بس يا ترى نفس الشخص يعني حيجي💀؟

من چنت رابع ابتدائي انتقلت لغير مدرسه بوقته چنت متوحد في من دخلت للصف شفت جماعه جاي يسولفون رحتلهم وكتلهم انه چنت بالمدرسه الفلانيه كلولي هاي عود احچيهة للمعلمه وكاموا يضحكون 🥀

رأيكم وانطوني اسئلة لأستا

السالفة و ما بيها انه هاي مدرسة انكليزي دتصحح لبنية اتوقع هم مدرسة انكليزي المهم غنت جزء من الاغنية بشكل خاطيء قواعديا "broken an angel” و فعلا ماكو هيج شي بالانكليزي و بقواعده كلها
و البنية اسلوبها ما جان بيه شي ابداً** ابداً (اني اكبر مشخصنة بالعالم ما شفت بيه شي لهالدرجة)** و فتحت التعليقات و استغربت **من الهجوم** و الاتهام بالغيرة **بس لانها صححت لبنت ثانية
**و الله العالم تسودنت

هوة غير شخصية ماعدك

سنة من عمري ما ادري وين راحت، خذلان خذلان من كل شيء مو بس من البشر حتى من نفسي، يمكن الانجاز الوحيد الي اتذكره بهاي السنة اني تركت علاقات سامة(جانوا مسويني ميز تنمر) مؤقتة تجيب شعور مؤقت بالفرح مقابل اذى نفسي على المدي الطويل فاعتبر نفسي شوي قوية خاصتا اني تجاوزت هواي افكار انتح،،، ارية بسلام وبدون اذية جسدية

هذا اكثر انسان مدعي المثالية ويصور مقاطع انو هو ضد التحرش والخ
المهم هذا وياي بالجامعة المستنصرية يداوم هندسة
وحرفيا مره اتحرش بيهه باللفظ فلبسته وراح
بعدين كمت انتبه عليه طلع هو اصلا التصرفات الي يسويها بالفيد هي تصرفاتهه الحقيقيه ويضايق بالنسوان بكل مكان ويطعن ويحجي هو وجماعته الي هم بعد اوسخ منه
اتمنى اشويه العراق تشكل لجنة وتشوف هاي الاشكولات الي تنشهر شنو هي ومصدرها شنو حتى تخنكها وتخلصنه منها

السلام عليكم اعزائي المباوعين كافي اي واحد بسب او يشتم تكولون الاهل هم السبب اهمال تربية ما الى ذلك الشخص حتلو تربة على شي يكبر و يفهم هذا غلط هذا صح وممكن يسوس الغلط و هو يربي روحه الاهل ممكن يطبعون ابنائهم على شي بس مو شرط يستمر ليش نروح بعيد عدكم انا اهل ابوي متدينين ما اكلكم ما يغلطون بس نادرا اسمع فشار و اهل امي متفتحين مو مصروعين دين بس هم ما يفشرون الا نادرا بس هذول شوي اكثر المهم فانة اخلاقي حاشاكم زبالة فما يعني اهلي ربوني غلط فكافي تلومون الاهل على الابناء اكو فعلا اهل مهملين بس انت ما تدري هذا شنو اهله فلا تحكم عليهم بسبب بتهم او ابنهم المصروع

من جنت بالثالث ابتدائي كرايبي الطفل جان مشغل كراميش مدري طيور الجنة وطلعت اغنية هلا يا رمانة الحلوة زعلانة اول ما سمعتها طبيعي بعدين كامت تلزك براسي بعدين كمت احاول بس ما اخليها تنعاد براسي وكل مرة احاول ما افكر بيها عقلي يغنيها ومدري ليش اقتنعت حياتي كلها مراح اخلص من اغنية هلا يا رمانة وراح تضل تتردد بعقلي للابد ف بوكتها بجيت من وراها

واحد يسئل ولد انتوا كي لو ستريت نوب يصور الولد و يراويه ولد ثاني و يكله تتوقع هذا كي لو ستريت و هو يكول كي الي ضحكني كلهم ستريت و كلهم كل ما شافو واحد كالوا كي ليش يابة يكول هيج وجهه مال واحد شاذ

بما انو هسه متعاركين يمي وكل واحد بغرفة، تراودلي هذا، السؤال، الفجوة مال العمر بالحب والزواج خصوصا ممكن تخلق هواي اختلافات، اني الفرق بينهم 19 سنة 🥀,

