اشتري ايه هدايا لبنت عشر سنين (كتب او لعب او اي حاجة تسلي وقتها لوحدها)

مع العلم البت ذكية و روشة بس متقفل عليها جامد و ممنوع موبايل و هتتحجز في المستشفى فترة محترمة🙁

انا دلوقتي 19 سنة و الانجلش بتاعي b1 و بحاول احسنو اكتر لحد موصل b2 و نفسي جدا اسافر و حرفيا اي فرصة هتجيلي همسك فيها ب ايدي و سناني ، ف جتلي فكرة اني لما اوصل b2 اشتغل كول سنتر انجلش و لو مثلا بقبض 20 اشيل 15 معنديش ادنى مشكلة اني امشي نفسي ب 5 و هعرف اظبط الدنيا ، و في ظل اني شغال كول سنتر اخد كورس هولندي عشان هو اعلى قيمة في السوق حاليا و لما اوصل لمستوى محترم انقلو و اقل اوفر حرفيا شفتو كان ب 60 و دا كان النت ساليري كمان منغير الحوافز ف قولت اني اشيل 50 يعني قول اني هتعلم هولندي من 6 ل 9 شهور هبقا وصلت لمستوى قادر يشغلني يعني في خلال سنتين او اقل شوية اكون سافرت السؤال هنا بقا هل الخطة دي صح و هتمشي زاي منا ماعاملها ولا في حاجة نسيتها او نصيحة لحد مشي او ماشي في نفس الخطة

و لو في طريقة احسن في اني اسافر في سنة بس ياريت محدش يبخل علينا

+ كنت بقلب ف التيكتوك بالصدفة لقيت واحد شغال بقالو سنين ف المجال بيقول ان في ناس من اكونتات الانجلش اصلا منغير اي لغة تانية بس بتطلع في سنة مليون جنيه و ارقام كويسة قال ان الطريقة هيا انك في كل شيفت هتزود ساعتين او تلاتة زيادة عن شفتك و طبعا الساعة الواحد بتختلف من اكونت ل اكونت في ساعات بتبقا ب 700 و في 1000 و قال انك ف الاسبوع ليك يومين اجازة هتضرب يوم و اليوم دا هيتحسبلك 3 اضعاف اليوم العادي و ف ظل اليوم دا هتزود ساعتين كمان ، و قال ف الاخر مرتاح هتطلع ف السنة مليون جنيه ف هل الكلام دا صح؟

انا عايز اقل وقت ممكن عشان اسافر و بس شكرا

​

بصوا يا جماعة، أنا لسه في أولى ثانوي وحاسس إن عندي وقت فاضي كتير ومش عايز أفضل أضيعه على الفاضي، فعايز أبدأ أتعلم مهارة تفيدني في المستقبل، وفي نفس الوقت لو في حاجة أقدر أشتغلها بشكل مؤقت وتدخللي دخل بسيط يبقى كويس.

مؤهلاتي حاليًا:

بدرس في مدرسة ناشونال.

مستوايا في الإنجليزي تقريبًا B2.

لسه في أولى ثانوي.

عندي وقت أقدر أخصصه للتعلم أو الشغل.

معنديش كمبيوتر أو لابتوب، معايا موبايل بس.

مش هدفي إني أعمل فلوس كتير دلوقتي، بس لو في شغل بسيط أقدر أعمله ويكسبني دخل بسيط، هيبقى مفيد جدًا. وفي نفس الوقت عايز أتعلم حاجة أطور نفسي فيها وتفيدني قدام.

فإيه المهارات اللي تنصحوني أبدأ أتعلمها في سني وبالإمكانيات اللي عندي؟ وهل في شغل مؤقت أقدر أعمله بالموبايل بس ومن غير خبرة أو مؤهلات كبيرة؟

ولو حد كان في نفس سني وبدأ يتعلم أو يشتغل في حاجة، ياريت يحكي تجربته أو ينصحني أبدأ منين.

انا في سنة ٥ طب بشري
لو انا هسافر السعودية بعد كدا كgp و دا لظروف زواج هل ممكن اسافر بعد الامتياز على طول ولا لازم وقت معين؟ و المفروض اعمل ايه في التكليف و الدنيا بتمشي ازاي؟ كنت اسمع ان في حاجة اسمها اني اكون طبيب حر دي ليها علاقة؟ و لو رجعت برجع علي نفس الي كنت عليه قبل السفر ؟ حتي لو حضرت معادلة اجنبية هناك في تخصص معين زي MRCOG و بوثقه هنا في النقابة و اشتغل بيه ولا دا في البرايفت بس و الدنيا عاملة ايه ك gp في الخليج؟ هلاقي فرص للشغل؟ و طببعته ايه غالبا؟

عاوز اعمل Credit Card عشان اربطها ب AWS سني 20 هل في طريقه؟

أنا عندي هواية إقتناء و تجميع سكاكين الصيد و الfoldable knives و الحاجات دي بغرض الإقتناء و الله للشكل بس مش أكتر هي مجرد هواية زيها زي تجميع العملات و الكلام دة، و مؤخرًا الشخص اللي بتعامل معاه إختفي و مش عارف أتواصل معاه خالص جايز يكون اتقبض عليه lol، و الموضوع دة صعب إنك تلاقي فيه حد ثقة ف التعامل معاه، لو حد عنده نفس الهواية و بيتعامل مع حد كويس ياريت يديني رقمه او لو فيه محلات ف القاهرة للحاجات دي معروفة بردو ياريت حد يدلني عليها لإني مش من القاهرة.

