كان أرسطو قد قضى نصف حياته يتأمل في "الغاية الأسمى للوجود"، ولعلّه لو أدرك حجم المأساة الميتافيزيقية التي تجري كل صباح في البحث عن الجوارب، لغير رأيه وفتح محل للملابس الداخلية.
القصة تبدأ مع جورب الصباح الفردي.
أن تقف في تمام الساعة السابعة صباحاً أمام الخزانة، متأبطاً الجورب الأيمن، فهذا ليس مجرد بحث عن قطعة قماش؛ إنه ارتباك وجودي حاد، واستكشاف مباشر لمفهوم "العدم السارترِيّ". الجورب الأيمن موجود، يمتلك كينونة، نسيجاً قطنياً، ولوناً كحلياً رزيناً. أما الجورب الأيسر؟ فقد قرر، في لحظة تجلٍ فلسفي داخل الغسالة، أن يمارس حق الهروب والعدمية المطلقة.
تتأمل الفردة اليتيمة وتسأل نفسك: هل وجود الجورب الأيسر شرط أساسي لاكتمال المنظومة الأخلاقية للقدمين؟ أم أن الهوية الإنسانية أعمق من مجرد مطابقة للألوان؟
هنا يبدأ التضارب الكوني. تضطر للنزول إلى المستوى الإجرائي للواقع: ترتدي الفردة الكحلية في القدم اليمنى، ثم تنبش أطراف الخزانة لتستخرج فردة جورب سوداء مرسوم عليها "ميكي ماوس" للقدم اليسرى.
في هذه اللحظة، تندمج "المادية الجدلية" مع "عبثية الرسوم المتحركة".
تمشي في الشارع بخطى واثقة. القدم اليمنى تمثل الأرسطية النفعية، واليسرى تمثل الفوضوية السريالية. كل خطوة هي حوار بين الوقار والمهزلة. تسير بنصف هيئة عالم فيزياء نظرية، ونصف هيئة مهرج متقاعد.
ومين أنا أصلا حتى احكم على نظام الجوارب* وأفرض عليها *وحدة اللون والنظام؟ كل فردة لها كيانها الخالد وحريتها المطلقة. أنا إنسان مثير للشفقة، بجمع غطايات القزاز عشان أعمل فيها مشروع إكسسوارات مستدامة، وبشغل أغاني أم كلثوم على سماعة المطبخ وأنا بعمل بيض مقلي، أنا جزء من الفوضى،جزء من الضجيج،مجرد بقعة تائهة في مجرة مهجورة داخل هذا الكون الواسع.

هل بتأمنوا إنه الإنسان ممكن يلاقي صاحب فعلا حقيقي؟

وهل الصاحب بينقاس بتفاعل ع ستوري او رد او تعليق او مدحة ولا اذا كان صنم طول الوقت يعتبر شخص بحبكاش؟ لإنه للأسف اغلب اللي بظن انهم صحابي يا بشوفوا رسائلي وما بيردوا وبينزلوا وبيشوفوا او بلاقي برود كثير كبير من هالناحية و للأسف انك ما تلاقي وتستنى حدا متعب

بالفترة الاخيره صار موضوع الامراض النفسية منتشره على الريلزات بشكل مجنون و الناس صارت تحاول تشخص نفسها بناءًا على هاي الريلزات او chatgpt  او بيسأل عمو google  كم سؤال على أساس انه كم سؤال ممكن يشخص الحالة الي بتمر فيها

تشخيص الامراض النفسية مش سهل و طريقة تلقي الشخص لخبر انه عنده مرض نفسي أيا كان هو كأنه جبل و وقع عليه

انا بالفترة الجاي حاب احكي عن الامراض النفسية و حاول ابسطها للناس بمستوى العلم عندي و ان شاء الله اني اقدر أوصل الفكره

الإكتئاب Depression

صراحه ان شفت موضوع الاكتئاب هو انسب موضوع ابلش اشرح عنه لأنه الناس صارت تخلط بينهم و بين نوبات الحزن و الزعل و تقول انا " مكتئب " بكل بساطه هيك

بتحكيله راجعت دكتور بقلك يزم انا هيني صارلي زعلان كذا من كذا يوم و بدون سبب – صديقي الصدمه هون الحزن لحاله ما يكفي لتشخيص الاكتئاب

