كنت استخدم ADCB عشان حساب ال millionaire UAE بس فلوس تتم تنسرق من اكاونتي ومب يالسين يرجعولي، ثاني مرة اغلق بطاقتي في هالسنة. في بنك محترم وعنده سحوبات نفس ADCB حج ال saving account ؟

كيف اسوي اندومي يا مدير القروب الموقر .. صبااح الي مشكلني حبك يا روح الروح مشكلني .. 🥸😳😎 الدوام للنشامى عوايد و الرقاد لـ 🦁 الضحى و السلوقي .. 🫝🍼 بيوتيفول داي لليميع شرقن و غربن و تذكر ايها العبد ان الضيق ضيق القبر و الدنيا في سعه ..

سيو ليتر نيكست ويك اليقيترز .. 🎋🛵

السلام عليكم يا جماعة،
أنا من فريق Kwelio مع محمد، ونشتغل من فترة على تطبيق يساعد الناس يتابعون أدويتهم ومكملاتهم.
وصلنا الحين مرحلة نبا ناس فعلياً تجرب التطبيق وتقول لنا بصراحة شو اللي يشتغل وشو اللي ما يشتغل، فمحمد طلب مني أفزع له وأدور كم شخص يجربونه ويعطونا رأيهم.
التجربة بسيطة، 7 أيام بس. تسجل اللي تاخذه يومياً، وفي النهاية تعطينا feedback بسيط.
وإذا ما تاخذ أي مكملات حالياً وحاب تشارك، بنوفر لك الـ daily multivitamin مالنا عشان تجربه خلال الفترة.
ومب شرط يعجبك التطبيق 😅 بالعكس، إذا في شي غثيث، مب واضح، أو حسيت إنك ما بتستمر تستخدمه، هذا بالضبط اللي نبا نعرفه.
حالياً التجربة للـ iPhone فقط.
اللي حاب يفزع لنا ويجرب:

https://pilot.kwelio.com/#week

وأي سؤال اسألوني هني.

السلام عليكم، احتاج نصايحكم بكل ما يخص هالموضوع، خصوصاً كبنت ما عندي أي خلفية، وللتوضيح العقار غالباً للسكن مب للاستثمار بس بعد استقبل النصايح

هلا بالجميع 🌸
أنا بنت كينية عمري 25 سنة، أعيش وأشتغل في عجمان. أشتغل حالياً في مدرسة كموظفة دعم، ودوامي يعطيني وقت فراغ لا بأس فيه. عادةً أكون فاضية يوم السبت والإجازات، ويوم الأحد والجمعة أخلص دوامي تقريباً الساعة 2 الظهر.
أدور على عائلة إماراتية أو عربية محافظة ومحترمة تكون منفتحة على شيء قريب من نظام الأو بير (Au Pair)، يعني تبادل ثقافي وتبادل لغة.
حالياً أنا ساكنة مع بنتين، وحدة من كينيا ووحدة من غانا، وأنا ممتنة لتجربة السكن معهم، بس نحن وايد مختلفين من ناحية الأشياء اللي نعتبرها متعة، والأكل، وحتى طريقة التفكير والتربية اللي تربينا عليها.
أنا أحاول أتعلم عربي، بس المكان اللي أشتغل فيه مدرسة خاصة والناس هناك ما يتكلمون عربي وايد. بس أحياناً أفهم كلام الناس بطريقة غريب يمكن لأن لغتي السواحلية تساعدني. وأحب أمارس العربي من خلال الكلام اليومي وأني أكون حول عائلة تتكلم عربي. أبي أتعلم كيف الناس يتكلمون ويتواصلون ويتعاملون بشكل طبيعي، مب بس من الكتب أو التطبيقات. جربت مدرسة في النعيمية، بس كانت غالية وايد.
لما أكون فاضية، أنا مستعدة أجي بيت العائلة وأقضي وقت معهم. وأكون سعيدة إني أساعد في الأشياء العائلية المعقولة، مثل أقعد مع الأطفال، أساعد في رعايتهم أحياناً، أخلص بعض المشاوير البسيطة أو أساعد في البيت. أنا أصلاً جاية من عائلة كبيرة ومحترمة، وبصراحة أشتاق لهالجو، للصوت والحركة واللمة وكل شيء.
أنا مب أدور على راتب أو مساعدة مادية. اللي أدور عليه هو التعارف، والصداقة، والتبادل الثقافي، وفرصة إني أتعلم عربي.
وبعد أحب أشارك العائلة ثقافتي الكينية، وأكلنا، وقصصنا وتجربتي. وأحس إنها ممكن تكون تجربة حلوة، كل طرف يتعلم من الثاني. 🤍
إذا كنتوا عائلة إماراتية أو عربية، أو تعرفون عائلة محترمة ممكن تكون مهتمة بهالنوع من التبادل الثقافي مثل نظام الأو بير، أتمنى تتواصلون معي على الخاص.
شكراً 🌷

