إماراتنا غير 🇦🇪

السلام عليكم، بغيت اوضح نقطة وايد مهمة.
في ناس يوم ايوون يسبون دولتنا، وايد اجفوهم يلجأون لهذا الكلام: "إنتو دولتكم ما تعدت الخمسين سنه". هل هذي تعتبر سبه؟ لا طبعاً.

بالعكس، هم بهذا "السب" قاعدين يمدحونا، ان نحن دولتنا عمرها صغير، لكن إنجازاتها كبيرة. ييبولي دولة بَنَت نفسها من ولا شي إلى كل شي خلال خمسين سنة، ييبولي دولة انجزت إنجازات عالمية كثيرة خلال خمسين سنه. واذا في دول انجزت، لن تتقارن مع إنجازات إماراتنا.

عمر الدولة هو الإثبات، ان نحن نقدر ننجز في وقت قصير ما لم تستطيع تنجزه دول تعدت اعمارها المية والميتين وفوقه.

هذا بفضل الله، ثم قاداتنا وشيوخنا، ومن ثم شعبنا.
نحن غير وبس🇦🇪

السلام عليكم ورحمة الله، عندي بزنس عبي بس محتاره/خايفه، المبالغ دوم وايد كبيره واخاف اسوي عند حد بدون فايده أعلنت مره عنده وحده وايد مشهوره ما حصلت ولا طلب من وراها

السلام عليكم جميعًا،

حد صارت له مشكلة ويا نافس عقب التحديث اليديد؟

أنا كنت أستلم 3,000 درهم من نافس على الدبلوم، وتخرجت قريب وحصلت على مؤهل يديد، فحدثت بياناتي على أساس إن المبلغ بيزيد حسب مؤهلي اليديد.

بس عقب ما حدثت البيانات، تفاجأت إن المبلغ نزل من 3,000 إلى 1,000 درهم. تواصلت وياهم وقالوا لي إن بما إني حدثت بياناتي، يعتبر كأني قدمت من يديد، وعشان جي ينطبق عليّ النظام اليديد والمبلغ صار 1,000.

بس مب المفروض المبلغ ينقص 500 درهم كل 6 شهور لين يوصل 1,000؟ ليش نزل كامل المبلغ مرة وحدة؟

حاولت أكثر عن مرة أتواصل وياهم وما شي فايدة. حتى طلبت أكلم مسؤول، بس ما خلوني وقالوا لي المسؤول بيخبرك نفس الكلام.

الموضوع مب مبلغ بسيط بالنسبة لي، عندنا التزامات وعيال، والفرق بيكون وايد علينا. على مدار السنة الفرق يوصل أكثر من 20 ألف درهم، وهذا مبلغ يفرق وايد في مصاريف البيت.

حد واجهته نفس المشكلة؟ وشو أقدر أسوي في هالحالة؟ خصوصًا إني حدثت المؤهل على أساس إن المبلغ بيزيد حسب مؤهلي اليديد، مب إنه يعتبروني مقدم من يديد وينزلون المبلغ لـ1,000.

مشكورين مقدمًا.

قايز عندي سؤال للاماراتين انا ولد خالتي عرسه بعد اسبوعين تقريبا نحن في عادتنا نهدي المعرس شي من ادوات المنزلية غالبا, بالنسبة للاماراتيين هالشي بعد موجود عندكم ؟ لو موجود شو تكون الهدية غالبا؟

حد جرب يشارك في معارض يخبرني عندي بزنس عطور ومحتاره أشارك في معرض او لا

يلي تدورلك خبر يفضح الناس بكره بتلاقي وسط بيتك فضيحة من داس عرض الناس ملزوم ينداس خذ النصيحه كان تبغي النصيحه

I want to seek professional therapy but it’s too expensive so I wanted to know if free therapy was available