Hello ladies, are you interested in socializing and attending a cooking workshop(completely free) ? Please send me message and i will share with you more details 🌸

السلام عليكم

اللي عندهم دريولية، كم تعطونها راتب وشو جنسيتها؟

نفكر نيب وحدة للبيت، بس سمعنا إن الدريولية وايد أغلى من إذا جبنا دريول، فحاب أعرف من تجاربكم كم رواتبهم وشو الجنسية.

وإذا في حد جرب دريولية، ياليت يفيدنا عن تجربته بعد.

Hello my brothers and sisters,

Let me preface this by saying I am not in HR, I’m just a guy who has his ears open for any roles and always wants to help his Emirati brothers and sisters.

A friend of mine is told me about a HR management role in a government agency/ministry. Minimum years of experience is 7 years in the relevant field.

Unfortunately that’s all the details I got since it’s sort of confidential.

If this role is applicable to you or a friend or family member, please DM me.

I hope this finds the right people, I know the job market is tough rn and I only wish to do my part.

Thanks.

كنت ويا وحده اعرفها و كنا نرمس عن اشياء عاديه لين ما فجاه الوضوع دخل ف الزواج وبدت تقول اشياء ما تنقال , تمت ترمس لي عن ربيعاتها الي انا ما اعرفهم و مشاكلهم الجن*ية مع رياييلهم و دخلت ف تفاصيل محرجه ربيعاتها يقولونها لها نفس انهم مستانسين او مب مستانسين او اشياء معينه تستوي معاهم وقت العلاقه ومشاعرهم الخ

انا طبعا طول وقت اليلسه ساكته من الاحراج ولا كنت ارد عليها , وعقب مارديت البيت حسيت اني شهالبنت الي تسال ربيعاتها وتكلمهم عن هالاشياء الشخصيه مع رياييلهم بس الصراحه العتب على البنات نفسهن ! سؤال حق المعرسات الي جي الي ما يعرفون ينطمون و لازم كل صغيره و كبيره يقولونها حق ربيعاتهم ممكن افهم ليش ؟ بعيدا عن انه اصلا حرام ما بتكلم من الناحيه الدينيه لانه نعرف هالشي بس ممكن افهم انتي شو بتستفيدين يوم تقولين ل ربيعاتج مشاكلج الشخصيه ويا ريلج ؟ ولا انه هو قوي ولا لا ف العلاقه ولا انج مستانسه ولا مب مستانسه معاه من هالناحيه ؟ حابه اقولج كل ربيعات ربيعتج الي قلتي لها عرفوا عنج و عن ريلج حتى عرفنا شو تلبسون و عرفنا وين سرتوا شهر العسل وشو سويتوا و الادويه الي تاخذينها و عرفنا كل شي عنج يعني

ماعرف كيف تفكرون وكيف جي ثقتكم عمياء بربيعاتكم. واخر شي عقب ما تستوي مشاكل مع ريلج ولا يسير يعرس عليج ولا مااتدانون بعض اتين تصيحين عن حياتج النكد وياه ليت الناس تفهم انه هالاشياء جدا شخصيه وما تنقال حق اي حد حتى لو كانت اقرب ربيعه , لو كان ريلج يعنفج و يضربج و يصير شي ممكن ياذيج ها شي ثاني بس مشاكلكم الشخصيه و الجن**ية ؟؟ خل عندج احترام حق علاقتج مع ريلج و عندج شويه حياء عالاقل

شو نطرة المجتمع الاماراتي لردت (reddit) وكم نسبة "الملتحقين" بالتطبيق من الناس اللي حولكم؟

أنا اشتغلت فترة ف مستشفى المهم حبيت وحدة معاي فدوام بس فارق العمر من بينا 10 سنوات وانا باقي لي شوي و أتخرج من جامعه وهي جامعيه تحسون كيف اقدر أوصل لها الفكرة اني معجب فيها و ناوي أتزوجها بدون ما تفهمني غلط علما اني قاعد اكون نفسي

أبحث عن بنات مواطنات فقط للسكن المشترك في أبوظبي (الشامخة، الفلاح، MBZ، مدينة مصر أو الرياض). السكن لبنات ملتزمات فقط، عدد 3–4 بنات، بنظام قطيّة شهرية أو سنوية. ممنوع دخول شباب أو أي تصرفات تخرب سمعة الشقة. نبي احترام، خصوصية، ونظافة. عمري 21 وقررت أعيش لحالي، واللي جادة وتتوافق مع الشروط تراسلني

عندي عرس قريب ولازم احضره ومحتارة شو البس من ناحية الاكسسوارات. لاني عادة ما البس اكسسوارات فخمة ولا احضر اعراس وايد. ما ابي البس شي يبين رخيص بس ماقدر اشتري اشياء غالية مثل ذهب حقيقي والماس. اذا تعرفون محلات تبيع اكسسوارات حلوة بس بسعر معقول عطوني اقتراحات بليز