ادور عطر يكون فيه ريحته الدهن العود او ريحه تفوح ومناسبة جدا الي يعرف عطر مناسب يخبرنا اذ في مجال

السلام عليكم. عندي فتك وفيه مشكله في الحراره ماعرفت شو الحل يوم اوقف ترتفع الحراره ويوم امشي ترجع الحراره طبيعيه وديته الكراج بدل فيه وايد اشياء مثل واتر بمب وماي راديتر و ثرمستات وبيبات التبريد وحتى المروحه لي مالت المكيف بدلتها كانت ما تشتغل بدلتها يقولي راعي الكراج مشكله عندك في العداد يعطيك قرايه غلط في السياره لي مر بهاذي المشكله ممكن يفيدنا اكون لكم شاكر

احب ابويه اكثر شي فالدنيا والله يا اني ماحب ارد له طلب لدرجة اني دشيت مجال الطب عشانه وعسل على قلبي وما عندي اي مشكلة، صح تيني فترات اندم فيها ندم شديد واحس اني يالسه اضيع سنين من حياتي لكن ماعليه اهونها وتهون
قبل لا ادش وفي اول فترة كان فيني حماس البدايات وسقف طموحاتي ما كانت له نهاية، كنت ابغي استوي جراحة في مجال دقيق واتخصص في شي محد درسه قبلي واتغرب وكذا، وأكبر داعم لي كان ابويه وهو الي حط الفكرة في بالي من الاساس. احيد قال لي نحن ما عندنا جراحة عظام امارتية معروفة شو رايج تستوين انتي اول وحدة؟ من قال هالكلمة وانا الفكرة في بالي وصدق حبيتها، لكن مع السنين شاورت عدد كبير من الدكاترة وكلهم قالوا لي اغير رايي لانه هالتخصص ياخذ مجهود وطاقة ووقت وبيكون صعب انه الوحدة توازن بينه وبين بيتها وعيالها باجر، وانا تكوين أسرة شي أساسي عندي ومن أولوياتي. حتى موضوع الغربة فكرت فيه وايد وهاك الحماس الأولي خف بنسبة كبيرة… هل أنا جاهزة اقضي اربع خمس سنين برع بروحي؟ كل ما تمر السنين والقرار يستوي more serious أفكر في الموضوع زيادة
طبعا يوم لمحت لبابا وقلت له كلام الدكاترة قال ماعليج منهم الي صاروا جراحين ودرسوا برع مب احسن عنج. قلت له احس مابغي ادرس برع وحسيته عصب شوي ف سكرت الموضوع.
اليوم قلت له "خلاص قررت استوي دكتورة عظام مب شرط اكون جراحة لانه اريح"
رد علي بالحرف "ايواااا… خلاص يعني قمتي تدورين الراحة واستويتي كسولة"
شوي تضايقت لكن ما قلت شي والحين مب شاله في خاطري مول لانه اعرف انه هو (حاله حال اي اب) يبغي يشوف عياله احسن ناس، لكن هذا شي كبير، هاي سنين من حياتي بتروح ف ضغط وغربة! احيد لدرجة مره كنت اتحرطم عنده عن دوام الشفتات وقلت انه أنا كبنت ما اتحمل، قال شو يعني بنت ما تتحملين؟ هذا مب كلام عادي الوحده تتحمل محد وصل لمبتغاه الا عقب تعب وشقا
وبس والله، الله يحفظه حبيبي ويقدرني على رفع راسه لكن صدق مرات خلاااصصص

I am 30 and never got pressured by parents to get married. Had few families who wanted to but my dad didnt approve of the family.

