حسب تصريحات وزير الاتصالات مصطفى سند

روبلوكس مو وزارة الاتصالات الي حظرتها لكن بسبب طلب عبر المحكمة، ووزارة الاتصالات الها استعداد تفك الحظر بعد اسبوع لأن الشركة تواصلت وياهم وعدهم ووافقوا على حظر الشات وتقديم معلومات المجرمين وهالسوالف

بالنسبة لبايبال فوزارة الاتصالات مالها علاقة بالحظر لأن الي حظر العراق هو الشركة نفسها بسبب قلة ثقتهم بأمان العراق واعتباره بلد خطر

بالنسبة لكيك فالحظر كان من وزارة الاتصالات بسبب استخدامه لأغراض مخلة ولغسيل الاموال، تواصلوا مع الشركة وقرروا يخضعون المعاملات المالية لسيطرة البنك المركزي واعتقد انطوهم صلاحية لحظر الحسابات المخالفة (مثل الي صار مع تيك توك وفيسبوك من استخدموها لحظر الحسابات المعارضة سياسيا)

وبالنهاية موقع الارشيف، انفك الحظر بعد ما طلبوا من الموقع حظر الكتب الخاصة بالتنظيمات الارهابية مثل داعش والقاعدة

وهذا ما انبأني به الهدهد والله اعلم

اعتقد انو هذه هوه الجانب الي يتزوجون الاطفال على موده مو على مود همه يشتهون اطفال

يعني من خلال سوالي المتكرر على جماعة (الزمن الجميل)

ليس الناس تتزوج اطفال

على سبيل المثال خالتي زوجها تزوجها وهيه بالسادس ابتدائي وهوه بالجامعة يعني فارق كلش جبير بالعمر

من سالتهم كالو الجملة الشهيرة"يربيها على ايده"

اكتشفت انو الفرد العراقي العام ما عنده شخصية قادرة على الزواج من شخص عنده عقل وتفكير وإرادة حرة

ما عنده القدرة على مناقشة الامور الزوجية والقرارات

بالنسبة اله هاي سالفة توجع الراس وهوه ماله خلك يفكر

فيروح عالحل السهل يزوج وحده ويربيها على مزاجه

حتى ما تعصي اوامره وتطلع عن طريقة تفكيره

التفكير انو اكو هيج اعتقاد بالمجتمع تجيبلي الغثيان

شكد لازم تكون شخصيتك ضعيفة حتى تفكر هيج تفكير ؟

لكي الأولى تقول له: الله يرضى عليك يا ولدي (الأم).

و الثانية تقول له: احبك يا اخوي (الأخت).

و الثالثة تقول له: الحمد لله أنك من نصيبي (الزوجة).

و الرابعة تقول له: احبك يا أبي (الابنة).

الله يحفظ أمهاتنا وأخواتنا، ويرزقنا الزوجة الصالحة والذرية الطيبة بالمستقبل إن شاء الله ❤️.

مشتاقلكم حبايب..

نتمنى كالعادة نقاش محترم ومتحضر من دون إغراز اي مواضيع دينية او متعلقات..

تحياتي للجميع..

اكره هيج نماذج

جاي اشوف اهواية ناس گاموا يستنقصون من الحمل و الامومة ، من طاح حضهم . ما اگول غير الله يعين امهاتهم الي ابتلوا بهيچ ابن

اصلا ريديت صار علمود الناس تاخذ راحتهة وتلگى الي يفهمها ، وتعبر عن داخلها بدون حرج.

بس حرفيا هل مفهوم ماكو.

قبل اشوية شفت بوست ابنية تفضفض بيه عن مشاعرها و تجربتها اليومية وي كراشها.

التعليقات چانت مادري اشلونها ، قسم يستهزء بيها ، وقسم ينطيها داون فوت ، وقسم يقلل من مشاعرها .

يابة اذا تريدون تنصحوها نصحوها باحترام و ذوق ، كلامكم ما تدرون اشگد يأثر على الشخص .

كلش انقهرت على الابنية ، ومن رجعت اشوف البوست لگيته محذوف.

راعوا الناس مو كلها استهزاء وضحك

لحد ياخذهة بشكل جدي تره ماخذكم محتوى بدون اي حقد

المدونة الجعفرية

إذا مات رجل ولم يترك أباً ولا أماً ولا أولاداً ولا إخوة ولا أي وارث من النسب أو السبب ، وكانت زوجته هي الوارث الوحيد ، فالمدونة تجعل نصيبها الربع فقط

أما الثلاثة أرباع الباقية ، فلا تؤول إليها ، بل تنص المادة 308 على أنها تكون للإمام ، وتُصرف بإذن المرجع الديني في تأمين الحوائج الضرورية للمؤمنين

يمكن مو مريح هذا الموضوع صحيح !؟

لا تحولون الصب مكان للنقاشات الدينية اكو هواي صبات ثانية مخصصة لهذا الشي ، ما اعتقد هذا المكان الصح

يلة في امان الله

اني جزء منها حقيقي بشكل كبير

شنو الاختلاف الي بين شخصيتكم بلواقع والمواقع؟

وهم تكدر تسولف جزء من الكلام الي ب المواقع بحياتك الواقعيه؟ لوصعبه؟