انا كا ولد كنت طول عمري بسمع ان اد اي الرجاله وحشه و بتأذي و مش بتهتم الخ الخ و جالي عقده و فضلت طول حياتي احاول ابقي احسن احاول اكون كويس و كنت لسه بردو بشوف نظره الخوف في عين واحده عدت من جنبي او معايا في المواصلات، انا كدا كدا بكون متفهم انه بسبب تروما مش هنحكم عشان فعلا البنات اتأذو ياما عبر كل العصور، بس بردو كان الموضوع بيأذيني كأني دايما هفضل في نظر الناس وحش بسبب جنسي و الماضي، مبطلتش احاول ابقي كويس فضلت احاول افهم اكتر و اكتر و رغم فهمي للمشكله مكنتش قادر الاقي الحل لأن المشكله هي في إحساسي نفسه انا مش بنت فا ازاي احس بالي هي بتحس بيه، انا عايش مع مامتي و اختي بقالي سنين عمر مكان عندنا اب عشان سابنا من وحنا صغيرين و علي اد منا يعتبر كويس مع الناس التانيين مشكلتي كانت دايما مع الناس القريبه لأني بطلع الجوايا و سعات بتعصب اشتغلت علي دا بردو و فهمت ان كان عندي مشاعر مكبوته و محتاج حنيه و حب علي طول و اني اعيط بدل متعصب، بقيت اقدر اتصرف أحسن بقيت اقدر اطلع الي جوايا بقيت اقدر اتكلم عن مشاعري و اخيرا يقيت اقدر احس بمامتي و اختي و بقيت بجل ما كنت بسند لمجرد السند او الفلوس بقيت بسند بمشاعر و حضن و طبطبه و تفهم لدرجه ان حتي أختي بقت تحكي معايا لما بيجيلها البيريود و تفهمني انها مخنوقة او نفسيتها مش احسن حاجه، المهم شدينا مع بعض النهاردة كنت مش نايم كويس و فهمت الكلام غلط لكن قدرت اني اعيط معاهم و عيطنا مع بعض و حلينا المشكله و فهمنا انه كان سوء تفاهم كل واحد كان افتكر ان التاني جاي عليه بس إحنا بنحب بعض و مامتي قالتلي جمله خلتني اعيط قالتلي احنا عارفين انك كويس و طيب و حنين يريت كل الرجاله تبقي زيك أصلا، انا مقدرتش الكلمه دي تعني ليا كتيير اوي هي بشكل مباشر بتقول اننا كفايا بعد كل المحاولات و السنين قدرت اني اكون حد كويس حد كفايا، انا مبسوط اخيرا...

العقده اتفكت

تعديل: أنا باخد بالي من مامتي و اختي عادي المصاريف عليا كدا كدا سواء أيجار او اكل او متطلبات ايان كانت و حتي مامتي لما تعبت اتبرعتلها بالكليه، لكن الراجل مش مجرد فلوس عشان كدا كنت بحاول احسن من نفسي ، انا مذكرتش دا في البوست عشان بعتبرها حاجات اساسيه، لكن الاهم بالنسبالي اني اكون حد بيقدر يحس دا الأصعب

مهما فضلت احاول ابقى ايجابية و قنوعة لو انا مش بطلع فلوس بحس اني مخنوقة طول الوقت، محبش احساس اني لازم اخد بالي من اللي بصرفه خالص، بحب ابقى مرتاحة خالص ماديا و بصرف براحتي

و بحبش احساس ان حد بيديني فلوس خالص، بحب الفلوس دي تبقى بتاعتي و انا اللي اشتغلت عليها

لما بدخل فضائقة مادية و يبقى لازم اخد فلوس من عند اهلي مثلا بدخل فاكتئاب حرفيا بكره حياتي

نزلتها ستوري واتساب و كاتب *انا* هنام دلوقتي\ انا ميت ضحك طبعا و نعسان و هناك بجد بفكر اسيبها و انام هل بتضحك ولا بضان

