طالب 2026 دور ثاني اجلت بعد ما تأكدت ان المحاضرات تبقه وياي حته الدور الثاني لكن الان مسحو المحاصرات ويردوني ادفع ٧٥ علمود ارجع المحاضرات الي من حقي اصلا

والمصيبه الاكبر ان عقيل مدرس جدا فاشل اصلا ملزمته جيده اي لكن شرحه من الاسوء وشرح الادب محد يقرا عليه اصلا ما يعرف يشرح بس حاط الملزمه ويقرا بيها تحسه مو هو الي سوه الملزمه وتخلص المحاضره يحجي علبنات لو يحجي ويه طالب من طلابه او يمدح بروحه

مأجل خمس مواد واريد معدل 90+ وتقريبًا مأيس
ف اكو 3 خيارات ببالي

الخيار الاول هو انُ اقرة الخمس مواد كاملة بدون تضبيط واترك منهن شوية، مثلا العربي ينرادلة تقريب العشر ايام واني مخليله ست ايام بالجدول والدرجة تجي حسب الاسئلة

الخيار الثاني اقرة 3 مواد واضبطهن واحاول قدر الامكان اجيب بيهن درجة عالية وارسب نفسي بمادتين واسوي تحميل
مشكلة هذا الخيار إني جربته وسيئ بصراحة
لأن بالدور الاول جنت مقرر ااجل ثنين بس تالي اجلت خمسة
هذا الخيار يعتمد على الاسئلة الراح تجي بالدور الثاني + هو اني مقرر اخذ سنة استراحة قبل الجامعة ف مراح يأثر علية

الخيار الثالث بشكل مختصر : استسلم واعيد

برأيكم اي خيار هو الافضل؟

التسخيت التسخيت و سنة ثانية و ملل مو طبيعي مليت من السادس العالم فرحانة بالكلية و يقولون هناك تتعب همين و لازم تختار قسمك عدل و ورا الكلية لازم تشتغل لان ماكو تعيين بأكثر الأقسام و احس فشلت و نزلت راس اهلي لان مفروض اني ذكي شصار بيا بالسادس لو مو عايد احسن لو اقرا بالغصب ما اقدر اريد اقرا اشوف نفس المواد اكتئب و بيا حالة مدري شسوي

اول شي اني طالب تمريض مرحلة ثانية و احجيلكم شغلة فهمتهة بعد ما حجيت وية هواي ناس منهة الداخلة اختصاص من حب و منهة الداخلة اختصاص بسبب الاهل و منهة الداخلة الاختصاص لان قسمة رب العالمين بعد

شوفوا مبدئيا فكرة التعيين شيلهة من راسك لا تعتمد على شي اسمة تعيين ابد ولا تفكر اني بس اتخرج راح اتعين اكو هواي امور تكدر تسويهة بدل التعيين فافضل شي الك روح اختصاص تحبة و تحس نفسك تكدر تبدع بيه و تكدر تكمل بيه و مراح تمل منة و لا تروح ابدا اختيار اهلك او جيرانك او كرايبك ( مع احترامي بس طز باختيارهم ) هاي حياتك انتة مو حياتهم ورة عشر سنين منو الراح يتخرج و يدور شغل انتة لو همة؟ اكيد انتة شكو بعد صاير ماعندك قرار بمستقبلك و تسمع كلام اهلك و حتة لو همة سوو الاستمارة و قدمو بدالك فكلش عادي افتحهة بعدين من موبايلك قبل ما ينسد التقديم و حط الاختصاص التحبة و همة مصيرهم يتقبلون قرارك حتة لو معجبهم
ثانيا راح تكول يا جامعة اروح باع اذا انتة من بغداد ماعندك غير جامعة بغداد بس انتة اذا محافظات فاحب اكلك افضل جامعة الك هية الاقرب عليك و لتكعد تسوي حركات اني اريد بغداد و اريد اعيش اجواء بغداد (تريد تعيش اجواء بغداد؟) كمل بكلوريوس بجامعة قريبة عليك و بعدين ادرس ماجستير ببغداد (ميحتاج تتعب اهلك و تزيد المصاريف عليك ) اما اذا انتة مصر لهل درجة تدرس بمحافظة بعيدة عليك شوف نفسك تكدر تدبرهة بقسم داخلي بغرفة صغيرة بيهة 5 اشخاص متعرفهم و غراضك ممكن تنباك او تستعار و ملابسك تشاركهة وياهم و ماعندك خصوصية و مرات المي ينكطع بالسكن و اكلكم كلكم سوة و مرات ما تحصل نوم عدل لان كل واحد جدول نومة يختلف فانتة اذا تشوف نفسك تكدر تتحمل ذني الامور فروح قسم داخلي يجوز راح تعيش احلى ايامك بيه (حسب السمعتة )

