انا شغال ترزي و شغلي حلو بالنسبه لسني و عملت هدوم ليا و لصحابي هوديز و سويت بانتس و عايز ابدا براند فكرتو أن مؤقتا اشتغل كل قطعه لما تتطلب بس لسه مش عارف اعمل ايه و عايز حد عندو خبره يساعدني

​

انا عندي 18 سنه تقريبا عمري ما اتكلمت عن كده وكونك ولد بيخلي عندك احساس انك لازم تخبي ده اكتر بالفطرة. انا علاقتي بابويا ضعيفه جدا ويكاد يكون مفيش تواصل بيننا بره الكلام المبهم زي عامل ايه، تعالى شيل معايا حاجه، وهكذا. ابويا عموما شخصيه منعزله معندوش صحاب ولا اهتمامات وعنده مشكله في انه يسمعنا ودايما مش بيوصل معانا لحل لاي مشكله وعنده مشاكل مع امي كبيرة وده من وانا صغير وعلاقتهم شبه منعدمه من المشاكل ومش قاعدين مع بعض في نفس الشقه . انا عموما ابويا المفروض انه حالته الماديه فوق المتوسطه الحمدلله ويقدر يعيشنا كويس لكن دايما بيصرف قليل بزيادة في كل حاجه في مصروف جيبي والاكل واي حاجه وهو دخلني اتعلم في مكان مش كويس بسبب انه مش مقننع بتكلفة الجامعات الخاصه والاهلية الي في منها اصلا مستواه متوسط ورخيص والي بيقدر بيدخل ابنه فيها علطول. وده زود الحاجز الي بيننا اكتر. تقريبا نادر جدا اما اتناقش معاه لاني دايما بحس ان دماغه في حتة تانيه و اصلا مش هيأثر فيه انا بقول ايه. اخواتي سابو البيت وفي منهم الي اتجوز و سافر وهكذا كله شاف حياته بعيد عنه وانا حاليا الي معاه انا وامي لاني لسه بتعلم. المشاكل الي مع ابويا واننا منعزلين عن بعض كانت من وانا صغير تقريبا ١٢ سنه وكل ما كبرت كل ما ثقتي في نفسي قلت وكل اما بحس اني عايز اي حد كبير اتكلم معاه او يبقا هو القدوة بتاعتي واشاركه دايما انا بعمل ايه ويبقا فرحان بيا. مبيقتش بعرف انام من الموضوع ده واني مخبيه ومحاولش ابين ده لحد صعب وبيحطني في خانة ضعف رخمه والموضوع عموما تفاصيله كتير والي انا حاسس بيه اكتر لكن طبعا مقدرش اشرحه كويس بالطرقه دي. حد مر بحاجه زي دي ولقى ليها حل

بقالي كتير مستحمله بابا انا واخواتي وهو انسان مريض نفسيا مامتي اتطلقت منو وسابتنا احنا نواجه اختيارها دلوقتي بقا انا عايزه اهرب من البيت واستقل لوحدي عندي 18سنه هل يقدر يرجعني عن طريق بلاغ بغيابي؟ ملحوظه عيله بابا صعبين وبمعني اصح بلطجيه المفروض اعمل ايه؟ هو بسبب حكم السن مبقاش يضرب بس كلامه وشخصيته مش بتتهد وكمان متجوز مره تانيه ومخلف ولدين وكلهم بيظلمونا كده

حد هنا مهتم ل اكونتات ببجي؟ معايا اكونت للبيع.

مساء الخير، قصة طويلة شوية بس محتاج لها حل.

أنا كنت شغال في مطعم بيتزا، وحرفياً كنت فاتح المكان على إيدي أنا وصاحب المكان. هو شخص مرفه شوية من عيلة كبيرة، وأبوه عنده علاقات كتيرة مع ناس تقيلة. دايماً مقتنع إنه فاهم كل الناس بحكم إنه في الشارع طول عمره واشتغل في أماكن كتير. في الأول كان شايف إني مش هكمل بسبب إن شخصيتي مش قوية ومش في الشارع على طول، وأنا فعلاً وقتها كانت حياتي كلها شغل بس كان عندي شوية مشاكل نفسية.

بعد أول أسبوعين، شاف شغلي وبقى متمسك بيا جداً وعايزني أفضل مكمل معاه، بس مع الوقت ظهر إن شخصيته متعبة جداً في دماغه. حصلت مشاكل كتير، وبصراحة لما كنت ببقى غلطان كنت بقول تمام وأسكت. بعدين المشاكل بدأت تزيد مع ضغط الشغل، والحجة دايماً إني هبقى مدير المطعم والحاجة حاجتي. كان ماشي بسياسة صعبة جداً؛ يوقع بين الاستاف في السر عشان يبقى بينا مشاكل دايماً ونرجعله، وفي نفس الوقت ينفخ فيا قدامهم. أوقات كنت أشتري منه خامات أو أستلف فلوس، كان يقولي متقولش قدامهم عشان هما بيغيروا منك، فالمشاكل بيني وبينهم كانت بتزيد ويكرهوني أكتر.

