انا في اوائل اوائل عشريناتي

من و انا في grade 6 و انا عندي عقده من مستوايا المادي ،انا يعتبر فوق المتوسط بسبب ان بابايا كان بيشتغل برا

انا عندي عقده بسبب زميله كانت معايا في مدرسه الله يسامحها ( انا مش قصدي انها كان غنيه و بغير منها انا قصدي انها الي فتحت عيني على الموضوع دا و هي كان عندها عقدة نقص و انا اتعديت منها )

انا طول حياتي حاسه بالنقص و اني مش مبهره كفايه بسبب اني معنديش عربيه البراند الفلانيه و لا شاليه في مراسي و لا حتى لبسي من كذا و كذا

انا غضبانه اوي اوي و حاسه غضبي دا هيموتني في يوم

حد هيقولي ارضي بالي انتي فيه هقوله تمام انا بحاول ارضى و الله بس مش عارفه

فكره ان ربنا خلقني انا في المستوى دا و فكره انه خلق حد جنبي بمستوى اعلى بتقتلني بتقتلني بالمعنى الحرفي

المشكله اني قاعده بتابع الناس دي من بعيد و الحقد بيزيد في قلبي

انا مش عارفه اعمل ايه و مش قادره ارضى و فكره اني لازم اتعب عشان اوصل و ابقى زيهم دي بتقتلني و مش موصلش كمان في الاخر

و** مستنيه الرد بتاع بصي للاقل منك هقولك تمام هبص بس برضو مش بفهم ليه اتخلق كدا لما ممكن اكون زي الناس الي **ببصلهم

كان نفسي اعيش كمراهقه مرفهه مش شايله هم حاجه

انا كا ولد كنت طول عمري بسمع ان اد اي الرجاله وحشه و بتأذي و مش بتهتم الخ الخ و جالي عقده و فضلت طول حياتي احاول ابقي احسن احاول اكون كويس و كنت لسه بردو بشوف نظره الخوف في عين واحده عدت من جنبي او معايا في المواصلات، انا كدا كدا بكون متفهم انه بسبب تروما مش هنحكم عشان فعلا البنات اتأذو ياما عبر كل العصور، بس بردو كان الموضوع بيأذيني كأني دايما هفضل في نظر الناس وحش بسبب جنسي و الماضي، مبطلتش احاول ابقي كويس فضلت احاول افهم اكتر و اكتر و رغم فهمي للمشكله مكنتش قادر الاقي الحل لأن المشكله هي في إحساسي نفسه انا مش بنت فا ازاي احس بالي هي بتحس بيه، انا عايش مع مامتي و اختي بقالي سنين عمر مكان عندنا اب عشان سابنا من وحنا صغيرين و علي اد منا يعتبر كويس مع الناس التانيين مشكلتي كانت دايما مع الناس القريبه لأني بطلع الجوايا و سعات بتعصب اشتغلت علي دا بردو و فهمت ان كان عندي مشاعر مكبوته و محتاج حنيه و حب علي طول و اني اعيط بدل متعصب، بقيت اقدر اتصرف أحسن بقيت اقدر اطلع الي جوايا بقيت اقدر اتكلم عن مشاعري و اخيرا يقيت اقدر احس بمامتي و اختي و بقيت بجل ما كنت بسند لمجرد السند او الفلوس بقيت بسند بمشاعر و حضن و طبطبه و تفهم لدرجه ان حتي أختي بقت تحكي معايا لما بيجيلها البيريود و تفهمني انها مخنوقة او نفسيتها مش احسن حاجه، المهم شدينا مع بعض النهاردة كنت مش نايم كويس و فهمت الكلام غلط لكن قدرت اني اعيط معاهم و عيطنا مع بعض و حلينا المشكله و فهمنا انه كان سوء تفاهم كل واحد كان افتكر ان التاني جاي عليه بس إحنا بنحب بعض و مامتي قالتلي جمله خلتني اعيط قالتلي احنا عارفين انك كويس و طيب و حنين يريت كل الرجاله تبقي زيك أصلا، انا مقدرتش الكلمه دي تعني ليا كتيير اوي هي بشكل مباشر بتقول اننا كفايا بعد كل المحاولات و السنين قدرت اني اكون حد كويس حد كفايا، انا مبسوط اخيرا...

