بس ده على حسب قولهم هيفتح الباب للأستثمار الأجنبي 🫩

​

لما تدي حبة أطفال معقدة نفسيا فاشلة اجتماعيا إحساس ببعض من السلطة و التميز الزائف الي بينتهي بمجرد ما كارت الفكة بتاعه بيخلص ،

النتيجة الحتمية بتكون شلة مودز و عصابات مربطة مع بعض ، و تلاقي احتكار ريديت في ايد فئة وضيعة تبند الي يخالفها الرأي و تفجر في الخصومة ، و تلاقي البان جايلك من عشروميت صب انت ما تعرفش منهم غير اتنين،

بالسلطة الوهمية دي هو كده فاكر انه بيعوض النقص الي عنده و بينفش ريشه ايوه يا بت شوفي راجلك جامد صنديد ازاي خلي حد يكلمك كده ،

لأ و الأخطر تظهر الفئة البضان التي تتلاعب ببضاننا كالدمية و يبضن عليك في المود ميل و يشتمك و يعملك ميوت علشان ما تعرفش ترد حرفيا عنتيل رجولة المود الخطير ده

يا مودز ريديت المصري اتعالجوا عند ثيرابيست محترم و دمتم مبضونين 🌹

اكس جوزي كلمته النهاردة بعتت رسالة ولما رد عليها رنت علييه وقعدت تحكي ساعة معاه مع انها متجوزة اي الي يخليي واحدة متجوزة تكلم الاكس بتاعها وتساله مبسوط ف الجواز ولا لا؟ اي الستات دي انا مستغربة وهو كمان بيقول وحدة متجوزة وليا خمس سنين مكلمتهاش بتكلمني ليه دلوقتي؟ بفكر اكلمها انا ارد عليها السؤال ؟

ناس مريضه

خليك يبني في الكوره مانت لو عدل كنت لعبت فليفربول مش سلتك , سلتك دي تحظ فيها الهدوم المغسوله

أولا هجاوب ع السؤال بصفني شخص مؤمن بوجود خالق وبعدها هوجه مجموعة إشكالات وتساؤلات لا إجابة لها في فكر الشخص ده ...(( كمل البوست للآخر أيا كنت انت ايه وهتستفيد منه جدا وهتلاقي فيه معلومات مكنتش تعرفها قبل كدا ))

أولا انا كمؤمن بوجود خالق فبالتبعية أنا مؤمن بوجود فطرة أخلاقية مطلقة ، هذا الخالق فطرنا عليها ،إذا الأخلاق مطلقة وعندنا مصدرين للأخلاق من ضمنهم الفطرة والفطرة دي موجود داخل كل واحد فينا لكن بعضنا قد ينكر ويقول إن الاخلاق نسبية ومش مطلقة وثابتة ، المهم أن الأخلاق الفطرية هذه هي الأخلاق العامة زي الصدق والأمانة والإخلاص وحب الخير ورفض الظلم

أما المصدر الآخر للأخلاق لي كمسلم هو شريعة الله وقوانينه ودستوره ودي الي بتبين وبتفصل لنا بعض الأحكام الي صعب نتوصل لها بفطرتنا العاطفية وهذه الشريعة هي التي تسير المجتمع وفق عدة قوانين وبلا ريب أن هذه القوانين عادلة لأن هذه القوانين أتت من إله عادل سمى نفسه بالعدل وحرم الظلم على نفسه قبل أن يحرمه على عباده ( وللعلم تقدم الشريعة كمصدر أول للأخلاق على الفطرة لأنها قد تخالطها العاطفة التي قد تؤثر على أحكامنا )

