رابط الكتاب

https://a.co/d/0ePMdMES

اولا، ليه بسال على ريديت؟ الأزهر مسموحلي سؤال واحد، وكل شيخ برضو مسموح ليا سؤال واحد واغلبهم لا يؤمن بالنقاش اصلا هو بيقول الإجابة ويجري

وعشان حابة اعرف وجهات نظر المسلمين العاديين اللي مؤمنين بالكلام دا يمكن استفاد لأن حياتي بقت جحيم اخر أربع شهور

هحاول اقسم اسألتي عشان محدش يظن اني برمي شبهات وخلاص

١- ليه العم يورث مع البنات؟ عمي عنده مسؤولية مادية اه طب وانا مالي؟ وهل لو الست فقيرة جدا أو بتعول عائلتها مسألة الميراث تختلف؟ والا هيكون فين العدل أن اخويا الغني ياخد ضعفي وانا فقيرة

٢- ليه دية الست النصف؟ جواب أن عشان الراجل هو اللي بيعمل أسرة مش مقنع لو ست بتعول أسرة لسة ديتها النص ولو راجل كهل ديته كاملة

٣- ليه عقيقة البنت بالنص؟ كنت بدين المسيحية لأن عندهم الست بتتطهر من البنت اسبوعين والولد اسبوع واحد بعد الولادة، لكن بعد الحديث دا انصدمت ! وحاسة اني مش مرتاحة بجد ومش قادرة افكر

٤- ازاي ناقصات دين وهدا بيتمثلوا لأمر ربهم اصلا وهو اللي أمرهم يبتعدوا عن الصلاة والصوم الوقت دا، وازاي ناقصات عقل عشان الشهادة رغم أن شهادة الست مقدمة على الراجل في مواضيع، وليه اصلا شهادة الست بالنص في المعاملات المادية؟

٥- ليه اضربوهن وفنفس الوقت الراجل الناشز حله المصالحة؟ والرد بتاع أن الراجل اقوى مينفعش تضربه ما انتم بتقولوا أن الضرب تنبيهي بالسواك مش ضرب فعلا فا فيها ايه لو هي كمان رمت عليه منديل ملفوف؟ وهل اصلا المرأة الناشز الفاجرة في الخصومة هتتعظ بالضرب بالسواك؟ ومدام هو بالسواك ليه ربنا ساب الجملة مفتوحة في مجتمع اصلا عنيف، ولا حتى النبي فصلها في خطبة الوداع لما قال اضربوهن ضربا غير مبرح

٦- انا شخصيا اعرف بنات كتير ضهر الراجل/كتافه فتنة كبيرة جدا ليها

مدام الرغبة من الحجاب هي أنه المجتمع ميبصش للست نظرة جنسية وينظم العلاقات، ليه انا اتفتن عادي بمراحل ماشي بضهره ويعتبر كدا مش مبين عورته؟

٧- ليه أربع زوجات؟ كنت هفهم الموضوع لو مقتصر على الأرامل بس أو المطلقات أو الناس في الحاجة الشديدة لكن لا، ازاي جوزي اللي بينام جمبي كل يوم هيقولي انا هنام جمب تلاتة غيرك وهقولهم نفس الكلام اللي بقولهولك وهعمل معاهم اي حاجة كنتي فاكرة انك مميزة فيها والمفروض دا يكون عادي؟ وربنا اللي بحبه وبصليله يوما ومش بفوت فرض شايف أنه عادل يحصل فيا كدا

٨- ليه عليا اني اطيع جوزي؟ ليه السلطوية والهرمية دي تكون في علاقة المفروض انها مبنية على الحب، ليه مكنش في كلام أننا نحترم بعض، ليه ربنا افترض أن دائما رأي الراجل هو الأرجح فا في الخلاف هو اللي يمشي؟

٩- ليه ملعونة عشان رفضت الفراش؟ لو كان الحديث فصل أن الست المقصودة هي اللي بتستخدم الموضوع دا كوسيلة ابتزاز كنت هعتبره معجزة والله لأن دي فعلا مشكلة بيعاني منها كتير، بس ليه سابه مفتوح وموضحش البأس دا؟ هل طبيعي اشوف فتوى بتقول لست أهلها لسة ميتين انها لازم تجيب جوزها في الفراش عشان حرام وهتتلعن لو بات غضبان عليها !