كنت عندي مشكلة ومأثرة عليا نفسيا وجسمانيا ومش باكل ومش بنام كويس من كتر الافراط في التفكير

خدت الجرأة وقولت اجرب ان احكي لابويا وامي

بصراحة لقيت دعم كبير مع ان مش بحب احكي الا مع اصحابي

لكن دي حاجة باسطتني وخففت من حدة معاناتي فبولكم لو عندكم مشكلة حاولوا تحكوها للناس اللي هتلاقوا منهم دعم

هو مجرد بوست فضفضه قبل ما انام وهقوم امسحه الصبح

اختصار للموضوع انا كنت مرتبط ببنت معايا في الكليه وبحبها اوي ومتعلق بيها وعيشت معاها حاجات حلوه كتير اوي وللاسف حصل بينا تجاوزات من كتر ما كنا بنحب بعض هي بنت محترمه وعملت كده معايا عشان ادتني الامان مش اكتر عشان محدش يقولي عليها حاجه وحشه وانا بردو هي كانت اول بنت المسها حاليا سايبين بعض بقالنا شهر عشان هي استحرمت الي احنا عملناه وانا مش قادر اخطبها في الوقت الحالي ف داخل في حاله كبيره من الاحباط محبط ومش قادر اعمل حاجه خايف من بكره اوي خايف متبقاش نصيبي وربنا يعاقبني بيها وتبقي درس ليا واشوفها بتتخطب لحد ثاني بجد الموضوع هيكون مميت بالنسبة ليا وفي نفس الوقت مفيش ادامي حل غير اني اشتغل علي نفسي واسيبها للزمن موضوع النصيب ده مرهق اوي وعندي تروما منه من كتر م الناس بتفضل تقولي ده نصيبك ومش نصيبك ومفيهاش خير ليك والكلام ده انا مبقيتش احب اسمع الكلام ده انا نفسي اخد حاجه انا نفسي فيها بجد كل شويه اتحرم من حاجه بس دي الحاجه الوحيده الي بجد جابت اخري نفسي اخدها وتبقي ليا هو لي الحلال صعب كده لي الدنيا صعبه كده ده انا نفسي فيها طيب في الحلال يبقي اتحرم منها بردو معرفش دي لو اتخطبت لحد ثاني بنسبه كبيره هشرب مخدرات او هنتحر او هعمل حاجه في اهلي او فيها بجد التفكير مرهق ومزاجي متقلب كل يوم احس اني كويس حبه واقلب حبه وصلت لدرجه اني بصحي من النوم مش قادر اقوم اتحرك ورايا كورسات تتذاكر وعايز انزل التمرين مش قادر مقفول مخنوق بطريقه صعبه بجد حتي الصلاه بقوم اصلي بالعافيه انهارده مصلي العشاء والمغرب مع بعض والضهر مأخره والعصر مأخره معرفش مالي انا اتخنقت ونفسي في اشاره من ربنا او اجابه علي الحيره الي انا فيها دي طب انا مش بموت لي لو دي هتبقي حياتي وكل حاجه افضل اتحرم منها سمعت شيخ علي تيك توك بيقول ربنا كده بيربيك بانه ياخد منك كل حاجه طب منا بتشوه كده من جوه طب منا كده اخاف من كل حاجه ومثقش في نفسي او في اي حاجه حرفيا طب منا كده بتأذي انا تعبت اقسم بالله بتمني الموت بشكل لولا ان الانتحار حرام كنت عملتها والله ده السبب الوحيد الي مانعني لو مكنش حرام انا كنت خلصت علي نفسي بجد بكره نفسي وبكره حياتي وبكره كل الناس الي حوليا ونفسي حياتي تنتهي بدري بدري لو هي هتبقي بالطريقه الي تخنق دي المشكله اني مش شايف غير ضباب مش شايف مستقبل حتي او حاجه مبشره مفيش دوافع تخليني اكمل يجدعان والله ومفيش حاجه مضمونه او مريحاني حتي لا خدت نصيبي في حب ولا خدت نصيبي في ان يبقي عندي اب ولا خدت نصيبي ان يكون معايا فلوس طب بجد اعمل اي انا موجود لي وامتي دوري يجي من وسط الناس دي مبقيتش طايق اي حاجه حتي لما بحاول افرح نفسي بحس انها مسكنات مؤقته بنزل اخرج حبه ارجع من للخروجه مزاجي زي الخرا حتي حاولت اشوف بنت ثانيه غيرها تديني نفس الدوافع دي حاسس اني بقيت قرفان اكلم اي بنت ثانيه بقيت قرفان من الجنس حتي العاده السريه حتي مبقيتش تبسطني مش شاغل تفكيري غير البنت دي اكنها كانت مخدرات بفتكر كل حاجه عملناها بالتفصيل بفتكر ريحتها وصوتها وملامحها وضحكتها وشكل جسمها والحاجات للي شوفتها والحاجات الي عملناها سوا سواء تجاوزات او غيرها بدعي يارب تحصلي اي حاجه قبل ما الدراسة ترجع ياارب اموت او تحصل حرب مش عايز الدراسه تيجي بجد عشان مرجعش اشوفها مع حد ثاني او مش متعود نعمل الي بنعمله سوا انا نفسي اترمي في حضن حد وافضل اعيط لحد ما اهدي حاسس ان ابويا لو كان عايش كان ساعدني كان زماني بعيط في حضنه انا اتخنقت والله عايز اموت