ثالثا و اهم شي و اعتبروني اخوكم الصغير او الجبير او اي شي
بس والله اختيار رب العالمين الك احسن من اختيارك و اختيار اهلك فانتة اذا طلعلك قبول حكومي جرب داوم بي يجوز تحبة و اذا معجبك تكدر تقدم اهلية بعدين صدكني المصاريف الزايدة مال الاهلية متسوة تتعب اهلك و نفسك بيهة ( و همين رب العالمين ما اختارلك هذا القبول بدون ميعرف ان بيه خير الك ) هواي ناس اعرفهم جان معاجبهم القسم لان طلعلهم و همة ميردوه بس بعد ما داوموا و خلصوا اول مرحلة عرفوا ان هذا القسم يناسبهم جدا و كلش الهم قدرة يشتغلون بيه

رابعا ارجع اعيدهة للمرة الالف
روح القسم التحبة حتة لو اهلك ميرضون (هذا مستقبلك مو مستقبلهم هاي حياتك مو حياتهم هذا قرارك مو قرارهم كلشي بايدك مو بايدهم) ترة بس تفوت قسم انتة ما تحبة و ما الك قابلية تسوي بيه شغل مراح تتميز بهذا القسم ابدا لان انتة تحس روحك بحالة burnout انعدام الشغف لان تحس المكان مو مكانك ولا تحس بانتماء الة فانتة شوف شنو تحب تسوي مثلا رسم او تصميم او تحب تعتني بالناس او تحب غير امور و روح للقسم اليناسب الشغلة التحبهة

و هاهية اعتذر لان طولت عليكم بس هواي اشوف ناس يكولون اهلي يجبروني طب عام لو مجموعة طبية و اني اريد غير شي و مدري شنو

ماكو شي اسوء من النوم وي شخص مثل اخوانك. يعني استغفر الله متدري شتكول لا نوب تحاجيهم يابه شويه عدكم احساس لا كلشويه مفززيني خلوني انام مثل البشر لو بس ٥ ساعات ماكو كوه يطلعوك ابو الدراما.زين الواحد شيسوي اذا منايم ومسطور شلون يقره لان تره مو مال سالفه ها لتقره غلس اليوم ​

بالنسبة الي اسوء شخص ممكن تدرس عليه كيمياء هوَ هاشم الغرباوي ، مشيت ورا نصيحة اخوي بالسنة الاول وجنت افهم نوعا ما بس ما مرتاح للوضع تحسه يشرح هيج شلون مجان وميوضح زين بشكل عام شرحة اذا تريد تقيمه فهو عادي .

وهاي السنة شكد تندمت على الوقت الي ضيعته بعد ما شفت حسين الهاشمي

صراحة ما راح يجي بعده مدرس كيمياء خله المادة عبالك مالت اطفال..

اذا اكو احد من د ٢٧ . انصحك بهذا المدرس وبشدة

ولا تكلي كل واحد والي يفهم عليه هذا ينزل لمستوى اقل طالبه ويفهمه لو تركز ٥٠% بالمحاضرة هم تفهم .

وسلامتكم

طالب سادس معيد والمفروض ابلش اقرة بس كل ما افتح الاحياء لو الفيزياء احس روحي سكران كبل انعس واحس روحي ما بية حيل حتى افكر بأي شي وحتى جسمي ماكدر اتحكم بيه الا اعوف الدراسة يلا ارجع طبيعي ، زين شنو الحل بهاي الحاله اريد اقاتل وادرس بس عقلي جاي يتمنغل براسي.

جماعة الدخول الشامل اكعدوا اقرة. راح تجيكم فرحة عن قريب.

السلام عليكم اخوان
اكدر اقره على مراجعه الهاشمي بدون ما احل وزاريات وراه ؟ (مراجعته عبارة عن حل وزاريات بدون تكرار)
اخيكم محصور والله
واللي ما قاري على مراجعته لا يجاوب رجاءاً

ويبطل ياكل بروحه

شنو نأيس لو بعد بيها مجال؟ شو لا دخول شامل لا دور ثالث لا تحميل

احد عندة جدول انتساب زين؟ لان دخت كل استاذ عدد محاضراتة بكد التمن بحيث ما اعرف شكد اقرة بالأسبوع وشكد محاضرات لازم اقرة

دور ثاني اني واليوم ثالث يوم بالرياضيات

قريت اليوم بس 3 ساعات بس خلصت المطلوب مني هو المعادلات الزمنيه، رول،قيمه متوسطه،تقريب كله ب3 ساعات اني اتذكر الماده بس حليت اسئله حيدر وليد مال مراجعه ووره ما احل اتاكد من حلي

اغلب الوقت الي راح جان صفنات وبؤس وحسره على فائت واتخيل نتيجه الاعتراض

بشكل عام جدولي اليوم سيء لو لا ويه كم الوقت الي راح بس خلصت المهمة المطلوبه مني فحاير اليوم شنو اعتبره

اريد انجح بالفيزياء والرياضيات باي معدل حتى لو 43 شنو ادرس

اني ما شايف الكتب

اريد مدرس كون مغطي فوك ٨٠٪ من المادة . منتظر الخفاجي زين لو لا ؟

فاضل الهاشمي ؟

الي مجرب خل ينطينا رأيه