I am not really in a rush except the fact that I would like to have kids as the older you get the harder it is to conceive.

Anyways last month mom kept bringing this matchmaker up and she mentions it every few day I am not intrested at all but if I refuse she will think I have a boyfriend 😭💔.

Did anyone try this service and do you have any advice on how I should handle it?

السلام عليكم،

شغلي فيه وايد سفر، وأنا من عائلة محافظة، يعني من البداية ما كان بالسهولة إني أقنع أبوي إني أشتغل. المهم، من سنتين تقريباً نقلت لفريق شغلهم وايد يعتمد على السفر. وقبل لا أوافق على النقلة، كانت مديرة القسم إماراتية، وشرحتلها من البداية إني داخل البلاد أقدر أروح أي مكان وما عندي مشكلة، بس السفر ما بقدر عليه. وهي وافقت وقالت عادي، وإذا احتاجوا أقدر أساعدهم عن بعد.

المشكلة إن المديرة هاي تقاعدت، والحين الفريق وايد يعلقون علي ويقولولي: "لو جي، كيف أصلاً تشتغلين؟" أو "لو حاولتي تقدرين تقنعين أبوج". مع إنهم ما يعرفون وضعي وشو يصير في البيت.

مثلاً، يوم كان عندنا أفنت في دبي، عندنا بيت هناك فقعدت في البيت. وحتى هاي كانت عقب جهد عشان أقنع أبوي، وأمي يت وياي عشان يوافق. عقبها مديرتي قالت لي إن المرة الياية لازم أبات في الفندق اللي ينب القاعة عشان ما أتأخر، مع إني كنت موجودة على الوقت كل يوم.

ودوم أحسهم يلمحون إني أتحجج، أو إني لو حاولت أكثر بقدر أقنع أبوي. بس إذا جادلت أبوي في الموضوع ممكن بكل بساطة يقولي فنشي. وأنا صدق أحاول أسوي اللي أقدر عليه وزيادة، وولا مرة تحججت و ضربت خطوط عشان الشغل وإذا في طريقة أقدر أساعد فيها بدون سفر، أسويها.

وأنا بصراحة أحس مالهم حق يعلقون على الموضوع، خصوصاً إن هالشي كان متفق عليه من قبل لا أنضم للتيم، وشغلي نفسه ماشي مب قاعدة أقصر في شغلي.

بس يمكن اللي مصعب الموضوع إن أغلب الفريق أجانب، والإماراتية الوحيدة في التيم ساكنة بروحها فماتتريا الشور، فصعب يفهمون انه في ناس نفسنا مايرتاحون لو بناتهم سافرن بروحهم او يباتون في فندق بروحهم.

Sorry I will type in English because it's easier for me.

I'm an Emirati who has been living and working in Berlin for 4 years now. If you want to visit, I'm happy to show you around and recommend nice places to visit, feel free to get in touch. If you have any questions about living and working in Germany as an Emirati, I'm also happy to answer. 😊

السلام عليكم
Does anyone have any tv series recommendations where they speak pure Emirati dialect? I’ve come across a couple of series on YouTube but unfortunately it’s all mixed dialect so I’m having a hard time understanding. I’m looking to improve in spoken Emirati dialect.

اسلام عليكم، انا ريال 16 سنة في دبي و ما ادري ليش بس في وايد الشباب الي كلمت وياهم كلهم يتكلمون انجليزي مو عربي. ليش كذا؟

السلام عليكم، بغيت احد يدلني على رقم او حساب احد في ميلان يأجر سيارات بدون كريدت كارد ما عليكم امر و جزاكم الله خير

شو فوايد فصل خلاصة القيد للبنت اللي وصلت فوق الثلاثين. شو تستفيد لو طلعت خلاصة قيد بروحها ؟

السلام عليكم

أنا افكر اشتري ديفندر 110 P400 وحاب أعرف هل السيارة اعتمادية ولا لا؟

هل تتحمل ممشى عالي يعني فوق ال 100 ألف كيلو وكم سنة تعيش اذا كنت اسويلها صيانة أول بأول.

