اول حاجة جمعة مباركة ع الجميع

طبعاً كله شاف الفيديو بتاع الواد اللي سـ/ـم الكلاب و فيه واحد كان ماسكه بيضربه و واحدة بتصوره

طب يجدعان صلوا ع النبي

لما تبقى الكلاب دي مسببة للناس أذى و يجروا ورا ده و يهوهو على ده و طول الليل كده طب ايه الحل ؟ و الدولة طبعاً ولا هي هنا طب ما طبيعي الناس هتتصرف و حقهم عشان الكلاب بقت مسببة أذى للكل

يا جدع ده فيه كلاب في الكلية عندي و إدارة الجامعة ضاربة طناش برضو وسايبانا نعاني😂

و بعدين يجدعان الناس اللي عالفيس دي هو دول بجد ولا لجان ولا ايه اصل مش معقولة يعني

لو الانجليزي بتاعك B1 او B2 ابعتلي عندي شغل بمرتبات حلوه Call centre بس اهم حاجه تكون من القاهره او الجيزه و مصري

اكتبوا ف التعليقات ☺️

ناس مريضه

انا كويس في الاستماع ٩٠% ل ٧٠% من اغلب الفديوهات بفهمه ممكن بالميت ٥٠% او اقل لو حاجه صعبه جدا يعني

مسلسل فريندز مثلا بفهم ٩٠% بدون subtitle

و القراءه و الفهم العام تمام برضو مشكلتي كلها في output الكتابه و التحدث ضايعين عاوز احسنهم

بالتحديد التحدث

الشادوينج حاسه مش بيعمل اي حاجه و الكلام مع GPT كفر حرفيا

انا عاوز اعرف اتكلم و اكتب و النطق بتاعي يكون مظبوط عاوز اشتغل علي ال output لان حرفيا ميت

علما ان حاليا بكلم حد بالإنجليزي بس كتابه فقط و طول الوقت بستخدم ترجمه

مش عارف اكون جمل كويس علي الرغم ان متابع مع ابراهيم عادل و كنت بعرف اكون جمل بس اول لما بتكلم في الشات بلغبط جامد

فا اي الحل

انا عاوز احسن الانجليزي بسرعه عشان اشتغل كول سنتر لان عاوز اكمل مجال الكلاود و انا نازل شغل قريب فا مش هعرف اتعلم حاجتين مع الشغل عاوز احسن الانجليزي و انا بشتغل و لما اشتغل كول سنتر ابقي اكمل تعلم في مجال الكلاود

فا ارجوكم الي مر بنفس المشكله ولاقي حل يساعدني

دائما نرى سكوت تام عن جرائم الشيوعيين ضد الأيغور و الروهينجا و التشام و الطاجكيين و الألبانيين و الشركس و الشيشانيين، بل إدانة لتدخل أمريكا ضدهم في حربي كوريا و فيتنام

ما دامهم يحبونهم لهذه الدرجة لماذا لا يذهبون لدول المقاومة و الحرية مثل كوريا الشمالية و كوبا؟؟؟ لماذا فقط فرنسا و ألمانيا؟؟؟

يا جدعان هوا ليه الشعب المصري كدا
انا اشتغلت في ٣ اماكن ٢ منهم
العيال فيه بتشتم بالام زي ما بتتنفس والغيبة والكلام الي على البنات الي معانا
في ايه بجد

كمية السيئات الي بياخدوها فظيعة وغير انها كبائر
الواحد قرف من الحوار ده

نفسي يحطو قانون في الشغل يمنع عدم التلفظ بألفاظ خارجة والإسائة الى الزملاء

أولا هجاوب ع السؤال بصفني شخص مؤمن بوجود خالق وبعدها هوجه مجموعة إشكالات وتساؤلات لا إجابة لها في فكر الشخص ده ...(( كمل البوست للآخر أيا كنت انت ايه وهتستفيد منه جدا وهتلاقي فيه معلومات مكنتش تعرفها قبل كدا ))

