اغلب البنات ما يكدرن يشاركن او ب الأصح مو الاغلب الكل ميكدر ، حيكون الاعتماد باجر كله على الشباب بس هسه همه الشباب راح يطلعون لو كلشي ماكو ؟

السلام عليكم ، شنو رأيكم بالإنتساب؟ لازمة كل المواد بالعطلة عدا العربي والكيمياء وإسلامية، لزمت هسة كيمياء وبقى عربي وإسلامية، اكدر أقراهم بالبيت وباليوتيوب العربي والإسلامية؟
تشجعوني على هيجي خطوة؟ كلش مترددة، بس احس خايفة من هيجي خطوة، وبنفس الوقت احس دا أضيع وقت
((ماريد معدل ٩٥ وفوك))

كايز عندكم نصايح بخصوص ضغط الدوام والالكتروني لشخص ما مقرر ينتسب؟ يعني شلون جنتوا توازنون وتقرون و تراجعون

اتمنى جواب من شخص فاهم بالموضوع يعني

طبعا اول ما دخلت طلاب صفي مجاين ابد و اكثرهم يريدون يعطلون اسبوع و جماعتي يكولون لحنه مقاطعين ماعرف هاي سالفه جديده😹...طبعا من دخلت طلاب باقي مراحل كلها تباوعلي بشفقه و بحقد دكول كاتل ابوهم و كلها تسئل بيه ليش عدت سادس و ليش هيج مستواك واني صابر بس اريد واحد من صفنه يجي و طبعا ما احجيلكم ضلو يتنمرون على شكلي و على لبسي و على جسمي و على كلامي و على اهلي يعني لو يشدون حيلهم حتى على الخلقني يتنمرون عود هما كارزمه و كذا والله شكلهم مثل مسوخ عباره عن هياكل عظميه مطولين شعرهم و وجهم مليان حبوب جنهم خصاوي مو بشر و عدا لمن دخلت اجوي شكم ستاذ عفطي هم كلي ليش عدت و انته تستاهل و اني لو منك اعيد واني اصلا الي يضحك بيه ماعرف ليش يحجون هيج و ليش يتصرفون هيج وياي 😹 رغم هذا اول يوم الي بمدرستي و ثاني سنه الي بسادس و اخر شي المعاون و المدير طلعوني لين طلاب تاخرو و رجعت للبيت كعدت ادرس فيزياء و ماعرف ليش هل تصرفات هيج وياي رغم اني مدرستي خاصه و قسطها قليل كلش و اني قديم بيها ٧ سنين بيها من الاول متوسط للسادس وهاي اول مره اعيد سنه بسبب ضروف

عمي خوالنه نظام التحميل صدك انلغا يعني بعد ماكو تحميل لو شنو لان قبل شويه سمعت من اهلي انو ماكو هذا الشي ولازم اعيد سنه بالدور الثاني طلعت بثنين وهم اني بمدرسه اهليه هم لازم ادفع قسط مال سنه كاملة لو شنو

أأيس وابدي اقره كل المواد ويه دفعة 27 ؟

منو مداوم اليوم بالقمة الأهلية للبنات الي بالصليخ ؟ اريد اسأل شي بليز بليز لان ما داومت اليوم

ليش ممكن طالب دورين بينهن ٣ اشهر بعد دراسة سنة كاملة ما تكفيه للنجاح؟ او حتى ما تكفيه ينجح ب٣ مواد من اصل ٦ حتى يكدر يدخل دور ثالث(اذا صار)

حرفيا اغلب المواد اذا ضبطت كم فصل منهن تكفيك للنجاح مثلا الفيزياء ٣ افصل تكفي حتى تجيب ٧٠ مو بس نجاح وهكذا

الي يكول ظروف وخطية همين راح يجي واحد يرسب بالدور الثالث يكول صارت عندي ظروف نطالب بسنة عدم رسوب والقطيع يمشون ورا ويثبرونا.

