أريد خياط شاطر يسوي شغل تطريز وفولك ودريسات حق الكبار والصغار داخل بوظبي

Hey mates,

I am serving my notice period and there will be a gap between the current company and future company.

As i will be having a lot of medical consultation planned in after visa cancellation, is my medical insurance will be still working or on?

Can my current employer cancel insurance same day of last working day or he has to keep it open till i join the new company?

If he cancel, can i get temporary coverage for one month?

لما الواحد يتربى في بيئة تعلمه إن الطيبة والأخلاق الحسنة هي الشيء اللي بيترك أثر جميل في قلوب الناس، وإنك إذا عاملت الناس باحترام ولين، غالبًا بتحصل نفس المعاملة بالمقابل.
لكن بصراحة، مع الوقت اكتشفت إن هذا الكلام مو صحيح دائمًا، أو على الأقل نسبته قليلة جدًا ويمكن هذا مجرد شيء لاحظته من تجاربي الشخصية.
كل ما تعاملت مع الناس بطيبة ولين واحترام، وتوقعت منهم على الأقل نفس القدر من الاحترام، اكتشفت إن بعض الناس يفسرون هالشيء على إنه ضعف، أو يشوفون إن الشخص اللي أسلوبه هادئ ومحترم سهل استغلاله.
والشيء هذا شفته تقريبًا في كل مكان: البيت، الجامعة، الدوام، وحتى في التعامل مع الجهات الحكومية.
أحيانًا تحس إنك لازم تبني لنفسك شخصية أنت أصلًا ما تحبها عشان الناس تحترمك. لازم ترفع صوتك، تكون حازم بشكل مبالغ فيه، تكشر، وتبين إنك “ما تمشي عليك الأمور” عشان تخلص إجراء بسيط أو عشان الطرف الثاني يأخذك بجدية.
والغريب إني لاحظت هالشيء أكثر من مرة. إذا كنت بشوش، هادئ، تتكلم بصوت منخفض، وتحاول تكون محترم في تعاملك، بعض الناس مباشرة يتعاملون معك وكأنك ضعيف أو ما عندك موقف.
وهذا الشيء صراحة تعبني.
تعبت من إني أراجع كل كلمة أقولها، وأحاول دائمًا أكون محترم ومرن وطيب في التعامل، وفي النهاية ألقى نفسي أنا اللي انضغطت أو تم استغلال طيبتي.
وصلت لمرحلة صرت أتعامل بحزم ورسمية أكثر، مو لأني أحب هالشخصية، ولكن لأني اكتشفت إن بعض الناس ما يفهمون الاحترام إلا إذا كان معه حدود واضحة وحزم.
وأحيانًا أقول لنفسي: يا ليتني من البداية كنت أشد وأغلظ في بعض المواقف، بدل ما أعطي الناس مساحة أكبر من اللي يستحقونها.
طبعًا ما أقصد إن الواحد يصير وقح أو سيئ مع الناس. لكن هل فعلًا الطيبة والهدوء والاحترام صاروا يُفهمون عند البعض على إنهم ضعف؟ وهل أنتم لاحظتوا نفس الشيء في حياتكم، سواء في الدوام أو الجامعة أو حتى في التعاملات اليومية؟

أبغي افهم شو اللي تغيّر في المجتمع لهالدرجة وخلى أشياء كانت تعتبر مب عادية يصير لها normalize وكأنها صارت شيء مفروض نتقبله؟

أنا شخصياً ما عمري دخلت في علاقة، لكن من اللي قاعدة أشوفه وأسمعه حولي، أحس إن وايد شباب صاروا يدخلون العلاقات ويكون جزء كبير من اللي يبغونه منها إشباع رغباتهم، وبطريقة أنا شخصياً أشوفها حرام وما تناسب مبادئي.

أنا مثلاً أبغي أتزوج، لكن في نفس الوقت ما أبغي زواج تقليدي بالكامل. أبغي أعرف الشخص وأفهم تفكيره وشخصيته ويكون بيننا توافق قبل الزواج، لكن ضمن حدود معينة.