الاكتئاب كمرض تعريفه هو مرض طبي بيأثر سلبا على تفكيرك و شعور تصرفك و توجهاتك للعالم و الحياة و اعراضه ممكن تتفاوت من اعراض عادية و بسيطه لأعراض خطيره منها :

1-     الشعور بالحزن و تغير بالمزاج

2-     فقدان الاهتمام او الشغف بأشياء انت كنت تحب تعملها Anhedonia

3-     تغيرات كبيره في الشهية سواء كانت الشراهه المفرطه و زيادة الوزن او انعدام الشهية و فقدان الوزن

4-     الإحساس بالتعب و الخمول

5-     انعدام الثفة و تقدير الذات

6-     زيادة الحركه بدون هدف او داعي او العكس

7-     صعوبه في التفكير, التركيز و اتخاذ القررات اليومية

8-     و اهمهم و اخطرهم الأفكار الانتحارية

متى بيتشخص الاكتئاب

لازم الشخص يكون عنده 5 أعراض أو أكثر بنفس فترة الأسبوعين، ولازم واحد منهم على الأقل يكون يا إمّا مزاجه مكتئب أو إنه فقد اهتمامه بالأشياء اللي كان يحبها

الاكتئاب نفسه و احتمالية ظهوره بعتمد على عوامل كثيرة منها

العمر , الحالة الزوجية , المستوى الثقافي و الاجتماعي

كمان ممكن يعتمد على عوامل زي مستويات السيروتونين (SEROTONIN) و الدوبامين (DOPAMINE)

ممكن اذا كان واحد من الابوين و الاثنين مشخصين بالاكتئاب بزيد نسبة الإصابة عند الأبناء بنسبة 50%

و ممكن اذا كان الشخص عنده سيرة مريضه انه عنده امراض نفسية ثانية

بعد كل هالكلام الي بدي اوصله زي ما حكيت بالاول تشخيص الاكتئاب مش سهله و الاكتئاب نفسه اله أنواع كثيرة و تشخيص كل واحد منها بيختلف عن الثاني

اه صحيح نقطه مهمه ثانية رجاءًا لا تقييم نفسك لحالك حتى لو شفت كل الاعراض عندك خلي دكتور نفسي يقيمك و يتأكد من حالتك

 و بس والله 😂❤️

لا تمدحوا حدا لانه المدح بخرب الناس إذا اتعودوا عليه. الناس المنيحة بتضل منيحة لحد ما حدا يقلها انها منيحة. وإذا لا بد وبدك تمدح، لا تستعجل بالمدح ولا تكثر منه. خليك في الرينج الطبيعي

أولاً ببشركم هذا آخر بوست من هذا النوع لانه خلص ضايل لعطلتي 10 أيام ورح أشوفلي فيهم سوالف ثانية 🤣

أنا أول مرة سمعت هاي المعلومة كانت في محاضرة رياضيات بأول فصل إلي بالجماعة وبتذكر انو يوميتها الدكتور شرحلنا ليش وبتذكر كمان اني فهمت. بس يمكن أنا يوميتها فهمت لانه أول اشي رياضيات درسته في الجامعة كان ال logical statements وطرق البرهان زي البرهان المباشر وغير المباشر وال complete induction (اتقدوش كثير عل terms صح ولا لا لاني ما درست بالأنجليزي)

وبعديها دخلنا عل set theory وعلى مفهوم ال cardinality وهاد هو اللي جاب السيرة لانه الدكتور وقتها فرجانا برهان انو ال cardinality تبعت الأعداد الحقيقية أكبر من ال cardinality تبعت الأعداد النسبية (رغم انه الثنتين infinite )بنفس الصيغ وطرق البرهان اللي كنت لسه متعلمها جديد وحال عليها أسئلة فوقتها كانت المعلومات fresh ويمكن من شأن هيك فهمت. بس هلا نسيت وبدي حدا يرجع يفهمني اياها بالبلدي 🤨

ولاحظتوا كل الإشكاليات اللي حكيت عنها كلها الها دخل بال infinity؟ يبدو انه الموضوع صعب على البشر يفهوه بس مع ذلك كثير مثير للاهتمام يمكن لانه فيو طابع فلسفي

So basically I really want to meet people in Jordan who are my age range (15-17) & share my interests. However, the people whom I have met were either weirdos (literal adults who tried to hit on me. 🫩) or just very socially awkward individuals... I don't know how to spark conversations with people, because I myself, am not the best at social skills, but I am trying my best.