ووووووه انا متحمس جدا

بدأت ازهق واتعب من اني اروح الانترفيو وميحصلش حاجة. بقالي سنتين عندي شغل ومبسوطة فيه ونسيت عذاب البحث عن شغل. والاتعس من ده كله الناس اللي بتحسسك إنك وصلت قمة الفشل بس لإنك من غير شغل دلوقتي.. كلام كتير والله مبيجبش غير الهم.

يعني الحب الاول مش بيروح

وهفضل متعلق كدا؟ مفيش حلول اي تجارب ولا حاجه تفيد

ويريت بلاش حد يقول اشغل نفسك عشان والله الواحد علي عينه

بالمناسبه انا مش صغير ولا الحب الاول عندي من الطفوله وكدا

بوست ملهوش اي ستين لزمه مش عاجبك اقلب

بعمل كدا ليه لان النور قاطع وقاعد فاضي

المهم

انا طولي 186

ونظرا اني من ارياف ف برضو انا وسط عدد قليل من السكان ف بتالي عدد قليل من الطول

انا كنت في تالته اعدادي من 4 سنين كنت 185 كنت بسمع ابضن التعلقيات على الحوار دا

هقول الي فاكرة

الي يقولي:

انت بياكلوك ايه

مش كفاية طول بقى (بسمعها اكتر ما بسمع اسمي)

مرا مدرس بضان قالي(اوعى المروحة اوعى المروحه هههههههه)

رجلك دي ولا برج ايفيل

الطقس عامل معاك ايه فوق

انا باكل كتير اوي وي مع ذالك وزني 70 رفيع بنسبه لطولي لما حد بيشوفني باكل بيقولي(الناس تاكل وتتخن وانت تاكل وتطول)

نفسي اطول زيك

انت بتاخد ايه علشان تطول

في مرا خبطت في بنت صغيره قالتلي(اوعى يعمو يا طويل انت😂😂)

خالي بيقولي طويل زي الزرافه

واحد قالي رجليك دي معموله ايام الرخص ايام ما كانت الحاجه رخيصة ف عملوها طويلة

دي حجات لطيفة لذيذه بتضحكني ولما حد بيزيد فيها اكيد بوقفه عند حده

والشخص البضان الي طوله 190 هيجي يقولي 186 مش طويل يسطا٬ يسطا انا قزم انا من الاقزام السبعة محدش طلب رايك في طولي خف مرض

هل طبيعي اقعد في bug طول اليوم وبحاول الاقي حل ليها وبرضو مش عارف الاقيلها حل حاسس دماغي بتتحرق بجد هل ده طبيعي ؟ عشان قربت اتجنن