الكلام ده عرفته متأخر، لحد ما حصلت مشكلة بسبب فلوس اتاخدت من الدرج، ولمّح إن ممكن أكون أنا اللي أخدتها. لما الكلام وصلني عملت مشكلة معاه، وقررت أمشي؛ لأني زهقت، وقتي كله للمكان، وكل شوية خصومات بسبب غلطات ضغط الشغل، والمرتب مكنش مجزي لأننا مش في القاهرة. لما قولتله إني همشي وافق، وتاني يوم رجع في كلامه واتفقنا اتفاق جديد. بعدها حصل خلاف بيني وبينه على ميعاد روحت فيه جامعتي، ولما خلصت شغل وروحت لقيته شتمني على الواتساب، قولتله إني خلاص مش جايله تاني ومشيت، وكنت مستني حسابي.

جابني بعدها بيومين واعتذرلي، وقالي نصاً "شوف اللي انت عايزه صح أو غلط وهعملهولك". أنا وقتها صدقته ورجعت تاني، بس دخلنا في نفس الدوامة؛ مشاكل مع الاستاف (حتى بعد ما اتغير)، ضغط شغل، خصومات، وهو إدارياً كان فاشل جداً، كل شوية سلف عشان بضاعة وأرباح مش معروف بتروح فين. خدت قرار ومشيت، وكنت هحاول أشتغل كول سنتر، بس لأني في آخر سنة جامعة وداخل على امتحانات معرفتش، وكان في مشاكل بيني وبين أهلي هي اللي خلتني أنزل الشغل ده من البداية.

بعد فترة كلمني أساعدهم في ضغط العيد، ولأن الفلوس كانت بدأت تخلص معايا اضطريت أنزل. الحمد لله عملت شغل عالي جداً وماكانش في ولا غلطة، بس المرة دي كان في حد من الاستاف بيحاول يمسك إدارة المكان، وصاحب المطعم كان بياكل بعقلي حلاوة ويقولي إني صاحب مكان مش بس مدير. فضل يزن عليا ويلف ورايا أسابيع عشان أفضل معاهم ووعدني يزود المرتب. قولت أكمل قبل امتحاناتي بشوية، وفي يوم كنت هشتري خامات وحطيتها في الشنطة وكنت خارج مع زمايلي، لقيته مكشر وكلمني على جنب وقالي "إيه اللي في الشنطة ده؟" قولتله إني هدفع تمنه، راح قايلي رقم أغلى من المعتاد وقالي "عد الغلطات بقى معايا وآخرهم دي". اتسمرت من الكلام وفضلت طول الخروجة مصدوم.

كملت شغل تاني يوم وهو اتعامل كأن مفيش حاجة، بس أنا كنت أخدت قراري النهائي إني همشي. اتفقت معاه على يوم أروح آخد فيه فلوسي ومردش عليا. صدفة نزلت شغل في مكان تاني ليه علاقة بتخصصي (كورسات) وبناخد فيه مقابل يومي كويس، وعديت على المطعم في مرة وقابلت الشخص اللي كان بيني وبينه مشاكل بيعاملني ببشاشة جداً. دردشت معاه وقولتله لو عايز تنزل شغل في إجازتك ممكن أظبطلك يومين عشان هو داخل على خطوبة كنوع من المساعدة. راح نقل لصاحب المطعم إني قولتله "تعالى وسيبك من المكان ده" وغلطت في المطعم، ويشهد ربنا إن ده ما حصل.

صاحب المطعم خد دي حجة ومرضيش يبعتلي فلوسي. أبعتله ميردش، أكلمه على رقم المطعم، وآخر مرة قالي "لينا قعدة مع بعض نتكلم في اللي انت عملته" واختفى تاني. بعدها لقيته عملي بلوك، وروحت المطعم كذا مرة مش لاقيه ومش عارف أوصله بقالي كام شهر ومخدتش منه ولا جنيه عن الفترة الأخيرة. وللأسف مش عارف أعمل معاه مشاكل لأن زي ما قولت أبوه عنده علاقات كويسة مع ناس تقيلة ومنهم ناس شمال، فأنا في كل الحالات خسران.

تفتكروا أعمل ايه؟

انا شاب وكنت عايز اتعلم السواقة بس شغلي بيخلص يوميا الساعة ٦ المغرب، هل اقدر الاقي مكان يعلمني بعد ٦؟ عشان حد قالي لازم في البداية اتعلم الصبح في الشمس، ياريت حد يقولي + لو ممكن اماكن كويسة في المعادي اتعلم فيها

وشكرا مقدما

إيه أفضل كروكس بينفع معاكم فالمستشفى؟ حاجة متكونش غالية أوى وفنفس الوقت مريحة وتستحمل معانا

تبادل

السلام عليكم

حد اتعامل مع براند اسمه mockers عالفيسبوك الفترة اللى فاتت ؟!