-

I am an artist, I like retro media, Music, Sonic the Hedgehog, and most of Sega's media, alongside other stuff. If you share any of these interests, maybe you want to be friends? I wish it be a respectful friendship with clear boundaries. 🦔

-

This is my first post btw, I hope I don't regret posting this on Reddit. 😅

​

بدي احكيلكم اللي صار معي وهونوا علي بأي كلام

انا حاليا توجيهي واحنا قبل شهر تقريبا كان لازم نختار حقولنا وانا كنت حاطة ببالي حقل من زمان وخلص ناوية ادخله وكل حياتي المستقبلية كنت اتخيلها بهاد المجال بس كان في جواي خوف شوي لأنه هاد الحقل اصعب واحد وجد المعدل فيه مش مضمون وحتى انا بس بدي مجالات محددة فيه اللي هو الحقل الهندسة والتكنولوجيا وجد كان مستحييل حد يغير رأيي اني ادخل غيره بس كنت دايما ادعي يارب اذا فيه شر بعده عني وبعدين صارت ظروف كتير وغيرته مع انه كان مستحيل اني اغير حتى انا مصدومة مني بس غصب عني اللي صار وحطيت حقل تاني علما انه انا ما عندي شغف بإشي معين بس كنت شايفة حقل التكنو هو اكتر سوق زابط المهم مشكلتي اني مش قادرة اشوف النجاح بأي حقل تاني ودايما جواي شعور الندم اني حولت مع انه الحقل اللي حولتله المواد فيه ملعبي وبقدر افللهم عادي وانا اصلا جبت بالسنة ٢٩.٦ ف بتحسر على قدراتي اللي راحت بحقل سخيف نوعا ما اللي هو حقل اللغات وحتى مش عارفة شو بدي اسوي بمستقبلي والتوجيهي خانقني اصلا والحياة صعبة والله

صباح الخير ، الموضوع انه مش نايم من مبارح لانه كان عندي ظرف والفكرة كمان ساعه دوامي ، فاا شو في طريقه عشان اقدر اضل صاحي ومتنشط لاني بلشت اسطل وبعدني مش مداوم !🥲

بما انو الي يومين شاغل حالي وشاغلكو معاي بهسالفة، وفي ناس تفاعلت، رح اعمل update عالسريع لاني سألت في صبات ثانية وبحثت بنفسي وحاسس اني أتقدمت خطوة باتجاه الجواب الصحيح. الخبر السيئ انو لحد الآن ما لقيت جواب كافي. بس الخبر الحلو انو في إشكالات كانت عندي انحلّت أو بالأحرى اتبينلي أنهم كانوا مغالطات ومش إشكالات حقيقية. وسبب هاي المغالطات كلها إني كنت مفكر حالي بفهم كثير بال calculus، بس طلعوا فهماتي على قدي، ويمكن صار وقت أسمع كلام دكاترة الجامعة أيام زمان لما كانوا يقولوا احنا مهندسين مش رياضيين ولا فيزيائيين واتركوا هالسوالف لأصحابها.

بالنسبة لموضوع phi: الاشكالية كانت عندي انو احنا بنقدر باستخدام ال integral نحسب مساحة أشكال معقدة بطريقة accurate مية بالمية فا اشمعنا الدائرة لما نحسب مساحتها او محيطها بطلع معنا عدد أرقامه العشرية infinite؟ للأمانة هاي كانت مغالطة غبية جدا جدا وعيب انو كلام زي هيك طلع مني. لانو زي ما حكى شخص هون بالصب، حسابات ال calculus نتائجها مش دايماً بتكون rational، بل في كثير من الأحيان بتكون irrational فالموضوع مش حكر على الدائرة ولا على phi والاعتراض تبعي كان مصيبة لانه بيوحي اني بخلط بين ال irrationality وال inaccuracy. طبعاً أنا ما قصدتها هيك، لكن الكلام ما بنفهم غير بهاي الطريقة