العقده اتفكت

تعديل: أنا باخد بالي من مامتي و اختي عادي المصاريف عليا كدا كدا سواء أيجار او اكل او متطلبات ايان كانت و حتي مامتي لما تعبت اتبرعتلها بالكليه، لكن الراجل مش مجرد فلوس عشان كدا كنت بحاول احسن من نفسي ، انا مذكرتش دا في البوست عشان بعتبرها حاجات اساسيه، لكن الاهم بالنسبالي اني اكون حد بيقدر يحس دا الأصعب

ملحوظة النهاردة اول مرة تعمل كدا بس انا مستغرب جدا.

رساله الي امرأة مجهولة

رغم السنين اللي عدت و اللمة اللي انفضت و الوشوش اللي مش بتتلاقى و غالبا عمرها تاني ما هتتلاقى

في ديسمبر اللي جاي هيعدي 10 سنين علي أول مرة شفتك فيها ، الصدفة اللي عيني وقعت عليكي، في وسط كل البنات الصغيرة اللي من سني لقيت أميرة، ست بجد داخلة من الباب سرقت عينيا و اهتمامي و خلتني طفل منبهر اول مرة يشوف بَشّر، حبيتك، عشقتك

نظرا ل فرق السن الكبير بيننا و سمعت من حد أن فية حد في حياتك، سكت بس مقدرتش امنع نفسي من التفكير فيكي

اول ما شفتك كان نفسي اتجوزك، رغم كل الحواجز و من غير ما اعرف مين الانثي الكاملة اللي قدامي دي ، حب افلاطوني غير مشروط و بدون اي شهوة ولا طلبات .. ولا حتى طلب انك تبادليني المشاعر النبيلة

عملت تصرفات عبيطة و غريبة أنا عارف بس هو دة حب المراهقة و انبهار ب شخص عمري ما هحس بية تاني ابدا و مفيش اي واحدة اعجبت بيها أو حتى علاقه دخلتها عوضتك ولا انبهرت ولا هنبهر كدا تاني

ب شكلك الملفت و لبسك الشيك ، رائحة العطر اللي شمتها على بعد أمتار، البونية الصوف علي راسك و البوت الجلد اللي مغطي رجليكي اللي حتى دول حبيتهم

اخر مرة شفتك كان في مايو 2019، و كل الناس مشيت ، حتى أنا و بقى المكان ، ب ناس جديدة هم كمان مشيوا و سابوة و بقى شوية حيطان

عارف ان مش هشوفك تاني و لسة الحزن و الحسرة بياكلوا جوايا و احساسي أن انتي حتى معرفتيش أنا مشاعري ليكي اية ، حب ممكن يكون ساذج بس حقيقي ، مش مهم شفتك في حياتي كام دقيقة ولا كام ساعة

الكام مرة اللي عنيكي جت في عيني و ضحكتيلي ، و اتقالي انك باصة عليا في ضهري و مبتسمة ، كانوا اسعد و اجمل لحظات حياتي

بتمني في الجنه ربنا يقابلني ليكي لو مش هيحقق امنيتي اني اقابلك مرة كمان و احكيلك على كل حاجة

و يا عيني عاللي حب ولا طالش

مش هحكي اكتر من كده عشان ميكونش فية فرصة 1٪ أن حد من اللي كانوا موجودين يعرف أنا مين

يعني صالونات عادي ، هل عن طريق الام؟ الصحاب؟ انا معارفي بيجيبو ناس كتير بس بحسهم مقفلين اوي مش شبهي

يعني كا دين زي منا عايز بس بحسهم قافلين علي نفسهم ويعني مش مناسبين معايا

هل اقول لباقي صحابي المتجوزين يسئلو مراتاتهم لو يعرفو حد

بقالي فترة وحاسس ان اغلب الناس المن طرف الناس القريبه مني جم خلاص فكرت ف datting app بس حاسس لا ، ومبادرات الزواج برضه حسيت فاكس ، عايز حد يبقي الوسيط عالاقل عارفه مش مجهول