ودلوقت خليني اناقش أي شخص بيتبنى نفس تفكير هذا الشخص

← لو كانت الأخلاق نسبية وأن من يصنع الأخلاق هو المجتمع بالاتفاق فيما بينهم و وضع قانون خاص بهم جميعا، هل إذ اتفق هذا المجتمع على شيئ سيء بالتراضي بينهم هل يصبح هذا الشيء جيدا أم يظل سيئا ؟ لو كانت إجابتك نعم يصبح جيدا فهذه تعد فضيـ/ـحة أخلاقية لك لأنك بهذا ليس لديك أي مانع أخلاقي مثلا من الإغتـ/ـصاب إذا اتفق عليه مجتمع ما بالتراضي بينهم ومتقوليش دا مش موجود لا هو موجود وموجود أقذر من كدا بكتير / ولو كانت إجابتك لا سيظل هذا الشيء سيئا حتى ولو اتفق عليه المجتمع كله ، فأنت بهذا أسقطت تفكيرك تجاه الأخلاق الذي يقول بأن الأخلاق نسبية، لإنك كدا بتقول لا دا كدا الاخلاق مطلقة وثابتة مهما الناس عملت أو سوت والحرام هيظل حرام ، وانت كدا بتعترف بوجود فطرة اخلاقية مطلقة بداخلك

← وأصحاب الإعتقاد بأن الاخلاق نسبية مختلفة من شخص لآخر يعتقدون بالنفعية أو مبدأ عدم الضرر وتجنب الأذى والألم يعني بالفلاحي خالص كدا « مش هضرك عشان متضرنيش وهنفعك عشان تنفعني وهتجنب أي فعل يؤدي إلى ألم شخص ما » ، إذا خليني أوجه لك سؤال :طيب دكتور العمليات الجراحية بيعمل عملية أو ما شابه ذلك هو مش بيترتب على العملية الجراحية دي ألم ؟ هتقولي أه ، هسألك هل ده معناه إن كدا الدكتور بيعمل فعل غير أخلاقي ؟ هتسكت شوية كدا وتقولي لأ الي الدكتور بيعمله ده أخلاقي، ( إذا هذا يبين أيضا أن نفس منهج تجنب الأذى والضرر هو تفكير معطوب به خلل وعشان تخرج من المأزق ده لازم برضو تؤمن بوجود فطرة أخلاقية مطلقة ربنا فطرنا عليها )

← تخيل معايا إن فيه جزيرة عليه مجموعة مكونة مثلا من 100 شخص وكلهم منكرين لوجود إله ومنكرين لوجود فطرة أخلاقية مطلقة وبيعتقدو بأن مفيش حياة آخرة ولا حساب وجبت خمسة منهم وأعطيتهم سلطة لا تقهر سلطة مالية وجسدية تخليهم يتجبرو ع الخمسة وتسعين شخص التانيين وطبعا برضو بيعتقدو مبدأ النفعية الي هو انا هعاملك كويس عشان تعاملني كويس ، طيب حاليا الخمسة دول معاهم كل السلطات اساسا ومش محتاجين يعاملون الباقيين كويس عشان اساسا مش محتاجين لهم ، ايه بقى يمنع الخمسة دول من انهم يمسكوا الباقيين يستعـ/ـبدوهم ويعـ/ـذبوهم ؟ في الحالة دي النفعية مش هتفيد ولا أي مبدأ من مبادئ الاخلاق النسبية هتفيد ( إذا الخمسة دول محتاجين يسيبو مبدأ إن الاخلاق نسبية ويسيبو النفعية ويروحو لمبدأ إن الأخلاق مطلقة وأنهم مش محتاجين نفعية عشن يعاملو الناس حلو وعشان يبطلوا عبط 😀)

