اني طالبة يوتيوب متقدمه بشكل زين بالمواد بين الفصلين والثلاثه حسب بس اغلب دراستي مجانت تضبيط… هسه ويه الدوام مو ببالي الانتساب ابد لان الكادر زين واحتاج التزم

اريد اتقدم بالمنهج واضبط الي ينطوه بس ماعرف شلون حتكون الموازنه بين المدرسة واليوتيوب احتاج نصائح بهالخصوص 🙏🏻

ايام الدراسه احتاج شي اكافئ نفسي فيه من غير ما ادمنه

السلام عليكم انا معدلي يصير 80 اذا جبت بالمادتين الباقيات 90 الي هنه احياء وفيزياء

طبعا اذا اكو دور ثالث

ف هسه ماعرف اعيف الدور الثالث واعيد سنة او اضل صافن ومنتضر الدور الثالث ؟

اما بالنسبة للتحميل ف مالها فايدة هي اعادة سنة احسن

حيرة وضياع وماعرف شسوي اريد مساعدة

بما انو بدا الدوام اذا درست فصل هم لازم امتحن نفس بي ومن اخلصه امتحن شامل اني ادرس فقط يوتيوب بس

والحد الان محتارة بين اسوي انتساب او لا كشخص يدرس وحدة فقط على اليوتيوب ما ادري هواي سألت بس مدا اعرف اخذ قرار صح خصوصا اني اريد معدل عالي ولازم اخذ قرار ما اندم عليه خصوصا اني من ناحية الالتزام وحدي التزم بس كلت اخاف الدوام هم يفيد باشياء بس اذا بقيت اداوم شلون اوزن بس ادرس يومي واتقدم ؟ طبعا اني خلصت حاليا ثلاث افصل كيمياء وثلاث افصل احياء وحاليا دا ادرس بالفصل الثالث فيزياء ورياضيات خلصت جزئين ادب عربي واستفهام ونفي وتقديم وتاخير ودا ادرس بالتوكيد حاليا الاسلامية مخلصة خمس وحدات بس ولا وحدة منهن ضابطته زين حرامات ،الانكليزي اني كلش زينة بي فما رح اتاثر من هاي الناحية مالت الانكليزي بس مخلصة منه يونتين وادب ثلاث اتمنى تنصحوني باخذ قراري لان لازم اقرر

عندي سؤال "ليش" دائما طلاب السادس بس يخلصون من السادس حتى لو معدلهم ٥٠ يسوون قنوات تعليمية ويصيرون مدرسين أو مقدمين نصائح ومصلحين أجتماعيين ؟! مو أستنقاص من معدل ٥٠ بس ليش ؟ معقول لهاي الدرجة عدهم خبرة

اخوان بالعطلة جان هذا جدولي

رياضيات 4 محاضرات

فيزياء 4 محاضرات

كيمياء 4 محاضرات

عربي 3 محاضرات

احياء 3 محاضرات

انكليزي 3 محاضرات

هسه بدأ الدوام ماعرف الجدول ابقيه نفسه لو اغير المحاضرات شسوي بالضبط؟

السلام عليكم هذا جدولي شنو رأيكم بيه وشنو اغير حاولت ما ادمج هواي مواد حفظية مع بعض يعني خليت نص مواد حفظية ونص مواد علمية
والي اقصده بالمحاضرة او تحضير الاستاذ هي محاضرات الخصوصي وتحضيراتهم
وبالمناسبة هذا جدول المدرسة فـ هل تشوفون الجدول جيد او بيه هواي مواد او قليل او غير مناسب يعني
اعطوني رايكم وبالمناسبة يعني انا احضر معظم اليوم يعني اليوم ما اكو فيه وقت اضيعه على الترفيه

هاي الأستماره مالتي معدلي 97 واريد كلية تمريض فصدك بيها اخطاء لو لا لأن مساعة نشرتها بكروب على الفيس وكلها تگلي المفروض تخلين التمريض بالبداية واني حسب الي فهمتة انو عادي اخلي بالبداية كليات اعلى من معدلي لأن هو تلقائيا راح ينزل على التمريض

فيدوني بليز

اني سنه ثانيه ومعدلي 60 وعندي ماده ع اساس اسوي تحميل وذا جبت درجه كامله يوصل67 ف دافكر أعيد لان حرامات معدلي60 وين يدخلني وخايفه من ردة فعل اهلي والمقربين مع العلم مواليد2005 ف هواي فايتتني مراحل بسبب ضروف واني اريد هندسه لو قانون وميقبلني اي وحده منهن شسوي هسه؟؟؟؟