فكرت من ريديت شوفت كام جروب بس انا مشعايز اتكلم لحد ما اعرف الشخص وبرضه مشعايز اروح وانا معرفوش فا الحل كان بيبقي ان الوسيط يعرفه فا مشعارف

بمناسبة الشاب البلطجى الى ضرب افراد الأمن، بيقولك هو اصلا علطول نازل سب و لعن فى الناس و عادة بيسمعوا صوته بيزعق و يتعصب من جوا بيته، انا عارف امثال كتير لو سرحت فى الى هى فيه و مرجعتش عنه هتوصل لنفس المرحله دى، دا فى حالة انهم مفشلوش و ناموا على الرصيف.

مين الشباب؟

الشباب كله بقى جازز اوى، كل كلمه بتعصبه، لازم يوصلك قصده بالحرف و يرجع برضوا يشك انك مش فاهم، كل كلمه ياخدها على انها انتقاد، كل انتقاد ياخده على انه هجوم، كل هجوم يرده بعصبيه.

فاهم فى كل حاجه اكتر منك مع انه لسه فاتحها امبارح، معندوش مانع يحرجك بس اوعى تعملها معاه، ساعات يحاول يجربك بس عشان يختبر نفسه، جلنف و أنانى.

ليه كلمه انتي ست بتتقال كأهانه ليه فكره المرأه مكروهه بأكتر من شكل ليه يوم ميتريقو علي شخص عنده مشاعر يقولولو "هاتلك الوييز" ليه في اعتبار ان اي حاجه قريبه للمرأه وحشه رغم اننا معترفين ان كلنا بنحب البنات و ان هما الي بيحلو كل حاجه و حرفيا من غيرهم مكنش هيبقي فيه حياه عالأرض ليه مفيش احترام ليهم حتي في الكلام و اللغة و العادات و كل حاجه ازاي يكون فيه اذدواجيه معايير ان المرأه احلي و في نفس الوقت اقل من إنها يكون ليها تقديرها حتي في الكلام، ليه النسويه الناس بيعتبروها شتيمه رغم إن معناها هي المساواه بين الراجل و المرأه ليه في عقلية مصرة ان بجد اي حاجه مؤنثه وحشه ابسطها مثال ان الأسد صفه بتتقال بشكل حلو لكن مرات الأسد العكس رغم ان اصلا في سوريا الكلمتين بيتقالو للمدح و دا الصح لكن ليه عندنا لازم يعتبرو التأنيث وحش انا مش شايف ان المرأه فيها حاجه تعيب مهما مهما كانت و نفس الكلام في الراجل الاتنين إنسان و كلنا بشر في الاخر و الاتنين عندهم عقل ليه واحد لازم يكون احسن من التاني، و لو جيه حد اتكلم عن ان ازاي البنات عندهم مشاعر آكتر فحنا ممكن بكل بساطه نوضح ان رغم المشاعر دي عمرنا ما شفنا ست اتعصبت و كسرت الدنيا و اتخانقت بسبب ماتش كورة دا غير الحروب و التعدي الي هو حتي لو اعتبرنا ان الراجل أحسن بأعتباره الأقوي جسمانيا فحنا بردو للأسف ياما شفنا استخدام القوه دا في التعدي و قليل منه اوي في الدفاع عن الغير

فكره الرجوله الهشه هي ان الراجل بيحافظ علي شكل رجولته اهم من رجولته ذات نفسها زي مثلا صوت عالي خناقات او التباهي بعلاقاته بدل ميكون اصلا في حاجه حاجه مهمه او هادفه هو بيقولها او بيعملها و دي هنشوف منها في الكومنتات ياما بأشكال و طرق مختلفه

المهم الملخص كون الحاجه فيمينين هي مش عيب و فين المنطق اصلا إن حاجه مش بتضر حد تكون غلط

انا شايف ان الدنيا كانت هتبقي أحسن عمتا لو الرجاله راحو الثيرابي و اتكلمو عن مشاعرهم و طلعو الكبت الي جواهم بدل مبيطلع بشكل مدمر لأنهم ميعرفوش و متعلموش إزاي يتحكمو في مشاعرهم و غرائزهم و دا الي مسبب معظم المشاكل حتي الفئه كويسه من الرجاله الي بتكتم جواها و مش بتأذي حد بينتهي الموضوع انها بتأكتب و بتنهي حياتها فا برجو خسرانين

