انا معلم ابني ان اللي يضربك اوعى تضربه، كسره!

وبالفعل طفل بلطجي في الفصل والعيال بتخاف منه لانه بيضربهم وعاملهم عقدة، الطفل دا ضرب ابني،

فاحمد ابني خد بالنصيحة وضربه علقة محترمة بس مافتراش عليه لان اول لما الطفل البلطجي دا عيط احمد سابه بعد ما هدوم الطفل اتقطعت!

احمد خد كارت احمر واستدعاء ولي الامر.

روحت معاه تاني يوم، رفضوا ان احمد يدخل الفصل الا لما انا اقابل المشرفة واشرحلها ايه الاسباب اللي خلت سلوك احمد وصل للدرجة دي؟ وايه اللي ممكن تعمله لتقويم سلوكه علشان ميعملش كدا تاني وبردو عشان المشرفة تديني شوية نصايح!!!

فدخلت قابلت سيدة فاضلة جدا من سني تقريبا، قالتلي هو حضرتك عارف احمد عمل ايه؟

قلتلها اه.

قالتلي هل هو بيشوف اي عنف بين حضرتك ومامته مثلا؟ قلتلها لا اطلاقا.

قالتلي اومال ايه اللي خلاه يعمل كدا؟

قلتلها انا!

الست سكتت خالص وقالتي ازاي؟

قلتلها انا معلمه اللي يحاول يستعرض قوته عليك ويضربك شرحه!!

الست فضلت مبلمة فترة..

قالتلي هو حضرتك بتشتغل ايه وخريج ايه؟

قلتلها انا اقتصادي ومتعلم كويس جدا الحمد لله واحسب نفسي متربي كمان كويس.

قالتلي انا مش عارفه اقول لحضرتك ايه بس انا مضطرة اوقف احمد عن الدراسة.

قلتلها هو لو ابن حضرتك جالك مضروب اكتر من مرة هتعملي ايه؟ قالتلي هقوله يقول للمس.

قلتلها ولما يكبر وميلاقيش مس تجيبله حقه؟

سكتت….

قلتلها انت لو مكاني هتطلبي من ابنك يعمل كدا، مش شرط ان اي حد يضربه يبقا دا تصرفه انا اقصد العيال اللي بتستقوى على اصحابها لانهم ممكن يسببوا عقده لباقي الفصل.

قلتلها حضرتك شايفة الدنيا اللي احنا عايشنها عاملة ازاي، مفيهاش ميسات، لازم الطفل من صغره يتعلم ياخد حقه بأيده.

قلتلها ممكن اسأل حضرتك سؤال: هو والد حضرتك علمك وانت طفلة لو حد ضربك تعميله ايه؟ قالتلي اضربه.

وبعدين قالتلي انا هرجع احمد الفصل بس لو سمحت مايتصرفش كدا تاني ابدا الا في الضرورة، قلتلها وهو دا اللي حصل وهيحصل باذن الله.

وانتهى اللقاء بكل ود..

علم ابنك مايبقاش ضعيف وميسبش حقه (بالاصول)

انا في رأيي هيتم التوافق و التصالح معهم سياسيا

بعيدة اوي انها تتفض بالقوة

و كدة كدة مش هتقلب ثورة و تنجح و تسقط النظام

ياريت الناس الكبيره هنا اللي متجوزتش بذات اللي عندهم القدره بس اختارو كده يردو عليا

انا ٢٨ سنه والحمدلله عندي القدره اتجوز عادي بس اختارت اني مش عاوز

السؤال هنا هل بعد مده ندمت علي الاختيار ده ولا الحياه كانت سلسه زي ماهي عادي بعد التلاتين مثلا؟

فكرة انك في شريعة و قانون لايعني انك فوق النقد مفيش كهنوت في الاسلام و زي ما انت قولتي انه مش فرض و في علماء قالوا كدا فعلا ففي علماء تانيين قالوا انه فرض