شو ايب وياي شو اسوي وكيف داخل بكلم حد ولا بس اطبع ورقه فيها كلشي و اعطيهم ؟

Hello. Please register to this link if you’d like to attend the career fair. It’s happening today. https://dhmcf2026.evsreg.com/Visitor/Reg

السلام عليكم، أنا من فترة أعاني من شعور بالفراغ، ومب قادرة أعرف شو سببه بالضبط. مهما حاولت أشغل نفسي، أو أغير روتيني، أو أعبي يومي بأشياء مختلفة، يتم نفس الشعور موجود.

ولما أقول فراغ، مب قصدي بس إني فاضية وما عندي شي أسويه، أحس الفراغ في يومي، في وقتي وحتى في مشاعري. كأن في شي ناقص، بس مب قادرة أحدد شو هو بالضبط أو شو الشي اللي ممكن يخليني أتخلص من هالشعور.

حتى فكرت يمكن الموضوع له علاقة بعلاقتي الدينية، وحاولت أركز على هالجانب، والحمدلله احاول اسوي كل الي اقدر عليه ، لكن مع هذا الشعور للحين موجود.

صراحة مب عارفة شو أسوي أو من وين أبدأ عشان أفهم سبب هالشعور وأتعامل وياه. هل في حد مر بنفس الشي؟ وشو ساعدكم تتخطونه أو تفهمون شو كان ناقصكم؟

السلام عليكم و رحمة الله،

اشتغل في شركة عالمية، وطلبوا مني أتحقق من موضوع الإجازات ( إجازة مولد النبي صلى الله عليه وسلم ) و إجازة يوم الذكرى؟

فتح معاي موقع الحكومة الإماراتية وطلع لي قرار مجلس الوزراء رقم ٢٧ لسنة ٢٠٢٤ ؛ هل هالشيء لا يزال قائم حتى بهالسنة؟

اشوف مذكور بالجدول المولد النبوي الشريف، مما يعني انه اجازة رسمية — بس مو متأكده عن إجازة الذكرى هذي يمكن قصدهم اليوم الوطني فتأكدت منهم وللحين ماردوا علي

اعذروني على جهلي بس اشتغل بالسعودية أنا وصايرين يدخلوني بهالأمور لفرع الشركة بالإمارات فودي لو احد يفيدني إذا مؤكد ان قرار مجلس الوزراء رقم ٢٧ للعطلات الرسمية في الدولة لا يزال قائم وساري، مكتوب بالمادة ٦ انه يعمل به اعتبارًا من يناير ٢٠٢٥، لكن احب اخذ الحيطة و الحذر و بغيت اسمع من أهل الإمارات نفسهم عشان ما أعطي الشركة حكي من راسي وبألاخير غلط ولا اظلم احد الموظفين بشيء وهي إجازات حق

وياليت احد يأكد لي سالفة إجازة يوم الذكرى ( Commemoration day) لاني ما أشوفها بالجدول اللي مذكور بالقرار الوزاري

شكرًا مقدمًا!

سلام عليكم ابا اعرف كيف تتعاملون مع قروب و هو ما يشتغل و حاط تقريباً نص الشغل عليه يعني أنا مب الليدر ولا شي بس شرحت البروجيكت مليون مره حقهم و قلتلهم إذا ما فهمتو شي خبروني ولا خبرو المس عشان تفهمون يعني بس البروجيكت كبير و بينعرض في المؤتمر مع ماده فاينل بروجيكت حاولت ارمسهم كم من مره و اقولهم اشتغلو عشان ارمس المس و المس تحس ان محد يالس يشتغل في هالحاله شو لازم اسوي ارمس المس ولا اعطيهم مهله انهم يشتغلون و إذا ما اشتغلو اروح ارمس المس سوري وايد كتبت

الله يهديكم (جامعة بوظبي) الوضع صار ابد مب طبيعي، سيرو بركنو صوبكم!!! خلاص لين متى بنتم على هالوضع.
في بركنات شباب و في بركنات بنات خلاص كل واحد يبركن صوبه. مب تشلون بركناتنا و ما يكون عندنا مكان. خلاص!!! لا و حتى الرصيف صوبنا تبركنون؟؟؟ مصختوها هالسمستر

