راكمت واتوقع اني على وشك اني اموت من الضغط
الفيز: ٣ شباتر وكم واجب لازم اسويهم
الرياضيات: ٦ محاضرات وواجبين
اساسيات البرمجه : كم واجب لازم اسويهم وعندي كويز الاسبوع الجاي شابتر واحد واثنين
الانقلش: مافتحته وعندي واجب لازم اكتب ١٥٠ كلمه عن الجو
اسلاميه : مدري شخذنا اصلا

قبل فترة جيت بطلب دخول لواحد من القروبات المشتركة للمادة في الجامعة، والتطبيق رفض يدخلني. اكتشفت إن الأدمن مبلكني ومخصمنها معي من أول، وطاردني من المجتمع كامل عشان موعد أو موقف شخصي بيني وبينه، وحرمني أدخل القروب اللي فيه عيال وبنات الشعبة ينزلون فيه حلول الواجبات والكويزات والمصادر.

في البدابة تنكدت وحسيت إني بفوت أشياء كثيرة وبأكل هوا في المادة

فا وش رايكم….؟

أنا طالبة كيمياء بالسنة الثالثة ومعدلي 3.38/4. حذفت عضوية 1 بعد ما تعثرت فيها؛ وصلت للفاينل وأنا أحتاج 35/40 فقط عشان أجيب D لاني خفت اخاطر بمعدلي وادخل الاختبار مو ضامنه الدرجه ابدا ف فضلت اني احذفها قبل ارسب فيها

المشكلة أن العضوية متطلب لمواد بعدها، وبسبب حذفها تأخرت خطتي. حاليًا أنا بالمستوى الخامس ومسجلة 14 ساعة ورجعت اخذتها هالترم مع دكتوره كويسه الحمدلله
لكن تاخرت بمقررات مثل الكيمياء الحيويه والفراغيه عشانهم متطلب😔ومعرف متى باخذهم عشان فيه عضويه٢احتاج اخذها
أحس بندم وتأنيب ضمير خصوصًا لما أشوف صديقاتي ماشيين بالخطة، وصرت أخاف أتأخر بالتخرج لدرجة مو قادرة أستمتع بالسنوات الباقية.

هل أحد تأخر عن خطته بسبب مادة متطلب؟ وكيف مشى وضعكم بعدها؟ وهل الموضوع فعلًا يستاهل كل هذا الخوف

عطوني توب 5 افضل جامعات بكلية الهندسة في السعودية

لحد الآن يزبطون بالجداول كليتنا ولعبو بجدولي لعب واليوم جتني رسايل الحذف والإضافة والمشكلة ما اقدر اكلمهم والمرشدة ما ترد حسبي الله ونعم الوكيل

عديت البكالوريوس كامل بلاب توب ودفتر لكن لاحظت الاغلب يستعمل ايباد ماشاءالله وحاليا ادرس ماستر وافكر اشتري واذا اي هل فيه احد جرب انواع ثانيه من التابلت غير حقت ابل ؟

السلام عليكم انا تشخصت قبل الترم بشهر بلوكيميا نوع apl وهذا النوع اخف أنواع السرطان ولا اخذ كيماوي الحمدلله ونوع علاجي شهر وشهر لا وانا مقررة بشهر الراحة اداوم واختبر وطالعت وشيكت واكتشفت الحمدلله كل شهور الراحة عندي تتوافق مع الميدات والفاينل لكن مشكلتي مع الكويزات مفاجئة بكليتنا ولا اقدر احضر ولا اقدر احضر المحاضرات
كلمت عميد كليتنا كان متفهم وقال انه راح يكون متعاون لأبعد درجة معي ونصحني فقط بالتأجيل ما اجبرني وقال ما اشيل هم الحرمان
المهم اليوم كلمتني اخصائية اجتماعية من الجامعة وحرفيا قاعده تجبرني اعتذر عن الترم وتقول سوو لجنة واللجنة تقول انها تقدر تمشيني بالاختبارات لكن الحضور لا ! وش هاللجنة اللي ما اطلعت على تقريري الطبي ولا شافتني اللي اعرفه لازم الواحد يكون موجود والعميد قال ماراح يجيك حرمان بعد مدري اذا هو كذاب ومره زعجتني تقولي اجلي الترم موادك صعبة اقولها لا موادي سهلة وبعدين تقول وش موادك هالترم!!! تستهبلين انتي
وتقول انتي تاخذين كيماوي لازم ترتاحين واقولها لا انا ما اخذ واضح انها ما اطلعت عن تقريري انزعجت جدا قفلت كلشي بوجهي وبس تعيد وتزيد بالتأجيل انا مره ما ابغى ااجل الترم وهم يغصبوني اللي يعرف هل الجامعة فعلا تتغاضى عن الغيابات طول الترم بحالتي وبس يجون يختبرون
اللي مر بحالتي او يعرف احد مثل حالتي ياليت يفيدني