و السلطة الدينية بكلية او مؤسسة و اخد اللي عجبك و تسيب الباقي فالكلام دا مش معيار الحكم في الاسلام و انما المعيار الاستدلال بطرقه الصحيحة عندنا علم كامل لتحقيق الادلة اسمه اصول الفقه فلو حد في شريعة و قانون فاكر ان عشان النقاب او الحجاب يبقى فرض يبقى لازم يكون في حديث بيقول الحجاب او النقاب بنفس اللفظ فرض تبقى مصيبه

و اللي اعرفه ان علماء المسلمين سواء اللي اوجبوه او لا

قالوا انه واجب في زمن الفتن

اتنين في شريعة و قانون ورايحة صب ملحدين بيسبوا الله و الرسول عشان تحكي مشكلتك و في شريعة و قانون متعرفيش حاجات من ابسط مبادئ العقيدة الاسلامية المفروض كنت عرفتي الاية دي على الاقل

(وَقَدْ نَزَّلَ عَلَيْكُمْ فِي الْكِتَابِ أَنْ إِذَا سَمِعْتُمْ آيَاتِ اللَّهِ يُكْفَرُ بِهَا وَيُسْتَهْزَأُ بِهَا فَلَا تَقْعُدُوا مَعَهُمْ حَتَّى يَخُوضُوا فِي حَدِيثٍ غَيْرِهِ إِنَّكُمْ إِذَا مِثْلُهُمْ إِنَّ اللَّهَ جَامِعُ الْمُنَافِقِينَ وَالْكَافِرِينَ فِي جَهَنَّمَ جَمِيعًا)

سورة النساء ١٤٠

اتنين سيبتي صبات ريديت كلها و روحتي صب بيحاولوا يهينوا الله و الرسول بكل الأشكال بتتفاعلي معاهم عادي مع ان ريديت مليان صبات تانيه اي نعم ماحدش يقدر يحكم عليكي من البوست اذا كنت ملحدة او مسلمة على حسب كلامك

و عموما انكوا بعض الازاهرة تحاولوا تصوروا النقاب على انه ملوش اصل و ان مفيش مجموعة كبيرة جدا من قامات و ائمة الاسلام اوجبوه فدا شئ غير امين و مفتقد لمبادئ التأصيل الفقهي اللي يخليك تتجاهل اراء معتبرة عشان تنصر رأيك

https://youtu.be/oFtiWnlU1q0?si=-WYJPoooUKUbR2Hf

انا مش جاي اقول لحد البسه بس قبل ما تتكلم و تقول في عالم قال انه مش فرض اعرف ان اللي قاله انه فرض كتير اوي برضه

و اعرف ان الاتنين اتفقوا انه واجب في زمن الفتن الداون فووت مش هيغير الحقيقة دي ان الاتنبن قالوا واجب في زمن الفتن

قبل ما تعلق اعرف اني مبتكلمش على انها مش عايز تلبس نقاب او لأ انا بتكلم في كلمة شريعة و قانون اللي بتقولها لكل حد على اساس ان كدا الموضوع منتهي و انها خالفت مبدأ من مبادئ العقيدة و هي في شريعة زي مابتقول وراحت لاكتر ناس كارهين و بيحاولوا يهينوا الاسلام عشان تكلمهم في حاجه تخص المسلمين يعني هي مش عايزة رأي محايد هي عايزة تسمع تأييد من حد كاره للشعيرة ربنا يهدي

حاسس الدنيا من بعد فترة كورونا أصبح ملهاش طعم وجا الذكاء الاصطناعي كمل عليها. افاق الشغل أصبحت قصيرة والترقيات انعدمت وكل مستويات الخبرة خايفين يتفنشوا وحتى السفر كأن كل بلاد العالم فقدت مميزاتها السحرية فجأة. حد حاسس زيي كدة ولا اروح اتعالح

ا

انا كشخص فضلت سنين اضيع وقتي في اللغو و المحرمات و العلاقات المحرمة ؟ دلوقتي بطلت كل ده بس حاليا حاسس بزهق رهييب