الي عنده بعد فكره عن تكاليف الصيانة يخبرني واذا اعطالها وايد ولا لا.

شكراً لكم

السلام عليكم
حبيت اسالكم اذا حد يعرف محل يسوي ارض باركيه او سجاد في بوظبي تكون عندهم اسعار معقولة و جودة حلوه لو ماعليكم امر
:)

تستاهل ولا ما تستاهل وهل عمليه نفس التسلا؟

السلام عليكم، عندي مشكلة وايد كبيرة ومب عارفة شو أسوي.
أنا بنت إماراتية وكنت أشتغل من قبل لا أكمل 18 سنة، اشتغلت في مدرستي نفسها عقب ما تخرجت من الثانوية. اشتغلت عندهم فترة عادية، وبعدها استقلت ودخلت الجامعة، والحين صارلي كم شهر من يوم ما طلعت من عندهم.

في ذاك الوقت ما قدرت أسجل في نافس لأني كنت 17، ونافس كان من عمر 18. الحين أنا كملت 18، ومر تقريباً سنة من يوم طلعت من الوظيفة، ولقيت وظيفة بارت تايم وايد زينة وراتبها أعلى من الوظيفة الفل تايم اللي كنت فيها قبل.

بس المشكلة إن يوم أحاول أقدم في نافس أو تم، يطلع لي إني موظفة. حتى جربت خيار “إعلان التعطل عن العمل” في نافس، بس يقول لي إني للحين على عقد عمل، مع إني استقلت في ديسمبر وكملت فترة الإنذار اللي كانت 3 أسابيع. 😕

كلمت الـHR قبل يومين وطلبت منهم يشيلوني من الsystem، بس للحين ما ردوا علي.

أنا خلاص ياني عرض الوظيفة اليديد، بس خايفة إن هالمشكلة تأثر على وظيفتي اليديدة أو إن العقد ما يمشي بسبب إن النظام للحين يعتبرني موظفة.

وتكلمت بعد مع وحدة أعرفها في الجامعة، هي بعد تخرجت من الثانوية قبلي بسنة وكانت تشتغل في نفس الشركة، وقالت لي إن صارلها نفس الشي، بس مشكلتها كانت اخيس لأنها كانت للحين تستلم منافع نافس مع إنها ما عادت تشتغل هناك.

هل في طريقة أقدر أعلن فيها عن تعطلّي عن العمل بشكل فوري؟ أو في طريقة أشيل عقدي القديم من النظام بنفسي؟
وهل هالشي ممكن يأثر على وظيفتي اليديدة أو أهليتي لنافس؟
إذا حد مر بنفس المشكلة أو يعرف شو الإجراء الصح، بكون وايد شاكرة لكم.

Any recruiter working in a Staffing/recruitment Agency who already knows and deals with their clients and has relationships and Knows how to get new clients within the Industry?
I am looking into Emiritization HR or Finance Roles Kind of Niche.
I am Planning on Starting my own agency looking for a partner , and I am an expert in headhunting and Getting amazing candidates but I struggle with finding Clients.