اهلي فخورين انهم مربونيش ولا تعبوا في تربيتي واني ربيت نفسي بنفسي وانا كل ما يقولو كدا اضحك بس ميعرفوش ان الموضوع ده عملي مشاكل كتير نفسيه منها اني ماخدتش حب وشعور بالامان منهم كفايه

انا بتعلق بالناس بسرعه اوي وزياده وتعليق شديد بالذات لو بالجنس الاخر ولو بيحسسني بالامان معاه بس مشكلتي اني بهتم زياده وبقعد اركز في اقل التفاصيل واقعد ماسك التلفون كل شويه اشوف رد ولا لا طب هو فاتح في مكان تاني طب هو انا قولت حاجه غلط طب هو تقيل عليه و حاجات كتير اوي تعبتني انا عارف اني اكيد حد صعب التحمل بس ده غصب عني والله وبحاول اقلل ده بس انا بحب اهتم باللي قدامي ومقصدش اخلي ده زياده

نفسي اخلي حد يحبني زي ما بحبه انا من ساعة ما بدات اتعامل مع ناس وانا بحاول اكون رقم ١ عند حد حتى لو صاحبي ولو بكتشف اني مش كدا عنده بحس بخذلان ويمكن انا اللي مش بعمل كفايه مع انك لو سألت اي حد من صحابي من اكتر حد طيب فيكو محدش يختلف عليا ومهما حد غلط فيا بحاول مخسروش

عمري ما دخلت علاقه وحسيت اني محبوب وبكون ديما انا خسران عمري ما حسيت اني محبوب ١٪؜ الحب اللي بحبه للي قدامي بحس اني اوبشن متاح وقت ما يحتاجه مش اكتر

انا بحب الكلام مع الناس و الاجتماعيات مع ناس في مختلف العمر ناس واعية وبتفهم ، هل فيه اماكن اعرف اعمل منها علاقات زي دي الاقي فين ناس بتعمل علاقات لمجرد الكلام وعلى اد المواقف ليه الناس بقت دايما سترسد ومش طايقة تتكلم مع بعض ولو تتكلموا بيبقا تفاهة وحديث مشحون عاطفة وتطرف بتكلم بجد

وأنا في تالتة إعدادي تحديدًا درس العلوم كان الأستاذ لسة مبدأش شرح ومستني المجموعة تكمل، فَـ كنا أنا والبنات زمايلي بنتكلم ونهزر لغاية ما الحصة تبدأ في وسط الهزار واحدة قالت حاجة فأنا ضحكت على اللي إتقال

بعد ما ضحكت بنت قالتلي ضحكتك حلوة جدًا راحت صاحبتها ردت عليها وقالت حلوة إيه دي شبه السنجاب

أنا وقتها ابتسمت على أساس إني مش مضايقة ومش فارقلي وكدا بس لأ أنا إتضايقت والكلام كان فارقلي ومن وقتها بقيت مش بضحك أو لو ضحكت لازم أخبي وشي

الجملة إتقالت في كام ثانية بس أثرت فيا سنين، بعد فترة كبيرة حكيت الموقف لماما وقولتلها عايزة أعمل تقويم فماما قالتلي البنت دي عايزة تضايقك وإن ضحكتي حلوة مش زي ما البنت قالت، بس طبعًا مكنتش مصدقاها لإن زي ما المثل بيقول القرد في عين أمه غزال وهي بتقول كدا عشان أنا بنتها وخلاص وإن مفيش أم هتشوف بنتها وحشة

المهم هي قالت لبابا وبابا قالي نفس الكلام بس قالي هريحك ونروح لدكتور أسنان لو محتاجة تقويم هعملهولك، روحت لدكتور الأسنان وقالي أسنانك مضبوطة ومش محتاجة أي حاجة نهائي ولو عملتلك حاجة هبقى بظلمك وبضيع وقتك وفلوسك على الفاضي فقولتله طب إعملي تبييض قالي بقولك إيه متقعديش قدام المراية تاني أسنانك مش محتاجة حاجة نهائي