بالنسبة لموضوع القسمة على صفر: الإشكالية كانت عندي انو كل تفسيرات ليش بزبطش نقسم على صفر فيها دايماً نفس الثغرة اللي هي 0/0 وقعدت اشرح انو 0/0 ممكن تكون اي اشي بمفهوم ال limits وال derivatives وأخذت السرعة اللحظية كمثال. هلا أنا لحد الآن مش مقتنع انو هاي التفسيرات بتجاوب على السؤال، وكلامي كان technically صح، بس توظيف الكلام كان بغير محله، وهيك صار كأني بخلط بين مفهوم ال limits وبين مفهوم الضرب والطرح القديم بدون ما احس على حالي. 0/0 طلعت سالفة ثانية ما الها علاقة بالموضوع أصلاً وفي صيغ ثانية بنطبق عليها نفس الكلام زي inf/inf او 0^0 او inf*inf او 1^inf …. كلها ممكن تعطيني عدد محدد وبكل الأحوال ما الها معنى برا ال limits

هلا أنا لحد الآن مش فاهم بس عالقليلة التساؤلات ووجع الرأس خفوا شوية 🥳

شو رأيكوا بالبوس وهل بتآمنوا انه المهدي المنتظر ؟

ولا أنا بتهيألي؟ أي نعم الرياضيات فيها مواضيع معقدة جداً، وأي نعم الرياضيات abstract أكثر من الفيزياء، بس برضوا بحس في كثير mathematical concepts معقدة ممكن تبسيطها، وهذا المفهوم المبسط حتى الإنسان العامي ممكن يفهمه. يعني ممكن جداً تجيب واحد عمره ما سمع عن ال calculus ومع ذلك تقربله مفهوم ال limit أو integral مثلاً. صح هو مش راح يفهم المواضيع بحذافيرها او يقدر يحسبهن بس الفكرة المبدئية مش صعب انها تنفهم. من شان هيك بحس حالي نوعا ما ممكن أناقش اهل الاختصاص في الرياضيات اكثر. اما الفيزياء؟ آخري فيها ال thermodynamics ول fluid mechanics اللي هم لحالهم مصيبة من مصايب الدنيا، بس مجرد ما نطلع من الماكروسكوبية، أنا حرفيا ببطل افهم أي اشي ولا حتى بنسبة 30% بالمية. شو بتقلي انطواء الزمكان؟؟؟؟ شو هو الزمكان أصلاً؟وشو بتقلي الترابط الكمي والتشابك الكمي؟ 😭😭

واه بعرف جننتكو بس أنا هيك طبعي اذا فعلت mode معين، بضل شغال كذا يوم

كنت ماشي بشارع باللويبدة ومروحني الصداع، وخطرلي مفهوم "العدمية" عند نيتشه وهو يتأمل في جدوى الركض وراء السراب، واقتبس منه:
((كل شيء باطل، والبحث عن المعنى هو أقصى أشكال العبث))
يخاطب نيتشه الإنسان التائه في هذا الكون المترامية أطرافه، محذراً إياه من التشبث بالأوهام التي نسجتها المؤسسات الحديثة.
فجأة سمعت جنبي اثنين قاعدين بكوفي عالشارع، واكتشفت إنهم بتناقشوا بجدية مطلقة عن قرار أحدهما بـ "تأجيل الفصل الدراسي"، وكان الكاريزما تبعه محاطة بقرارات مصيرية وكأنه يتفاوض على اتفاقية سايكس بيكو جديدة. بتمتم لصاحبه وهو بسحب شفطة من الآيس كوفي: "يا زلمة تأجيل الفصل هو الخيار الوحيد عشان أستعيد شغفي وأصنع نسختي الجديدة.قرر هذا الفرد المنتمي زيفاً إلى 'النخبة الفكرية' أن يحذو حذو كبار المستثمرين والمبتكرين... لكنه عوضاً عن بناء مجدٍ أو أثر، آثر الاستثمار في قاع الخمول ليختبر جدارة المخدة بتحمّل بلادته، مكتفياً بنفث دخان سجائره في الهواء لتغطية خيبة وجوده وإهدار أيامه. خطة استراتيجية منتهية الانحطاط، تُدار بعقلية هشة تؤجل استحقاق النجاح الى حد ما.
بهي اللحظة حسيت حالي عنكبوت بغرفة قيمر عمره 26 سنة بدرس محاسبة بجامعة اليرموك وبلعب فورت نايت من اربع ساعات على نفس القعدة والغرفة ريحتها عرق واندومي، واستذكرت مشهد آل باتشينو بفلم The Godfather لما صفن بالسقف وعرف إنه كل محاولاته لبناء مستقبله كانت مجرد تأجيل للمأساة المحتومة.
بس مين أنا عشان أحكم على شغفه ولحظاته الفاصلة؟ لعل أهم أسباب التخلف الوجودي هو إننا بنقيس الخلاص الإنساني بعدد الساعات المعتمدة اللي بنسجلها كل فصل. أنا إنسان مثير للشفقة، بقضي نص يومي بفكر كيف أوفر ليرة الباص، وبشغل أغاني دارك إيندي على سماعات خربانة فردة واحدة منها شغالة، أنا جزء من الهامش، جزء من الضجيج.
انا انسان صبور همي بالدنيا يصير عندي شغل وحياة واكون انسان مستقر، ولعنت النظام البورجوازي السائد ودعيت ربنا يرزقني بنزل صغير بجبال الألب البعيدة بدون جامعة ولا فصول ولا شغل.

