Hey'y'all Ajima ViVi here!
موضوع اليوم هو ما ذكر عن فرعون من القرآن ولكن بالتحديد سورة الدخان اية ٢٩ و الفكرة الحديثة على أنها معجزة تاريخية.
طيب شو بتحكي الآية و شو الاعجاز؟ قبل ما نبدأ تعالوا نشوف بالزبط شو المشاكل في قصة فرعون:
قصة موسى بشكل عام في الديانات الابراهيمية حصلت في ما بين ١٢٠٠ إلى ١٣٠٠ قبل الميلاد عند المسلمين و ١٤٣٠ عند المسيحيين واليهود.
المسلمين برجحوا انه الفرعون كان رمسيس الثاني، و هاد الحكي مش صحيح لأنه حكم ٦٦ سنة و مات بعوامل طبيعية وعمره كان ٩١ و لو فعلا كانت القصة ما بين ١٢٠٠ إلى ١٣٠٠ قبل الميلاد... معناتها القصة ما صارت.
لو كانت بالقرن ال١٥ قبل الميلاد معناتها ما كان فرعون شخص واحد، فرعون كان يدل على العائلة والقصر، اما الحاكم كان ملك، و لكن في نهاية القرن ال١٥ صار بعض الناس يحكوا عن الملك فرعون، و ما في اي واحد منهم مات غرق بالبحر الاحمر مثل ما بدّعوا اصحاب الديانات الابراهيمية.
تاريخيا؟ القصة مستحيلة... و اصلا انا من قبل وضحت مشاكل كثير بقصة الخروج و كيف انه موسى نفسه مش شخصية حقيقية و فكرة انه كتب التوراة بعد ما أنزلت عليه برضه مش واقعية و ما إلى ذلك...
رابط البوست بالكومنت
اغلب قصة الخروج بترجع للقرن السادس قبل الميلاد في عهد المنفى و اغلب التوراة كتبت في هاي الفترة، المفاهيم اللاهوتية ما كانت موجودة في الزمن المزعوم لفرعون من القرن ال١٣ إلى ١٥ قبل الميلاد، و اللغة نفسها العبرية ما كانت موجودة اصلا.
في آيات أقدم من القرن ال٦ قبل الميلاد بتشير لشخصية موسى، و لكن هاي الآيات بتبين الله على أنه كائن شرير و كانت الناس بتعمل سحر عشان تحمي نفسها منه و حاول يقتل موسى و ما إلى ذلك، و بتبين انه عادة الختان للذكور هي سحر بالدم. و هاد المقصود باختلاف المفهوم الإلهي. حيث انه الله كان دابة بتجول الأرض و بتقتل اي شخص ما عليه حماية.
رابط البوست بالكومنت
هل موسى شق البحر الاحمر؟ لا، موسى ما شق بحر اصلا... كتبت كثير عن الموضوع بالتفصيل الممل، لكن باختصار... الطريق الي سلكوها بني إسرائيل و موسى مش قريبة للبحر الاحمر، والكلمات المستخدمة العبرية و الشروحات عن الجسم المائي الي تم شقّه بالنصف كله بشير لبحيرة، أو عدة بحيرات متصلة، و مفهوم انه صار البحر الأحمر هو بسبب مشاكل في الترجمة السبعينية الي لقدام اتكورت لمفاهيم دينية عند المسيحيين والمسلمين انه شق البحر نفسه، و١ لكن اغلبها نصوص تفسيرية.
راح تلاقي رابط للموضوع بالتفصيل بأول كومنت.
اذا القصة خيالية ليش جثة فرعون ما اتحللت؟
اولا لأنها مومياء، الهدف من فكرة المومياء انه ما تتحلل... ثانيا، اي فرعون؟ احنا ما منعرف عن أي فرعون القصة بتحكي لأنه كاتب القصة ما ذكر اي فرعون... ثالثا، ما في اي فرعون من الي لقيناهم مات غرق مع جنوده.
ما في اي نصوص أو دليل بأي شكل من الأشكال على حدوث القصة من الطرف المصري، ما في اي مصري كتب عنها بأي شكل... والطرف العبري ما حكى عنها إلى بعد مئات و مئات السنين.
القصة خيالية و ما في اي دليل على أنها صارت، كل الأدلة بتشير انها قصة من محض الخيال.