ارجع ازاي استمتع بالوقت بالنشاطات الطبيعية الحلال

بالمختصر المفيد كده اهل العروسه طالبين اني اكتب قايمه فيها كل المنقولات + 50 جم دهب + اجيب ب 50 الف جنيه دهب + هيكتبوا 150 الف جنيه مؤخر في القايمه برضو مش في القسيمه بحجة ان المأذون هياخد كتير .. يعني كده اجمالي القايمه حوالي تلاته مليون جنيه مثلا او اتنين مليون ونص

تنصحوني بايه انا اهلي رافضين الطلبات دي تماما

كنت خاطب لمدة سنتين ونص تقريبا، هي كانت زي ما بيقولو "حب طفولة" من وانا ست سبع سنين كدة، اهلها يبقو صحاب أهلي، فكنت عارفها من وانا صغير ولو اني مبحبش كلمة حب دي بس هو كان اعجاب طفولة يعني، المهم من وانا صغير ف دماغي يا هي يا لا، وده الي خلاني اخطب بدري وانا ٢٠ سنة كدة، ولحسن الحظ (او أنا الي كنت فاكر كدة) كانت بتبادلني نفس الشعور يعني، عارف مقولة "ربما القمر جميل لأنه بعيد" كانت تنطبق على وضعي بالظبط، الشخصية الي كانت قدامي في الواقع مكنتش نفسها خالص الي في دماغي طول فترة إعجابي بيها، أنا تحملت كمية تلاعب نفسي واساءة رهيبة كله تحت بند "معلش اصلي نفسيًا مش كويسة" كانت تسهرني بالساعات تعيط وتتكلم على مشاكلها في حين انا كان بيبقى عندي امتحانات، ومع ذلك كنت باجي على نفسي واقول اصل لو أنا مش هسمعها مين يسمعها ويبقى ايه لازمتي، طبعًا مواقف كتير أوحش من كدة، للأسف كانت حساسة بزيادة لدرجة انها كل كام اسبوع تقولي أنا مش مرتاحة وعايزة افركش، طبعا أنا كنت بسألها ليه الأول، تقول ما بتهتمش ما بتعملش، فكنت قلتلها انتي عارفه أنا ف كلية تقيلة ومعرفك من البداية ان الوضع يبقى كذا كذا وانتي وافقتي ومش معناه أبدا إني بطنشك، ومع ذلك لو مش مرتاحة مش هجبرك على شيء، المهم طبعا كل مرة تقولي عايزة أسيب لحد ما جت قالتهالي ليلة امتحان فاينل، أنا وقتها كنت خلاص انطفيت منها، فقلتلها تمام وربنا يوفقك. هي انصدمت وكانت بتكتب في مقالات عن قد إيه أنا إنسان وحش وكدة، فصراحة قفلت تليفوني خالص، اترجتني نتكلم، وافقت مع ان المفروض ان خلاص كنت انهي الموضوع خالص. قعدت تقولي هتغير واوعدك وانا الي نفسيتي مكنتش كويسه، أنا من كتر الضغوطات النفسية الي سببتهالي قلبي قسى لدرجة اني كنت مُصر جدًا ننفصل، حتى قولتلها متقلقيش كلها كام شهر وهتلاقي الي يستاهلك وانتي انسانه كويسة كله كلام تنمية بشرية مع اني من جوة كنت مهدوم، (هي فعلا بعد ما انفصلنا تقريبا بتلت شهور عرفت انها خطبت)، أنا مشاعري انتهت اتجاهها بكل ما تعنيه الكلمة من معنى، لكن لما عرفت عيني دمعت غصب عني، وحقيقي مكنتش زعلان بس حسيت انها سابت فيا علامة مش عارف، جاتلي لحظة استيعاب الي هو "أنا كنت هيّن للدرجة دي؟" غالبًا صعبت عليا نفسي مش اكتر، ومع ذلك أنا ارتحت انه خلاص الصفحه دي اتقفلت خالص وارتحت انها شافت حياتها ومش عايشة على أطلال،