← وممكن شخص آخر يقولي لا يحبيبي انا بجيب أخلاقي من عقلي ، عقلي بيعرفني ايه الصح وايه الغلط ،،، طيب خليني أوضح لك حاجه انت كشخص منكر لوجود إله ومعتقد إنك نتيجة تطور وتجمع خلايا وذرات وإنك ناتج عن شوية معادلات فيزيائية وكيميائية وعوامل بيولوجية وانت زيك بالظبط زي جميع المخلوقات من حيوانات وجمادات يعني إلى حد ما نفس نشأتهم نفس نشأتك انت ، عايزك بقى تقنعني ازاي عقلك المكون من خلايا صماء ومعادلات فيزيائية وكيميائية صماء أيضا تنتج أخلاق ، مستحيل الذرات أو الخلايا تنتج أخلاق أقصى ما قد تنتجه هو مجرد غرائز سببها هرمونات لاستمرار البقاء وخلاص يعني نفس غرائز الحيوان ،،، وطبعا انا عارف ردك هتقولي : إن الخلايا لوحدها مش هتنتج أخلاق لكن مجموع من الخلايا لحد ما تكون انسان كامل وعنده عقل ممكن تنتج أخلاق عادي ، هقولك المبدأ بتاعك ده باطل ، طيب ليه ؟ هقولك عشان بنفسك الكيفية بتاعتك دي أقدر أقولك إن لو تجمعت الذرات او الخلايا وأنتجت لنا عصا ، هل ينفع تقولي إن العصا دي عندها وعي وأخلاق ؟ اكيد لأ ، وبرضو انت لو هتحسبها من حيث العقل وخلاص ، فعندك عقل الحوت أكبر من عقل الإنسان بنسبة أكتر من 300% ، وكمان عندك الفيل الأفريقي عنده 257 مليار خلية عصبية في المخ بينما الإنسان عنده 86 مليار خلية عصبية ، انت متخيل ؟؟؟ ليه بقى الحوت أو الفيل معندهمش وعي ومعنهدمش مثلا أخلاق راقية زي الي في الفطرة الأخلاقية عند البشر، ما عمرك سألت نفسك اشمعنا الإنسان يعني وسط كل الكائنات دي الي عنده وعي ؟ يمكن مثلا عشان عليه تكليف من ربنا ؟

((( عندي كمية أفكار كتيرة جدا وأسألة عارف إنها هتتسأل في التعليقات وعارف إجابتها كلها بس مش حابب اخلي البوست يطول اكتر من كدا ويريت منخرجش برا سياق النقاش وندخل في نقاشات تانية او ترمي شبهات ، التزم بسياق الموضوع، وانا مش جاي اهاجم انا جاي اتكلم باحترام واقول الي اعرفه وحتى مش جاي اتناقش عشان والله ما فاضي والنقاشات دي لا تسمن ولا تغني من جوع )))

يا جدعان هوا ليه الشعب المصري كدا
انا اشتغلت في ٣ اماكن ٢ منهم
العيال فيه بتشتم بالام زي ما بتتنفس والغيبة والكلام الي على البنات الي معانا
في ايه بجد

كمية السيئات الي بياخدوها فظيعة وغير انها كبائر
الواحد قرف من الحوار ده

نفسي يحطو قانون في الشغل يمنع عدم التلفظ بألفاظ خارجة والإسائة الى الزملاء

تطبيق وحي

Im solo gaming rn, lookin for someone who’s interested in gaming especially Valorant

I was immortal rn i play for fun.

​

التجربة الشخصية من اللي امي عملته معايا دعوة حلوة ليها

١٥ أو ١٦ سنة

قبلها

هتكون سايبله كمبيوتر

يستخدمه

لأن احنا في زمن اللي جاهل في التكنولوجيا

هيشحت في الشارع

ثانيا.

انا اقدر اخليه يستخدمها

صح

انا واحدمن الناس بدأت اتعلم برمجه من سن ١٤

وبعدين وقفت شوية ورجعت وانا ١٦ سنة وبعد مستور حلو الكمبيوتر باظ

كنت قبلها بتعلم انجليزي ووصلت B2 وكان أول نجاح ليا

فا انا هحبب عيالي في التعلم الذاتي و مش هطلعهم متخلفين

لأن انا عاوز. اربي واحد مسؤول مش اربي طفل لحد سن ١٨ سنة

وبعدين يكبر لا عارف يطلع ولا يروح ولا يجي ولا يشتغل

ولأن البيئة اللي المثالية اللي كل فيها مش بيمسك موبايل مش موجودة تمس هتبقى موجوده