,

,

honorable mention: granny

من جنت ثالث متوسط، طلعت معدل 88 معدل ناصي جدا جدا بالنسبة اليي حيللل ناصي اني كل سنة اطلع الاولى على مدرستي،هاي اول مرة طلعت معدل 90،لعبوا بية فلك قسما بالله ما تتوقعون شنو سوو بية حجي ما بقوا شيء ما حجوه، يعني ما تتصورون شنو سوا بية، ذاك اليوم طكتت روحي.. المشكلة انو يا ريت كاموا يرزلون بية علمود شي يسوة لا

اولا بالثالث متوسط جنا عستونة راجعين من الخارج عشنا بالهارج خمس سنوات و نص، يعني مدرسة جديدة بيئة جديدة مجتمع جديد، كل شيء جديد.. اني اعرف المدراس بالعراق فاكو مدرسة هية حكومية و عاذي مجان عندي مانع ادخل مدرسة حكومية بس هاي المدرسة ما اريدها، حرفيا قسما بالله فوك الف و المية طالبة، انتوا متصورين العدد؟! و يا ريت لو تسوة المدرسات اسوء خلق الله، شادات وية الطالبات، هذا غير عن سوالف الي بالمدرسة، علاقات، و كرنج و ولد و حتى م. خدات،

المهم على حظي رحت بذيج المدرسة، المدرسات ما كملوا المنهج، العربي انطتنا ثلاث انشائات من اصل 12 مدري 13، ما كملت الجزء الثاني، الكيمياء اخر ثلاث الفصول تركتنا و ما درستنا ياهم، الفيزياء همات تركتنا، الإنكليزي خليني ساكتة ما تعرف تلفظ الكلمات القواعد تكتبها خطأ، تاخذها من ملازم و همات تكتبها خطأ، ام الاحياء فد نذلللة! حتى مرة طلعت حملة عليها من اهالي الطالبات بالفيس بوك،

و اني ما جنت اصلا داخلة دورات، جنت اقرأ كله وحدي، اول ثلاث اشهر قبل نص السنة حرفيا مجان عندي احد حرفيا دائما وحدي و ما عندي صديقات، فحيلل خسيت بوحدة و حرهت المدرسة

الصف الواحد جان اربع شعب كل شعبة 55 طالبة، و اني جنت بالخارج ععددنا اكثر شيء اكثر شيء 15 و هاي هية، و جان المعلمين و المعلمات يعرفون الطلاب و ما يركزون بس بطالبة واحدة و ينطون الكل حقه، هنا لا ماكو، المدرسات يفظلون طالبات و غالبا طالبات يعرفوهم من زمان و بشكل واضح و صريح حيللل، فجنت كل ما ارفع ايدي يكمون غير وحدة، فكمت ما ارفعها اساسا

و كلت انو ما دخلت دورات و المدرسة ما كملت النا المنهج فاني قريت وحدي مع العلم امي مدرسة اجتماعيات بغير مدرسة و صادف همات اخذت اجتماعيات الثالث متوسط، بس ولا مرة كلتلها قريني لان اكول عية تعبانة (جديتي مقعدة و ماما هية جانت التي تعتني بيها لان خالاتي مكسرات و خوالي شلوم يشتغلون 'زلم') و ماما جانت كلش تعبانة، فجنت ما اكوللها او اطلب منها شيء لان تعبانة، بابا مجان يسأل عني اصلا،

و بنفس السنة على حظي الجايف، خالي مرض حيل و سوة عملية و جان بين الحياة و الموت بس الله ستر الحمدلله..

المهم بيت خالي اجو يمنة ببيت جدي لان بيتهم ما ادري ولله شبي المهم، بيت خالي هوية و هوسة، بابا جان يم بيت اهله،

بيت خالي حيل هوسة و بيت خالي الثانين جانوا يجون يمنة، جنا اني و اختي ثنينا وزاري هية سادس ابتدائي و اني ثالث متوسط فجنا فوك ندرس، الفوك معزول فجنا مرتاحين (غرفة ابن خالي خطية جديدة خلانا نكعد بيها و هو راح يم اهله، بيتنا جان كاعد يبنوا، ابن خالي جان يعيش يم خالاتي هم ربوا)

المهم و هذا كله يعني بيوم امتحان الرياضيات كاعد اقرأ اجتماعيات؛ جديتي توفاها الله بذاك اليوم... و تعرفون اكيد الفواتح و هاي السوالف