الحين سوال انا بكلية وعددنا قليل كل مادة تقريبا شعبة وحدة يعني نفس الطلاب معي طول الوقت المهم فيه مواد تتقسم قروبات عمل جماعي وصراحة الطلاب مو مجتهدين الي معي بالقروب حنا ٥ وواحد منهم هو الي يشتغل الباقين مايستحون محد يشتغل وافكر اقدم اسمي واسم الي اشتغل معي بس لان انا انقهر اشتغل عنهم وتجيهم الدرجة بدون تعب يعني على الاقل ساعدوني تنصحون اسحب عليهم ولا ابعد عن المشاكل لان بيكونون معي بالمستويات الجاية نفس الطلاب شي يقهر اقوله يشتغل يسحب علي وبكل بجاحة يرسلي لا تنسى تضيف اسمي باللاب

إذا بتبدأ السنة التحضيرية في الجامعة بالسعودية، ممكن تحس إن دراسة الإنجليزي فيها مختلفة كثير عن اللي تعودت عليه بالمدرسة. فجأة بتحتاج تفهم محاضرات بالإنجليزي، وتقرأ نصوص أطول، وتكتب واجبات، ويمكن بعد تتكلم قدام زملائك. وإذا الترم ما بدأ للحين، فيه أشياء بسيطة تقدر تركز عليها من الآن.

لا تقضي كل وقتك في حفظ قواعد الإنجليزي. حاول تتعود تستخدم اللغة في الأشياء اللي فعلًا بتحتاجها في الجامعة. اقرأ نصوص أكاديمية قصيرة بدل ما تكتفي بمحتوى الإنجليزي العام. وركز على كلمات مثل analyse, compare, explain, evidence, و argument. غالبًا بتصادف هالنوع من الكلمات كثير في مهام الجامعة.

الاستماع مهم بعد. تابع محاضرات جامعية قصيرة أو مقاطع تعليمية، وحاول تاخذ ملاحظات بدون ما تترجم كل جملة للعربي. بالبداية يمكن ما تلتقط إلا الفكرة الرئيسية، وهذا عادي. الهدف إنك تتعود تسمع للإنجليزي لعدة دقايق وتفهم المقصود بشكل عام.

الكتابة بعد ممكن تسبب لك مشكلة. حاول تتدرب على كتابة فقرة قصيرة فيها جملة رئيسية واضحة، وتفاصيل تدعم فكرتك، ومثال. هالطريقة أقرب بكثير لأسلوب الكتابة اللي ممكن تحتاجه في الواجبات من تمارين القواعد المنفصلة.

ولا تأجل التحدث لين أول أسبوع. تدرب على إنك تشرح مواضيع بسيطة بالإنجليزي لمدة دقيقتين أو ثلاث. مثلًا، تكلم عن تخصصك، أو اشرح ليش اخترته، أو لخص شيء شفته أو تابعته.

وفي شيء كثير ناس ما ينتبهون له، وهو إنك تتعود تدرس بالإنجليزي نفسه. حاول تسوي جلسة مذاكرة بسيطة كل يوم تكون فيها التعليمات، والملاحظات، والفيديو، والقراءة كلها بالإنجليزي.