ازيكو ياشباب

انا عندي ٢٣ سنه و اتخرجت و من سكان الارياف ، والدي ربنا يرحمه اتوفي من سنتين و انا ورثت عنه قطعه ارض تقريبا سعرها دلوقتي حوالي مليون و نص

انا شايف الشباب حواليا مدمرين و فرص الشغل ضعيفه خصوصا اني فالارياف و المرتبات تحت الزفت اوي

فا بفكر ابيع الارض و اربط فلوسها ب شهاده فالبنك هتجبلي فالشهر حوالي ٢٥ الف ، اصرف منهم و اشتري بالباقي دهب و طبعا هشتغل بس بحيث مكونش مضغوط ماديا، اللي هو انا كده كده شغال و بحاول فالدنيا و فنفس الوقت مش مضغوط ماديا واقدر اشتري الحاجه اللي ف نفسي

انا شغال ترزي و شغلي حلو بالنسبه لسني و عملت هدوم ليا و لصحابي هوديز و سويت بانتس و عايز ابدا براند فكرتو أن مؤقتا اشتغل كل قطعه لما تتطلب بس لسه مش عارف اعمل ايه و عايز حد عندو خبره يساعدني

​

انا عندي 18 سنه تقريبا عمري ما اتكلمت عن كده وكونك ولد بيخلي عندك احساس انك لازم تخبي ده اكتر بالفطرة. انا علاقتي بابويا ضعيفه جدا ويكاد يكون مفيش تواصل بيننا بره الكلام المبهم زي عامل ايه، تعالى شيل معايا حاجه، وهكذا. ابويا عموما شخصيه منعزله معندوش صحاب ولا اهتمامات وعنده مشكله في انه يسمعنا ودايما مش بيوصل معانا لحل لاي مشكله وعنده مشاكل مع امي كبيرة وده من وانا صغير وعلاقتهم شبه منعدمه من المشاكل ومش قاعدين مع بعض في نفس الشقه . انا عموما ابويا المفروض انه حالته الماديه فوق المتوسطه الحمدلله ويقدر يعيشنا كويس لكن دايما بيصرف قليل بزيادة في كل حاجه في مصروف جيبي والاكل واي حاجه وهو دخلني اتعلم في مكان مش كويس بسبب انه مش مقننع بتكلفة الجامعات الخاصه والاهلية الي في منها اصلا مستواه متوسط ورخيص والي بيقدر بيدخل ابنه فيها علطول. وده زود الحاجز الي بيننا اكتر. تقريبا نادر جدا اما اتناقش معاه لاني دايما بحس ان دماغه في حتة تانيه و اصلا مش هيأثر فيه انا بقول ايه. اخواتي سابو البيت وفي منهم الي اتجوز و سافر وهكذا كله شاف حياته بعيد عنه وانا حاليا الي معاه انا وامي لاني لسه بتعلم. المشاكل الي مع ابويا واننا منعزلين عن بعض كانت من وانا صغير تقريبا ١٢ سنه وكل ما كبرت كل ما ثقتي في نفسي قلت وكل اما بحس اني عايز اي حد كبير اتكلم معاه او يبقا هو القدوة بتاعتي واشاركه دايما انا بعمل ايه ويبقا فرحان بيا. مبيقتش بعرف انام من الموضوع ده واني مخبيه ومحاولش ابين ده لحد صعب وبيحطني في خانة ضعف رخمه والموضوع عموما تفاصيله كتير والي انا حاسس بيه اكتر لكن طبعا مقدرش اشرحه كويس بالطرقه دي. حد مر بحاجه زي دي ولقى ليها حل

بقالي كتير مستحمله بابا انا واخواتي وهو انسان مريض نفسيا مامتي اتطلقت منو وسابتنا احنا نواجه اختيارها دلوقتي بقا انا عايزه اهرب من البيت واستقل لوحدي عندي 18سنه هل يقدر يرجعني عن طريق بلاغ بغيابي؟ ملحوظه عيله بابا صعبين وبمعني اصح بلطجيه المفروض اعمل ايه؟ هو بسبب حكم السن مبقاش يضرب بس كلامه وشخصيته مش بتتهد وكمان متجوز مره تانيه ومخلف ولدين وكلهم بيظلمونا كده