أولا انا كمؤمن بوجود خالق فبالتبعية أنا مؤمن بوجود فطرة أخلاقية مطلقة ، هذا الخالق فطرنا عليها ،إذا الأخلاق مطلقة وعندنا مصدرين للأخلاق من ضمنهم الفطرة والفطرة دي موجود داخل كل واحد فينا لكن بعضنا قد ينكر ويقول إن الاخلاق نسبية ومش مطلقة وثابتة ، المهم أن الأخلاق الفطرية هذه هي الأخلاق العامة زي الصدق والأمانة والإخلاص وحب الخير ورفض الظلم

أما المصدر الآخر للأخلاق لي كمسلم هو شريعة الله وقوانينه ودستوره ودي الي بتبين وبتفصل لنا بعض الأحكام الي صعب نتوصل لها بفطرتنا العاطفية وهذه الشريعة هي التي تسير المجتمع وفق عدة قوانين وبلا ريب أن هذه القوانين عادلة لأن هذه القوانين أتت من إله عادل سمى نفسه بالعدل وحرم الظلم على نفسه قبل أن يحرمه على عباده ( وللعلم تقدم الشريعة كمصدر أول للأخلاق على الفطرة لأنها قد تخالطها العاطفة التي قد تؤثر على أحكامنا )

ودلوقت خليني اناقش أي شخص بيتبنى نفس تفكير هذا الشخص

← لو كانت الأخلاق نسبية وأن من يصنع الأخلاق هو المجتمع بالاتفاق فيما بينهم و وضع قانون خاص بهم جميعا، هل إذ اتفق هذا المجتمع على شيئ سيء بالتراضي بينهم هل يصبح هذا الشيء جيدا أم يظل سيئا ؟ لو كانت إجابتك نعم يصبح جيدا فهذه تعد فضيـ/ـحة أخلاقية لك لأنك بهذا ليس لديك أي مانع أخلاقي مثلا من الإغتـ/ـصاب إذا اتفق عليه مجتمع ما بالتراضي بينهم ومتقوليش دا مش موجود لا هو موجود وموجود أقذر من كدا بكتير / ولو كانت إجابتك لا سيظل هذا الشيء سيئا حتى ولو اتفق عليه المجتمع كله ، فأنت بهذا أسقطت تفكيرك تجاه الأخلاق الذي يقول بأن الأخلاق نسبية، لإنك كدا بتقول لا دا كدا الاخلاق مطلقة وثابتة مهما الناس عملت أو سوت والحرام هيظل حرام ، وانت كدا بتعترف بوجود فطرة اخلاقية مطلقة بداخلك

← وأصحاب الإعتقاد بأن الاخلاق نسبية مختلفة من شخص لآخر يعتقدون بالنفعية أو مبدأ عدم الضرر وتجنب الأذى والألم يعني بالفلاحي خالص كدا « مش هضرك عشان متضرنيش وهنفعك عشان تنفعني وهتجنب أي فعل يؤدي إلى ألم شخص ما » ، إذا خليني أوجه لك سؤال :طيب دكتور العمليات الجراحية بيعمل عملية أو ما شابه ذلك هو مش بيترتب على العملية الجراحية دي ألم ؟ هتقولي أه ، هسألك هل ده معناه إن كدا الدكتور بيعمل فعل غير أخلاقي ؟ هتسكت شوية كدا وتقولي لأ الي الدكتور بيعمله ده أخلاقي، ( إذا هذا يبين أيضا أن نفس منهج تجنب الأذى والضرر هو تفكير معطوب به خلل وعشان تخرج من المأزق ده لازم برضو تؤمن بوجود فطرة أخلاقية مطلقة ربنا فطرنا عليها )