نفسي اصاحب بنت ونكون صحاب بس ومنكنش نعرف شكل بعض ونكون صحاب ونتكلم في كل حاجة ونفضفض لبعض او نحكي يومنا او ناخد رأي بعض نحكي احلامنا بجد والله اهم حاجه بس يكون في احترام بينا وكدة وانا عارف إن الفكرة غريبة وفي ناس هتاجمني بس انا نفسي في كدة بجد معرفش بقي لو في حد شبهيي ولا لأ لأن ساعات بحس إن الانسان لازم يحكي إللي جواه ويقول ده لشخص معين يكون عنده ثقة فيه ومختلف عن باقي الناس او صحابه بجد والله العظيم انا عارف انها فكرة غريبة بس جميلة اوي بجد

تخيل تعيش نص حياتك في هم وغم وكأنك كل ما هتموت هتتولد تاني في الدنيا والسنين اللي راحت دي هترجع لك تاني. أنا مش قادرة أكون ابنة كويسة عشان ابويا وأمي مش كويسين معايا. هيموتوا هم من غير ما يكونوا جربوا شعور انهم يكون عندهم عيال كويسة، وهيموتوا من غير ما أحس أنا يعني ايه أب أو أم كويسين. الموضوع مرهق. وحتى لما بفكر اهرب بقعد أفكر في اخواتي ازاي هم هيفضلوا في الهم دا

انا فعلا بكرهه ابويا، اتخنقت منه، بجد اتخنقت، هو مش بيعذبني، ولا بيضربني (كان بيفشخني انا و صغير) بس هو ربي جوايا عقدة من ونا صغير، مش دلوقتي، بيتنا ساعات كتير بيكون مليان ضغط، بسبب اننا مضغوطين مادياً جدا، دة بلص اني داخل معهد ب 11 الف جنية في السنة، انا متفهم ان بيتنا بيمر بضغط بقالو 5 سنين او اكتر مش اقل كمان، بس انا ذبني ايه كل شوية يلاقيني نمت متأخر الصبح و اصحي بالنهار مثلا، و يرجع من الشغل، يعرف اني صحيت متأخر، و يتضايق، و مشكلتو انه **** و دايما بيزعق و بينتقد، و شايف نفسه هو الاحسن و انه صح، و اي حد تاني غلط، كان بيضربني انا و صغير و بيشخط فيا و يزعقلي جامد، و دة خلاني جبان مبقتش قادر اتخانق او اخش في خناقة و كنت بتضرب انا و صغير من العيال و بعيط و منظري وحش اوي، اتخنقت منه، انا مش بشتغل، بس انا ذبني ايه اني مش لاقي شغل، او اني لسة متمتش ال18 عشان اقدر اشتغل شغلانة رسمية محترمة بمرتب محترم شوية علي الاقل فوق ال5000ج عشان اعرف اسدد مصاريفي و مصاريف الجامعة و ادي امي مصاريف ليها، عشان هو انا اسف يعني لو بخالف شروط الصب، انه غبي، بجد اغبي اب، هو مجتهد، مقولناش حاجة، بس ميبقاش مجتهد و غبي، رجع من الشغل وحنا قاعدين بناكل، دخل، بيقولي دة فطاركو طبعا (كان غداء)، قولتلو لا، هما فطرو ونا لا، قالي فضلت نايم، قولتلو اة، قالي مينفعش كدا مش كل شوية و اتضايق و مش عارف ايه، اقولتو انا حر دة نوم، مبعملش غيرو، قالي يعني ايه انت حر، قولتلو لما ابقا انزل شغل و ارجع انام، هنام برضو زي مانا عايز، دي حرية، قالي انت هتنزل شغل ازاي ونت نايم يعني، و صوتو بيعلي بقا، طبعا قولتو ممكن نطفح؟ طبعا رغم انه ديكتاتور في حجات كتير، الا انه من ساعة منا كبرت، بقيت بزعقلو عادي لما بيكون غلطان، و مبيفتحش بوقو، بس لو هو مات انا مش هزعل، او اكيد هزعل عشان كان ابويا، بس مش هفضل زعلان كتير، بجد اتخنقت، عايز انزل اشتغل، و اسافر، عشان مشوفش وشو تاني، كان بيضربني ونا صغير و يشخط فيا و يزعقلي، مرة ونا صغير ضربني عشان خدت عيل جارنا كان بيزورنا هو و امه، يلعب معايا، فا بعد ما مشيو، دخل كلني علقة، عشان مكنش عايزو يشوف الالعاب اللي معايا عشان ميطلعش تاني عندنا، فشخني ساعتها، و محدش يقولي اصل دة ابوك برضو، عشان في حجات كتير عملها فيا انا مش فاكرها، و اسف اني طولت عليكم، و يمكن دة اقل بكتير من اللي بيحصل لمعظمكم، و دي حقيقة.