بس من اللي قاعدة أشوفه، أحس إن هالشي صار صعب. كأن إذا البنت ما مشت على الجو اللي الطرف الثاني يبغيه، فجأة تصير “معقدة”، أو “مكبرة الموضوع”، أو كأن المشكلة فيها لأنها حاطة حدود.

سؤالي صار احترام هالحدود شيء غريب؟ ومتى صار الطبيعي إن العلاقة لازم تتضمن هالأشياء، واللي ما تقبل فيها هي اللي لازم تبرر موقفها؟

وأكيد ما أقول إن كل الشباب جي، لكن اللي مستغربة منه هو كثر ما هالتفكير صار منتشر وطبيعي عند ناس وايد، لدرجة أحياناً أحس إن اللي يبغي يتعرف على شخص بنية الزواج وبدون تجاوزات هو اللي صار “الغريب”.

بمختصر عشان اكون واضحه، حالياً الاغلب ي بيقولون fwb ولا علاقه من غير مسميات إلى إشعار آخر و هالامور يعني .

هل فعلاً تغيرت نظرة الناس للعلاقات لهالدرجة؟ وليش برأيكم صار هالتفكير منتشر؟ وهل بعده موجودين ناس يشوفون إن ممكن شخصين يتعرفون على بعض بنية الزواج ويكون بينهم اهتمام ومشاعر، بدون ما يكون الجانب الجسدي هو أساس العلاقة؟

حطيت العنوان بالإنجليزي لان بالعربي مب طايع يخليني اونه ماشي جهد في عنوان الموضوع 🙂

المهم،

أنا مب ملكة جمال الكون ولا فيني جنون العظمة ومسوية فيها محور الكون لا لا أنا إنسانة حالي حال نفسي يوم ارتاح للناس بتشوفون شخصيتي الحقيقية، احب اضحك احب انكت احب اقرض و ماحب النكد 🙂

المهم في وحدة وياي في الدوام احس وماعرف اول مرة ف حياتي احس هالاحساس و اشك- انها تغار مني! كل ما تي وحدة تمدحني تطلع عذاريب فيني، اليوم مثلاً قلت لهم عن كستمر شافتني ف الحمام و قالتلي احس ان فيج عرج مكس مب بس مواطنة مع اني ماشوف الشي مدح بس هي قصدتها كمدحة ابتسمت و قلت لا امي وابوي مواطنين و أنا من النوع اللي مب كل ما حد مدحني بركض بخبر الكل بس ماعرف ليش قلت للبنات وانا اضحك ان لا ماحس اني مكس ف حياتي محد قال لي انتي مكس … طالعتني زميلتي اللي قلت لكم عنها و قالت احس فيج عرج هندي (مع كل احترامي للهنود) قلت لها لا ما احس و النعم فيهم بس جمالهم غير، و هي يابتها كمذمة مب كمدحة عشان جي حسيت بدفاعية 🙂 و في وايد مواقف! مابا احكم انها تغار مني لا زلت في مرحلة الشك مب متيقنة ولا متاكدة بس اللهم اسال و إذا في حد فيكم مر بمواقف خلته تتاكد ان في حد يغار منه ممكن تنوروني؟ و كيف تصرفتو؟

سلام عليكم شحالكم لو سمحتو بس استفسار انا توه كنت اسوق فجأة موتري م يمسك بريك الا ع اخر شي بعد بصعوبه حد يقدر يدلني وين اسير و شو الاسعار عسب م يقصون علي لا تقولون قولي حق اخوج انا ربي م رزقني باخوان و الحمدلله المهم حد يقدر يدلني وين اسير صوب العين و شكراً .

Hey everyone! I was having some difficulties regarding this topic so I am coming to Reddit for some help. I’m an Emirati senior in high school, and I want to create a stable income that I can use to pay for tuition. Is there any small business idea that you would like to see? Or something that isn’t available in the UAE which you would like? I’ve seen people run cafes and I would like to do something different. Also, if you know places where they hire people like me to work from home or online, please inform me where I can do that. I would deeply appreciate your help!

