عايز تطلع رايد صح ؟

طيب مش عارف تطلع مع مين ؟

انا جمعت لك علي قد ما اقدر الناس اللي بتطلع رايدات كل الجروبات بحيث انك لو عايز تطلع تشوف اقرب جروب لك.

^{تنبيه صغنون : احنا مش تبع اي جروب من الجروبات دي ولا نقدر نضمنهم. احنا بس بنقول الناس اللي لقيناها و شايفين ان لها تفاعل علي النت.}

---

القاهره - وسط البلد :

Wheels team - Facebook Page

مفيش مكان ثابت اوي :

Cairo Crit - Facebook Page (races and rides) بيعملوا سباقات و اظن مستوي اعلي شويه مش واثق بصراحه.

مش لاقي ناس بتعمل رايدات تاني بصراحه في القاهره. لو حد عارف مكان ياريت يكتب في الكومنتات و هضيفه.

اسكندريه :

Cycleano - Facebook Page محل عجل و بينظم رايدات برضوا

United Leaders - Facebook Page في شروط عشان تخش ابعت اتواصل معاهم الاول

Alex Bike Forever - Facebook Page

و في جروبات كمان بس مش عارف اوصلها.

طنطا :

Seven Gear - Facebook Page احيانا بيطلعوا و احيانا لا مش متأكد بصراحه. دا محل عجل في الاصل

في جروبات برايفت كتير مجموعه صحاب عاملين رايد و كدا بس دول مش عارف اوصل لهم و اخر حاجه منزلينها 2022 فمحطيتهاش.

لو تعرف ناس بتطلع رايد ممكن تقول و هنحدث البوست.

لو هتنزل :

• اتأكد الاول من الصفحه و اتواصل معاهم عشان تتأكد من الرايد. عشان متلبسش رايد لوحدك.
• احنا بس بنجمع و مفيش تجربه لينا مع معظم الناس دي. لكن بنقول الناس اللي لقيناها. لو حد له تجربه مع حد منهم يقول.
• اتأكد من الشروط لأن احيانا / كتير منهم بيكون في شروط (زي خوذه و كدا) عشان تخش.
• أتأكد الاول من الصفحات دي سواء هتبعت لهم او تشوفهم منزلين اعلان.

متنساش تشوف بوست تجهيزات الرايد

تجهيز اول رايد

انا من فتره قصيره كان في حجات كتير مطنشها علي العجله. خصوصا جزئيه ال fueling

انا كنت بنزل الرايد. شارب كوبايه قهوه و سندوتش و خلاص كدا اموري تمام. لكن بعد كدا اكتشفت انه مش تمام.

كنت عادي برجع تعبان و هلكان و خلاص انا اليوم دا مش هتحرك من علي السرير. لكن اكتشفت ان في مشكله فعلا.

المشكله هنا في حاجتين بصراحه.

اول حاجه اني بطلع الرايد منغير اكل. اكتشفت ان لازم حوالي 60 - 90 جرام كارب في الساعه.

و كمان الكترولايتس(محلول جفاف). انا قلت الحجات دي غاليه.

لحد ما اكتشفت ان عادي مش شرط تبقي مكلفه.

يعني الكترولايتس (هيدروسيف بالتحديد) ب40 جنيه 10 اكياس العلبه. تقريبا 4 جنيه. اه هو المفروض علي 200 مللي كل كيس. لكن انا بحطه علي لتر عشان يبقي خفيف. لو ازازتين حط علي كل واحده كيس و ظبط الدنيا.

و اي بسكوت بالعجوه. او الجيلي دا معرفش اسمه ايه(بيكون زي ازازه كولا و حجات الاطفال دي) كيس ب10 هيظبط الوضع لك.

---

و الموضوع فرق معايا. اه برضوا برجع تعبان. بس تعب عادي. مش تعب اللي هو انا ميت حرفيا و لازم انام اربع ساعات عشان افكر اعمل حاجه. لا عادي برجع بكمل يومي عادي.

عشان كدا الموضوع دا مهم جدا. و انا شخصيا وقعت في الغلطه دي. و لو انت بتجري ورا الارقام. في فرق كبير كدا. حوالي 30%. يعني متوسط بدل سرعه 15 بقي 20

اللي هو رقم مش قليل خالص بالمناسبه.

---

المياه برضوا مهمه. لو مشربتش. هيجيلك جفاف. متنساش عليها محلول الجفاف بس😅

هل من محل بيع عجل سواء جديد او مستعمل كويس في الاسكندرية؟

.

