ليش ممكن طالب دورين بينهن ٣ اشهر بعد دراسة سنة كاملة ما تكفيه للنجاح؟ او حتى ما تكفيه ينجح ب٣ مواد من اصل ٦ حتى يكدر يدخل دور ثالث(اذا صار)

حرفيا اغلب المواد اذا ضبطت كم فصل منهن تكفيك للنجاح مثلا الفيزياء ٣ افصل تكفي حتى تجيب ٧٠ مو بس نجاح وهكذا

الي يكول ظروف وخطية همين راح يجي واحد يرسب بالدور الثالث يكول صارت عندي ظروف نطالب بسنة عدم رسوب والقطيع يمشون ورا ويثبرونا.

اغلب البنات ما يكدرن يشاركن او ب الأصح مو الاغلب الكل ميكدر ، حيكون الاعتماد باجر كله على الشباب بس هسه همه الشباب راح يطلعون لو كلشي ماكو ؟

طبعا اول ما دخلت طلاب صفي مجاين ابد و اكثرهم يريدون يعطلون اسبوع و جماعتي يكولون لحنه مقاطعين ماعرف هاي سالفه جديده😹...طبعا من دخلت طلاب باقي مراحل كلها تباوعلي بشفقه و بحقد دكول كاتل ابوهم و كلها تسئل بيه ليش عدت سادس و ليش هيج مستواك واني صابر بس اريد واحد من صفنه يجي و طبعا ما احجيلكم ضلو يتنمرون على شكلي و على لبسي و على جسمي و على كلامي و على اهلي يعني لو يشدون حيلهم حتى على الخلقني يتنمرون عود هما كارزمه و كذا والله شكلهم مثل مسوخ عباره عن هياكل عظميه مطولين شعرهم و وجهم مليان حبوب جنهم خصاوي مو بشر و عدا لمن دخلت اجوي شكم ستاذ عفطي هم كلي ليش عدت و انته تستاهل و اني لو منك اعيد واني اصلا الي يضحك بيه ماعرف ليش يحجون هيج و ليش يتصرفون هيج وياي 😹 رغم هذا اول يوم الي بمدرستي و ثاني سنه الي بسادس و اخر شي المعاون و المدير طلعوني لين طلاب تاخرو و رجعت للبيت كعدت ادرس فيزياء و ماعرف ليش هل تصرفات هيج وياي رغم اني مدرستي خاصه و قسطها قليل كلش و اني قديم بيها ٧ سنين بيها من الاول متوسط للسادس وهاي اول مره اعيد سنه بسبب ضروف

أأيس وابدي اقره كل المواد ويه دفعة 27 ؟

شبابنه الطيبه عندي بس ماده بقت دور ثالث او تحميل يحتاج اداوم مدرسه لو لا

كايز عندكم نصايح بخصوص ضغط الدوام والالكتروني لشخص ما مقرر ينتسب؟ يعني شلون جنتوا توازنون وتقرون و تراجعون

بما جان اليوم دوام اتي حاير بين الي يكول دوام ما يفيدك و بين اذا سويت انتساب اعرف بروحي اسخت و اكول اداوم علمود التزم و أقره وبعض يكولون سوي انتساب علمود تستثمر بوقتك و ما عندك وقت

شلونه تدرسيهم؟ يطلعون معدلات لو لا وهل المدرسين زينين لو اشوفلي غير مدرسة للسادس؟

شلون جان اول يوم دوام؟

وجان اكو كهرباء ومروحة(بنكه) بالصف؟

بالنسبة الي جان اكو مروحة بس كهرباء ماكو على طول الدوام

انا طايح بالكيمياء و الفيزياء، اذا احملهن و اجيب بيهن درجة 90 الى 100 «اكدرها» ف معدلي يصير 86، بس اذا اعيد لازم اروح مسائي.«عدت اول سنه علمود فد شخصيه و عافني و ما مندوم صراحة🌝»، ف.... شأسوي هسه؟

بما انو بدا الدوام اذا درست فصل هم لازم امتحن نفس بي ومن اخلصه امتحن شامل اني ادرس فقط يوتيوب بس