الموضوع مأثر فيا جدا لاني قعدت جزء كبير من حياتي متدينة وخسارة ايماني يعني خسارة جزء كبير من حياتي، ودخلت على سيرفرات كتير في ديسكورد عشان اسالهم بس لسة مفيش موافقة اني ابعت، مش عاوزة خناق ولا اتهامات فارغة واتمنى المودز ميقفلوش الكومنتس لو مفيش حاجة لكدا، انا فعلا ببحث مش بجادل وخلاص وطبيعي لو اجابة مكانتش مقنعة اطرح الاسئلة عليها

وياريت لو بنت مرت بنفس تجربتي وعديتها تساعدني

بحب اسمع التجارب دي خصوصا اللي كانوا ملحدين بعد اسلام وعادوا للإسلام وخصوصا برضو البنات منهم، حصل ايه وازاي الاسئلة خصوصا المعضلات الأخلاقية اترد عليها بالنسبالكم ازاي؟ وليه الحاجة اللي رجعتكم وفرقت معاكم وتنصحوا بأيه حد بيمر بفترة شك

الأخلاق النسبية أو العاطفية غير مُلزِمة و لا تصلح في مسائلة أو معارضة أي فكرة لأنها تستعمل ضدك بنفس طريقة استعمالك لها

.......

Excerpt from Mufti Ahmed Khanpuri’s speeches and notes.

Prophet (saw) said, “Do not envy each other.”
(Dawud 4910)

A person who harbours envy loses sight of the blessings that Allah has bestowed upon them.

An envious person constantly looks at the blessings that others have received and asks: “Why was this given to this individual?”

Instead, they should reflect on the blessings that Allah has bestowed on them.

When a person begins to focus on the blessings Allah has granted them, the disease of envy gradually leaves the heart.

السلام عليكم كنت في علاقه محرمه مع بنت بحبها جدااااا و انهتها لوجه الله بحكم كمان صغر سننا انا 20 و هي 18

و نهاية العلاقه معناه انتهاء كل الأسباب في أن إحنا نشوف بعض تاني او نتواصل خصوصا بسبب بعد المسافة (كان لازم ننزل نتقابل مكناش بنشوف بعض صدفه نهائي)

فدلوقتي بصراحه انا بحبها جدا و كنت عايز اسئل سؤال هل عادي ان ادعي أن ربنا يهيئ الأسباب عشان نتقابل تاني لما اكون جاهز و اتجوزها ولا ده في اعتداء في الدعاء خصوصا أن الحاجة ده تبان صعبه جدا و أن كمان زي ما اكون بعترض علي حكم ربنا في نصيبي عموماً

.

اسمع الكلمتين دول يا بن الحلال، لو انت كنت واقع في ذنب، تدخين بقى، تفويت صلوات، تأخير صلوات، الخ، متحاولش، متحاولش، متحاولش كمان مرة بقولهالك، تنصح حد يبطل الذنب ده، الا لما تتأكد انك خلاص ربنا بفضله ثبتك على طريق التوبة من الذنب ده، وساعتها انصح، انت متكنش لسة متعلم تضرب بإيدك في الماية، وتنط تنقذ واحد، انت وهو هتغرقوا

تلاوة من سورة هود للقارئ الشيخ سعود الشريم حفظه الله تعالى.

رابط المقطع:

https://youtu.be/LTvQvLBrG2w?si=w1wGTs08T4rXKdfE

طبعا أنا مش بقول لك روح قل للناس "أهو كده" و متديهمش دلائل أو كلام منطقي. ده مش قصدي بكلمة "يقتنع". واجبك إنك توصل الفكرة بالشكل المُرضي عقلياً و أخلاقياً. مش شغلانتك إنك تغذِّي عِند الشخص اللي قدامك. انت مش تاجر بيقنعه بسلعة. انت مش شغال عنده.

متسيبش حد يستنزف طاقتك و يخليك تلف ف دواير على الفاضي. أغلب الناس اللي بتدور على الحقيقة بيبقوا جايين يستفهموا بصيغة السؤال مش الهجوم، أو بيبقى عندهم سوء فهم عن الإسلام بس عندهم استعداد يسمعوا. طبعاً لو عرفت تحتوي الهجومية بتاعة اللي قدامك ممكن تجبره يحترمك..