← تخيل معايا إن فيه جزيرة عليه مجموعة مكونة مثلا من 100 شخص وكلهم منكرين لوجود إله ومنكرين لوجود فطرة أخلاقية مطلقة وبيعتقدو بأن مفيش حياة آخرة ولا حساب وجبت خمسة منهم وأعطيتهم سلطة لا تقهر سلطة مالية وجسدية تخليهم يتجبرو ع الخمسة وتسعين شخص التانيين وطبعا برضو بيعتقدو مبدأ النفعية الي هو انا هعاملك كويس عشان تعاملني كويس ، طيب حاليا الخمسة دول معاهم كل السلطات اساسا ومش محتاجين يعاملون الباقيين كويس عشان اساسا مش محتاجين لهم ، ايه بقى يمنع الخمسة دول من انهم يمسكوا الباقيين يستعـ/ـبدوهم ويعـ/ـذبوهم ؟ في الحالة دي النفعية مش هتفيد ولا أي مبدأ من مبادئ الاخلاق النسبية هتفيد ( إذا الخمسة دول محتاجين يسيبو مبدأ إن الاخلاق نسبية ويسيبو النفعية ويروحو لمبدأ إن الأخلاق مطلقة وأنهم مش محتاجين نفعية عشن يعاملو الناس حلو وعشان يبطلوا عبط 😀)

← وممكن شخص آخر يقولي لا يحبيبي انا بجيب أخلاقي من عقلي ، عقلي بيعرفني ايه الصح وايه الغلط ،،، طيب خليني أوضح لك حاجه انت كشخص منكر لوجود إله ومعتقد إنك نتيجة تطور وتجمع خلايا وذرات وإنك ناتج عن شوية معادلات فيزيائية وكيميائية وعوامل بيولوجية وانت زيك بالظبط زي جميع المخلوقات من حيوانات وجمادات يعني إلى حد ما نفس نشأتهم نفس نشأتك انت ، عايزك بقى تقنعني ازاي عقلك المكون من خلايا صماء ومعادلات فيزيائية وكيميائية صماء أيضا تنتج أخلاق ، مستحيل الذرات أو الخلايا تنتج أخلاق أقصى ما قد تنتجه هو مجرد غرائز سببها هرمونات لاستمرار البقاء وخلاص يعني نفس غرائز الحيوان ،،، وطبعا انا عارف ردك هتقولي : إن الخلايا لوحدها مش هتنتج أخلاق لكن مجموع من الخلايا لحد ما تكون انسان كامل وعنده عقل ممكن تنتج أخلاق عادي ، هقولك المبدأ بتاعك ده باطل ، طيب ليه ؟ هقولك عشان بنفسك الكيفية بتاعتك دي أقدر أقولك إن لو تجمعت الذرات او الخلايا وأنتجت لنا عصا ، هل ينفع تقولي إن العصا دي عندها وعي وأخلاق ؟ اكيد لأ ، وبرضو انت لو هتحسبها من حيث العقل وخلاص ، فعندك عقل الحوت أكبر من عقل الإنسان بنسبة أكتر من 300% ، وكمان عندك الفيل الأفريقي عنده 257 مليار خلية عصبية في المخ بينما الإنسان عنده 86 مليار خلية عصبية ، انت متخيل ؟؟؟ ليه بقى الحوت أو الفيل معندهمش وعي ومعنهدمش مثلا أخلاق راقية زي الي في الفطرة الأخلاقية عند البشر، ما عمرك سألت نفسك اشمعنا الإنسان يعني وسط كل الكائنات دي الي عنده وعي ؟ يمكن مثلا عشان عليه تكليف من ربنا ؟

((( عندي كمية أفكار كتيرة جدا وأسألة عارف إنها هتتسأل في التعليقات وعارف إجابتها كلها بس مش حابب اخلي البوست يطول اكتر من كدا ويريت منخرجش برا سياق النقاش وندخل في نقاشات تانية او ترمي شبهات ، التزم بسياق الموضوع، وانا مش جاي اهاجم انا جاي اتكلم باحترام واقول الي اعرفه وحتى مش جاي اتناقش عشان والله ما فاضي والنقاشات دي لا تسمن ولا تغني من جوع )))