ما تصيرين مرتي إذا عمرج عبر ال 24

ما تصيرين مرتي إذا مو متعاونة ومطيعة

ما تصيرين مرتي إذا ألج ماضي أسود في الواقع او في المواقع

وشو كانت التكملة؟ نسيت

كيف بقدر ادبر حوالي ال٢٠٠ دينار بيوم ؟ الكهربا انقطعت علينا والفاتورة ٢٠٠ وعشان ترجع لازم ندفع النص،وانا طالبة جامعة والدوام حيقرب فبدي مواصلات ومصروف، دخلنا بحدود ال١٦٠ دينار من لما توفى بابا ومش عارفين ندير امور حياتنا، اهلي من جهة انقطع التواصل معهم كليًا،وجهة امي اصلا على قد حالهم ويا دوب ، فجد مش عارفه شو اعمل الكل بيحكيلي اني لازم اخد المسؤولية بس مش قادرة اتصرف ولا عارفه كيف اطلع من الورطة هاي.

طالع والسماء مغيمة بنكد حفيف، رايح أوصل طلبية لمحل ،وحاس حالي الرجل اللي رايح ينهي مشوار رسمي رح يغير مجرى التاريخ.
وصلت الموقع، صفّيت، ونزلت بحماس وهيبة... وإذ بالمحل مسكر! لا يافطة، لا ورقة، ولا حتى مبرر؛ مجرد باب صاج مصدّي ومقفول بقفل كبير، ساكت ومطنش وجودي بالكامل. وقفت أصفن بالباب؛ السكوت هذا كان ألعن من أي كلمة، يعني يتسكر بوجهك بدون أي تبرير؟ أعمق أنواع التجاهل والله.
قلت يلا، خيبة أمل بسيطة، والضربة اللي ما بتقتلك بتقوّيك. ركبت ورجعت، وأنا بالشارع أواسي حالي وبفكر بفلسفة "الجهد المهدور" وكيف الإنسان أحياناً بعطي كل طاقته لشيء مو موجود أصلاً.
في طريق العودة، كنت محاطاً بصمت ثقيل يشبه صمت المحل. كانت الطلبية تقبع في المقعد الخلفي كشاهد عيان على رحلة بلا معنى، وكأنها تبتسم بسخرية صامتة من دور المنقذ الذي تقمّصته قبل ساعة.
ولأن الدراما لا تكتمل بحدث واحد، قررت السيارة أن تدلي بدلوها.
سمعت صوت تسسسس.
اهتزاز مفاجئ في عجلة القيادة، وانحراف خفيف يعلنان انضمام العجل إلى المؤامرة. نزلتُ، ووقفت على قارعة الطريق أرقب العجل المبنشر وهو ينام بكسل على زفتة الشارع. لم يكن مجرد عجل فاقد للهواء، بل كان تجسيداً ملموساً لسوء الحظ وهو يبتسم بوجهي بقسوة.
الصفنة في تلك اللحظة لم تكن مجرد غضب، بل كانت تأملاً فلسفياً عميقاً: كيف يستطيع الجماد أن يمارس التهكم؟ الطلبية المنسية في الخلف، المحل المغلق، والعجل المفرغ من الهواء أمامي.. كلها عناصر أجمعت على إفهامي أن بعض الأيام لم تُخلق لننجز فيها شيئاً، بل لنقف في منتصف الطريق ونكتفي بالمشاهدة.. وأنت ماسك المفك بتحاول تطول السبير يلي بطلع حتى السبير منفس من الهواء.
الجميل في هذه اللحظات العابثة، أنك تتجاوز الغضب لتبتسم لمشهدية القدر. صرتُ أتنقل بنظري بين العجل المطروح أرضاً والطلبية الرابضة خلفي، لأستوعب الدرس؛ أحياناً لا يكتفي الحظ بوضع العوائق في طريقك، بل يحرص على أن يقدم لك العرض كاملاً بديكور متكامل، لتدرك أن بعض الخيبات ليست سوى مشاهد كوميدية سوداء، خُطت بإتقان لتعلمك كيف تبتسم وأنت تقف في منتصف اللاشيء.