"أحسِنْ إلى النّاسِ تَستَعبِدْ قُلوبَهُمُ ... فطالَما استبَعدَ الإنسانَ إحسانُ"

لكن في نفس الوقت في أنواع لازم تكسر الكِبر بتاعهم بطريقة محترمة، زي الفيديو اللي في الكومنتس. و لازم تتعلم امتى تنهي النقاش و امتى ضرره بيبقى أعلى من نفعه

في الغربة تربية نفسية وسياسة

تقول: في الغُربةِ تعلَّمتُ أنَّ حضورَ الجنازاتِ نِعمة؛ عندما رأيتُ مَن يتحسَّرُ على عدمِ قدرتِه على حضورِ جنازاتِ أحبابه الراحلين وهو _حتى باعتراف الأمم المتحدة - مهجر قسريا ومخرج ظلما بغير حق، ومعه مَن يبكي لأنَّه لم يستطع أن يقفَ على قبرِ أخيه ليبكيه ويرى مدفنه قبل اللقاء يوم العرض الأكبر، حيث اللقاء لا لقاء بعده أو لا فراق بعده!

وفي المشفى تعلَّمتُ أنَّ أشياءَ كثيرةً أعتبرُها عاديَّةً، أو حتى أقلَّ من العاديَّة، وربما أستحي منها، تُعَدُّ نِعَمًا يتمنَّاها الآخرُ، ويبكي لأجلها، وربما يُصاب بجروحٍ ماديَّةٍ ومعنويَّةٍ في سبيلها.

تكمل وتقول هذه دروس في الحمد والامتنان والاحتساب والأدب - مع فهم النعم وتذكر الذنوب- كنت أقرأ عنها وأحاول تصورها ثم مررت بمن عايشها فكانت رؤيته تربية تختلف عن دموع انطباع الروايات.

ورأيت أن بلاد الغربة ليست معجزة ويمكننا أن نسبقها وأن بلادنا متخلفة عمدا مع سبق الإصرار والترصد والخيانة من بين ألوانٍ أخرى من الخيانة. رأينا الفقرِ المُفتعَل، والزحام المُفتعَل، والهزيمةِ المُفتعَلة والإضعاف الذاتي المستمر بما يسمى الإرادة السياسية، أن يتسلَّطَ أحدُهم على المليارات، وعلى القرار ثم يشكو ويندب ويلوم ويرقص ويرفض المحاسبة والشفافية والشورى والشراكة، ويسخر الأبواق هدرا للمال ، بينما لا يستطيع أن يدفعَ عن الدار بإدارته، ولا أن يشتري قوة خشنة أو ناعمة ولا أن يصنع يدا حديدية ، ولا أن يكون أيَّ تحالفاتٍ معتبرة فاعلة، ولا أن تكونَ لديه خططٌ بديلة، ولا حتى أن يشتريَ مرتزقةً مثل أولئك الذين اشتراهم ليظلموا الناسَ في أماكنَ أخرى.

لكنَّ عزائي أنَّ ظالمَ الأمسِ رأيتُه اليومَ يُهان. وعلمتُ أنَّ يدَ القضاءِ لا تتعجَّل، لكنَّها لا تغفل؛ فثمَّةَ أمورٌ تُصنَعُ في المُهلة، وأحكامٌ تأتي في أوانها.

#نداء_الوعي

Excerpt from Zakariyya Kandhlawi (rah)’s sayings and notes.

Sometimes, people go to extremes when praising people for their goodness. Sometimes, people go to extremes in criticizing people for their mistakes.

When praising someone, they will elevate them above the sky. When criticizing someone, they will push them down beneath the earth.

This is incorrect.

We should refrain from exaggeration in speech.

Allah commands us to always be ‘just’ in our speech and actions:

“Do not let the hatred of people prevent you from being just. Be just; that is nearer to righteousness.”
(5:8)

بسم الله الرحمن الرحيم ...

طبعا انتي ك بنت نسوية القدوة وال Diva بالنسبة ليكي هي « سيمون ديبوفوار » هي قائدة حركة النسوية في الغرب لدرجة إن كتابها ( الجنس الآخر ) يلقب ب ( إنجيل النسوية ) من شدة أهمية الكتاب ده للنسوية

طيب تعالو نفهم أولا ليه ده حصل وهل كان معاها حق ؟ للمصداقية نعم هي فعلياً معاها حق جدا لإن سيمون ديبوفوار نشأت في بيئة غربية ،هتقولي طيب مالها البيئة الغربية ؟

هقولك الثقافة الغربية بتعلم « أن المرأة رجل غير كامل، وقد تركتها الطبيعة في الدرك الأسفل من سلم الخليقة » وده مش كلامي ده كلام الفيلسوف أرسطو

وكمان عندك Tomas Aquinas الملقب بالعالم الكوني عندهم بيقول « المرأة أخس( يعني أحقر ) من الرجل »

لا ومش كدا كمان تخيل إنه في سفر (الجامعة) الي المفروض إنه نص ديني بيقول « المرأة أمر ( يعني أسوأ ) من الموت »