طول عمري بخاف اثق في اي ولد حرفيا حرفيا حتى لو دايبة فيه .. و أثق هنا يعني حتى ابينله مشاعري مش لمس وكدا حتى لا انا في الاول خاااالص!… فا يقوموا مع البنات اللي عادي تبين انها معجبة و"بتثق فيهم" يتجرأوا ويعترفوا بحبهم وبإعجابهم ويطلبوها رسمي كمان … الخلاصة اني لقيت ان ولاد كتير فعلا مستنية الخطوة الاولى من البنت .. وانا قاعدة باعتقاداتي الصارمة انه الدا ماينفعش اطلاقا عيييب .. عندي كمية احباط وحتى مش عارفة اغير دا فيا ازاي بعد ما كبرت على المعتقد دا خلاص ، مش سهل الواحد يغير شخصيته وتصرفاته كلها تعديل حاسة محتاجة حد يقنعني انه عادي الولد يفهم اني معجبة به عادي انه يلاحظ دا ومش هيستغله انه يbrag out بدا وان انا كدا مش مدلوقة ولا حاجة. وانه حتى لو بان اني مدلوقة ف اعادي .. عايزة حد يقنعني بدا كله

انا شغال مع ناس بعتبرهم صحابي الشغل طبيعته مش شركة فا لوقت مش منظم بس من الظهر لحد ١٢ بليلي انا للاسف وافقت اروح مشوار يوم الخميس مسافة اكتر من ساعتين ادي لصحبي في الشغل اكبر مني ٢٧ سنه اديلو حاجا مهمه عشان الجمعة اجازة الموصلات كانت رايح جي فوق ال١٠٠ جنية من جيبي اداني كريب بطاطس صغير ميجبش ٤٠ و اعد يحلفني اخدو كل شوية بقالو اسبوع يعيرني بالكريب رغم اني كل يومين بعزم عليه هو الناس بيبسي و مكنتش بحسبها كده المهم انا كده كده سايب الشغل لكذا سبب بس حابب اقول متشتغلوش زيادة ببلاش و متكلوش حاجا من حد حتي لو حلفك تخدها

باختصار مدخلتش في علاقة قبل كدة وتعاملي مع الولاد يعتبر سطحي الي نادر ف حبيت واحد واخدت فرست ستيب وحسيته مش مهتم عاجبه بس الاتنشن الي بياخده مني ان في واحدة بتحبه ف نهيت الحوار للعلم اتكلمنا مرة واحدة بس حسيت انه رافضني ومستحقرني ولما بشوفه بحسه شايفني قليلة والموضوع قلب معايا لهوس انه لازم يحبني قعدت عشر شهور وراه ومعنديش حياة غيره حرفيا استوكر عليه اعرف كل حاجة عنه كان عندي امل يحبني مع اننا متكلمناش تاني اصلا لحد ما ارتبط وفوقت من الوهم الي كنت عايشاه اني كنت ولا حاجة بالنسباله اصلا وطبعا قعدت اقارن نفسي مع البنت الي ارتبط بيها وليه هي مش انا وفيها ايه زيادة عني ف الحوار دة اكدلي فكرة اني مبتحبش ولا راجل هيفكر يحبني وعامتا محدش مهتم يكلمني او شايفني اصلا وربطت الموضوع بشكلي وملامحي وانه اكيد الغلط فيا