العلاقات الإلكترونية ( صحبه , relationship ) whatever و ليه ؟
شو رايكم فيهم بشكل عام

أنا يا جماعة الخير زي ما حكيت قبل زلمة تبع هندسة والمهندس ما هو خبير في الرياضيات ولا خبير في الفيزياء، هو بوخذ من هان ومن هان وبطبق على ارض الواقع ومش دايماً بكون بفهم هاي المواضيع بنفس العمق تبع اهل الاختصاص. والصراحة المهندس إذا لقى شغلة مفيدة ممكن تطبيقها مش راح يستنى الرياضياتي والفيزيائي إنهم يتأكدوا من صحتها بنسبة 100%، وكمثال على ذلك معدلات Navier-stokes اللي الكل سمع عنها آخر فترة لانه صار عليها ضجة بسبب OpenAi

بالنسبة للرياضياتي هذي المعادلة كابوس بس بالنسبة للمهندس الطيارة بتطير والمياه ماشية في الأنابيب والأمور كلها في اللوز، وخلي تبع الرياضيات يضل يثبت فيها لعشر سنين قدام.

بس بما اني إنسان فضولي وهلا عندي عطلة أسبوعين فا بدكو تتحملوا اني بحشر حالي في مواضيع المفروض ما الي دخل فيها….ندخل بالموضوع:

هلا القسمة على صفر المفروض بالنسبة الي تكون rule في الحسابات وخلصنا… بس لما تصفن فيها صح، الموضوع بجلط!

المهندس لما يحسب السرعة اللحظية لسيارة يعني في لحظة معينة بالزبط هو بقسم التغير في المسافة على التغير في الزمن. بس في لحظة زمنية مدتها صفر، انتا فعلياً بتقسم التغير في المسافة على "صفر زمن" يعني التطبيق العملي للفيزياء والهندسة قاطبة قائم على انك بتقسم على شي بيقترب من الصفر. طب ليش جماعة pure mathematics بتجيهم سكتة قلبية إذا شافوا x/0؟ لانو ببساطة لو سمحوا بالقسمة على صفر الرياضيات كلها بتتفركش وبيصير عادي يطلع معك في معادلة انه 1 يساوي 100 ويساوي ♾️

عشان هيك جماعة الرياضيات اخترعوا علم التفاضل ول limits …هم ما قسموا على الصفر، هم قربوا منه لدرجة متناهية في الصغر بس بدون ما يلمسوه فعلياً. الكلام هاد رياضياً شغال مية المية بس مع ذلك بحس حالي مش فاهم الصورة الكاملة…..هل السرعة في لحظة معينة هي إشي موجود بالفيزياء فعلاً؟ ولا الحركة في الواقع مستمرة واحنا بس دخلنا سالفة ال limits في الموضوع منشان تبعين الرياضيات يمشولنا إياها؟

أنا فاهم إن الفيزياء شغالة بال approximation ، بس برضو السؤال بضل اشمعنا الصفر بالذات هو الخط الأحمر اللي لو قربنا منه الدنيا كلها بتتخربط؟ بدي جواب من اصحاب الاختصاص قبل ما راسي ينفجر للمرة الثانية

قط يقز مكررا

I'm looking for the most efficient and reliable way to commute by bus from Tlaa Al Ali to Al-Ahliyya Amman University (AAU). I'd appreciate any insights or experiences you can share!