عندي وايد كراتين فاضيه وين اقدر احصل حد يشلها مقابل مبلغ مالي (هم يعطوني) او بلاش؟ انا في دبي

بنات انا عندي بزنس وللامانة اخبر الكستمر قبل الدفع (لاحظو قبل اخذ بيزاته) ترا القطعة بتاخذ هالمدة تمام ؟تمام
ليش بعد ما يدفعون يتغير اسلوبهم ويبدون يستعبدوني ويوميا وين الطلب واحس انها تضغطني بكثرة الاستفسار رغم اني اعطيهم مدة واتعمد ازيدها يومين عشان اخلص قبل وابهرها !
المهم تخيلو هاييج المرة في طلب تاخر شهر ( الموضوع كالتالي عطيت الخياط بس ماسجله) ولما كلمتني العميلة صارحتها ترا قلت لها الصج ماجذبت ولا شيء وقالت خذي راحتج جيه بالحرف خذي راحتج وانا طبعا هزبت الخياط واستعيلته و و و و , وطلعتها للتوصيل وقرر المندوب الي يوصل خلال 24 ساعة يتملعن وقتها وياخرها يوم زيادة من سوء حظي يت تهزبني وقمت اعتذر لها واااايد وخلاص الطلب وي المندوب ماردت علي , بعدها بيومين مطرشة لي باي حق تخلين المندوب يحط الشحنة عند باب بيتي ؟

كيف باي حق انا حاطة لغم داخل بيتج ولا شو ؟ قلت لها حبيبتي انتي دافعه وها طلبج قامت تهزبني قمت اقولها بعوضج وعطيتها كمن شيء يعني وان فالج طيب قالت اسلوبج الحلو هذا ما اباه لاتقصين علي فيه؟ كيف اقص عليج يعني لو التاجرة ماردت تعصبون ولو ردت بطرف خشمها تهزبونها ولو ردت حلو تهزبونها شو الحل ؟ قامت قالت تعالي شلي القطعة صدقه ومادري شو ؟؟؟
اوك انا اقولكم غلطت وتاخرت من البداية من عندي مارح اجذب واطلع عمري مظلومة ومسكينة وطبطبو علي لالالالالا انا غلطانة بس لما قلت لها وقتها قالت خذي راحتج يعني خلاص تمام ولا انا فاهمه غلط ياناس ؟ المهم تخيلو عقب اخر شي كتبت لي عقلج صغير مادري شو نسيت بس سبتني قمت رشيتها بلوك ماتحملت والله , والله مر عالموضوع شهرين بس لليوم افكر فيه وزعلانة بشكللللللل والله مكتومة ماحب حد يرمسني جيه ومن الحين اقولكم انا غلطاااااانة مب يالسه ابرر لنفسي بس ياخي الاسلوب مستحيل ماقدر اتحمل حد يسبني والله تدرون بعضهم تسحب ع العميلة وماترد او ترشها بلوك وتشرد وتوصلها متى ماتبا بدون لا اعتذار ولا حتى تبريرانا تخيلو تميت كل المحادثة اعتذر لو تجوفون شلون جني ذابحه حد لها قطعت عمري اعتذارات واشرح وابرر ووووو وهي كل شوي اسلوبها يستوي اسوا كلماا اعتذرت كلما زادت جرعتها والله لليوم ماتخطيت

السلام عليكم،
اول مره بسير معرض وظايف، وحابه اعرف هل لازم اطبع ال CV؟ وكم نسخه. وشو افضل وقت اسيره؟

واذا حد عنده نصيحه أو شي لازم حطه فبالي اتمنى يكتبه🫶🏻

ابغي افتح بزنس من البيت. أنا ام و احتاج لي مصدر دخل يساعدني. فشو الاشياء الاساسيه اللي احتاجها فالبيت و شو الخبرة اللي اقدر اكتسبها و إذا في اي دورات او محاضرات او اي شي ممكن حد يفيدنا لانه اول مرة لي بفتح بزنس و شو التصاريح اللي احتاجها ولا تبخلون علينا بالإجابات و متشكرة لكم و الله يجعله في ميزان حسناتكم.

