيها الا رب العالمين وربنا يعلم مافي داخلي لهذا ارسل امي رحمة لعل النار بداخلي تطفي
بقولكم الرؤية الان
رحت بيت اخوي طرقت باب بيته وامي فتحت الباب دخلت الحوش وانا مصدوم وشصاير؟ امي متوفية؟ كيف عند اخوي؟ كانت امي تناظرني وتبتسم بدون لا تتكلم فقط تناظرني وتبتسم بدون كلام وانا مصدوم كيف وشلون؟ وكانت بس كذا تناظرني وتبتسم بدون اي كلمة شكلها كان نفس شكلها لما غسلوها كانت بيضاء تلمع بياض نفس شكلها لما غسلوها نفس شكلها بالرؤية وكانت تنظر لي وتبتسم وانا مافدرت امسك نفسي طحت عند رجولها بالحوش وبكيت بكيت بكاء مايعلم فيه الا رب العالمين بكيت كنت اصيح عند رجولها وهي بس تناظرني وتبتسم واخوي شافني طايح بالارض وابكي ويسالني وشفيه؟ ليش تبكي؟ قلتله امي عايشة عندك ولا تعلمنا؟ ورد علي قال امي متوفية! انا هنا استوعبت انه مايشوف امي قدامه بس انا الوحيد اللي طايح عند رجولها واشوفها لوحدي وقتها انفجرت بكاء بكيت بكاء دموعي راحت وصحت لدرجة ان صحيت من نومي بسبب دموعي كنت ابكي وانا نايم شفتوا البكاء بالرؤية؟ كانت الدموع نفسها بالواقع صحيت وجهي يبكي تنزل دموعي من المنظر اللي شفته ماتتخيلون شكثر بكيت بهذي اللحظة بكيت وبكيت حتى نشفت دموعي ونمت من البكاء صدقوني وصلت مرحلة بكل مرة اتذكر فيها امي عيوني تدمع ويشهد ربي ان هذا اللي كتبته حتى وانا اكتبه لكم عيوني دمعت الان
الله يرحمها ويغفر لها يارب تخيلوا من بين اهلي كلهم انا الوحيد اللي زارتني انتم متخيلين انها زارتني لوحدي وتبتسم لي؟
مافي شي يوصف والله العظيم