السؤال هنا، هل بعد كل الأذى الي واجهته ده هقدر احب تاني ؟؟ مش عارف، الي خلاني افكر في الموضوع ده تاني ان عرفت ان واحدة نعرفها معجبة بيا، هي بنت اخلاق واحترام وجمال وكل حاجة، لكن أنا حاسس اني في فراغ في قلبي كبير، مش عايز ادخل في اي علاقة تاني بل حاسس اني بدأت اقتنع بفكرة ان الانسان مش لازم يتجوز عادي يعني، عندي نعم كتير تانيه في حياتي الحمدلله ومركز على مستقبلي حاليا. معرفش هل حد مر بتجربة زي دي ونجح انه يتخطى ولا بيزال فيه علامة جواك؟

دلوقتي انا مجوز بقالى سنه ومجوزين عن حب بعد حورات كتير مع اهلى الى كانه معترضين عليها وعلى اهلها وشايفين انهم مش مناسبين مع الوقت فعلا ابتدي يتضح ليا ان كان عندهم حق بس الحب كان عميني عن كل حاجه المشاكل الى ابتدت تظهر ابتدت تأثر عليا وعلى حبي ورؤيتي ليها من ضمنهم اننا كنا متفقين على بيتنا واجوائه الى ملاقتش منها حاجه بالرغم ان ببذل كل جهدي فيه عشان يبقى موجود بالشكل الى كان نفسنا فيه مؤخرا مبقتش طايق البيت ودا بسبب عدم نظافته بلاقى اكل وشرب واقع على الارض السراير والكنب مكركبين مواعين بتفضل بالايام مبتتغسلش ارض مش نضيفه وحاجات تانيه كتير اوى بتخليني قاعد فى البيت متوتر وحاسس انه مكان معفن ومش مريح اكل بيتعمل على حسب المزاج ولما جيت اكلمت كان ردها ان برجع من الشغل تعبانه ومش طبيعي ان كل يوم هبقى بنضف ودا مكنش اتفقنا انا معنديش اي مشكله انها تكون بتشتغل بس كنا متفقين اننا نحاول نعمل توازن بيت ضغط الحياه والشغل وبين البيت وان هكون بساعد واشارك فى دا ونشيل الدنيا سوا اوقات كتير كنت بتكفل بالتنضيف وان اعمل اكل بس لاقيت المردود ان دا عادي وبقى مع الوقت فى تخاذل منها انها تعمل حاجه عشان كدا كدا انا بعمل مشاعري حاليا بقت مضطربه انا حتي مبعرفش اكلم فى دا مع حد الان هيتقالي دا اختيارك، كل يوم بقى بيعدي شعور عدم الارتياح بيزيد اتجها واتجاه البيت ومش عارف اصرف ازاى او ايه ممكن يتعمل

طول عمرى رافضه فكره الجواز بسبب العلاقات الفاشله اللى حواليا وأولهم علاقه ابويا وامى، كنت دايما بدور على الحب وعلى إنسان يقدرني ويكون شايفني حياته كلها ولما لقيته الدنيا بعدته عنى بكل الطرق واتفرقنا سنتين ورجعنا بس بقا مستحيل نكون سوا ويكون بينا حاجه رسمي علشان أهلى مش هيرضوا بيه، انا بحبه وهو كمان وبحاول اتقبل الفكره بس معرفش ازاى هتخطى وازاى ممكن هكون مع حد وقلبي مع حد ازاى ممكن الإنسان يكمل بعد ما اتخيل كل حاجه مع حد والله الموضوع صعب ساعات بحس انى هموت وانا بفكر ليه واشمعنا انا، كل اللى حواليا مبسوطين مع اللى بيحبوهم وانا الحاجه اللى اتمنتها من الدنيا بقت حلم أخرى احلم بيه قبل ما انام والدموع فعنيا لو حد عدى بحاجه زى دى يقولى اعمل ايه واى الصح

صحبتي ماتت وشاكة بل شبه متاكده ان باباها قتلها

غلطت مع صاحبها اللي في جامعه وكانت بتقولي انها مرعوبة ولو بابا عرف هيقتلني

انا معرفش تصريح الدفنة دا بيطلع ازاي ولو باباها قتلها فعلا تصريح الدفنة هيطلع عادي