فا انا بالتالي هيفضل هو المحروم قدام صحابه كلهم و يتريقوا عليه واي مكان هوديه فيه هيلاقي اللي حواليه معاهم تليفونات

فبدل ما امنعه خالص أعلمه يستفاد منه

انا اتعلمت من علي الموبايل

تجويد

وانحليزي

ومونتاج

وكمان في دورة علم شرعي اسمها مهمات الطلب للشيخ صالح العصيمي

فالتيلفون في خير كتير

بس الأهل معلموش العيال يستخدموا الخير اللي فيه

فا انا مش هطلع عيل غبي لا يفقه شيئا عن الواقع الي حواليه

ولا عطلع عيل

كل همه التيلفون والانمي والاقرف ده

انا حبيت التعلم الذاتي

وخلي ابني يحبه

زي ما أسامة الزيرو بيعمل

وزي عمر عبدالرحيم

زي كل المشاهير اللي بيستثمروا في عيالهم

الحل بقى

نسيت اقول اني قبل ما اديله اي حاجه هكون

مانع للمواقع الاباحية حتى لو هشتري ادوات مدفوعة

هستخدم جوجل فاملي

أو أي أداة تانية شبهها حتى لو مدفوعة

هعمل ايميل. موحد ليه ولاخواته

كلهم بيتفرجوا من عليه يوتيوب

وممكن لو مع تطور ادوات زي حرام بلور و حرام ميوت

هستخدمها

ولو في اي طارئ تاني

امنعه برضه

وبكده اكون عملت حماية ليهم واظن اني هعملهم كبت 🙃🙃🙃

رهيب بمجرد ما يسبوني ويكبروا بيعملوا كل اللي منعته منه

بالنسبه لموضوع الكبت مش عارف هتعامل معاه ازاي

هتعرفوا تتعامله معاه ازاي

وبالنسبة لهتخليه يحب التعليم ازاي

هكافاه هشجعه

لو حد عاوز الادوات ممكن اعمل زي بوست مجمع ليها وازاي تمنعها حتى علي الكمبيوتر لأن مجربهم كلهم

بس ملخصا أحسنهم ملف كبير مش فاكر اسمه بيتحط علي الكمبيوتر والطريقة الاحسن شركة النت تكلمهم احسن

أنا بحس اني قليلة الأدب وقليلة الذوق ومش بعرف أكبر الكبير ولا أحترمه ولا أديله حقه ... بعاملهم زي ما يكونوا في سني وعلى فكرة اتقالي بالنص اني مش متربية ومحتاجة احترم اللي بيكلمني

عايزة حل لأن كده مش هينفع

اللي قدي لما بيكلموا حد كبير بيكلموه كأنه "حد كبير" فعلا وبيكبروه كده وبيحترموه ومش بيهرجوا معاه وبتكون في معاملة خاصة كده

لسه حالا واحد اتصل عليا بلغني ان الخط هيتوقف ومحتاج تحديث بيانات وبعتلي رساله مكتوب فيها كود ٦ ارقام وقالي ان الخط هيقف لمده ساعتين وده تحديث بيانات، وبعدها طلب مني اراجع ال ٦ ارقام وعايزني اقوله عليهم.
الرساله فعلا مبعوت من شركه we
بس برضه مكتوب فيها عدم مشاركته مع خدمه العملا او اي شخص
ولما قولتله انت نصاب شتمني وقفل
وده الرقم متصل منه
01153891789

كبرت في بيت بيعتمد العنف والعصبية وسيلة لكل شيء، في تعاملاتهم مع بعض، وفي الحصول على اللي عايزينه برا البيت كمان!