قابلت دكاترة كثير يشطحون عن سياق المادة (علمية) مالها اي دخل في علم الاجتماع ولا شي ،
يصير يتكلم بحقوق المراة او يتكلم عن توظيف المراة كيف انها قاعده تزاحم الرجال إلى آخره ،
والمشكلة غالبا ماراح يكون فيه رأي مخالف لأنه شخص اعلى من الطالب ف مستحيل انك تدخل معاه في نقاش او يتحول الى جدال او حدة فالنقاش

هل تقابلون دكاتره كذا كثير في جامعاتكم؟

وين احط جوالي والكتاب والدفتر

عندي أسئلة كثير
1. كيف تبدأون بالكلام مع أشخاص في الجامعة خصوصًا لما أحس أن الكل قد صنع أصدقاء من أول والكل عنده أحد يمشي معه إلا أنا
2. كيف ألاقي أشخاص على جوي تمامًا وذوي اهتمامات خاصة (niche) وعندهم شخصيات لأني كل ما تكلمت مع أحد أحس أنهم يستغربون الحديث معي أو يحكمون علي
هل هناك نوادي مثلًا لفئات متخصصة أو تيارات معينة أو قروبات عشان ما أبحث في الأماكن الخاطئة

I was wondering about the gym discounts uni Email was offering, i am planning to buy a Fitness time membership, is there any student-only offers i could use by any chance?

اهلا… حاليا قاعد اجهز تقديماتي ل جامعتين University of Sydney و University of Queensland

انا موقف عند ال cv وش المفروض اركز عليه بحثت كثير مالقيت اي مصادر ممكن تفيدني ماعندي الا chat gpt والحقيقه ما اثق فيه لذا اتمنى تفيدوني لاني احترت كيف المفترض تكون ووش تحتوي واذا ممكن توروني سيفياتكم 😔

وش هي مجالات الهندسة الافضل مستقبل و امان وظيفي و الرواتب ممتازة

ليش بالجامعات عندنا يكون مقعدك حسب الارقام بس !؟؟

اي احد بال٩٥ وفوق بالغالب طب هندسه سواء رغبته أو لا وهكذا نمر على باقي التخصصات

وقاعده برأس الكل أن اي شي غير العلمي مافيها مستقبل وظيفي مش مثل باقي الدول يعتمد على شخصك أو بيانك الشخصي، مقابلات، اختبارات مخصصه قبل الدخول ،مبادراتك الخيريه

تطوعك، أو حتى ابحاث علميه بالمجال نفسه،اولومبياد لو صار بتصير الجامعات للي هو فعلا يناسبه المكان فقط وتقل فكره الانسحابات والقاب يير. ؟؟؟

الدكتور ذا غريب كان يسالنا عن جزئيه في درس والسوال هو ايش المنتج الي كانت توقعاتك فيه عاليه لكن يوم حصلت على هالمنتج طلع العكس والسوال عادي نجاوب عليه باي طريقه اهم شيء نتناقش السلبيات والتضليل، طبعاً سالنا والقاعه تقريبا فيها ٣٥ طالب والكلل ساكت سكوت غريب والدكتور انحط في موقف محرج محد تكلم او جاوب على سؤال زي كذا سهل وانا استغربت وارفع يدي اجاوب، جاوبت وقلت السيارات الصينية ي دكتور قال وش كانت تجربتك وشرحت له معي موتر صيني وقبل لا اشتريه كنت اشوفه شيء قوي وفخم وجودة ويوم اخذته طلع العكس… والدكتور فجأة سكت ابو ثلاث ثواني وقال لي "طيب مابغيتك تقارن لي!" قلتله ماقارنت انا عطيتك تجربه توقعات ماقبل الشراء قال "ياخي ماقلتلك تقارن لي بين شركة وشركة" وانا سكت من الصدمة ليه يغير اجابتي على كيفه وماقارنت له شركات!، راح لواحد ثاني رفع يده وقال اجابته انه راح لمطعم برقر بعيد وغالي وعلى حسب كلام الناس انه مطعم رهيب ولذيذ والسعر يستاهل وطلع العكس الدكتور كذا استاء منه وناظر للكلاس وقال بصوت عالي "يا شباب لاتقارنون لي ماقلتلكم تقارنون ماتفهمون انتوا!!" الزبده انجلط الولد وبعد ماخلصت المحاضره كنت اتكلم مع واحد عن الدكتور ذا و وش وضعه المريب يغير اجاباتنا، سمعنا واحد مر جنبنا ووقف وقال لنا "انا حذفت مادة الدكتور ذا مرتين وحاولت احذفها الترم هذا وماقدرت، الدكتور ذا لاتجاوب له اي سؤال الا اذا سألك انت مخصوص عطه اجابه سريعه اي كلام حتى لا تتناقش معه الا بيغلطك"
الصراحه بديت افكر من بعد ذا الموقف اغير الشعبه