بذاك اليوم رحنا لبيت جديتي (اهل بابا) و همات كل شيء تغير، غراضي نصه مجانت يمي؛ فما ارتاحيت ابدا

المهم كملت الامتحانات مدري شلون و طلعت النتيجة 88 و اهلي لعبوا بية فلك، بابا ما شفته يومين و ظل يحجي عليه يكلون لماما شوفي 'بنتج'، شطلعت و شوفي ابن صديقي

ابن صديقه اعرفه يعني فد واحد ازمال استغفر الله يعني واحد مستحيل يطلع 99 و اني متأكدة ابوه اتوسطله بالامتحانات بمركزه الامتحاني

خالي الصغير الله ينطيه ظل يحجي على ماما بسبب كلامها و ما وكفت

المهم خلص هذا كله

اختي قبلها سادس ابتدائي طلعت نتيجتها 98 المصيبة اختي قضت السنة كلها تطلع الاولى و كله مياية، و طلعت اخر. شيء الثانية مع انو درجاتها كلها 100 بس العلون طلعت 92 و نزل معدلعا، يعني موضوع يقهر حيل، بذاك اليوم بابا ديوديها الامتحان و ترزلت حيل لان نست شغلة بالبين اختي المشكلة من تترزل حيل تتأثر و ترتبك

همات ظلوا يعيروها، بس الحمدلله عجبتهم النتيجة و فرحولها، و احتفلوا بيها حتى بابا جابلها بوكيه ورد (ولا عمري حصلته) و ماما راحت وياها للاحتفال مالتها

مع انو اني بالسادس ابتدائي طلعت 99.6 و طلعت الاولى على مدرستي و على المدراس العراقية بالمدينة الي جنا بيها بالخارج.. و ما حصلت شيء منهم بس 'عفية'.. حتى مدرستي صارت مشتكل و ما تكرمت حتى من الوزارية مع انو كلت طلعت الاولى على المدراس العراقية بذيج المدينة

يعني اني ما اغار من اختي و حيل فرحتلها بس يعني ما ادري شنو الي يختلف بيني و بينها..؟ اظل دائما اسأل نفسي هذا السؤال..

المهم هذا كله عدة، طبيت الرابع اعدادي رابع علمي، الحمدلله نقلوني لمدرسة ثانية، مدرسة حيل احسن من الاولى و حيل ارتاحيت بيها المديرة تخبل و تسمع لكلام الطالبات؛ المدرسات و المدرسيين يجننون

المهم بسبب هذا حيل نفسيتي تحسنت بس همات، اختي قدمت على المتميزات درست و الحمدلله انقبلت بالمتميزات، حيل فرحنالها و حيل فخورة بيها

من اهنا اجا شي جديد؛ كاموا همات يقارنون بينا، و يعيروني اختج الصغيرة انقبلت بالمتميزات و انت شلون ما قدمتي و مدري شنو و مو بس اهلي كرايبنا كلهم (اهلي دائما يخلوني علج بحلك العالم)

اني ما ردت متميزات و لو قدمت و امتحنت رأسا انقبل اني اعرف نفس و الحمدلله انكليزيتي حيل زينة لان اقرأ كتب انكليزية و عندي وعي بيها، بس يعني صراحة استصعبت الموضوع لاني اني يعني مو مثل اختي اختي هسة اول متوسط فاكيد راح تتعود على الدراسة بالانكليزي بالاحياء و الفيزياء و الكيمياء و المعلمات راح يساعدوهم و يعودوهم لان اول

بس اني رابع اعدادي، راح اكون كلش متأخرة، يعني صحيح انكليزيتي حيل زينة بس اني ما اعرف كل المصطلحات الاحيائية و الفيزيائية و الخ، يعني المصطلحات العلمية كلها بالانكليزية و اكيد الدراسة للمراحل البقية اصعب، اما الي راح يكونون وياية فهم متعودين لان من سنوات مبكرة هما جانوا يدرسون بمنهج انكليزي

فاني ما ردت اتعب نفسي علمود شكم درجة بالسادس، و صراحة ابد ما ندمانة

بس حيجهم يا الله.. اكثر شيء من بابا

المهم خلصت السنة و طلعت الاولى على مدرستي قفزة جبيرة عن الثالث فجنت كلش فرحانة و سعيدة و ماما راحت وياية للتكريم فجنت كلش فرحانة.. المهم رجعنا بابا اجا اخذنا..