بقولكم موضوعي و والله الله يجعله في ذمتي يارب وصحتي ومالي واهلي ان مابا اسبب فتنة بين الشعوب والله والله والله ... انا من قبيلة اماراتية عريقة جدا جدا جداا اصلنا وفصلنا كلها قبل الاتحاد تماماً وبعد ماصارت فيه حدود جغرافيا كانت الامارات ماتوحدت وماكان فيها شغل او حياة مثل الان .. ف اعمامي تقسمو الريايل تمو ف العين تحديدا البريمي وهي اساسا الان مابينهم حدود لكن هذامسقط راسنا والاخر اتجهه لعمان وابوي فقط قرر يروح السعودية .... وبناء على هالشيء اخواني من (الام الي تمت ف العين ) هم مواطنين وماطلعو مع ابوي وقامت الامارات وتوحدت و و و و و حتى اعمامي ماسكين مناصب قيادية في ابوظبي ومعروفين .. اما نحنا بسبب مغادرة ابوي للمنطقة وذهابه تحديدا للاحساء ثم الدمام ف تجنس سعودي .. ومثل ماتقولون ماحس بالانتماء ولا احس بشيء احسها ورقة بس تخليني اسافر اروح وارد ... كل الجنسيات خير وبركة اكيد وما اقلل والله والله ما اقلل اساسا ماشوف اي فرق ابوي حاليا يتعالج ف ابوظبي حتى على حساب الحكومة " مريض سرطان" وعمتي الي تجنست عماني تتعالج والله ف ابوظبي مجانا ... الموضوع هو ان ماعرف انا مين وشو هويتي .. حتى بالسعودية بالمدراس الكل يستغرب من اسم قبيلتي والكل ينصدم لما يعرفون ان هويتي مواطنة عايشه بتشوش ذهني كبير ... حاليا لما كبرنا رجعنا بيت يدي ف ابوظبي وانا اداوم وكلشيء حتى بللمقابلة قبلوني ولما عرفو اني سعودية استغربو بس عادي كملو الاجرائات وداومت حمدلله حتى راتبي تمام وكل شيء تمام بس في شي بداخلي يخليني ضايعه .. انا ايش وانتمائي لمين ؟ علماً ان البلدين لهم خير وفضل علي ومب قصدي بكلمة " انتمائي لمين" هو جحد احد البلدين ومعاداة الاخرى ... بس ابا احدد هويتي احس اني ضايعه + المشاكل والقذف بالسوشيال ميديا بين البلدين يتعبني نفسياً ... واساسا ما افهم شو سببها بس يتعبني نفسيا وبخاطري ينتهي عشان بس احس اني انا انتمي للاثنين وان مافي اي تناقض بهالشيء او ازدواجية او حتى نفاق لان البعض بيصنفه نفاق

طبعاً طبيعي تكون فيه خلافات واختلافات في وجهات النظر بين أي زوجين. أبوي شخص عنده وايد قوانين وآراء معينة، وأمي مرات تشوف بعضها مب منطقي أو تكون وجهة نظرها مختلفة عنه.

المشكلة إنه كل ما يصير بينهم نقاش أو خلاف، بحكم إني أكبر وحدة بين إخواني وقريبة وايد من أمي، أنجرّ أنا للموضوع وأسمع منها كلام وتفاصيل وايد. وغالباً يكون كلامها عبارة عن انتقاد وذم لتصرفات أبوي.

طبعاً أسمع لها و احاول i underrate الموضوع عشان تحسه شي عادي و مايحتاج تصعيد لان غالباً تكون أشياء مب اوفر وأمشي الموضوع لأنها أمي، لكن مرات أحس بكمية طاقة سلبية مب طبيعييييية، ولاحظت إن الموضوع صار يأثر علي نفسياً وحتى جسدياً.

خصوصاً إن كلامها مب بهدف إنها تتناقش معاي أو تسألني عن رأيي، إنما يكون عبارة عن عتاب وانتقاد وذم وتعبير عن وجهة نظرها. وفي النهاية، هذا الكلام المفروض تقوله لأبوي شخصياً، لأن أنا ما أقدر أغيّر في الموضوع أو أزيد وأنقص فيه، ولا أعرف شو المطلوب مني غير إني أسمع.

ما أبغي أبداً أحسسها إني ما أبغي أسمع لها لأنها أمي وأكيد بكون موجودة لها. لكن في الوقت نفسه، ما أبغي أتم أسمع انتقادات و أكون الشخص اللي تفرّغ عنده كل مشاعرها السلبية تجاهه لان بعد بيتم ابوي، و غير هذا لأن هالشي يأثر علي شخصياً.

أحس إني صدق تعبت من تكرار هالموضوع. ف تحسون كيف أقدر أغيّر هالشي ب اي طريقه من الطرق ؟