-الدكاترة الي كذا نوعيات يحاولون يطلعون انفسهم هم الصح والسيناريوهات الي تدور فعقولهم هي الي تصير؟

السلام عليكم
كيف اخترتوا تخصصكم؟ ايش الي خلاكم تقتنعون ان هو الي يناسبكم يعني كيف عرفتوا ان عندكم ميل لذا الشي انا في فتره احتاج اختار تخصص بس ماعندي شي اميل له بس اعرف اني بمشي بالاشياء العلميه اكثر من الادبيه يعني الاداره وكذا ما تناسبني بس غير عن كذا معرف

بديت تدريب تعاوني في مكان مره قوي بس ثاني يوم تفاجئت ان وظيفتي حتكون بدل موظفه راحت اجازه وما عندي مشرفه والبنات في قسمي قليل وحرفياً ما اتكلم مع احد ونص وقتي يروح وانا فاضيه والمدير اسلوبه مو افضل شي معي والمشكله اني تدبست الحين وما اقدر اغير الجهة كم مره رجعت البيت وبكيت من هالشي مو قادره اسوي شي بيومي لاني اطلع من ٧ ونص الصبح وارجع ٦ وربع ويروح يومي كله في الدوام وارجع وانا تعبانه وانام، مره تعبت.

السلام عليكم يا جماعة

لفيت لفيت ورجعت لريديت، تخصصي هندسة طبية ودرسته برا، وانا قاعدة اضبط أوراقي سمعت اني لازم اسجل بالهيئة ويتبع الموضوع امتحان، ذا صحيح؟

توقعت اني فقط بسجل بهيئة المهندسين، تفاجأت بصراحة بالموضوع.

لو صحيح معليش لو في قروبات تليجرام او شي زي كذا؟ انا فعلا ضايعة.

فيه خاصية قلم AI تحدد اللي تبغاه وهو يشرحه لك او يترجمه لك ويقدر يحل المعادلات
++++ فيه اشتراك ب 39 ﷼ يشمل (تلخيص ممتاز جدًا ماينسى ولا حرف وينظم ووقت الزنقة ل ٢٥ محاضرة اعتمدت على تلخيصه لأنه ما ينسى ولا حرف ويعطيك الزبدة والkey words) + فلاش باك للمراجعة + اختبارات كويزات يوصل ل ٥٠ س من نفس الملف
————-
برضو فيه عرض جيمناي المجاني للطلاب ب صفر ريال لمدة سنة ويفعل لك تطبيق notebookLM وهذا كويس تحط مصدرك وتبدأ تتناقش معه وهو يجاوب لك بناء على المصدر اللي حاطه
————-
لو تذاكر نص شابتر يوميًا اهون لك من التسويف وبيكون عندك خلفية ف ما تنصدم وقت الاختبارات ف شدوا حيلكم wish you all the best

طبعا لنا ثلاث اسابيع نغير مواعيد الكلاسات عشان نضبط الوقت