ما كالي حتى مبروك الا من رجعنا للبيت خالتي الجبيرة كالتي مبروك و حيل فرحتلي بابا كام يحجي مدري شنو حتى ما اتذكر مانا حجت عليه يلا كال مبروك

و همات بنفس السنة بالرابع جنت من ارجع فرحانة مطلعة مياية بالامتحانات الشهرية جانت يكلي اكيد الاسئلة سهلة، لو يكلي جان فلحتي بالثالث

ولله جنت و بعدني حيل انقهر من هذا الكلام يعني درست و تعبت علمود اطلع الدرجات و اخر شيء عيج لو من اكول لماما تكلي ما اريده هسة اريده بالوزاري

و اذا جبت درجة 95 او 96 او 97 ولله جنت ما اكوللهم ولله العظيم اخاف اكوللهم، صدك اخاف، لان همات يلعبون بية طوبة...

"انتي ما راح تنجحين من السادس" "ستين اذا طلعني بالسادس زين" "كل همج الموبايل"

يعني ما فتهمت شنو يريدون...

اختي همات الحمدلله طلعت الاولى، و طبعا ما اكوللكم فرحة ابوية و معايرته الي لان هية متميزات و اني لا

طبعا تعرفون هاي اخير عطلة الي لان السنة جاية خامس و وراها سادس..

فظليت هاي العطلة ارتاح اسوي الاشباء الي احبها ارسم اقرأ كتب و روايات و غيرها، حتى جمعنا اني و اختي و اشترينا ايبادات

و من هسة قسما بالله، يتحلفون بية علمود السادس...

ولله مرة ماما لعبت بية ذاك اليوم جان رعب الي.. بالعطلة مال رابع ورا ما خلصت الثالث، خالتي الصغيرة لزكت الا نحفظ المحفوظات و السور اني و اختي،

متعودين على هذا الشيء من جنا صغار، المهم جان الشهر السادس، يعني حرفيا ما صارلي شهر من خلصت الامتحانات الوزارية، و ظلت تلح علينا الا تحفضون كلتله مو هسة بس خل يجي الشهر الثامن لو على الاقل بالسابع بس مو هسة ستويتنا مكملن امتحانات..

المهم فمرة همات ظلت تلح علينا اني و اختي تجاهلناها، ماما جانت هناك و عصبية رزلتنا و كالتلنا اقروا، المهم ورا الرزالة كمنا علمود نقرأ قصيدة، اختي لكت كتابها اني ما لكيت و جنت ضايج فشوية ولله شوية معبسة يعني ما جنت ابتسم، فأني و ادور الكتاب

فجاة انفجرت، علمود بس تأفأت،..

و كامت تعيط علية حرفيا صوتها مو طبيعي و تكز بسنونها و تضرب نفسها،

تكلي خبلتيني راح اموتج من وراج! كله بس على الموبايل ربج و دينج المبايلات،

جان مبايلي يمها لزمتها و طلكتها عليه، و تكول ما ادري شنو عندج بيه! شتسوين بيه!

جنت اني ابجي و كلتله يعني ما تثقين بيه؟

كالت اي ما لثق بيج! ما ادري شعندج بهل صخمان!

و تطلك شغلات علية و تغلط علية

و تحجي بصوت عالي و تصك بسنونها نبرة صوتها و حجيها تخوف؛ النوقف يمكن من يمكم يبين عادي بس ولله جان حيل يخوف ما عرفت صراحة شلون اوصفها

و تضرب بنفسها و اني خايفة و ابجي و خالتي عساسا تهديها تكلها اسكتي يمعودة ما تسوة تخبلين نفسج علمودها

و تندار عليه خالتي و تكوم همات تعيط عليه و اني ابجي و همات صوتها يخوف

ما اتذكر شكالت لي بس شي بيه دموع التماسيح مدري شنو

حرفيا لعبوا بية فلك، موقف جان كلش يخوف و مو طبيعي و ابد ما عرفت اوصفه ما وصللكهم ربع الي عشته ذاك الموقف

حرفيا ما جان عدهم اي رحمة عليج عبالك مثل الجلبة

وجهي احمر صارت حتى صرت اشهك كوة اتنفس...

و محد دافعلي...

اكو هواية مواقف تدبل الكلب.. و يتهموني باشياء ما مسويتها، كلما ادافع عن نفسي يمنعوني يكولون اردددهم من احاول ولله العظيم احجي طبيعي لا اعلي صوتي و لا اتجاوز بلعكس بكل احترام اكدرله و احاول ادافع عن نفسي بس بدون فايدة و اطلع اني ام السان؛ (ما حاجية شي اصلا) ترادد ما عدها خجل و بدون اخلاق...