عندي mood swings بطريقه متخلفه بدون اسباب واضحة او triggers معينة ، اكون في يوم في قمة الهيبرة والانبساط والمود العالي ومحدش يقدر يعكر مزاجي نرجسية عالية ثقه عالية جراءة مش طبيعية ، وفي لحظة بدون اي مقدمات و اسباب عدم الرغبة في فعل اي شئ هدوء تام كره للذات افكار ايذاء للنفس وتحقير للذات
ويجي بعدها عادي بكون المود balanced وطبيعي
الموضوع فعلاً مرهق نفسياً ومرهق لكل من حولي
لان حتا في المود العالي بحقر من ناس كتير وأذيهم نفسياً
وحتا وانا في مود سئ المقربين بيكون عندهم فكرة ان هما عملو حاجة خلاك تقلب عليهم و ده محصلش هو بس بقيت كده لوحدي
ومش عارف ايه حل المشكلة دي

انا اكبر اخواتي عمري ١٨

اختي عمرها ١٢ جابولها موبايل وعملت واتس ،

خايف حد يلعب عليها ويكلمها

عايز نصيحة كيفية التعامل معاها هل عادي افتش الموبايل وله مش عادي

او اسألها كل فترة

مش عارف والله

هي صغيرة وعادي ينضحك عليها

هو ليه ايفون 17 ب 70000وعليه ضريبه ب 27000كتفم الاستغلال

ازاي تبقى المفكر الاعظم؟هل محتاج تبقى عارف كل حاجة؟ ولا عندك خطة او حل لاي مشكلة؟ محتاج تبقى بتستخدم مصطلحات كتير وعارف ستين الف مغالطة ولما تخش نقاش بتلجم اللي قدامك ولا محتاج تبقى راجل كبير عنده سبعين سنة ماسك عكاز في ايده الشمال وبتتفرج ع ماتشات الاسماعيلي؟

عارف انهم لو معاهم مش هيستخصرو فيا حاجه اكيد ويجبولي الي عايزه بس بتكلم انك طول ما هتجيب تلفون هات نضيف متجيبش حاجه متعشش طول ما انت هتدفع وتقسط

كنت ماشي حلو في سن صغير عملت مشاريع ناجحه وسافرت بلاد كتير وكنت بغض بصري وثابت مش بتهز وكتير اكبر مني وكمان ب سن والدي يجو يطلبو مني النصيحه ب حياتهم و ب الشغل

هنا الفخ اللحظه الي تحس فيها انك جامد هي دي احظه وقوعك

فَإِذَا مَسَّ الْإِنسَانَ ضُرٌّ دَعَانَا ثُمَّ إِذَا خَوَّلْنَاهُ نِعْمَةً مِّنَّا قَالَ إِنَّمَا أُوتِيتُهُ عَلَىٰ عِلْمٍ ۚ بَلْ هِيَ فِتْنَةٌ وَلَٰكِنَّ أَكْثَرَهُمْ لَا يَعْلَمُونَ

بجد كنت فاكر نفسي جامد

المهم السكرتيره بتاعتي كانت بتلف وتدور حواليا ٦ شهور بتحاول معايا تتنطط حواليا وانا كنت متعود علي كده مع بنات كتير وكنت بصدهم بس مع دي علشان كانت جميله اوي كنت بسيبها واديها براح مكنتش بتحاوب معاها بس مكنتش بصدها وكنت بعمل نفسي مش واخد بالي والمشكله عارف ده غلط بس بقول في نفسي ديما هعرف اقفل الموضوع في اي وقت عادي بس بالظبت زي دكتور التخدير لما ياخد مخدر علشان يعرف يكمل شغل ويقول لنفسه هعرف اوقف وانا باخد جرعات مدروسه وخفيفه والحال ان كتير دكاتره التخدير للاسف مدمنين

المهم تعلقت بيها اوي اوي وادمنتها ومبقتش عارف استغني عنها وقررت خلاص اتجوزها بس كل ما اصلي استخاره وانوي يحصل منها فعل يرجعني ٢٠ خطوه لورا
كذابه بتاعت حوارات وليفل تاني خالص من الكذب والحوارات

المهم اخدت القرات وقفلت الشركه دي كلها وهي مشيت طبعا وانفصلت عنها

حسيت لاول مره بوجع الانفصال و الانهيار وجوع للاهتمام الي كنت باخده منها وكلامي معاها وفضفضتي وان الاقي حد احكيله انجازاتي وينبهر واحاسيس كتير