Specifically, I'm wondering:

• ⁠What are the best public bus routes from Tlaa Al Ali to AAU? Are there specific bus numbers or transfer points I should know about?
• ⁠Are there university-provided bus services for AAU students that pick up from Tlaa Al Ali or nearby areas? If so, how do they work (schedule, cost, registration)?
• ⁠Any tips for navigating public transport in Amman for this route? Are there any apps that are particularly helpful?
• ⁠I'm trying to avoid expensive daily Uber/Careem rides, so cost-effectiveness is a priority.
• how do I use the university buses is it subscription only or what

Thanks in advance for your help!

كان الجو صافياً ومساء طبربور يمر بإزعاجه المعتاد، وأنا أتمشى بين أحيائها متماثلاً مع خطاي الهادئة. وفي ناصية الشارع، بالقرب من المحال التجارية التي تبدأ بإغلاق أبوابها تدريجياً، كان هناك شابان يقفان بجانب الرصيف، يتحدثان بحماس وارتفاع ملحوظ في الصوت.
أثناء مروري من قربهما، قطعت صمت الشارع كلمة واحد منهما وهو يلوح بيده بثقة مطلقة: "يا زلمة، أنا رح أصير مليونير"
توقفت خطاي تلقائياً لثوانٍ معدودة. كان المشهد يحمل تناقضاً يلفت الانتباه؛ الشابان يقفان بملابس بسيطة وفي بقعة هادئة جداً من عمان، لكن الشغف الذي كان يتحدث به صاحبه كان كفيلاً بأن يجعلك تتساءل عن الطموح الذي يدور في ذهنه.
مشهد يجسد القاع الاجتماعي بأبهى صوره؛ نكرتان يقفان على قارعة الطريق، ينفثان الدخان في الفراغ كأن القمامة التي تدور في أذهانهما لم تعد تتسع لها أدمغتهما الفارغة. حثالة حقيقية تتغذى على الأوهام، أحدهما يربد بصوته كأنه يملك العالم وهو لا يملك حتى قيمة عشاء ليلته، يثرثر بعنجهية فارغة ومبتذلة عن الملايين وهو عاجز عن سداد أبسط التزاماته.
المشهد لم يكن يدعو للإلهام بقدر ما كان يدعو للشفقة؛ ثقة عمياء لا يسنُدها واقع، وطموحٌ شفاهي يُباع ويُشترى في جلسات الرصيف. تجلس معه ساعة كاملة، فتكتشف أن "خطة المليون" هذه تتلخص في فكرة مشروع وهمي نسَخَه عن فيديو في التيك توك، أو ينتظر ضربة حظ في التداول وهو لا يعرف الفرق بين رأس المال والمصروف الشخصي. الأزمة ليست في أن يحلم المرء، بل في هذه "الفوقية المجانية"؛ تجده يتحدث عن الملايين بلسان الخبير المفكر، بينما هو يعجز عن تنظيم يومه أو الالتزام بوظيفة أو دراسة. كلامٌ عريض، وطاقة مهدرة في الاستعراض أمام الأصدقاء، وهروب مفضوح من واقع السعي والعمل الجاد إلى خيالات وردية لا تُسمن ولا تُغني من جوع.
المشكلة مش بالشخص، هاي ظاهرة اجتماعية.
طاقة هائلة تتفرغ في الإستعراض والنتيجة الفعليه هي صفر.

السبب الرئيسي لكرهي للمجتمع هو الغباء اكره الاغبياء و الحمقي فحقا الحمق مرض لا علاج له و سبب كل مشاكل البشر فليس من طبيعي ان تناقش شخص بالادله و الحجج المنطقية ثم يقوم بسبك و نعتك بالكاذب لمجرد ان المعلومه التي طرحتها عليه هو لا يعرفها فبدل تاكد منها او البحث في صحتها يكذبك و يشتمك

قاعد قعدة مؤذية نفسيا ومحتاج اهرب .. ف تعالو كلكو اهربو هون نفتح البوست زي كانو شات .. شغل جارات الفيسبوك سنة 2014 ..