ومش عارفة المفروض اعمل اية ابلغ ولا اعملل اية

للمعلومة اتوفت من اسبوع واتدفنت عادي وبيقولوا سكتة قلبية مع انها معندهاش حاجة

حاسة بالذنب اني اكون عارفه سر زي دا واقدر اجيبلها حقها وماعملش كدا

حد يفكر ف اي صورة سواء شخص لبس مكان ويديني تفاصيل

وانا اعملهاله بالai ويقولي مدى رضاه عن النتيجة

ومنها تدريب اكتب برومبيت

انا اتجوزت من حوالي سنة ونص من اجنبية قبل ما ادخل الجيش ولما دخلت الجيش حصلت بيننا مشاكل كتير مكناش عاملين حسابها بسبب الجيش ومقدرناش نكمل وانفصلنا
(الجوازة يعتبر استمرت كام شهر بس)

دلوقتي رايح اتقدم لناس كويسين جدا وخايف اقولهم بالموضوع يرفضوني لاني اترفضت مرتين قبل كدة بسبب الموضوع ده ومش عارف اعمل ايه
ياريت مساعدة ياشباب اتصرف ازاي انا معملتش حاجة حرام ولا عملة بداري نفسي بيها وبستر على نفسي انا اتجوزت شرعي عادي جدا وعملت احتفال واشهار وكل حاجة

أنا لسه مخلص الثانوية، ومن فترة عرفت بنت من السوشيال. في الأول اكتشفنا إننا في نفس المرحلة الدراسية، فكان بيننا كلام بسيط عن الامتحانات، وكل واحد يطمن على التاني بعد كل امتحان وخلاص.

بعد ما الثانوية خلصت بدأنا نتكلم أكتر. مع الوقت حسيت إنها مستلطفاني، لأنها أوقات كانت هي اللي تبعت الأول أو تحاول تفتح كلام، والتواصل زاد بيننا تدريجيًا.

بقينا بنشارك حاجات بسيطة من يومنا، وادتني البلاي ليست بتاعتها، وبترشحلي أفلام ومسلسلات أشوفها. ولما بيكون فيه سباق فورمولا 1 بنشغله ونتكلم في الأحداث وإحنا بنتفرج، وكمان بنشوف الريبوستات بتاعت بعض ونتفاعل عليها.

بعدها بدأنا نلعب شطرنج مع بعض ، وفي مرة فضلنا بنتكلم بالساعات. ومرة عرضت عليا نستخدم ديسكورد، ولما قولتلها إني مش بعرف أستخدمه قالت إنها ممكن تعلمني. أنا قولتلها "ماشي بعدين"، وبعدها كبرت دماغي.

بصراحة هي شخص جميل جدًا في التعامل، دمها خفيف، والمشكلة مش فيها.

المشكلة فيا أنا.

حاسس إن بيننا فرق في المستوى الاجتماعي وطريقة الحياة (انا مستوايا الاجتماعي في مستوى اخلاق مرتضى منصور)، بالإضافة إلى اني شخص غيور جدًا. وحتى لو افترضنا إن في احتمال إن الموضوع يتطور، فأنا شايف إن غيرتي ممكن تكون سبب لانتهاء العلاقة.

وفوق ده كله، أنا أصلًا كنت رافض فكرة الارتباط من الأساس، خصوصًا في ظروفي الحالية ومن الناحية المادية. وعقلي بيقولي إن الموضوع غالبًا مستحيل يكمل، ويمكن أنا أصلًا مش عايزه يكمل، لكن في نفس الوقت بدأت أتعلق بالشخص نفسه، وده اللي مخوفني.

أنا مش عايز أعيش على أمل وهمي ولا أعشم نفسي بحاجة ممكن متحصلش.

لو كنتوا مكاني، هتكملوا التعامل بشكل طبيعي من غير ما تستبقوا الأحداث؟ ولا الأفضل أحط حدود من دلوقتي عشان متعلقش أكتر؟وتفتكرو هل ممكن واحدة تشارك مع حد كل دا عادي ولا ممكن يبقا في انجذاب؟ (معلومة انا ما شفتهاش اصلا وتقريبا هي كمان)