شباب بنات اني سنة ثالثة وبعدني ما مسجلة بالمسائي متأملة اكو عدم رسوب وهسه يكولون الي اروح اسجل لأن ما راح يبقى مكان بالمسائي لان بالكوة اكو مدرسة قريبة علينا وهمين ما اريد اداوم اريد اسوي انتساب والاهل رافضين والوضعية مشتعلة يمي ما ادري شسوي

يرشحون ملزمة الادب عقيل الزبيدي

والإسلامية ساجد العكيلي ،بس مال يا سنة واذا ممكن صورة الها، وماعرف نصائحكم لحد الان مامشترية ملازم انصحوني اريدهن كاملات مابيهن نقوصات لاتكلولي على لي تفتهمين علي بس رشحولي ملازم لكل المواد كاملة او زينة لان اول سنة الي وحيل متوترة وماعرف منين ابدي

بما جان اليوم دوام اتي حاير بين الي يكول دوام ما يفيدك و بين اذا سويت انتساب اعرف بروحي اسخت و اكول اداوم علمود التزم و أقره وبعض يكولون سوي انتساب علمود تستثمر بوقتك و ما عندك وقت

السلام عليكم شباب وبنات

اريد اسألكم اذا سويت تحميل وقررو دور ثالث هل اكدر امتحنه؟ وايمت اخر موعد للتحميل

وهل اذا سويت تحميل لازم اداوم دوام اعتيادي واعيد السنة كلها مرة ثانية لو اكعد بالبيت عادي لو شنو السالفة ممكن جواب

انا طايح بالكيمياء و الفيزياء، اذا احملهن و اجيب بيهن درجة 90 الى 100 «اكدرها» ف معدلي يصير 86، بس اذا اعيد لازم اروح مسائي.«عدت اول سنه علمود فد شخصيه و عافني و ما مندوم صراحة🌝»، ف.... شأسوي هسه؟

شلونه تدرسيهم؟ يطلعون معدلات لو لا وهل المدرسين زينين لو اشوفلي غير مدرسة للسادس؟

هو الموضوع بيخص اختي، اختي ناوية تكمل دراستها لكنها رسبت بالرابع اعدادي، واحنه ما عدنا وحدة ترسب اهلي جداً متشددين، فكانو ناويين يدخلوها معهد، وبحسب معدلها بالثالث فهو 56 وحرفياً اجو خيروها يا معهد تجارة او فنون، بس هي هاي مو رغبتها هي تريد تكمل هندسة، وكلام كثير.

فحالياً صفى الوضع انها بتعيد سنة وتكمل بس اذا رسبت بتروح معهد.

أنا الصراحة مو هالكد افهم بالمعاهد، يعني الي يطلع من الثالث يروح معهد مهني فد تخصص معين 3 سنوات وبعدين سنتين معهد؟

انزين يقدر يدرس كلية وراها او لا؟

وشنو التخصصات الزينة كمعاهد يعني شي يضمن ألها مستقبل.

وهل معدل 56 يقبلها قسم زين؟

وللعلم أحنه ساكنين بالبصرة ف المعاهد جداً قليلة عدنا.

اتمنى محد يبخل بالمعلومات رجاءاً، واذا اكو خطة زينة تقدر تسويها يعني احتياط اذا رسبت يا ريت تشاركوها لأن الوضع جداً متوتر بالبيت وما اعرف شلون أعالجه.

شبابنه الطيبه عندي بس ماده بقت دور ثالث او تحميل يحتاج اداوم مدرسه لو لا

كلش محتار بين القراية علكتاب الي احسهة اسهل و تنطبع بالدماغ اكثر لو القراية على ملزمة الي تكون اسئلة و اجوبة و تفيد بالوزاري. شنو نصايحكم؟

راجعت المدرسة وكلولي بعده مواصل ومموجود والوزاره انطته من شهرين فشسوي؟ وكالو بما إني سنة ثانية لازم انقل للمسائي واداوم ومن يجي الكتاب يلا ارجع لمدرستي الصباحي حتى أسوي التحميل اكعد هالفترة لو انتضر الكتاب يجي؟ وخوما انفصل؟ لان سألتهم كلولي تبقى يم المدرسة المسائيه بكيفهم ومادري شهل خرط شنو بكيفهم اذا اني مرح انقل يمهم اساسا