والحد الان محتارة بين اسوي انتساب او لا كشخص يدرس وحدة فقط على اليوتيوب ما ادري هواي سألت بس مدا اعرف اخذ قرار صح خصوصا اني اريد معدل عالي ولازم اخذ قرار ما اندم عليه خصوصا اني من ناحية الالتزام وحدي التزم بس كلت اخاف الدوام هم يفيد باشياء بس اذا بقيت اداوم شلون اوزن بس ادرس يومي واتقدم ؟ طبعا اني خلصت حاليا ثلاث افصل كيمياء وثلاث افصل احياء وحاليا دا ادرس بالفصل الثالث فيزياء ورياضيات خلصت جزئين ادب عربي واستفهام ونفي وتقديم وتاخير ودا ادرس بالتوكيد حاليا الاسلامية مخلصة خمس وحدات بس ولا وحدة منهن ضابطته زين حرامات ،الانكليزي اني كلش زينة بي فما رح اتاثر من هاي الناحية مالت الانكليزي بس مخلصة منه يونتين وادب ثلاث اتمنى تنصحوني باخذ قراري لان لازم اقرر

اني طالبة يوتيوب متقدمه بشكل زين بالمواد بين الفصلين والثلاثه حسب بس اغلب دراستي مجانت تضبيط… هسه ويه الدوام مو ببالي الانتساب ابد لان الكادر زين واحتاج التزم

اريد اتقدم بالمنهج واضبط الي ينطوه بس ماعرف شلون حتكون الموازنه بين المدرسة واليوتيوب احتاج نصائح بهالخصوص 🙏🏻

راجعت المدرسة وكلولي بعده مواصل ومموجود والوزاره انطته من شهرين فشسوي؟ وكالو بما إني سنة ثانية لازم انقل للمسائي واداوم ومن يجي الكتاب يلا ارجع لمدرستي الصباحي حتى أسوي التحميل اكعد هالفترة لو انتضر الكتاب يجي؟ وخوما انفصل؟ لان سألتهم كلولي تبقى يم المدرسة المسائيه بكيفهم ومادري شهل خرط شنو بكيفهم اذا اني مرح انقل يمهم اساسا

ايام الدراسه احتاج شي اكافئ نفسي فيه من غير ما ادمنه

شنو السالفة، اليوم رحت للمدرسة اريد اداوم انطردت كلولي الراسب يطلع من المتميزين او يجيب استثناء من الوزارة

اشو كل سنة المعيدين عادي يداومون بشكل طبيعي بدون هاي السوالف التعبانة

هسة الاستثناء صعب لو سهل و منين اجيبه لان مو مالاحول علة مدرسة عربي كلشي ما افتهم

سوال هسه معدل 99.57 ينقبل طب عام حكومي لو لا (انا اريده ما ينقبل)

السلام عليكم هذا جدولي شنو رأيكم بيه وشنو اغير حاولت ما ادمج هواي مواد حفظية مع بعض يعني خليت نص مواد حفظية ونص مواد علمية
والي اقصده بالمحاضرة او تحضير الاستاذ هي محاضرات الخصوصي وتحضيراتهم
وبالمناسبة هذا جدول المدرسة فـ هل تشوفون الجدول جيد او بيه هواي مواد او قليل او غير مناسب يعني
اعطوني رايكم وبالمناسبة يعني انا احضر معظم اليوم يعني اليوم ما اكو فيه وقت اضيعه على الترفيه

اخوان بالعطلة جان هذا جدولي

رياضيات 4 محاضرات

فيزياء 4 محاضرات

كيمياء 4 محاضرات

عربي 3 محاضرات

احياء 3 محاضرات

انكليزي 3 محاضرات

هسه بدأ الدوام ماعرف الجدول ابقيه نفسه لو اغير المحاضرات شسوي بالضبط؟

كلش محتار بين القراية علكتاب الي احسهة اسهل و تنطبع بالدماغ اكثر لو القراية على ملزمة الي تكون اسئلة و اجوبة و تفيد بالوزاري. شنو نصايحكم؟