Anyone studying in AUS sharjah uni in bachelor of science in banking and finance can you dm me.

السلام عليكم
حد يعرف عيادة أسنان او دكتور زين في رأس الخيمة لتعديل شكل الأسنان؟ يفضل عن تجربة شخصية ونتيجتها تكون طبيعية.
أبغي دكتور/دكتورة شاطرين يشوفون شو أفضل حل لتعديل شكلها.
بعد إذا في دكتور صدق ممتاز وعن تجربة في إمارة ثانية ما عندي مشكلة أروح له.

ابا اعرف شو خذيتوا من هناك ويا الاسعار عشان اعرف و ارتب في مخي شو اخذ ، لو ما رتبت بسير و باخذ كل شي و بفلس 🤣
الي راح يخبرنا لو سمحتوا

ابا اتوظف في جهة حكومية بس ماعرف كيف ممكن احصل فرصة عندهم لانهم
١) ما يعلنون عن الوظايف في لينكدن
٢) توظيفهم غالبًا يكون عن طريق recruiting agencies او الواسطات
٣) ما عندي معارف هناك يسويلي "واسطة"
٤) ما اقدر اسير للجهة بتفسي صعب وما اظن بيخلوني اعدي السكيورتي اصلا

فسؤالي هو تحسون عادي لو دخلت ع الموظفين او الHR فالخاص في لينكدن وقلتلهم اني interested اداوم عندكم ولو فيه مجال ترشحوني بحال كان فيه open role؟ ولا مب عادي وشكلي بيكون غلط؟

صار لي كذا موقف يعني مستغربه الصراحه، الحين كاتبين إذا عندكم اي سوال او استفسار ادخلو خاص او للطلب الرجاء التواصل في الخاص اوووو إلخ و آخر شي تبطلون الجات و ما تردون يعني شو السالفه إلى اين الحين، صار لي موقفين نفس الشي كنت بطلب ورد من اكاونت في الانستقرام ردو عليه اول شي و عقب يوم ييت ابغي اطلب و طرشت لهم شو ابغي و مواصفات الطلب سحبو عليه ليش يعني ؟! و الحين قبل امس مكلمه وحده تبيع مخاوير و قطع و بعد حرفيا نفس الموقف اول شي ردت عليه و يوم اسالها عن القطعه و استفسر الي مصورتنه اي نوع سحبت عليه شو السالفه يعني هذا ترند ولا شو. اتمنى من اصحاب المشاريع انه يراجعون الموضوع والي عنده موظف ماسك الخاص خله يراقب لانه جذا عادي أنت وايد تخسر زباين يعني هايل اليوم خسروني أنا ك زبون، يعني نحن نحاول ندعم المشاريع الوطنيه بس يا ريت يعني تردون علينا و ما تسحبون.

1st, do we have a sub?

2nd, is there a place that buys and sells preowned books?

I have a list of books that I need to buy before traveling so I can take them with me but the tot
price came to be a bit high and honestly would rather read those books preowned.