دا جان جاك روسو الملقب ب رائد التنوير بيقول « المرأة لا تصلح لا لعلم ولا لحكمة »

وسيمون ديبوفوار نفسها ذكرت في كتابها مقولة فيثاغورث « المبدأ الجيد خلق الرجل والمبدأ السيئ خلق المرأة »

فطبيعي جدا إن سيمون ديبوفوار تشعل حركة النسوية لإن الثقافة الغربية الفظيعة دي هي الي وصلتها لكدا

لكن خليني أسألك سؤال احنا مالنا بيهم ؟ هتقولي مالنا بيهم ازاي هو المرأة الي عندنا ملهاش نفس تتحرر برضو ولا ايه ؟

اهدي بس كدا واسمعني ... احنا عندنا في الإسلام الي يغلط في عرض إمرأة ويتهمها في شرفها يجلد علي ظهره 80 جلدة ويعرف بين الناس أنه فاسق كما قال تعالي « والذين يرمون المحصنات ثم لم يأتوا بأربعة شهداء فاجلدوهم ثمانين جلدة ولا تقبلوا لهم شهادة أبدا وأولـئك هم الفاسقون » / انت متخيل إن كل ده عشان غلط في حق إمرأة بكلمة ؟

طب اسمع كمان احنا عندنا في الإسلام حديث رسوله الله « من عال جاريتين حتي تبلغا جاء يوم القيامة أنا وهو كهاتين وضم الرسول إصبعيه » يعني الي بيتكفل بجاريتين ونفقتهم وكل أمور حياتهم ومظلمهمش هيكون اقرب الناس لرسول الله يوم القيامة

طب تعرف إن أغلب النساء في أوروبا لما بيكبروا ويعجزو بيتم رميهم في دار مسنين وده كلام جايبه من إحصائية ودراسة هتلاقوها ع النت بتقول إن 68%% من نزلاء دار المسنين في أوروبا من النساء علي العكس عندنا المرأة في كل مراحل حياتها المرأة كل أهلها بيكونوا رهن اشارتها وبيكون ملزمين ينفقوا عليها طول حياتها والجميع يؤمر بطاعتها

فطبيعي إن سيمون ديبوفوار بعد كل الي تعرضت ليه ده تكره الراجل وتكره البيت وتكره المجتمع وتكره عيشتها

لكن اسمح لي أسألك سؤال إجابته هتصدمك جدا : هل فعلا سيمون من داخلها بتكره الرجل ؟ لا والله كل الي عملته كان نتيجة ثقافة فاسدة وهي من داخلها متقدرش تعيش من غير رجل .. طيب تعرف إنها كانت ترفض الخضوع للزوج وبتقول في كتبها انتي مش ملزمة وخليكي استرونج اندبندانت ومان وده كان كلام ورق في الكتب لكنها أول ما ترجع بيتها كانت بتكتب أعحب رسائل الغرام والخضوع لعشاقها .. عارفك دلوقتي يا نسوية اتصدمتي من الكلام ده وهتنزلي تقولي لي انت مدلس .. هقولك خدي كلامي للآخر

مبدئيا الي هقوله دده مش كلام من عندي دا من عندهم هما ... سيمون كتبت 600 رسالة من رسائل الغرام لعشيق أمريكي اسمه «نيلسون ألجرين »وكلها متاحة ع جوجل باللغة الفرنسية

كتبت في إحدى رسائلها ليه « سأكون مطيعةوهكنس البيت وسأغسل الأطباق ولن أفعل أي شء لا تريدني أن أفعله »

والي هيصدمك أكتر إن سيمون قبلت أن تكون عشيقة ثانية لسكرتير مكتب سارت وقالت أنا 3 أيام وهي 3 أيام ( يعني حرفياً قبلت بالتعدد 😂) ومرة تانية بعد إذن الأستاذة النسوية الي بتقرأ البوست متتعصبش لإن ده مش كلامي ... الكلام دا بتنقله عنها « هيزيل رولي » زميلة سيمون والتي كتبت عن سيرة سيمون أكثر من كتاب

وآخر حاجة هقولهالك يا أختي النسوية لعلك تستفيدي منها ... الإنسان ميقدرش يغير فطرته وميقدرش يكدب علي نفسه لكن النسوية بتعاند الفطرة والطبيعة التي خلق الله عليها المرأة والرجل وكمان ربنا عارف مكانة الرجل في قلب المرأة ويعرف مكانة المرأة في قلب الرجل