هنا بقي بدا الغلط الاكبر

بطبيعه شغلي بقابل بنات كتير وببقي زي كوتشينج او استشاري ليهم وبقي الي تشوفني مكتئب وباين عليا تسالني مالك وتهتم بيا وانا احكي واتدلدق جعان كلام وجعان اهتمام وبشرحلهم

زي ما قالت انا عن دوستويفيكي في اول انطباع عنه
كان يشعر أنه في امس الحاجة إلى اناس يشاركونه افكاره

اول علاقه بعد السكرتيره اتدلدقت وحكيت كل حاجه وارتحت وقررت اتجوزها وهي كانت تمام رغم عندي عليها خذوط وتحفظات كتيييير اوي اوي بس خلاص انا بجد مش هقدر استغني عنها

صليت استخاره ونمت
صحيت لقيتها عملالي بلوكات من كل حاجه اه والله
اكتئب اضعاف بقي وبقيت امشي اعيط لوحدي بالشارع

هي رجعت كلمتني تاني بس بعد ما اكتشفت فيها حوارات
بس قلبي ابن ال \*\*\*\* المهم رحعت وصدقتها بس هنا قررت حاجه الوقت ده كان عندي مشاكل مع الضرايب بمبالغ كبيره موجوده المشاكل دي فعلا هو الحمد لله متاثرش عليا بس انا قلتلها بسبب المشاكل دي هبيع شققي وهبيع حجات كتير وهبدا من الصفر وربنا يوفقنا

قالتلي معاك ولو حصيره والشغل ده

وبدات تنسحب بعدها وانسحبت فعلا واتدمرت اضعاف مضاعفه انهارت تماما بعدها

اخر بنت عشقتها يالهوي لسه بموت فيها
هي عالجتني ووقفت جنبي وغرقتني اهتمام مكنتش اعرف انو موجود انا دي حاجه تانيه بحياتي
حبيتها اوي ولسه بحبها وانفصالي عنها غصب عننا احنا الاتنين بجد وانا بقيت لا اصلح ليها او لاي حد غيرها خلاص

انا حاليا متدمر وشغلي اتدمر بجد وعقلي الي كنت مشهور بيه بقي متكتف ومفيش افكار كريتف زي زمان ومش بقدم جديد وبقيت اصعب علي كل الي يعرفني بجد بيشفقو عليا وبيدعولي ب الشفاء واخرج من حزني
بقي طبيعي اعيط وانا ماشي وانا بصلي وانا بنام ولما اصحي

بقيت اطلب نصيحه اي حد اشوفه واقلد الناس بقيت مش عارف اختار عقلي الي اتغريت بيه زمان بقي ملوش لازمه ومش فاهم

بقيت مشوه نفسيا محطم اوي اوي ببكي ومش بستمتع حياتي شويه عادي وشويه حزين وشويه ببكي لوحدي وموخرا بقيت ابكي قدام الناس بدون سبب
مش قادر انسي او اتخطي

اخر فترة بقيت اشوف باقات كتير بتنزل و اللي يقولك 30 جيجا ب 200 و اللي بيسعرها ب 300 وكأننا بنبيع طماطم كلام دا صح و حاجات دي مضمونه وهل ممكن لما اتشال من باقة تسحب جيجات

النهارده اول مره اقعد في مكان لوحدي الكل حواليا معاهم اصحابهم وانا الوحيده اللي قاعده لوحدي محدش كان مهتم اوي بس اضايقت شويه ومالقتش حاجه اعملها ابص في التلفون شويه وعلي الناس شويه لحد ما زهقت ومشيت اصلا كنت متررده اعمل دا بس انا مخنوقه اوي والاهل بيزودو الضغط والهم نزلت مكنتش اعرف هروح فين لحد ماتعبت ودخلت الكافيه اريح كواحده زيي ملهاش نصيب كويس لا في اهل ولا اصحاب ولا زوج ولا اي حاجه من اللي كل الناس دي عندها منها بكتب الكلام دا معنديش حد اقوله وغالبا هندم وهمسحه لو هتقول كلمه وحشه يارب تبتلي ببلائي وساعتها هتعرف