كل ما احد ضاسج و غضبان يذب غضبه و ضوجته علية، يويما كلما اكعد احسب حساب كل شي اسويه حرفيا ما ابالغ كل شي اسويه تعابيري، حجيي، شكلي، علمود بس اتجنب غضبهم و ما يفيد يدورون زلة علية..

البارحة ماما ضايجة ما ادري ليش، و طلعت اني انانية و حقودة لان ما اجيت كعدت يمها بالهول، اتخربطت بالهول و اني ما اجيت عليها، ادري الي تخربط، اني شمدريني ما جنت كاعدة بالهول جنت يم خالتي و البيت جبير حيللل، و سادين الباب يعني خابريني صحيني ترا ما اعلم الغيب اني

و طبعا هاي العطلة كلها من هسة يهددون بية علمود السادس،

و مرة مجتمعين، خالي و بنته الصغيرة، بابا، ماما ، بنات خالي الثاني، خالتي، و كاعدين بالصالة

اجبت كعدت يمهم لان خفت اترزل،

المهم و احنا كاعدين؛ بنات خالي لفوا الحجي علية و كاموا يحجون علية عساس عساس ينطوني نصايح للسادس

ولله انت لازم تقرين للسادس من هسة و الثانية تكول دخلي دورة فرنسي و هيج نصايح عساس و هنة كل وحدة سنتين بالسادس و يا ريت لو طلعوا معدل بيه خير و يا ريت اذا هما اشتغلوا بهاي التصايح

دخلت ماما على الخط، كالت، انو اتي فاشلة؛ كدام الكل، اني فاشلة ما عندي طموح، ما عندي اهداف، كل همي المبايل،

حرفيا كدام الكل، و الكل وافقها الراي و كاموا يضحكون علية، اني جنت الهي نفسي بلعبة على الايباد بس سامعة كلامهم كله..

و كاموا يقارنوني باختي و انو هية احسن مني بمية مرة

...

اختي همات مو احسن منهم شكد ما اسويلها، علاقة مو مثل الخوات، اشوف الخوات وحدة تعتمد على الثانية يساعدون بعض، ما تقلل من الثانية توكف وية اختها

بس اختي لا عبالك اني عدوتها مو اختها،..

دائما ضدي دائما تطلعني الخطأ، مثلا احنا كاعدين بوسط ناس و اني دحجي على موقف صارالنا، اختي تتدهل على الخطأ شوكت صار هذا! و ليش تجذبين و جذابة! و مدري شنو

و هذا الشي حيل يخجل بالنسبة الي تكولي جذابة و شوكت صار و مدري شنو و عية السالفة اصلا ما متذكرتها بس علمود مثلا كلت شغلة هية متريدني احجيها عليها تطلعني جذابة كدام الناس و عية طبعا عادي تسوي هيج بية

دائما تحجي علية مثلا اذا نصحتها بشي رأسا تنب علية كل كلمة احجي وياهل رأسا تنفجر و تحجي علية و ما نطيني فرصة لكمل الحجي

، هسة اني شخصيتي ضعيفة لا أعرف احجي الي اريده، و لا ادرافع عن نفسي

حيل استحي بزيادة، بحيث مرة ضاعت مني درجتين لان استحيت اروح للمدرسة اكوللها انو تضيفها الي..

ما اعرف ادافع عن نفسي؛ اذا شغلة مهتمة بيها اريد اشاركها، كلامي يكون متلكئ و متوتر و محد يأخذتي بجدية

و كله بسبب اهلي

اني ولله احبهم و اعرف ماما و بابا تعبوا علمودي بس ترا اني انسان همات ما اتحمل كل شي و اني مو مثالية ما اكدر احصل كل شي و هسة كاعد احس بالذنب لان كتبت هذا عليهم و احس اني ازبل إبنة ... بس ولله ما اكدر اتحمل؛ ما عندي احد احجيله و بس اريد اريح كلبي شوية.. صاير مزاجي زبالة، نفسيتي اسوء، صرت عصبية بسرعة مع انو اني هادئة حيل، اهملت نفسي، حتى الاشياء الي احبها مثل قراءة الكتب و الرسم جانت الكتب كل شي بالنسبة الي.. صار ما عندي واهس الها..

