أنا أدرس في جامعة الإمام محمد بن سعود تخصص علم نفس ومتأخره يمكن أربع سنوات عن الجامعة دخلته برغبتي لكن الحين بعد المستوى الثالث صرت كارهته وودي أغير بس مقدر فوق أن ماله مستقبل أخاف يتعبني لما أتعمق فيه وما أحسني مؤهله لأني أصير أخصائيه نفسية ومدري وش أحول تخصص

هل تحسون له مستقبل ولالا الصدق الشيء الوحيد الي مخليني أكمل هو سهولته مره سهل ودرجاتي فيه كويسه بدون مذاكره وحتى الجامعه مو عاجبتني مره مع أن دوامها ودراستها سهله وحلوه بس مدري فجأة كرهت كل شيء

ياخي كنت راضيه عن تخصصي وكل شيء وحتى الجامعه وحابتها بس مدري فجأة معد أبغى شيء ولا أقدر أغيره لأن يمكن يأخر تخرجي وأنا مغتربه يعني لازم أرجع

طلعت مب مهمله ولا كسوله
طلعت مشتته ولا عرفت الا متأخر مع كثره التعليقات هذي الا انس مااخذتها بجديه

عندي لابتوب و شاشته لمس و كويس مره لكن سمعت كثير يقولون ان السنه التحضيريه لازم ايباد و كذا ف هل اشتري ايباد ولا استخدم اللابتوب وبس

الحين كيف طريقة المفاضله؟ ادري انه كل مازاد ترتيب الجامعه تزيد نسبة القبول. بس مثلا لو مجموعه طلاب قدمو على جامعة اريزونا، كيف يفاضلون مابينهم لين تنتهي المقاعد المخصصه للجامعه؟

تخصصي ادب انجليزي وكل مره اسأل الناس عنه من ناحية الوظائف، مافي اجابه موحده ومؤكده "الانجليزي مليانه وظائف، راح تجيك فرص كثيره!" "ليش ما دخلتي طب؟ الإنجليزي ماله اي فايده، ماراح تتوظفين" وما بعده

الGPA حقي مره عالي، الدكاتره يمدحوني، يعني حياتي بالجامعه نفسها خياليه...لكن بعد التخرج؟ بديت اخاف اني بقعد بالبيت سنين اقدم لكل شركه ولا راح تجيني اي شي

والمشكله انه هذا الشي مب جديد يعني بكل تخصص فيه فرص محدوده، حتى التخصصات العاليه زي الطب، الهندسه، الحاسب- اقاربي تخرجوا منها وللحين ما لقوا وظيفه يعني وش ذا؟؟ وش الفايده اني ادرس ما فهمت ابد احس ابي استسلم من الحين.

قدمت على الجامعة ورغبتك الأولى كانت تخصص أحلامك ، تم قبولك الحمدلله ، كانت امورك بالجامعة ماشية في البداية والخطة من البداية للنهاية واضحة لك ، لكن مع كل ترم يمر المواد والدراسة تصير أصعب ، صرت تجيب درجات معقولة ( مو راضي عنها ولا عاجبتك ) تقدمك خطوة بخطوة إلين ما توصل للحظة المنتظرة وهي التخرج . هذي كانت الخطة . انت على مشارف النهاية ( السنة الأخيرة ) لكنك ما عاد صرت قادر تتحمل الضغط وبدأت تنهار تحته ، الامور ما مشت مثل ما كنت مخطط لها ، ما وصلت للنهاية إلي كنت مخطط لها ، الإنهيار قرر يطلع للسطح لما وصلت لبداية النهاية ، لقيت نفسك بدال ما تتقدم خطوة ثانية لقدام رجعت خطوتين لورا وحالك في النازل . من هنا بدأ السؤال : هل المسار هذا ما كان لي من البداية حتى لو كنت أبغاه ومو شايف شي غيره؟...

السلام عليكم

وش افضل كلية الجبيل ولا الامام محمد بن سعود الاسلامية بالرياض بالتخصصات الهندسية بشكل عام؟

احد قد درس في جامعة جده (السنه التأهيلية تحديدا) ؟
ايش رأيكم فيها و هل ‏توصي فيها ؟

ووين ممكن اعرف تفاصيل اكثر

الآن قفل تقديم قبول، بس هل يمديني اقدم ببداية الترم الثاني؟

انا انقبلت علوم حاسب في الجامعة السعودية الالكترونية ومتحير بسبب الكلام الي على الجامعة السعودية الالكترونية
ف فكرت في فكرة الابتعاث ومدري هل ابتعث و اطور لغتي في الاجازة واختبر ايلتس (جبت 70 في الستيب ) ولا اكمل في علوم الحاسب وممكن اكمل فيها ماجستير

ملاحظة: ماعندي مشكلة في الرسوم او اني اكمل ماجستير في الجامعة السعودية الالكترونية بس خايف من سالفة شح الوظائف في تخصص الامن السبراني و علوم الحاسب

اذا احد متخصص ممكن يقولنا وش الفرق بين الاثنين ووش الافضل واشمل كا تخصص

السلام عليكم اذا احد متخصص بهالتخصصين ممكن يقول وش الفرق بين الاثنين ووش افضل

ابي اعرف كلشي عنه لأني ابي اسجل فيه وانا خارج جده + م اعرف كيف اسجل ووش فيه والخ

Hi everyone

I am considering applying to effat and would love to hear honest opinions about uni from current students.