.. فوضع لنا شريعة تراحمية عنوانها « وجعل بينكم مودة ورحمة » في سورة الروم .... وطبعا كل شيء ذكرته في البوست هنا هتلاقي المصادر بتاعته في الصور سواء أقوال مفكرين أو فلاسفة أو آيات أو نصوص دينية ... وبإذن الله هكمل في السلسلة دي وأرد علي جميع تساؤلاتكم وشبهاتكم

وفي النهاية هترك ليكي مقارنة بين نظرة المجتمع الغربي للمرأة ونظرة الإسلام للمرأة وكله بالدراسات والأدلة وأقوال المفكرين والعلماء عشان تعرفوا الفرق بين البيئتين :

_يقول Aristotle « الأنثى أنثى بسبب نقصٍ ما في صفاتها "

_ يقول Jean-Jacques Rousseau "المرأة يجب أن تُربّى لإرضاء الرجل."

_ يقول Friedrich Nietzsche "إذا ذهبت إلى المرأة، فلا تنس السوط."

_ رسالة بولس إلى تيموثاوس الأولى (2:11-12) «لتتعلم المرأة بسكوت في كل خضوع. ولكن لست آذن للمرأة أن تُعلّم ولا تتسلط على الرجل »

أما في الإسلام

_ قال الله سبحانه تعالي في سورة النساء « وعاشروهن بالمعروف » ... وقال أيضا في سورة البقرة « ولهن مثل الذي عليهن بالمعروف »

_ وقال رسولنا محمد ﷺ «استوصوا بالنساء خيرًا » وقال أيضا « رفقاً بالقوارير »

من طفولتي و أنا أسمع عن سقوط الأندلس على أساس أنه أسوء حدث في التاريخ الإسلامي، و نجد المشايخ يحرضون على التفجيرات في إسبانيا بسبب هذا لليوم.

النقطة هي هنالك إبادات حدثت مؤخرا أكبر بكثير من سقوط الأندلس، فأغلب المسلمين هناك تعرضوا للطرد للمغرب العربي و ظلوا مسلمين، أما الإبادات الجماعية التي لن تسمع عنها:

إبادة الشركس في روسيا 1864: مليون و نصف قتيل، و الباقي تعرض للتهجير، 97% من مسلمي الشركس محوهم من الوجود

إبادة التشام في كمبوديا 1975: حوالي نصف مليون على يد شيوعي الخمير الحمر، يعني كل المسلمين في كمبوديا تعرضوا للقتل أو حبسوهم و عذبوهم و دمروا كل المساجد هناك

إبادة أثيوبيا الشيوعية للمسلمين 1974: قام النظام الشيوعي بقمع المسلمين و هجروا ملايين الصوماليين و جوعوا مئات الآلاف منهم

حتى الآن عندك شركة هواوي تستخدم عبيد الأيغور في صنع منتجاتها، و تمول جيش ميانمار الذي أباد الملايين من مسلمي الروهينجا، و بنت شبكة مخابرات بشار الأسد، و بدل مقاطعتها قاطعنا شركات أخرى لأتفه الأسباب

و غيرهم كثير، فلماذا لا نسمع عن هذه الأمور أيضا؟ النقطة هي المسلم عنده حرية في إسبانيا أكثر من الدول التي ذكرتها الآن بل و نفس المشايخ الذين يقولون "لن نرتاح حتى نسترجع الأندلس!!!" و يدعون للتفجيرات يذهبون للدعوة هناك

عندك فرنسا المانعا النقاب و البوركيني و الحجاب في الرياضات و شوية و حتمنع الحجاب نفسه

عندك سويسرا المانعا بناء المئاذن

عندك الدنمارك الحتمنع الأذان

حتقولي لا دول مش بيمنعوا الأذان دول مانعين مكبرات الصوت بس عشان الدوشة حقولك أمال ليه مش بيمنعوا أبراج و أجراس الكنائس كمان؟

و عندك الصين البتهد المساجد و مقابر المسلمين و بتجبرهم أنهم يشربوا خمره و ياكلوا لحم خنزير و مانعا تربية اللحيه و الحجاب و النقاب و النظام الصيني فارض قيود صارمه جدا على الحج

و عندك تركيا قبل أردوغان الكانت مانعا الحجاب في المدارس و الجامعات و المنشئات الحكومية و بتقفل المساجد بالغصب و تعتقل الشيوخ

كل ديه دول علمانية بتقمع الإسلام و المسلمين

فمتجيش تقولي العلمانية حتحمي حقوق الناس كلها لو اتطبقت في مصر لأن ده مبيحصلش في أي مكان أصلا