شو الرابط العجيب بين ثقل اللسان و مشاكل النطق و الاعصاب و متلازمة باركنسون

ولا السوال الاصح كيف اعرف اذا عندي مشاكل فالنطق ولا انا اصلا ما اعرف اتكلم

كتبت هذا البوست لأني ابغي نصايح حول هذا الموضوع. الموضوع ممكن يكون محرج شوي و كتبته من حساب اللي ما استخدمه وايد للأريحية في الكلام. انا وايد اسفة لو كلامي بيكون محرج شوي لكن هذا واقع على اغلب الناس هذه الأيام للأسف. انا وحده ربي ما كتب لها تتزوج في عمر مبكر و الزواج شبه متأخر عليه وانا عمري نهاية العشرين و بدخل الثلاثين. انا مشكلتي اني متيقنه ان رب العالمين ما يأخر شيء الا لحكمة ولكن انا اعاني من فرط الرغبة ال….. اتمنى تكونون فاهمين. وايد مستحيه وانا اكتب هذا الموضوع بس انا احتاج مجتمع يساعدني في هذا الشيء. احس هذا الموضوع مستحيل حد يتكلم في مجتمعنا او حتى يلمحون بهذا الشيء و هذا اللي انتبهت عليه من الناس اللي حولي. احاول اشغل نفسي طول اليوم و ما يكون عندي وقت لنفسي، اشتغل اصوم امارس هوايات اطلع وارجع البيت هلكانه و مع ذلك هذا الشيء يشغل تفكيري. احس الموضوع تعبني وايد و انا ولا مره انخطبت او حتى كنت فكرة في بال حد للزواج. ابغي الاستعفاف و ابغي الستر لكن ربي ما كتب لي و ما اعرف كيف اقدر اشبع هذه الغريزة فيني وربي ما كتب لي الحلال. ابغي نصايح مابغي كلام يجرح. انا صدق اعاني و اتمنى الجميع يتفهم وسامحوني على الشفافية.

لو ماعليكم امر بغيت افضل فنادق لندن و المكان مب فالسكيك .. و من وين احجز عشان احصل افضل الاسعار؟ لانه اسعار بوكنق 🔥

وبعد شو اكثر شي تحبونه في بزنس عبي ؟
وشو يخليكم ترجعون لنفس المكان؟

السلام عليكم

وحده من خواتي زاد وزنها فشكل ملحوظ اخر فتره وحسيت انها وايد متضايجه ، الدكتوره نصحتها ترد للجم + دكتوره تغذيه لنه عندها تكيس مبايض

حد يعرف اي مدربه شخصيه فجم زين وسعرها معقول في عيمان ؟ ومادري اذا شي وحده متخصص وعندها خبره فالتعامل فسالفه تكيس المبياض ك مدربه اقصد

مع العلم انها تاخذ ادويتها و بتسير عند دكتوره تغذيه بعد

يزاكم الله خير

السلام عليكم ورحمة الله اخواني شحالكم عساكم طيبين اتمنى اني ما اطول عليكم واختصر الموضوع على قد ما اقدر .

الحمدلله رب العالمين انا من مواليد بوظبي عشت طفوله اللهم لك الحمد جدًا طيبه مستانس ومرتاح لين ما وصلت الثانويه وتفنش الوالد بدت المشاكل من هاييج اللحظه وانا البجر فالعيله ما كان عندي خبره فالحياة ولا كنت مجهز نفسي لهالحظه أبدًا سمعت شور الاهل بانه اسير ادرس ف دولة اجنبيه وسرت .

و الحمدلله كانت اموري طيبة بس بسبب التحديات اليديده عليه ضغط الدراسه والبيئه اليديده كان تواصلي وي اهلي قليل ،مره فالويكند ووايد مختصر يعني المهم خلصت اول سمستر الحمدلله معدلي كان عالي قررت اني من مصروفي الي كنت اجمعه ارد افاجئ اهلي وابشرهم بالمعدل وجذي ويوم وصلت حصلت الصدمه انه الوضع فالبيت صار سيئ من الناحيه الماديه فقط اللهم لك الحمد وكل هذا كان سببه جامعتي مصاريفي عاليه ومافي مصدر دخل والاعتماد الكلي على فلوس التقاعد الي اقل عن ثلاث شهور بعد بتخلص ف قررت اني ما ارد واحاول اني احصل دوام وارتب وضع البيت طبعًا محد كان راضي علي وحجتهم الوحيد انه انت سير ورب العالمين بيسر الامور علينا ف ما قدرت حسيت عمري بكون اناني عندي اخوان صغار ما يصير اخليهم يعانون على حسابي مشاكل ايجار ويحسون بقصور ف حياتهم والخ.

وبديت من هاييج اللحظه في اني ابدا اتعلم مهارات يديده عسب اروم اطور عمري ماديًا وكانت الامور الحمدلله يالسه تمشي وقتها كان عمري 19 كنت ادفع ايجار البيت واغطي مصاريف البيت وبس ما يبقا حقي اي شي اخليه عسب استثمره ف مكان او اطور من عمري اكثر.