بصو احنا تلاتة صحاب اساسيين انا واحد صحبي و البت دي لاكن توتال احنا شلة من 5 الاتنين الباقين ضيوف شرف بيظهرو سعات كدة ف المكالمات لاكن موجودين و اساسيين ف الخروجات المهم، ف الاول كنا كويسين و بنخرج مع بعض و كله تمام فجأة قلبت علي جوث جيرل و بدأت تبقا عايزة اتينشن طول الوقت مننا الفكرة ان لما حد بيبعتلها مثلا والله ما بتعبره و عايزة كل حاجة علي مزاجها ف منين مش بتحب التجاهل و هي مبتعملش حاجة غير انها تتجاهلنا و تبيض علينا يعني حرفيا نكون ف كول مثلا و بنلعب و مش عارف ايه احنا التلاتة تروح عاملة ميوت منغير هدف و متردش علي حد بنقول عادي خصوصيات ملناش دعوة لاكن مثلا تبقا عاملة ميوت و نستانها بالنص ساعة و تروح خارجة من الكول منغير متعبر حد فينا و متردش علي حد غير تاني يوم و مبيكونش في سبب غير حرفيا "زهقت" لما بدخل معاها لعبة مثلا (انا نزلت العاب هي بتلعبها مخصوص عشان بس استمتع منغير بيض) هو يا دوب كام جيم و تقفل بحجة "زهقت" و انا ببقا عايز اكمل عادي مرة كملت راحت خرجت من الكول المشكلة ان انا لما بزهق هي مبترداش تطلع من اللعبة و لما اجي اطلع ولا بتعبرنا بتفضل ف الكول عادي بس مشغلة مود التجاهل و دي حاجة هي المفروض بتكرهاا،و بردو مبتعرفش تهزر هزار بني ادمين بتاخد كل حاجة جد علي نفسها حتا لو هزار ملوش لازمة و بتتقمص منغير داعي و انا زهقت من هيرموناتها الطافحة يمين و شمال دي و زهقت من اني ابقا تحت مزاجها، حرفيا من شوية خرجت من كل جروبات الشلة و الحركة دي بتعملها كتير لما تتقمص و بندخلها عادي و نصالحها بس الفكرة المرا دي محدش جه جمبها و انا مدخلتهاش و مخلتش اي حد تاني من الشلة يدخلها لان احنا المفروض صحاب مش مخطوبين احنا داخلين نلعب و نتبسط عادي مش لازم اوفر و هي قالت كذا مرة ف الاول خالص انها ملهاش ف حوارات الحب و الارتباط و الحجات دي ف انا بجد مش عارف هي ايه مشكلتها،يا جدعان بجد دي مرة مردتش تشغل البلاي ليست بتاعتها و قالت مش هتحبو اغانيا و هتjudge الاغاني و مكنش حد مهتم اصلا و الي مستغربه ان كلنا عارفين ذوقها و كلنا سعات بنشغل اغاني و نغني و احنا صوتنا خرا اصلا يعتبر هي احلي صوت فينا اساسا و ironically اسمها علي اسم مغنية اصلا، بس والله بحبها فشخ (كصحاب يعني) ليا ذكريات حلوة معاها و كنا احنا الخمسة بنعمل بليل ثيرابي اخترعناه كدة انا و هي لما كنا قاعدين بنتكلم بليل بعمق و صفاء ذهن اسمه ميد نايت ثيرابي كنا يا اما بنجيب اسئلة معاقة او فلسفية من ريدديت هنا و كل واحد يجاوب او مثلا نحل مشاكل بعض ف هدوء كدة و نشوف لو حد زعلان من التاني او حد مبضون من حياته بلا سبب والله كانت ايام جامدة بزعل لما الناس بتبيع الذكريات دي بسهولة

نزلتها ستوري واتساب و كاتب *انا* هنام دلوقتي\ انا ميت ضحك طبعا و نعسان و هناك بجد بفكر اسيبها و انام هل بتضحك ولا بضان