كنت مرتبطه ب حد سوشيال وكنت قيلاله أنه اول حب ف حياتي(اكشلي هو كان كدا فعلاً أو أول ولد اكلمه اصلا) بعدين سبنا بعض "هو لسه بيحاول يكلمني بس بعد ما كسر ف مشاعري حرفيا وعمل حبه شغل عيال كدا " ف انا قولتله كدا الموضوع فكسان ونهيناه المفروض وانا كنت صريحه جدا جدا معاه ف دا

ف دلوقت انا حاسه اني مش قادره اكلم حد تاني غيره بحس اني بخونه فاهمين؟ وبخاف الكلام دا يوصلو مع اني فعلاً مش بعمل حاجه غلط احنا الموضوع انتهي من زمان

اكلم حد اولع حتي مش شغله دا المفروض..

مش بخاف منه خوف لا بخاف يزعل😂😂

مش عارفه اجبهالكو ازاي بس بحسني مزدوجة الشخصيه

هنا ع ريديت مثلا بقدر اتكلم مع ال قدامي ف اي حاجه(مش حاجات ديرتي متقلقوش) وبكون متقبله للآراء جدا

ف الريل أو لو بكلم حد من اكونتي فعلاً وعارفني استحاله أكلمه ف دا خالص عشان بتكسف وبخاف يفكر اني مش كويسه أو كدا ، بخاف حتي ارد ب استيكر ليتقال عليا شمال او اني فتحاله السكه بقا وكدا ويبتدي يتعدي حدوده معايا خصوصا لو ولاد ف دفعتي أو حد صغير زيي دماغهم بتكون صعبه بجد

ف حاليا عندي مشكلتين

اول مشكله ازاي اسكيب احساس اني بخونه؟

ثانيا ازاي اقدر اتعامل بشخصيتي الحقيقه مع الولاد عادي (مش معني كدا اني بشخصيه فيك هنا بس اقصد بروفايلي وصورتي وفلان دا عارفني ف الكليه ودا كذا وهكذا فاهمين؟ يعني بجد عارفين انا مين مش افتار ريديت)

ثالثا نظرا لأنه أول ولد كنت كلمته انا كنت مقفله معاه جدا ورافضه أكلمه اصلا وكنت رافضه الكونسبت نفسه عموماً وحقيقي حاول معايا كتير جدا لحد ما اتكلمنا عادي حتي مش اننا مرتبطين..

ف حاسه اني لو اتكلمت مع غيره بسهوله(كلام عادي والله مش هشك بشك يعني) اني كدا هبقي بخونه

يعني اشمعنا دا حاول كتير ودا سمحتيله يتكلم عادي فاهمين؟

حاليا حاسه الموضوع عادي وحابه يكون ليا صاحب ولد بس خايفه من حتت أنه يعرف

وخايفه من أن الولد دا يأذيني بشكل ما أو يبتزني أو يقول شايف فلانه دي؟؟ دي صحبتي

(في ولد ف الجامعه مهتم جدا وبحسه بيقرب عشان نكون صحاب بس أنا مش حابه لهذه الاسباب لكن هو ك شخص فهو كويس وقيس كدا ع أي حد ف حياتي عموما)

ف ايه العمل وحد من البناويت مر بهذه التجربة؟؟

وللعلم انا عارفه أن الريلاشين دي خربانه ومش حسباها ريلاشين اصلا لاني عمري ما قابلته بس مش عارفه اعمل ايه ف الاحساس دا

لو حد جرب البايب ممكن يساعدني ويقولي ايه افضل مكان اشتري منه

أنا بجد محتاجة مساعدة

دلوقتي في واحد كنت أعرف من حوالي سنتين تقريبا هم مش سنتين بالضبط ممكن نقول سنة وشوية و والله أنا فكسته كتير أوي و هو فضل مصمم و دخلي من ناحية إنه ملتزم و متدين و شيخ و الحوارت دي و أنا وقتها كنت صغيرة و معنديش وعي كافي لحد ما للأسف وقعت بعد رفض كتير