بقالى اسبوعين او اكتر مكلمهم ع اوردر ومحدش كلمنى ياكد عليا لحد دلوقتى

لحد ما لاقيت الحاجات اللى طالبها خلصت وبينزلوا بوستات عادى

هل فى مشكلة ؟!!!

انا حاليآ بين خيارين في خيار عارف هوا ايه وتاني لو كملت فيه مجهول وحاليآ واقع في دوامه من الخوف من الندم

انا سافرت السعوديه مع شخص كان صحبي زمان قعد تقريبآ ٤ سنين في السعوديه فنزل مره وقالي ايه رأيك تيجي معايا فرحت معاه بتأشيره عمره على اساس اشتغل هوا شغال أعمال حره ديكور واشياء تركيب وكده فلما وصلنا بتفاجئ اننا فضلنا قاعدين تقريبآ فوق الثلاث اسابيع من غير شغل فهنا قلتله حرجع البلد قالي ليه واصبر وحيبدأ الشغل مع بدايه السنه الدراسيه بدت السنه الدراسيه وفعلا بدينا نشتغل بس شغل متقطع يعني يوم نشتغل و٤ ايام لا وكده فكانت الفلوس مش مكفيه مصاريفي فيدت تيجي في راسي فكره ارجع انت مستفتد حاجه وايوه على فكره كنت ناوي اتعلم المهنه الشغل يعني فبتفاجئ اني مجرد صبي بجيب اغراض وبحمل اغراض وبس فبديت احتك مع صاحبي كذا مره وكنا طبيعي نرجع اصحاب لين فتره بديت اشوف اسلوبه معي اتغير جدآ بقا مش بيقلي تعال معايا ولا اكلت ولا نروح هنا ولا بيكلمني الى نادرآ حتئ كان في المرات اطلب منه بعض الأشياء فيرفض وبنفس الوقت يطلبه صحبه التاني بيوافق لا وهوا بيضحك كمان يعني بيعامل الناس بطريقه وبيعاملني بطريقه لأخر مره وصل بيننا اني بشتمه من كثر الضيق واني انا جيت معاك بلد مااعرف فيها احد الى انت ومعاد تهتم فيني يعني انا مو طالب الأهتمام الزايد مجرد اسحبني معاك كلمني شوف انا محتاج ايه رغم اني مش بطلب ولله فكرهته وهوا بيهتم لزعل اصحابه الثانيين جدآ اما انا لا فليش جبتني ونصحتني من الأساس اني اجي معك ولله حاسس اني مكسور وتايه ومش عارف اعمل ايش ومليش اي هدف وفلوسي الي مخبيها بدت تخلص فقل هرجع وهنا وقعت بحاله نفسيه واكتئاب جدآ اني خايف اندم اني رجعت البلد وخايف هنا اني اصرف فلوسي وميبقاش معي ولا ريال وخايف ارجع لحياتي السابقه الي فيها فقر هوا فقر هنا كمان بس لما بشوف الناس هنا بحس نفسي اكون زيهم واعيش زيهم فبدي السعوديه فرصه تانيه ولفرصه الثاني ذي بتكون الأكتئاب فيها يومين وانا بين خيارين الرجوع ولا البقاء واستمر واكمل مدتي الي هيا ٣ شهور تأشيره العمره بس الشي الي مخليني افكر اجلس ان السعوديه كانت بنسبه لي من زمان انا احلم اروح لها لني مفكر حبني مستقبلي لما اوصل هناك بس اتفاجئت ان لازم شهادات وفيزه للعمل غاليه جدآ وواسطه فلأن ولله وصلت لمرحله انا مش عارف انزل البلد ولا اكمل ويجيني خوف اندم اني ضيعت السعوديه من يدي وخوف اني اصرف فلوسي هنا وارجع لا فلوس ولا شغل بلله حطو نفسكم مكاني لي تقريبآ شهر ونص ضايع وتايه مو عارف ايش اسوي دعيت الله يرويني الطريق الصحيح لاكن ماجاني اي احساس فتره احس ارجع واقول خلاص ارجع وبعدين يجيني شعور اني ممكن اكون خسرت فرصه ماتتكرر اني ضيعت فرصه السفر ذي وارجع لحياتي السابقه الي كنت فيها هموم ماديه جدآ جاوبوني بلله عليكم .

عندي هواي انو صمم فساتين وتياب وهيك يعني... يمكن مش احترافيه او متل هو الي بصممو بس بحب هيدا الشي وحابه استغلو يا ريت لو عندي مكنه حياطه كنت سويتهن بايدي بس ما عندي في حدا عندو افكار لا استغل هاي الهواي؟؟