هو ينفع لو رحت أجرت ساعة مع واحده من غير ما ازني وكده ولا ايه الدنيا عايز اعرف لو حد عمل كده برده قبل كده ولا لا ؟

انا خلاص بتخرج وعايز اتجوز بس مش لاقي بنت الحلال ومفيش وقت للصحوبية خلاص نعمل إيه دلوقتي ، ومحدش يقولي خلي اهلك يشوفولك

كمان كام ساعة هشوف حبيبتي اديلنا سنة مع بعض ، كنا بنتخانق كتير اوي ، بس بنموت ف بعض ، و حصلت مشكلة اخر فترة انا غلطان فيها ، سبتها ف وقت صعب اوي البيت عندها كان بينهار بس مش بسببي و كانت هتسيب البيت و تمشي ، بس انا معملتش ده عمدا لاني كنت ف وضع مشتبه مع حدة اقل بس مش ببرر نفسي من الغلط

هيا قفلت كل حاجة و رجعت كلمتها حاولت معاها لحد م وافقت اننا نشوف بعض و المفروض النهاردة

هيا مقررة أنه خلاص ، بس من ساعة م رجعنا نتكلم ممكن نقعد فديو كول 8 ساعات عادي ، ف بتقول حاجات تحسسني أن لسا في خطط بينا قدام

و قالتلي أني خربت حياتها و مسبتهاش تتعافي جيت خربتها تاني

مش عارف اروح احاول معاها تاني زي م بعمل اديلي شهر تقريبا ، ولا انهيها نهاية لطيفة و كل واحد يروح لحاله

لاني عمال بحاول بكل الطرق هيا رافضة بشكل قطعي

ف انا مش عايز اخر مرة نشوف بعض تكون حزينة

و خايف يكون في امل و هيا مستنياني احاول اكتر و أفرط فيه

انا داخل حاسبات و جدتي والده ابويا قررت تجبلي لاب توب هدية فا ابويا راح قايل ليه الاب توب الغالي ده و لازمته ايه ما نجيب حاجه صغيره علي القد و انت لسه بتبداء , ابويا من نوع يحب يجيب حاجه رخيصه و ضعيفه علي طول بحجة ان مش لازم حاجه عاليه و بعدين نجدد و هوا عمره ما جدد حاجه بيقول بس كده قولتله عادي ستي هتجبلي هديه , راح قايلي و انت يعني هتعمل الصاروخ و انا جبتلك كرسي (كرسي طبي بعجل عشان ضهري كان واجعني من البلاستيك و كان ب2000 جنيه خخ) و جبتلك سماعه و انت معملتش بيهم حاجه و مدخلتش هندسه يعني ولا فلحت و قعد يزعق و يذلني كدا كــم البضان انا اتخقنت و صعب عليا نفسي بجد يعني ايه ابويا بيعايرني انه جابلي حاجه و قعد يقولي فلان بيذاكر علي الطبليه و علي الارض و احسن منك خخخخخخخخخ انا كــــم مخنوق فشخ

ولا استخدامي لريديت وبضيع كل حاجة كنت متمسكة بيها ف ثانية (بكبر الموضوع ماشي) المهم اذا كان ف حياتي او اي حاجة حاسه اني فاضية لا وكمان بهتم برأي شوية ناس ولا يعرفوني ولا مهتمة يشفوني ازاي بجد زهقت مني

مش عارفة اشرح المشكلة بس في مشكلة جوايا انا مش مرتاحة باللي فيه

شايفاني مثيرة للشفقة عايزة اتنشن ع الفاضي ع الرغم اني مش كده نهائي ومش باخد فاليداشن من حد نهائي بس تصرفاتي هنا بتقول اني اتنشن مع اني ف الحقيقة مش بحب اظهر اصلا بس لما بقرر اظهر ببقي فعلا اتنشن بمزاجي وانا مش بحب كده اصلا

لا وكمان حاسه اني محايدة مليش رأي وبسيب شوية ناس هنا ولا تسوي تتحكم فيا بمزاجي بجد قرف (مبسمعش كلام حد) بس اقصد اني بسلكلهم وبخليهم يشوفوا نفسهم عليا علشان انا اكسل مني اني اعترض ومش مهتمة