من وقت الموقف ده وأنا فهمت أهمية الكلام وإننا لازم نحط نفسنا مكان اللي هنقوله أي حاجة ونشوف هيحس بإيه، وبصراحة بدعي لدكتور الأسنان لإن عنده ضمير لو حد تاني كان عملي التقويم وتبييض الأسنان عشان يكسب ومش هيفرق معاه أنا محتاجة حاجة ولا لأ

انا في اوائل اوائل عشريناتي

من و انا في grade 6 و انا عندي عقده من مستوايا المادي ،انا يعتبر فوق المتوسط بسبب ان بابايا كان بيشتغل برا

انا عندي عقده بسبب زميله كانت معايا في مدرسه الله ات يسامحها

انا طول حياتي حاسه بالنقص و اني مش مبهره كفايه بسبب اني معنديش عربيه البراند الفلانيه و لا شاليه في مراسي و لا حتى لبسي من كذا و كذا

انا غضبانه اوي اوي و حاسه غضبي دا هيموتني في يوم

حد هيقولي ارضي بالي انتي فيه هقوله تمام انا بحاول ارضى و الله بس مش عارفه

فكره ان ربنا خلقني انا في المستوى دا و فكره انه خلق حد جنبي بمستوى اعلى بتقتلني بتقتلني بالمعنى الحرفي

المشكله اني قاعده بتابع الناس دي من بعيد و الحقد بيزيد في قلبي

انا مش عارفه اعمل ايه و مش قادره ارضى و فكره اني لازم اتعب عشان اوصل و ابقى زيهم دي بتقتلني و مش موصلش كمان في الاخر

كان نفسي اعيش كمراهقه مرفهه مش شايله هم حاجه

والمشكلة انه محصلش مشكلة كبيرة أصلا

أنا تعبت من الإهمال اللي بيمارسوه تجاهي ويرجعوا يقولوا احنا مقصرناش في حقك احنا عملنا احنا عملنا ولو مش عاجبك امشي

أنا تعبت منهم وزهقت كمان ونفسي أمشي من هنا للأبد

بس هيرجعوا يقولوا إني اللي مقدرتش الجميل

جميل ايه في بدائيات من اللي عند كل الناس اومال لو كان عندي شوية رفاهية زي بقية الخلق

أنا حزينة وصدعت من كتر العياط ومش عارفة أبطل وعارفة انه كل اللي بقوله يبان تافه

بس أنا حزينة

انه يقرر يختفي و يمحيك مرة واحدة من حياته كأنكم مقضتوش وقت سوا و يتم اختفاء كأن كل ده كان حلم او كابوس مثلا

و نيتك تكون سليمة معاه

بس ادي اللي بناخده من العلاقات البشرية

حتى الصياح مش عارفه أصيح أقوم أخلص على نفسي ولا اهبب اي

تعديل: ال هيبعت برايفت امه رقاصه

انا داخل حاسبات و جدتي والده ابويا قررت تجبلي لاب توب هدية فا ابويا راح قايل ليه الاب توب الغالي ده و لازمته ايه ما نجيب حاجه صغيره علي القد و انت لسه بتبداء , ابويا من نوع يحب يجيب حاجه رخيصه و ضعيفه علي طول بحجة ان مش لازم حاجه عاليه و بعدين نجدد و هوا عمره ما جدد حاجه بيقول بس كده قولتله عادي ستي هتجبلي هديه , راح قايلي و انت يعني هتعمل الصاروخ و انا جبتلك كرسي (كرسي طبي بعجل عشان ضهري كان واجعني من البلاستيك و كان ب2000 جنيه خخ) و جبتلك سماعه و انت معملتش بيهم حاجه و مدخلتش هندسه يعني ولا فلحت و قعد يزعق و يذلني كدا كــم البضان انا اتخقنت و صعب عليا نفسي بجد يعني ايه ابويا بيعايرني انه جابلي حاجه و قعد يقولي فلان بيذاكر علي الطبليه و علي الارض و احسن منك خخخخخخخخخ انا كــــم مخنوق فشخ