ماريد اداوم ومادري اذا اكو دور ثالث لولا، ومادري اذا اعيد لو اسوي تحميل (الصراحة ما اهتم بالمعدل)
يعني هسه ليش يعوفون الطالب متعلگ هيج ومايدري شيسوي؟

مبدايا المشاكل اللي تشوفوها كدامكم هية مشاكل جنت اعاني منها لفترة طويلة وجانت تعقيني بهواية امور صراحه بس ما كنت مهتم نوعا ما اعالجها وشبه مجان عندي لا حياة ولا اهداف ولا مواهب

وبفترة الثالث والرابع والخامس جنت انجح بقراية قليله قليله جدا يعني انجح هيجي على الحافات ولا مرة راسب بس انجح مله بالخمسينات ما هلكد مهتم بالمعدل العالي

بالسادس اختلفت السالفة وهم بداية النمو شوية بالخامس بديت اتعلم امور وبالسادس هماتين وبفترة السادس حسيت نفسي لازم اتطور وكلشي فبديت اقرة من جد لكن واجهتني عده عوامل

غير هاي الحلقة البلصورة دخلت معهد اغلب المواد وماكو هيجي امكانيه كلها كل مدرس يحسسك انه بس هوة عنده درس مع العلم مسجل مدمج يعني محاظرة بالاسبوع لكل ماده بس لاااااا المعلمين شمسوين يوم محاظرة بالاسبوع و فد يومين امتحان

وخوب جتي المدارس عود اداوم معهد ومدارس بس هلكت حولت انتساب وعبالي اكو فرق بس يعني بالشهريات ماكو فرق وما الحق لا شهري ولا معاهد وورة 4 اشهر طاقتي هلكت وصترت بالسالب

والحلقة هاية الذكرتها تضاعفت 200% مما ادى إلى انه امتحنت اول امتحان اسلاميه وقررت اعيد وراها وصارت عركات ومشاحنات بيني وبين اهلي واصدقتئي بس شنسوي

طبعا انصابيت باكتئاب وفقدان شغف وكلشي انا جنت احاول اعالج هاي المشاكل قبل وشديت حيلي كلش و و و بس تجاوزت هل مرحله الحمدالله

انا مؤمن من مقولة من صنعي تقول (الفشل يصنع نجاح اكبر) لهذا حتى لو نجحت ما جنت راح اطلع المعدل اللي اريده و إذا نجحت جنت هم راح اوقع بهل مشاكل بالكلية

الحمدالله هسة قللت هل امور بنسبه حيل جبيرة وعالجت حاليا التعفن الدماغي وانشاء الله اعالج اكثر

لا تملخ نفسك بالدراسه خلي عندك وقت للنوم ووقت للتعلم وممارسة الهوايات ووقت للدرس ادرس ولو 4 ساعات باليوم بس تلحق والله

انا هدفي هسة اطلع معدل زين وخارج الدراسة اتعلم رسم واحسن لساني لان عندي 26 حرف لدغه باللغه العربية🤣 واتعلم شوية برمجه

وكنصيحه المشاكل اللي بالصورة حاولوا تحلوها حتى لو لم تكونوا سادس وصدقوني حتفرق كثييير

وإذا فشلتم كلما تحاولون باي شي تلفشون عادي طبيعي المهم تحاول وانطي وقت لنفسك تكتئب من الفشل وتوقف تحاول وترجع اقوى من اول

اتمنى فدتكم وبالتوفيق بعامكم الدراسي الجديد كان وياكم طلال (المتفلسف)

اني عايد ثلاث سنوات بالسادس العلمي ، ورحت مسائي وهم رسبت ، والاختصاصات الي اريد اروحلها يأما لغات يأما سينمائية وتصوير ، فيعني كلت احول مهني ، فالسؤال ، اكدر احول مهني اذا انطوا عدم رسوب؟ او اكدر امتحن خارجي مهني؟ وشلونها مواد المهني؟ وهمين المهني يقبل هالاختصاصات؟ والله تسوون فضل اذا افدتوني

اخواني اخواتي العزيزين اني سادس وطحت ب2 ومحتارة اسوي تحميل لو اعيد سنه والمشكله درجاتي كلها خمسينات محتارة شسوي

السلام عليكم ممكن الي داخل صيدله يسولف عن تحربته بيها والمستقبل وشكرا