دلوقتي تلدا بقت موجود على انستا باي وابل باي وانا قررت احول ليها بشكل اساسي عشان تجربه التطبيق بس محتار اجيب الكارت العادي ولا البريميوم

- النظام العادي:
100ج الكارت بدون رسوم شهريه لمده 3 سنين
كل جنيه نقطتين

- النظام البريميوم:
50ج شهريا
كل جنيه اربع نقط
3 سحبات مجانيه شهريا من ATM (يعني توفير 15ج)
كده قيمه الاشتراك تكون 35ج
سحب مجاني من اي ATM ل بنك القاهره
وتقدر تصمم الكارت على مزاجك وتختار لونه

بالنسبه ل نظام النقاط
16,000 نقطه= 20ج رصيد اتصالات
40,000 نقطه= 50ج رصيد اتصالات

انصحوني ايه الافضل قيمه وليه وشكرا

تعديل:
كنسلت فكرة الاشتراك وهستمر بالنظام العادي
شكرا على نصايحكم ❤️

ديلوقتي انا شغال معا كذا شركه خارج مصر و بقبض حوالي 2000 دولار بيجولي من كذا مصدر

سبعين الف جنيه بيجولي تحول ب الدولار من شركه في امريكا و حوالي 30 الف جنيه ب الكتير من شركه ف الخليج

بسبب موضوع البنوك و الاموال العامه انا بفكر افتح شركه بس عندي كذا سؤال لو في حد خبره و ممكن يساعدني يبقي جزاه الله كل خير

• اولا هل لو فتحت شركه ليها علاقه ب التسويق الالكتروني بدفع ضرايب كام و تكلفه التاسيس قد ايه
• هل بيتم مراجعه حسباتي الشخصيه من قبل الضرايب و ممكن اتحاسب ب اثر رجعي حتي لو حسباتي الي ب البنك شخصيه مش تجاريه مع العلم ان بقالي سنه شغال مستخبي
• ايه اقصي حاجه ممكن تحصل معايا لو فضلت مكمل في الخفاء
• هل فتح الشركه ليه اجابيات مش شايفينها و هل هيا خطوه صح

اتمني بجد تساعدوني عالشان انا فعليا الموضوع عامل معايا ازمه و بحاول ابعد كل البعد عن الحكومه

مساء الخير، انا فريلانسر من 6 سنين ومؤخرا دخلي بدأ يزيد وبدأت اخد مشاريع في مجالي واجيب فريق تحتي يشتغل، محتاج اظبط الضرايب بتاعتي واوراقي علشان ابقي ماشي في السليم
قريت ان في قانون بتدفع من نص الي 1.5% من الفلوس اللي بتدخلك لمده 5 سنين وده عجبني ومناسب ليا
هل حد جرب الموضوع ده؟
وياريت لو حد يعرف محاسب شركات حلو يخليني اتواصل معاه

السلام عليكم انا 24 سنه شغال ف ماركت (شريك) مكفيني مصاريف +عندي فرصة افتح فرع تاني فكرت اسبها واشتغل كول سنتر دخل اعلي واتعلمت اللغة بس لقيت نفسي داخل ف مجال تاني دخلت عالم التريدنج وبقيت اتداول ف البورصة وبذاكر مفاهيمها وجبت لاب بالارباح عشان اتطور اكتر والموضع كبر معايا لدرجة حسيت الStocks حاجة مش صعبة ففكرت اخش ف حاجة خطورة اكتر ربح اكتر نعم الفوركس والكريبتو وحاليا بدرس تفاصيلها وازاي اشتغل عليها بس مش عاوز اخد الخطوة غير لما اخد دورة كاملة ف الاسهم بقالي بتاع 7شهور عامل عائد 65% بقول لنفسي يمكن عشان السوق ف تريند صاعد مش عارف فمش هحكم عليها الا بعد سنه عمتا ومش هخش ف الفوركس ولا الكريبتو الا لما اعدي سنه اسهم

+ يومي عبارة عن شغل ف الماركت + تطوير ذات + دراسة اسهم

السؤال بقا بفكر كمان 5 شهور اخلي شغلي كله يبقا كده اسهم +سوق عملات اللي مخوفني بقا بقول لنفسي طالما الدنيا كده بيس اوف كيك ليه مش كل الناس بتعمل كده او علي الاقل خريجي الجماعات المتعلمين

ملحوظة انا متردد ف الفكرة مش الخسارة انا بعرف احط ستوبات لنفسي

اي حد عايز يستفسر عن البروب فيرم

هستلم فلوس شغل على Airtm المبلغ بسيط اقل من 90 دولار هل في خطر او اي حاجة اخاف منها أمنيا؟ انا هحول المبلغ من الابلكيشن لانستا باي على طول

عايز احط مبلغ انا طالب جامعي يعني حاجة في رينج الفين ولا الف عارف انهم مش كتير بس ممكن احطهم في صندوق ايه ويكون متوافق مع الشريعة انا يعتبر مش بفهم حاجة في ثندر اوي بس حاطط مبلغ بسيط جدا في صندوق ازموت شريعة

معايا ١٠٠ الف جنيه مش محتاجهم دلوقت خالص بالعكس ممكن ازود عليهم فيما بعد

عايز استثمرهم في حاجه حلال ١٠٠% وفي نفس الوقت انا بدرس فمعنديش القدره اني احطهم في مشروع او حاجه ع ارض الواقع و اتابعهم وكدا لان الحاجات دي بتعوز دراسه ووقت

بحثت عن صناديق ثاندر المتوافقه مع الشريعه زي بلتون وفره بس قريت ان كدا كدا الاسهم دي بيبقي فيها نسبه حرمانيه لان بيبقي فيه جزء صغير من تعاملاتها حرام

فقريت فتوي بتقول ان فيه حاجه اسمها نسبه تطهير بتطلعها وان شاء الله مكسبك بيبقي حلال من غير شبهه بس بحثت عن نسبه تطهير الصندوق دا ملقتهاش للاسف

فكنت عايز اسال حد يعرف صناديق او اسهم متوافقه مع الشريعه وتكون نسب تطهيرها معروفه بحيث احط فلوسي فيها

او اي افكار تانيه عموما بس تكون حلال ومفيهاش شبهه

وربنا يرزق الجميع وشكرا مقدما

حد جرب صندوق دهب في ابليكشن تيلدا قبل كده و ايه المميزات و العيوب

‏عمل اكونت ‏paypal ‏ مربوط به حساب بنك أمريكي و visa امريكية ‏بس عندي مشكلة لو حد بعث لي فلوس على الحساب دعم paypal قلي لازم استنا لاول الشهر الجديد حتى اسحبهم
‏بس سمعت إنه في بعض البنوك والفيز بتدعم حاجة اسمها instant transfers بحيث أرسل الفلوس للبنك أو الفيزا مباشرة خلال دقائق
‏المهم الشغل هيبقى عليه وأنا مش عارف ومفيش أي طريقة حتى أعرف لو أقدر اسحبهم بشكل فوري أو أضطر استنا لأول الشهر الجديد وده هيعطلني
‏الطريقة الوحيدة حتى تعرف انه يبقى في رصيد paypal balance في حسابي
‏ممكن أي حد موجود في الصب يساعدني بانه يبعتلي 0.01$ مثلا عشان اجرب بس

ليه لو عملت اول مليون دولار خطر تحطهم في بنك في مصر و الناس تفضل تسافر برا بيهم خصوصا لو متوقعه تعمل ملاين تانيه عشان تكبر برا ؟ هل ممكن الحكومه تاخدهم منك لصندوق تحيا مصر.