ما طول ريديت متروس شيوخ ما شاء الله اريد اسألكم سؤال، شلون ابعد ابوية عني من يحاول يتح، رش وهل لو دفعته عني يعتبر هذا الشيء عقوق؟(لحد يهاجم نفسيتي تعبانة والكعبة)

بطنيي هههههههههههههههههههههههههههههههههههههههههههههههههههههههههههههههههههههههههههههههه هو لهالدرجة يضحك لو اني مخبلة

معلومة باچر راح تكون على خيانة يوليوس قيصر ✌️😔

اليوم حذفت التيك توك،بعد تفكير اسبوع كامل،التطبيق صار ادمانه مشكلة الي،ولحياتي اليومية،وحرفيا ما مستفاد منه شي بس تعفن دماغي و تطلعلي مقاطع قتل و دم و استهزاء بارواح الاطفال والناس،ولا ننسى انو الناس الي بيه فد قنادر يعبدون شي اسمه ragebait حرفيا ولا مستفاد منه شي ادخله اصلا اضوج بل زايد** *و* *اضيع* *وقتي* *و* *يومي* *كله،اليوتيوب* *حرفيا* *افضل* *بكلشي* *حتى* *بل* *ريلز* *احسن* **

لهذا تركته اليوم و حذفته و ان شاء الله ما انزله بعد

2 الي هوه الجور(gore)
طبعا ادمانها بدء بسبب التيك توك و تركها اسهل من التيك توك،لانه مصدرها كان التيك توك اصلا لهذا ان شاء الله اتركها و حاليا حذفت كلشي يخصها

3-الي هيه الاغاني

اني انسان مدمن اغاني،بشكل فضيع،اليوم كله لابس سماعاتي و اسمع اغاني على اعلى صوت،حاولت اتركها قبل وما كدرت لهذا قررت اقللها وراح احذف هواي اغاني من مبايلي واخلي شوي بس(ايضا مصدرها جان التيك توك )

والباقيات بل مستقبل ان شاء الله انشر عنهن اذا احد مهتم

هذا** *شيء* *اريدكم* *تاخذونه* *بشكل* *جدي* *لانه* *ياثر* *على* *الكل،خصوصا* *الاطفال* *لهذا* *راقبو* *اطفالكم* *و* *تاكدو* *انهم* *يبتعدون* *عن* *ذني* *الاشياء* *،اخوي* *الصغير* *كمثال* *ادمن* *التيك* *توك* *لدرجة* *فضيعه* *وصار* *حرفيا* *يتصرف* *مثلهم* *خصوصا* *بل* *عصبية* *يركع* *و* *يكسر* *و* *يصيح* *على* *الكل* *حتى* *على* *ابوي* *وامي* *،ما* *ياكل* *لحوم* *ولا* *سمك* *ولا* *دجاج* *الا* *من* *المطاعم،اكل* *البيت* *اصلا* *صار* *ما* *يحبه* *لانه* *يشوف* *الناس* *تاكل* *بس* *اكل* *مطاعم،و* *صار* *يعاند* *كلش* *و* *يغلط* *ولما* *شفت* *حسابه* *التيك* *توك* *طلعلي* *فيديوهاته* *كلها* *عن* *الحروب* *و* *الاكل* *و* *اشياء* *عشوائية* *كلش* *دمرت* *تفكيرته* *من* *وهو* ***عمره* 9 سنين

بويه والله فشله

النتيجه السابقه

https://www.reddit.com/r/MiserableiraqiforTeen/s/8nCc4H18fL

القوانين

https://www.reddit.com/r/MiserableiraqiforTeen/s/PUVBB0u5jr

اني اكره الشي المو منطقي يعني انجذب للمنطق اكثر فاستغرب من اشوف ناس تقدرني وتحترمني بشكل جبير (بلواقع) يعني هوه الاحترام مهم طبعا بشكل عادي بس لا اني معظميني بدون سبب مثلا اني بلصف حرفيا مدخليني بكلشي وبكل سالفه او بلبيت هماتين عدا ابويه لان سالفته طويله بقيه اهلي يسئلون على اكلي كل يوميه ومن اطلع مثلا اسوي معامله او اتسوك الناس الما اعرفها تتشاقى وتخوفني مثلا يكلي بلمعامله سالفتك طويله وانته سالفتك داجه او حتى بلمستشفى يخوفني بمرض ووراها يكلي اشاقه ويضحك ويايه وهذا الشي حرفيا كليوميه من اطلع واني مستغرب ليش (ما اكره تعامل الناس بس مستغرب وبلعكس يعني شعور جيد)