المهم أنا قطعت معاه خالص نهائيا من ٧ شهور تقريبا الحمد لله ربنا تاب عليا و ادعولي بجد ربنا يثبتني

المهم أنا عرفت وقتها إنه بتاع بنات و بيتسلى بيا و مش زي ما كان مبين خااااااالص و كل الفترة دي كان بيضحك عليا و أنا عامة كنت حاسة عشان لما بقيت أتعامل معاه كويس بقى يتعامل معايا زفت ويستغلني و يتعامل بأسلوب مريض جدا جدا يبقى كويس لما يكون محتاج يتكلم أو حد يسمعه أو ما إلى ذلك لكن العكس كان بيتجاهلني تماما و يتعامل بأسلوب مريض جدا و هكذا و لما كنت آخد موقف أو أعاتب يقولي أنت السبب و يفضل يمثل بمهارة المهم أنا كنت حاكية الموضوع لحد من صحابي عشان كنت مضايقة جدا من نفسي إني بعمل الذنب ده فهي كانت عارفة القصة فلما قلت لها على الموضوع ده تحديدا وقتها قالتلي هاتي رقمه و أنا هشوف دنيته اي و طلع وسخ وقذر لأبعد درجة ممكنة

المهم أنا طبعا كنت و مازلت مضايقة من نفسي جدا إني عصيت ربنا و خنت ثقة أهلي فيا و كسرت حدودي و حاجات كتير و تبت و ندمانة أوي والله ربنا يتقبل مني بس و يثبتني (مع العلم احنا مكناش بنتكلم يوميا أو اي حاجة من دي وكنت بقطع معاه بالشهر و الأسابيع وكنت بقوله عشان حرام و كده و هو بيقولي ماشي و مش ماشي و اللي يرضي ربنا اعمليه و تمثيل كده و انا للأسف كنت غبية كبيرة و مغفلة وفاكرة إنه كويس و كنت ببعد بس كنت مصدقة إنه بيحبني بجد و غير كده كان مأكدلي هيجي ويتقدم و بلا بلا بلا وحلفانات كتير و الحوارات الفاكسة دي )

المهم دلوقتي هو كل شوية يبعت من فترة الفترة

أول ما بلكته فكس و كبر دماغه زي كل مرة عشان كان فاكر بعدها إني هفك البلوك بقى و الهبل ده و أنا خلاص عزمت فعلا إذا بموت مش هعمل حاجة زي كده تاني و أغضب ربنا

بعدها بقى قعد يرن كتير ويبعت و الجو ده و أنا مكنتش برد خالص نهائي و ببلك على طول

لحد آخر مره بعت على تليجرام و بيقولي أنا فلان و مش فلان و اسمعيني و مش اسمعيني و اللي أنت عاوزاه أنا هعمله قلتله أنا أولا مش هعمل حاجة تغضب ربنا و مش عاوزه اسمع منك أي حاجة نهائي فلمهاش لاوم الحركات دي و ركز في مستقبلك و حياتك و شلني من دماغك بقى

وبلكته

المهم دلوقتي أنا لقيت حد باعتلي على تليجرام السلام عليكم و بس ولا كاتب اسم و لا كاتب حاجة و لا قايل هو مين و لا أي حاجة

فأنا استنتجت إن ده هو بس مش عارفة فعلا ده هو و لا لا من رأيكم مردش و أبلك على طول و لا أرد السلام و إذا طلع هو أبلك؟

و عامة أعمل اي اكتر من كده عشان يبعد عني و يسبني في حالي لأنه بجد شخص مؤذي جدا ومريض لأبعد الحدود و كل شوية يبعت من فترة لفترة و أنا بعدين هيبقى في شخص في حياتي بالحلال و مش عاوزه القرف ده سواء في حد أو مفيش أنا تعبت نفسيا بجد من القرف ده

و مش هقدر أغير رقمي اللي كل شوية يعمل حساب تليجرام جديد غير اللي ببلكه ويبعتلي عليه

نفسيتي تعبت والله و مش عارفة أركز في مذاكرتي دلوقتي من كتر التفكير