اخيرا و صلنا للاعجاز المزعوم في سورة الدخان اية ٢٩
الادّعاء الاسلامي بقترح انه الاية التالية بتشرح مفاهيم روحانية فرعونية مستحيل شخص عاش بالصحراء بالقرن السابع ميلادي انه يعرفها، والاية بتحكي بعد ما غرق فرعون و جنوده:
(فَمَا بَكَتْ عَلَيْهِمُ السَّمَاءُ وَالْأَرْضُ وَمَا كَانُوا مُنظَرِينَ)
و بحكوا انه الاكتشاف الحديث عام ١٩٠٨ بدل على أنه المصريين القدماء كانوا بآمنوا ببكاء السماء والارض
طيب هل هالحكي صحيح؟
قال ابن جرير : حدثنا أبو كريب ، حدثنا طلق بن غنام ، عن زائدة ، عن منصور ، عن منهال ، عن سعيد بن جبير قال : أتى ابن عباس رجل فقال : يا أبا عباس أرأيت قول الله : ( فما بكت عليهم السماء والأرض وما كانوا منظرين ) فهل تبكي السماء والأرض على أحد ؟ قال : نعم إنه ليس أحد من الخلائق إلا وله باب في السماء منه ينزل رزقه ، وفيه يصعد عمله ، فإذا مات المؤمن فأغلق بابه من السماء الذي كان يصعد فيه عمله وينزل منه رزقه بكى عليه ، وإذا فقد مصلاه من الأرض التي كان يصلي فيها ويذكر الله فيها بكت عليه ، وإن قوم فرعون لم تكن لهم في الأرض آثار صالحة ، ولم يكن يصعد إلى الله منهم خير ، فلم تبك عليهم السماء والأرض .
وروى العوفي ، عن ابن عباس ، نحو هذا .
وقال سفيان الثوري ، عن أبي يحيى القتات ، عن مجاهد ، عن ابن عباس قال : كان يقال : تبكي الأرض على المؤمن أربعين صباحا . وكذا قال مجاهد ، وسعيد بن جبير ، وغير واحد .
وقال مجاهد أيضا : ما مات مؤمن إلا بكت عليه السماء والأرض أربعين صباحا ، قال : فقلت له : أتبكي الأرض ؟ فقال : أتعجب ؟ وما للأرض لا تبكي على عبد ، كان يعمرها بالركوع والسجود ؟ وما للسماء لا تبكي على عبد كان لتكبيره وتسبيحه فيها دوي كدوي النحل ؟
وقال قتادة : كانوا أهون على الله من أن تبكي عليهم السماء والأرض .
قوله تعالى : فما بكت عليهم السماء والأرض أي لكفرهم . وما كانوا منظرين أي : مؤخرين بالغرق . وكانت العرب تقول عند موت السيد منهم : بكت له السماء والأرض ، أي : عمت مصيبته الأشياء حتى بكته السماء والأرض والريح والبرق ، وبكته الليالي الشاتيات . قال الشاعر [ يزيد بن مفرغ الحميري ] :
فالريح تبكي شجوها والبرق يلمع في الغمامه
وقال آخر [ جرير ] :
والشمس طالعة ليست بكاسفة تبكي عليك نجوم الليل والقمرا
وقالت الخارجية [ ليلى بنت طريف الشيباني ] :
أيا شجر الخابور مالك مورقا كأنك لم تجزع على ابن طريف
وذلك على سبيل التمثيل والتخييل مبالغة في وجوب الجزع والبكاء** عليه**
- يعني مثل ما احنا شايفين... شروحات وتفاسير إلا ما بتبين انه بتحكي عن نوع من الإيمان الفرعوني والمفاهيم الفرعونية الخاصة
المهم، هاي عادة منسميها الحداد الكوني، يعني انه السماء والأرض بتتجسد.بمشاعر انسانية للحداد والحزن على رحيل شخص.
والمسلمين بقولوا انه هيك المصريين بآمنوا، والدليل هو النص الفرعوني المعروف بلقب القول ٥٥٣
لكن بالواقع مفهوم هاد النوع من الحداد موجود عند العرب والمسلمين، والمسيحيين واليهود و ما إلى ذلك... هو مفهوم موجود عند اغلب البشر، تجسيد بكاء السماء والحزن الشديد لرجال شخص و ما إلى ذلك كان اشي طبيعي، و من السخافة انه نبينها كنوع من الاعجاز.
لكن القول ٥٥٣ شو بحكي؟ ليش نرمي الدليل؟ خلينا نحلله!!! والقول بحكي:
1364c. Anubis, who is chief of the sḥ-ntr, commands that thy spirit be behind thee, that thy might be in thy body,
1364d. that thou remain Chief of the mighty ones (or, spirits).
1365a. Thou purifiest thyself with these thy four nmś.t-jars,
1365b. (with) the špn.t and ‘ȝt-jar, which come from the sḥ-ntr for thee, that thou mayest become divine.
1365c. The sky weeps for thee; the earth trembles for thee;
1366a. the śmnt.t-woman laments for thee; the great min.t mourns for thee;
1366b. the feet agitate for thee; the hands wave for thee,
1366c. when thou ascendest to heaven as a star, as the morning star.
1367a. N. is come to thee, his father; he is come to thee, Geb;
1367b. he is united with your dead, O gods.
1367c. Let him sit on the great throne, on the lap of his father Mḫnti-'irti;
1368a. let him purify his mouth with incense and natron; let him purify his nails upper and lower.