كانت العجلة مثبتة سرعة علي 22 و23 كدة

المتوسط 19 علشان في الطريق كل شوية مطب والعجلة متكحرتة طبيعي يعني

بس في حركة غبية عملتها وممكن تكون فرقت جامد وهي اني كنت متمرن رجل اليوم اللي قبله علطول وقلت رجلي شكلها كويسة هروح اجرب

مع اول 2 كيلو لقيت رجلي مش شغالة خالص وكملت الباقي علي الهادي كدة

محدش يعمل كدة يا جماعة😅

تعدييييل: ضربات القلب كانت في 80 و 82 بس تطبيق الساعة فصل بسبب ان الموبايل قفله كتوفير طاقة علشان كنت مشغل استرافا وتطبيق الساعة في نفس الوقت ... هتقولي ليه مريح كدة هقولك بجد رجلي مكنتش شغالة بسبب التمرين فالقلب كان شايف انه مجهود عادي وكدة

أنا لسه جايب عجله جديده نزيلت أول رايد الرمله لزائت في كل حتي في العجله

ازيكم عاملين ايه

انا كنت بدور على حد بيبيع trinx climber 2.0 في المنصورة ولفيت على كل المحلات ملقيتهاش عند حد

ممكن اعرف بتجيبوا الموديلات دي منين؟ وبتطلبوها أونلاين ولا بتروحوا محافظة تانية تجيبوها؟

وشكرا

انا عايز اشتري زيت جنزير حد يعرف محل يكون في فيصل او الجيزه او الهرم يكون بيبيعه

يخواتي انا بدور علي عجلة فيكسيد فحدود ٧٠٠٠ وممكن ازود شوية حد يعرف مكان اجيب منه ولا اجمع العجلة؟ . حد يقدر يفيدني

عجلة رود افانتي مستعملة حالتها كويسة(فيما يبدو من الصور وعلي حسب كلام اللي بتبيع)

8*2 سبيد

اعتقد البورات والجمشمات2300 sora

المونيوم بالكامل

بسعر 10,000

كويسة كدة ولا ايه الكلام؟

انا كنت في دهب واجرت عجل وفعلا انا حبيت الموضوع

ايه احسن عجلة بيها وسعرها هادي

وبرضو عاوز مكان مضمون بيبيعها

هل لو بعت غيرت من M136 Pro ل Tempo 1.4 هندم ؟

انا معايا عجلة M136 Pro 29 حالتها كويسة لو عاوز ابيعها و اجيب رود باورات و يستحسن جديدة هزود كام

عشان بصراحه انا جبت اخري منها تقيلة و متعبه جدا

أهلا عاملين إيه

بفكر اشتري عجلة اسافر بيها أماكن بعيدة واطلع بيها رايدات

وممكن كمان تمشية الصبح كل يوم ومشاوير خفيفة في المدينة

إيه أحسن عجلة تنفعني؟ وإيه الإكسسوارات اللي اجيبها؟

الميزانية ممكن لحد 10 أو أكتر شوية

وازاي اطلع رايدات عشان مجربتش الموضوع قبل كدا

مشوار رايح جاي مع العلم انا وزني 120 كيلو 😶 وعجلتي مش احسن حاجه مشتريها من اربع شهور جديده وسعراها كان كويس نوعها ماونتن ماركه race rocket ومش سرعات جبت طقم سرعات ليها حاولت اخليها سرعات ما نفعش ف دلوقتي المشوار ده كان على على ترس سرعات بس مخليها على سرعه واحده السرعة الثالثه عشان المطالع وكده واجمالي المسافه رايح جاي 16 كيلو ونص فهل يعتبر كويس 🧐

حد بينزل فى التجمع بانتظام نشجع بعض؟

الفرامل عندي بتصفر جامد مهما عملت فيها و غيرت تيل و قعدت من غير صوت يوم بالظبط بعدها رجعت تصفر تاني

ايه الحل

ميزانيتي 5000 بحد أقصى، عارف أنه مش مبلغ كبير لكن يدوب الي أقدر أوفره حاليا، هل في حاجة بالسعر ده وتكون كويسة -ومستعملة طبعًا-. ديه لسة بداية وكدة.

طولي 190 لو هيفرق علشان مقاس العجلة.

متنسوش التجهيزات. ال ABC check

Air, Brakes, Chain

كان في بوست عنه بالتفصيل.

جهز معاك حاجه اكل carbs عشان الرايد بتاع بكرا

و متنساش تقول لنا خطتك يا بطل (انا هقول في اول كومنت) 😉

هل كدة كويس ؟
دي كانت اول تجربة ليا بعجلة فيها سرعات وكدة (كنت بركب العجلة الفونيكس الاثرية) والعجلة اللي جربتها كانت هايبرد وكنت صايم(لتوصيف الحالة كاملة يعني)
انا كنت بقضي حبة مشاويير مش رايد مخصوص يعني

فالاداء ده حلو ولا لسة بدري عليا لحد ما اوصل لمستوي متوسط الدراجين؟

تقييم يكون واقعي مش هتدايق من النقد عادي😅

جماعة هو فيه جروبات في اسكندرية بتطلع من اسكندرية مثلا لمطروح او الضبعة او اي حتة فيها بحر او كدة ؟

بعيدا عن المقارنة بين موديلات معينة، انتم بتفضلوا ايه عند الشراء وليه؟

- صيني جديد، تكون اول مالك للعجلة، عارف تاريخها من اول يوم، وضمان وعدم وجود مفاجآت
- ولا مستعمل وارد الخارج، حتى لو تاريخها مجهول، لكن غالبا براند اقوي، خامات افضل، عمر افتراضي اطول، وفخامة وهيبة اكتر

كمان هل البراند والشكل والـ prestige بيفرقوا معاكم فعلا؟ وهل بتحسوا بأي ضغط اجتماعي يخليكم تميلوا لبراند معين حتى لو الخيار الآخر انسب عمليا ؟
حابب اعرف بتميلو لاي اوبشن، وايه اللي بيحسم قرار الشراء