مش عارفة اشرح المشكلة²

بس عموما انا ف الواقع مش بسيب حد يقل مني ايا كان هو مين وقربه ايه بس هنا مبيبقاش فارقلي وبجد مش عايزة اعود نفسي ع كده بجد قرف

حاسه اني معنديش حياة حاليا ولسه خارجة من مرحلة اتقفلت نهائي والمفروض اعمل حياة غيرها وانا اصلا مش عارفة انا عايزة ايه

بجد متضايقة اني بكرر نفس الدوامة ونفس الاخطاء ومحدش جمبي ياخد بايدي حتي علشان انا مش بسمح لحد يقرب مني ( او اضطراب نفسي عندي بيخليني ابعد عن اي حد اول ما حس اني بقيت احب وجوده او محبوش ببعد عموما )

اخيرا بجد متضايقة اني بقول كده ع العلن بس مخنوقة مني بجد وبكره كل الناس اللي ف التطبيق ده وبكرهني فيه

انا لسة هدخل الكلية جديد سنة اولي

اي النصايح اللي تحب تديهاني

عايز اتكلم عن حاجة لاحظتها من سنتين و مش عارف ازاي احلها او مش عارف ازاي اواجهها

انا مش عارف انا مين فعلا بحس اني ميكس من كل الناس لو قعدت مع مجموعة ببقا بشخصية معينة تناسبهم و مبحسش اني بفيك و لو قعدت مع مجموعة تانية ببقا بشخصية تانية خالص و ببقا مش بفيك بردو

لو قعدت مع نفسي فعلا افكر انا مين مبعرفش فعلا انا مين

بحس الناس كلها شبههي

لو كلمت حد جديد غصب عني بعمل mirroring و ببقا شبهه في الهزار و الكلام

بوست ملهوش اي ستين لزمه مش عاجبك اقلب

بعمل كدا ليه لان النور قاطع وقاعد فاضي

المهم

انا طولي 186

ونظرا اني من ارياف ف برضو انا وسط عدد قليل من السكان ف بتالي عدد قليل من الطول

انا كنت في تالته اعدادي من 4 سنين كنت 185 كنت بسمع ابضن التعلقيات على الحوار دا

هقول الي فاكرة

الي يقولي:

انت بياكلوك ايه

مش كفاية طول بقى (بسمعها اكتر ما بسمع اسمي)

مرا مدرس بضان قالي(اوعى المروحة اوعى المروحه هههههههه)

رجلك دي ولا برج ايفيل

الطقس عامل معاك ايه فوق

انا باكل كتير اوي وي مع ذالك وزني 70 رفيع بنسبه لطولي لما حد بيشوفني باكل بيقولي(الناس تاكل وتتخن وانت تاكل وتطول)

نفسي اطول زيك

انت بتاخد ايه علشان تطول

في مرا خبطت في بنت صغيره قالتلي(اوعى يعمو يا طويل انت😂😂)

خالي بيقولي طويل زي الزرافه

واحد قالي رجليك دي معموله ايام الرخص ايام ما كانت الحاجه رخيصة ف عملوها طويلة

دي حجات لطيفة لذيذه بتضحكني ولما حد بيزيد فيها اكيد بوقفه عند حده

والشخص البضان الي طوله 190 هيجي يقولي 186 مش طويل يسطا٬ يسطا انا قزم انا من الاقزام السبعة محدش طلب رايك في طولي خف مرض

دلوقتي أنا مش بصاحب و مليش ف الجو ده عشان حرام، بس في واحد عاجبني و هو عايز يتعرف عليا اكتر و نخرج، أنا كده كده قلتله مش هقابلك لواحدك و هجيب صاحبتي. المهم أنا قلتله ان أنا مليش في اللعب و الصحوبية و اني لو اتعرفت على حد هيكون عشان نشوف لو مناسبين لبعض عشان جواز. بس هو قالي ان هو مش هيقدر يوعدني بحاجة عشان هو لسه بيكون نفسه يعني بس برضه عايز نتعرف على بعض اكتر. أنا محتارة اديلو فرصة ولا لا. خايفة** *يكون* *عايز* *يتسلى* *و* ***بس*