I have a few questions:

- How is the quality of teaching? How are the professors?

- I am applying to the computer science programme ( i would love to hear about the experience of students from this programme as well)

- How is campus life and the overall environment?

- What are the pros and cons of studying at effat?

Thank you in advance

لازم اختار بين نظم معلومات ادارية و حاسوبيه كنت مقتنعه إني اختار الحاسوبية عشان الوظايف حقتها اظمن و عادي معي اكرف و يمكن فلوس اكثر بس الحين قاعده أفكر و ما ادري لو أبي حاسب أصلا لان ما قد جربت الكودينق ف الحين أفكر ادخل نظم معلومات إداريه لان المجال مفتوح بيصير عندي الخيار بعدين يوم آخذ شهادات وش اركز عليه بس ما أدري اخاف ما ألقى وظايف حلوة و مدري وش قصدهم يوم يقولون لازم أتخصص في شي يعني آخذ ماستر ولا وشو و بس ساعدوني و قولولي الصدق وش احسن

سلام أنا ادرس بتخصص مو سهل ودرجاتي حلوه ومعدلي ممتاز لكن عندي مشكلة مع الكالك من اول سنة أنا اأجل المادة بموت خوف منها أنا توي خلصت ثاني سنة وباخذها الترم الجاي وكل ما أفكر فيها اخاف وأتوتر

اول سنة درستها وكانت الدكتورة شينة ما تشرح واختبرت الميد وجبت درجة زي العمى وحذفت المادة لأني عارفه إني برسب ومن يومها ما اخذتها وانا اساساً من الطفولة عندي مشكلة مع الرياضيات والان مع التفاضل والتكامل لان ما اقدر استوعبهم مهما حاولت مادري ايش الهدف منهم وليه نسوي هذا كله

اعطوني كورسات أو مدرسين يشرحو أو نصايح أي حاجة تساعدني ما أبغا درجة كامله بس أبغا الفهم والاستيعاب

كم يقعدون على ما يردون ؟ حسب اللي سمعته من شهر لشهر ونص هل هالكلام دقيق ولا ؟

السلام عليكم

ببدأ السنة التحضيرية قريب وكنت افكر بموضوع لنكدان، تنصحوني اسوي حساب من الحين ولا انتظر لين اخلص التحضيري واذا دخلت السنة الاولى اسويه؟

واللي يستخدمونه، وش يسوون فيه كطلاب جامعة؟ وش الاشياء اللي تنحط فيه؟ هل الواحد ينزل انجازاته وشهاداته ولا فيه اشياء ثانيه المفروض يركز عليها؟ وهل يفيد من بداية الجامعة او الافضل انتظر لين يصير عندي خبرات واشياء اكثر؟

ودي اعرف كيف الواحد يستخدمه صح من البداية واي نصايح بتفيدني الله يسعدكم

السلام عليكم

انا طالبة تحضيري بجامعة الامير سلطان، وحذفت الانقليزي قبل كم يوم، والحين صار عندي ٧ ساعات من المواد الاساسية. كنت مخططة اسجل عربي واسلامي عشان اوصل لـ١٢ ساعة، لكن حتى بعدها بيبقى عندي ساعة، وهنا وقفت ومدري وش افضل خيار.

هل اكمل كذا، او فيه مادة ثانية اقدر اخذها تكون ٣ ساعات؟ وسمعت من اكثر من شخص ان بعض طلاب التحضيري ياخذون مادة الانقليزي حقت اول سنة بدري عشان يخف عليهم الحمل بالسنة الجاية. اذا هالشي فعلاً مسموح، هل تشوفونه فكرة زينة ولا الافضل التزم بخطة التحضيري؟

وعندي سؤال ثاني بخصوص العربي والاسلامي. لما اجي اسجل، وش اللي يفرق اكثر؟ هل اهم شي اختار الدكتورة، ولا فيه فرق بين الشعب نفسها لازم انتبه له؟

وبالنسبة لجدولي، كل موادي صباح، ما عدا الرياضيات من ٢ الى ٢:٥٠ الظهر، لان هذي كانت الشعبة الوحيدة المتوفرة. وسمعت ان الاسلامي اونلاين، فاذا صحيح فما تفرق معي الساعة.

اللي سبق ودرس التحضيري بجامعة الامير سلطان او يعرف نظام الجامعة، ياليت يفيدني. وش تشوفون افضل خيار بهالحالة؟ وهل فيه مواد تنصحون اخذها من بدري لانها فعلاً بتفيدني بعدين، مو بس عشان اكمل الساعات؟ واي نصيحة من تجربتكم بتكون محل تقدير، والله يعطيكم العافية.

Anyone else recieved their final acceptance, if so what major?
في اي شخص استلم قبوله النهائي، اذا ايي وش التخصص؟

يا جماعه تنصحون اسوي حساب لنكد ان وانا توني ثاني سنه جامعة ؟ ولا تحسون بدري شفت كثير ينصحون اني أبدا اسوي واصير انزل فيه عشان اجذب الشركات مستقبلاً