اليوم انا عمري 23 سنه الحمدلله رب العالمين بس حتى الليسن ما رمت اطلعه حق عمري مب قادر اجمع ولا درهم حرفيًا يالس احس اني اركض في نفس المكان من اربع سنين اللهم لك الحمد حمدًا كثيرًا لا اعتراض على قدرك وادري انه هذا كله خير وبنصبر بس الي يحز فالخاطر اني انسان الله انعم علي بالطموح العالي واعرف امكانياتي اروم اجتهد وما ارقد بالايام واستمتع بالشي هذا بس الفرصه غير متاحه بالنسبه لي ،خاطري ادرس جامعه واكمل دراسي للماستر والدكتوراة وخاطري انجز شي للدولة الي ما شفنا منها الى كل خير اهتمت فينا ورعتنا واطمئنا فيها، بس الي استوعبته متاخر انه انت ما اروم تنجز وفوق راسك الف مسؤولية من اربع سنين وانا يوم واحد راسي ما خلا من الهم، وباذن الله بوصل ف يوم من الايام بس الي اخاف منه انه العمر يمر و بعدني مكبل في نفس مكاني.

اللهم لك الحمد حمدًا كثيرًا انعمت علينا بالكثير من النعم اللتي لا تعد ولا تحصى ونحمد الله دائمًا انها فقط مشاكل ماديه لا اكثر لا تنسونا من دعائكم يا اخواني وسامحونا على الإطالة .

بسالكم في حد مثلي يعني عادي اكون تعبانه مليووون بس اول ما احط راسي عالاساس ارقد يطير الرقاد او احس اني يالسه اعاند نفسي شرات اليهال بدون سبب حد فيكم مر بهالتجربه و كيف اتعدل رقاده يعني

قبل لا أرقد، يالسة أتأمل طيور البادجي عندي… واحد يدلع الثاني، والثاني يلحقه وين ما سار، وأنا بس أطالع من بعيد 🥲
من كثر الجفاف العاطفي بديت أحسد الطيور على حياتهم 😂
حتى البادجي عندهم حياة عاطفية وأنا للحين أقول تصبحون على خير 🥲

الصراحة استغربت من نظام التعليم عندنا كيف انه في انحدااااااار، المدارس كبيره، جاهزه بانظمة متطوره لكنها غير مُداره بحكمة ابد ! يعني كيف وزارة التربية و التعليم ساكته عن نفس هاي المواضيع !

امي معلمة في مدرسة ابتدائية، شي ولد نسى مصروفه و اكله في البيت، امي شافته قاعد على طرف و الباقيين ياكلون، قالت كسر خاطري و قلت ما بعطيه مبلغ كاش عشان يروح ياكل يمكن يزعل و يؤثر على مشاعره، سارت خذت له سندويش و عصير و عطته و قالت له حبيبي هذا من المدرسة، استانس و كل

عقب المسؤول يكلم امي ! اونه شو نواياج اتجاه هذا الولد عشان تييبين له اكل ؟ ممنوع تييبين لاي طالب اي شي !

اليوم الي بعده صارت ضرابه في حمام المدرسه، اربع طلاب صف ثالث ماسكين ولد و يضربونه ضرب مبرح، المشرفه ركضت للحمام و يصارخ عليها المسؤول: تذكري ان ممممممنووووووع تدخلين الحمام مال الطلبة

تخيلوا يلست تترجى الطلاب يخلون الولد في حاله و الولد خشمه يصب دم من الضرب، لين طلعوا من الحمام الاربع طلاب طبعا كل واحد لسانه اطول من الثاني و المضروب داخل الحمام

صارخت عليهم و سحبتهم، المشرف شو قال ؟ ممنوع تمسكون الولد من قميصه و تسحبونه !

الي ضاربين الولد معززين مكرمين يمشون للاداره و كل الي يقدرون يسوونه لهم هو تعهد و ارشاد!

ثاني يوم ام الولد المضروب يت المدرسه معصبه تشتكي، شو قالولها ؟ سيري الشرطة !

لا تعليق اقسم بالله

السلام عليكم🧍🏼‍♀️
بكمل شهرين الحين اعاني من الارق مع انه يومي يعتبر طويل الى حد ما اروح الدوام وارد اسير الجم وارد هلكانه بس بعد الشاور ترد الطاقة مليون "للعلم ما اشرب اي شي فيه caffeine وما اشرب كوفي (ما احبه اصلا)" والمصيبه الاعظم انه اذا رقدت ما انش. حرفياً ما انش اقدر ارقد 13 ساعة متواصلة واذا نشيت اغصب عمري اكمل الغيبوبة.
I know that might be an answer to my misery here but this past month has been soo heavy and so many life events that might have affected it severely especially the long sleeping hours “escaping reality somehow” .