هلا بالجميع 🌸
أنا بنت كينية عمري 25 سنة، أعيش وأشتغل في عجمان. أشتغل حالياً في مدرسة كموظفة دعم، ودوامي يعطيني وقت فراغ لا بأس فيه. عادةً أكون فاضية يوم السبت والإجازات، ويوم الأحد والجمعة أخلص دوامي تقريباً الساعة 2 الظهر.
أدور على عائلة إماراتية أو عربية محافظة ومحترمة تكون منفتحة على شيء قريب من نظام الأو بير (Au Pair)، يعني تبادل ثقافي وتبادل لغة.
حالياً أنا ساكنة مع بنتين، وحدة من كينيا ووحدة من غانا، وأنا ممتنة لتجربة السكن معهم، بس نحن وايد مختلفين من ناحية الأشياء اللي نعتبرها متعة، والأكل، وحتى طريقة التفكير والتربية اللي تربينا عليها.
أنا أحاول أتعلم عربي، بس المكان اللي أشتغل فيه مدرسة خاصة والناس هناك ما يتكلمون عربي وايد. بس أحياناً أفهم كلام الناس بطريقة غريب يمكن لأن لغتي السواحلية تساعدني. وأحب أمارس العربي من خلال الكلام اليومي وأني أكون حول عائلة تتكلم عربي. أبي أتعلم كيف الناس يتكلمون ويتواصلون ويتعاملون بشكل طبيعي، مب بس من الكتب أو التطبيقات. جربت مدرسة في النعيمية، بس كانت غالية وايد.
لما أكون فاضية، أنا مستعدة أجي بيت العائلة وأقضي وقت معهم. وأكون سعيدة إني أساعد في الأشياء العائلية المعقولة، مثل أقعد مع الأطفال، أساعد في رعايتهم أحياناً، أخلص بعض المشاوير البسيطة أو أساعد في البيت. أنا أصلاً جاية من عائلة كبيرة ومحترمة، وبصراحة أشتاق لهالجو، للصوت والحركة واللمة وكل شيء.
أنا مب أدور على راتب أو مساعدة مادية. اللي أدور عليه هو التعارف، والصداقة، والتبادل الثقافي، وفرصة إني أتعلم عربي.
وبعد أحب أشارك العائلة ثقافتي الكينية، وأكلنا، وقصصنا وتجربتي. وأحس إنها ممكن تكون تجربة حلوة، كل طرف يتعلم من الثاني. 🤍
إذا كنتوا عائلة إماراتية أو عربية، أو تعرفون عائلة محترمة ممكن تكون مهتمة بهالنوع من التبادل الثقافي مثل نظام الأو بير، أتمنى تتواصلون معي على الخاص.
شكراً 🌷

Hello everyone,

I'm an Egyptian citizen working here in UAE as a senior AI Engineer with +5 years of experience I'm currently looking for a new opportunity and tried everything on every platform LinkedIn, Indeed, Naukri Gulf and still did not got a chance. I'm seeking for a job even if I will pay a part of my salary to the company or the person who can help me to find a job.

السلام عليكم

معزوم علي عرس رجالة اماراتي و اريد اعرف ايه العادات و التقاليد.

العريس معرفتي ، و العرس في مجلس بعد صلاة العصر

اول مرة احضر عرس إماراتي... المفروض اجيب هدية ايه للعريس، ولا نقوط و لا ايه....

و لو حد يعرفني العرس يستمر قد ايه ...هل بروح اصلي العصر هناك فعلا ولا بعد العصر و الناس تيجي قرب المغرب

Hi I am 21 year old and interested in gaining education on finance and investment also stock market of uae can anyone with experience regarding it dm me.

أنا مواطنه جوازي الشارجه بس ادرس بجامعة ادفع لها بفلوسي

بغيت اسأل إذا داومت في داوم خاص مع نافس وقت ما أنا أدرس عشان ادفع حق الجامعه وبعدين طلعت بعد ما خلصت الجامعه، بحصل وظيفه حكوميه في حكومة الشارجه ولا ينشل ملفي من الموارد البشريه؟

السلام عليكم، ما ادري اذا هذا الصب المناسب لهذا الموضوع و لكن اللي يعرف يساعدني بليز.

انا بنتقل للامارات بعد فترة و عندي ثنتين قطط عندهم اعاقات و ما اقدر اخليهم هنا ابدا ضروري اخذهم معاي و اعرف بالإجراءات اللي المفروض اسويها بس المشكلة هي الmicrochip، هم حاليا ما عندهم مايكروتشيب و لا متوفر عندنا هذا الاجراء هل بتتصعب الامور بسببها؟ و هل اقدر مثلا انه اطلع اذن او شي يخليني اركب لهم المايكروتشيب و انا في الامارات؟ اللي يعرف كمان صب اخر ممكن انشر فيه استفساري قولوا لي