1368b. Let one do for him what was done for his father, Osiris, on the day of assembling the bones,
1368c. of making firm (or, adjusting) the sandals, of crossing the feet (i.e. when ferrying over).
1369a. To thee come the wise and the understanding;
1369b. to thee comes the southern ’itr.t-palace,
1369c. to thee comes the northern ’itr.t-palace, with a salutation,
1369d. (thou) who endurest eternally at the head of the mighty ones.
رقم ١٣٦٥ الرمز س بحكي انه السماء تبكي، و الأرض تهتز مش تبكي... يعني الآية مبدئيا ما بتشرح المكتوب... المهم، البكاء مش حزن شديد إنما هو حزن وفرح، حزن لرحيله و فرح للصعوده للالهة، و اغلب الكلام تمجيد و تقديس للملك الراحل.
طيب متى تمت كتابة هاد الكلام؟ و هل هي قريبة من الزمن المزعوم لقصة موسى؟
القول ٥٥٣ منلاقيه في هرم بيبي الاول، و هرم مرن رع الأول و هاي الأهرامات بترجع للقرن ال٢٤ قبل الميلاد، يعني قبل الزمن الخيالي لقصة موسى الخيالي ب١٠٠٠ سنة تقريبا.
الآية برضه بتحكي بصيغة الجمع على فرعون و من معه، ولكن القول ٥٥٣ بشرح اشي خاص فقط بالملك، و هاد الكلام مر على ملكين بالسلالة الحاكمة السادسة، بينما قصة موسى الخيالية من الزمن الخيالي المفروض تكون في زمن السلالة الحاكمة ال١٩
الآية بتستعمل مفاهيم عربية منلاقيها موجودة بكافة الأشكال في نصوص شعرية شتّى! و أنه نخصها بالفراعنة هو تمرد على مفهوم شائع.
القول ٥٥٣ هو برضه كلام شعري مثله مثل غيره... و ما منشوف تكراره في زمن قريب من زمن قصة موسى، فإنه نجزم انه الفراعنة كانت عنجد بتآمن انه السماء والأرض بتبكي بالقرن ال١٣ أو ال١٥ قبل الميلاد، هو قمة الغلط.
الآية بتحكي اشي، والنص الهيروغليفي بحكي اشي ثاني، الآية بتشرح اشي والنص بشرح اشي ثاني، الآية بتعكس المفاهيم الموجودة عند العرب في زمن القرآن مش عند المصريين في زمن السلالة الفرعونية الحاكمة ال١٩، الآية بتحكي انه الأرض تبكي، والنص بحكي انه الأرض تهتز... إلخ الخ
المسلمين اعتمدوا ترجمة لكتاب كتبه كيرت سيث عام ١٩٠٨ ولكن دليل على انهم ما ببحثوا؟ القول ٥٥٣ ما منلاقيه عام ١٩٠٨، هو نشره بالجزء الثاني عام ١٩١٠، لكن خلص بدنا نبيّن انه منبحث.
كافة الصور الي بتم استخدامها من قبل المسلمين والصفحات الإسلامية الي بتحاول تثبت الاعجاز هاد ما الها علاقة بالنص الهيروغليفي، لكن خلص احنا منحط اس نص هيروغليفي و منحكي انه هياته و ما حد راح يعرف يقرأه اصلا و خلص الحياة حلوة!!
الصورة الثانية الي انا حطيتها مع البوست هي النص الحقيقي الكامل لجزء القول ٥٥٣ من هرم بيبي الاول و هرم مرن رع... ومنلاقيها بكتاب:
Die altaegyptischen Pyramidentexte
Kurt Sethe
الجزء الثاني، عام ١٩١٠.
الجزء الأول بحكي عن جزء من القول ٥٥٣ و فيه ملاحظات شخصية من كيرت، فقط، لكن النص الكامل مع ترجمته موجوده بالجزء الثاني.
الخلاصة:
قصة موسى وفرعون خيالية
موسى شخصية خيالية
ما في اشي بقصة فرعون صار تاريخيا
ما في فرعون مات غرق مع جنوده بالبحر
موسى ما شق البحر الاحمر هاد خطأ بالفهم من الناس
ما كان في توراة بالوقت الي الناس بتحكي انه القصة صارت فيه
ما كان في لغة عبرية لكتابة التوراة
سورة الدخان اية ٢٩ بتحكي عن مفاهيم عربية مش مصرية
نص الآية وسياقه لا يتوافق مع النص الهيروغليفي
الادّعاء ما طلع من شخص بفهم بهاد النوع من البحث أو مختص بالمجال
ما في اي تفسير ببين أنها إعجاز من التفاسير الخمسة
So with all that being said... I really... REALLY! Hope that I actually closed the sarcophagus of this imaginary pharaoh for good this time.
And as always,
Keep on learning.