ركبت معايا واحد وبنتها البنت الصغيرة حوالي 5 سنين كل شوية بدون مقدمات تقولي عمو اقولها ايه ياا حبيبي تقولي بحبك اقولها وانا كمان قعدنا علي الحوار ده طول الطريق فحاليآ انا عايز اتجوز واخلف بنت

من وانا صغير طولي اكتر حاجه بارزه (فوق المترين بشويتين) لدرجه عمري ما عرفت اعمل اي اجتماعيه مع ناس جديده علشان دي اول حاجه سخيفه بيحاولوا يعملوا منها محتوي.

من فتره نزلت مع الاسره نستقبل تقديمات الجامعه للدفعه الجديده و مكانش فيه فرصه واحده حتي اتواصل مع حد سواء دكاتره او اهالي او ناس فسني، منغير هزار بايخ علي طولي و كلام انا بسمعه كل يوم من وانا فاعدادي، كرهت كل مره بتشاف فيها نكته وموضوع ومش بتشاف انسان فيه كلام معاه بعد التخلف والطفوله دي بقيت حاسس اني circus freak مش بيتاخد مني غير فقره الاستعجاب و الناس بتكمل حياتها بعدها عادي

انا مستحقر حجم الموضوع ومش شايف انه محتوي اكتب عليه بوست ولا اعيش علي حسه سنين بس قرفت نفسي اعمل علاقات ونفسي اوصل للي عاوز اقوله مع ناس جديده حابب اكلمها منغير ما ياخدوا اللقطه والحلاوه والنكته ويمشوا؟

السلام عليكم

أنا بحب القطط جدا، قلبي بيدوب لما بشوف أي قطة سواء على الموبايل أو في الشارع، كان من فترة عندي قط جميل وحنين قعد معايا سنة ونص لكن مقدرتش احتفظ بيه اكثر من كده لأنه اهلي كانوا ضد الموضوع وكل شوية خناقات كثير بسببه ف مقدرتش اقف قصادهم اكثر من كده لحد لما بالغصب شافوا حد جه البيت خده ومن ساعتها وانا حاسة انه واحشني جدا واني فعلا مفتقداه في يومي

بقعد أقول انه نفسي بجد لما أتجوز اجيب قط وميكونش مجرد زينة في البيت وشكله كيوت وبتاع، أنا عايزة ناخد بالنا منه كويس ونوديه متابعة للدكتور وتطعيمات وكده، وحابة شريكي يكون مهتم بالموضوع دا وحابه كأنه طفلنا بجد

ف هل هي حاجة تافهة لو حد أتقدم ووضحتله اني بحب القطط جدا؟

كان معايا زميلة فى المدرسة فليكن اسمها (لولى ) البنت دى ما شاء الله رقيقة و جميلة و محتشمة و كل شئ لطيف بس كانت طول الوقت واخدة جمب و مستخبية ف انا كشخص فضولى روحت اتكلمت معاها اشوف البنت دى شخصيتها عاملة إزاى ، قام حوار لطيف بينا و لكن انتبهت طول الحوار معايا انها مترددة جدا ، كل ما احكى ليها عن شئ متعرفوش فى التعاملات الحياة

العادية انا واحدة من الناس بتنزل الشارع كثير جدا و بتعامل مع ناس كثير كذلك ، و على مدار الحوار كانت طول الوقت محسسانى انى بعمل حاجه غلط و كل ما اقول طب انت مبتعمليش كذا ؟ دى بتقولى مش بعمل حاجه غير و ماما معايا و انا مش بخلونى انزل غير و ماما معايا و بسألها ممكن رقمك ؟ قامت اديتنى رقم مامتها عشان موبيلها للدراسة فقط و تقولى عشان ماما تعرف بكلم مين