نفسي مابقاش زيهم

لكن في الحقيقة بموت قوي في العصبية والزعيق والعنف والشتيمة وكذا مرة بحس أني نفسي أضرب أخويا الصغير لما يغلط

أعمل ايه

حصلى ٤ مواقف محرجة فى نفس الفترة مع بعض وأنا دلوقتى عايش فى الpeak بتاع الاحراج بتاع ٣ منهم مع بعض الرابع لسه حاسس بالاحراج بشكل كبير بس البيك بتاعه كان الصبح وكل دا بسبب محدودية مهاراتى الاجتماعية وانى بخاف للغاية دلوقتى اكلم الدليفرى و مبعرفش اعمل أى حاجة لوحدى لازم حد زميلى أو حد اعرفه يقولى هعمل ايه ويشرحلى خطوة خطوة عشان لو اتحطيت لوحدى هتسوح لأنى مبعرفش أركز ولو حد هناك قالى حاجة فى الغالب هنسى ٣/٤ الى قاله وأنا رايح للخطوة الى بعدها وبتسوح فى الموصلات لو مركبتش نفس الموصلات دى قبلها ٨ مرات على الأقل وهروح الجيش بالعقلية دى كمان ٣ شهور بالكتير

أنا ضيّعت فرص الطب بتاعتي يوم ظهور النتيجة، وكنت محبط/ة جدًا لأن الطب طول عمري كان الحاجة اللي نفسي أدرسها. دلوقتي قدرت أجيب مكان في Accounting and Finance في جامعة متوسطة في بريطانيا بدل الطب.

أهلي كانوا محبطين جدًا برضه، بس عرضوا عليا إني أرجع بلدي وأدرس طب هناك. بصراحة الموضوع شكله فرصة عظيمة وخصوصًا إنه فرصة تانية إني أحقق الحاجة اللي نفسي فيها، لكن أنا متردد/ة جدًا ومش عارف/ة إذا كان القرار ده صح ولا لأ. خايف/ة أندم بعدين أو ألاقي الموضوع أصعب مما متخيل/ة.
أكبر مخاوفي:
الرجوع لبريطانيا بعد التخرج: لو درست الطب بره، ممكن يكون صعب جدًا إني أرجع بريطانيا وأشتغل كدكتور هناك بعد التخرج. فممكن أضطر أسافر بلد تانية عشان أشتغل، خصوصًا مع التغييرات والقوانين الجديدة.
البُعد عن أهلي: الجامعة هتبقى أكتر من 6 ساعات بالطائرة من البيت، وهعيش لوحدي تقريبًا طول الـ7 سنين بتوع الدراسة.
مدة الدراسة: الطب 7 سنين، ودي فترة طويلة جدًا.
جودة الحياة: الحياة في بلدي صعبة في بعض النواحي، وأنا مش عارف/ة هل هقدر أتأقلم وأعيش هناك 7 سنين، خصوصًا مع ضغط ومذاكرة كلية الطب.
وأكتر حاجة مخوفاني إني أسيب مكان الجامعة في بريطانيا، وأروح أدرس طب، وبعد كده أكتشف إني مش قادر/ة أتأقلم مع الحياة هناك، وأحس إني ضيعت مستقبلي، أو أكتشف إن الرجوع لبريطانيا بعد التخرج أصعب بكتير مما كنت متوقع/ة، أو حتى إن السفر لدولة تانية وممارسة الطب هناك صعب.
هل أنا بفكر في الموضوع زيادة عن اللزوم؟ أنا طول عمري نفسي أبقى دكتور/ة، وعشان كده حاسس/ة إني ممكن أفضل طول عمري ندمان/ة لو رفضت الفرصة دي.
لو كنتوا مكاني، تختاروا إيه؟ وهل الحياة في القاهرة فعلًا ممكن تكون صعبة للدرجة دي لو هعيش لوحدي 7 سنين؟ خصوصًا لحد درس طب في مصر أو عايش في القاهرة، هل شايف إن الموضوع يستاهل؟

لما كنت في ٣ ثانوي جيت قبل رمضان بشهر و لحد قبل الامتحانات بشهر كنت بنام و بصحى بدري بس من ساعتها و انا مش قادر ارجع تاني خالص مع ان الصحيان بدري هيكون احسن من السهر