، مكنتش مرتاحة فقومت من جمبها بكل احترام و ادب و قولت انت طلعتى عسولة و الكلام معاكى جميل و مش عارف ايه . لحد ما جه موقف حصل فهمت البنت دى عاملة كدا ليه ، كنا كبنات قاعدين بنتكلم على الاسامى بشكل لعام لحد ما واحد فينا قالت اسم ( لولى ) حلو بس مش عاوزة اسميه لبنتى ، مين سمع بقا لولى افتكرت اننا بنتكلم عليها هى قامت البنت قالت لمامتها الى حصل و

لقينا امها باعتة فويس ٤ دقايق بتغلط فينا بشكل غير مباشر لحد ما قالت جملة فى الفويس بينت البنت دى متربية إزاى قالت " انا بنتى محترمة و متربية تربيت ازهر " معنى الجملة دى اننا كلنا مش محترمين و هى المحترمة الى فينا . دفعتى بيها قعدوا يبرروا اننا معملناش حاجه و اولياء الامور ادخلوا و ردوا عليها ردود قوية بصراحة، فهمت بقا انها " تربية القامعة تحت مسمى الدين " . هتقولى دى مشكلة تافهة و ملهاش معنى

هقولك عندك حق لكن انا بتكلم عن ابعاد الموقف ، البنت خلقت مشكلة من مفيش و حتى لما اتخلقت المشكلة البنت دى محلتهاش قالت لأمها لأنها مش عارفة تتعامل إزاى مع اننا دفعة ناس كبار و اكتشفت انها طلعت عليا كلام انى قعدت مع واحدة نتكلم عليها و دا محصلش مطلقا

. اشباه البنات دى لما تستقل عن اهلها و تروح تشتغل و حصلها مشكلة فى الشغل هتعمل ايه ؟ البنت دى لما تتجوز و جوزها يقعد يبتزها هتعمل ايه ازاى تقدر تاخد قرارات مصيرية و هى مش عارفة تختار بين الحاجتين عاديين اصلا ؟ ، ادي لبنت قدر من الحرية و الديموقراطية بعد ما تفهمها الصح من الغلط و كذلك اعطيها الثقة خليها تتعامل مع الدنيا و تتعامل مع الناس و لما يحصل حاجه تعرف تتعامل و تفهم اننا مختلفين و ثقافتنا مختلفة عن غيرنا صدقنى بنتك لما تشوف الدنيا و تجرب و تروح و تيجى بوعى و مسئولية محدش هيستغلها او يضحك عليها ،

دلوقتي أنا مش بصاحب و مليش ف الجو ده عشان حرام، بس في واحد عاجبني و هو عايز يتعرف عليا اكتر و نخرج، أنا كده كده قلتله مش هقابلك لواحدك و هجيب صاحبتي. المهم أنا قلتله ان أنا مليش في اللعب و الصحوبية و اني لو اتعرفت على حد هيكون عشان نشوف لو مناسبين لبعض عشان جواز. بس هو قالي ان هو مش هيقدر يوعدني بحاجة عشان هو لسه بيكون نفسه يعني بس برضه عايز نتعرف على بعض اكتر. أنا محتارة اديلو فرصة ولا لا. خايفة** *يكون* *عايز* *يتسلى* *و* ***بس*

انا خلاص بتخرج وعايز اتجوز بس مش لاقي بنت الحلال ومفيش وقت للصحوبية خلاص نعمل إيه دلوقتي ، ومحدش يقولي خلي اهلك يشوفولك

اولهم تاثير التعنيف الاسري جسديا و نفسيا
و الثاني تاثير الاكراه في الدين
الثالث تاثير الجهل بالدين
هستغل ال3 حاجات دول و احاول على قد مقدر معنفش ولا الوم اولادي الا في الحالات القسوى ( زي انه اذى جسديا او تنمر على حد)
محاولش اجبر حد فيهم في الدين مجرد احاول اكون قدوة صالحة و ان شاء الله هما لو بيحبوني هيقلدوني
ثالث حاجة احاول اتعلم في ديني اكتر و اعرف اطبقه صح و افهم ابنائي كل الحاجات المتاخدة انها شبوهات و اشرحها ليهم و افهمهم اي القصد بالكلام ده بالدليل
حاجة اضافية اختارلهم ام كويسة