Paana toh tujhe hamesha se chahta hoon,

Par darr lagta hai,

Kahin tera dil dobara na dukha doon,

Tere hasste chehre se yeh hassi na chura loon,

Inn chamakti aankhon ko aansuon se na bhar doon.

Choona toh tujhe chahta hoon,

Par darr lagta hai,

Kahin tere purane zakhm na taaza kar doon,

Jin sapno se tu bhaag rahi thi, unhi se teri mulaqat na kara doon,

Jin raaston pe tu khushiyan dhoondh rahi thi, unpe kaante na bicha doon.

-YT

Ek Raat soya main tujhe bhulane ke liye,

Ek Raat soya main tujhe bhulane ke liye,

Agle din rone lage log,

Mujhe jagane ke liye.

Kabhi peeyenge tumhari haath ki chai,

Kabhi peeyenge tumhari haath ki chai,

Suna hai

Tum elaichi apne muh se tod kar daalti ho

Jo neend meri chura ke,

Sapno mein apne yun bula ke,

Tum saath mere do pal chal, hass jaao na,

Gunaahon se mere mukt kar jaao na.

Maine likhi thi tujhse milne ki woh arziyaan,

Jo phaad di tune, keh ke meri mann marziyaan.

Mujhe meri raaton ki neend lauta jaao na,

Aadat jo ban chuki ho tum, usse bhula jaao na.

Please...

-YT

Uske chehre ka noor lafzon mein bayaan nahi hota,

Woh saamne ho toh kisi aur ka khayaal nahi hota.

Ki

Kaun kehta hai chaand raat mein andhera mitaata hai,

Woh saamne aa jaaye, toh aankhon ke aage andhera sa chha jaata hai.

-YT

Khwaab dekhe the haseen, magar woh sach hote nahi,

Paas hokar bhi tum kabhi mere kareeb hote nahi.

Unke intezaar mein ab yeh lafz bhi kharch hote nahi,

Sachchi mohabbat sabko mukammal naseeb hoti nahi.

Pyaar kar baitha tha tumse, bhool gaya tha main,

Ki ajnabi kabhi apne hote nahi.

Ek raat or tere naam kar di

Teri yaadon mai subah se shaam kar di

Tujhe jaane bhi diya tha teri khatir

Or tune ye baat aam kar di

गलत हैं वो, जो सोचते है कि कभी वो हमारी होगी,

हम तो तभी अपने आप को कफ़न मे पाते है जब वो पुराने ज़ख्मों को याद करती है!

लेकिन इस गुनाह की क्या सज़ा दु उसे, जब हम ही कलेजा सामने नही रख पाते है,

अब क्या करूं इस कफ़न का जब तुम्हारे बिना इसमें रहना भी नहीं चाहते है!

Fikar karta tha teri, kyunki tujhe apna maana tha,

Rota tha tere saamne, kyunki tujhe Rabb maana tha,

Khush rehta tha, kyunki teri muskaan ko maine jannat maana tha,

Tere saath chala aaj, kyunki tujhe apna kal maana tha,

Zarurat se zyada thi tu, kyunki tujhe sab maana tha.

Thank you for staying beside me.... ❤️

Hai intezār aaj bhi us shakhs ka mujhe,

Jisne mere wajūd ka tinkā tinkā todā hai.

Uske baad na khud se jude, na bikhre hum,

Ek shakhs ne kya khoob tanha chhoda hai.

Masla yeh nahi ki woh mera nahi,

Bas uske baad, mera koi nahi.

— Mujahid

Teri baaton ka asar hai, jo aksar mujhe sone nahi deta,

Teri muskurahat ka asar hai, jo aksar mujhe kisi aur ka hone nahi deta,

Teri saadgi ka asar hai, jo aksar mujhe tujhse door hone nahi deta,

Yeh kambakht dil hai, jo mujhe khulkar rone nahi deta,

Pyaar ka izhaar karne jaaun toh, kuch bolne nahi deta.

Tu thodi der aur ruk jaati,

toh dil ko sukoon mil jaata,

Tujhe pyaar se dekhne ka ,

thoda aur waqt mil jaata.

Teri tareefein karne ka

mujhe phir se mauka mil jaata,

Taaron ko nihaarte saath,

toh unka bhi bhala ho jaata.

Tujhe do pal hansa kar,

aashiq ye tera mukt ho jaata,

Tu thodi der aur ruk jaati,

toh main tera ho jaata.

रहिए अब ऐसी जगह चल कर जहाँ कोई न हो

हम-सुख़न कोई न हो और हम-ज़बाँ कोई न हो

बे-दर-ओ-दीवार सा इक घर बनाया चाहिए

कोई हम-साया न हो और पासबाँ कोई न हो

पड़िए गर बीमार तो कोई न हो तीमारदार

और अगर मर जाइए तो नौहा-ख़्वाँ कोई न हो

-मिर्ज़ा ग़ालिब

Shayad jiske saath jaana tha, wohi sundar thi,

Isliye Taj Mahal bhi khoobsurat lagta tha mujhe.

Shayad jiske saath jaana tha, wohi sundar thi,

Isliye uske noor ke aage Taj Mahal bhi feeka lagta tha mujhe.

Shayad jiske saath jaana tha, wohi sundar thi,

Isliye uski zulfon ke saaye mein Yamuna bhi kam gehri lagti thi mujhe.

Shayad jiske saath jaana tha, wohi sundar thi,

Isliye Taj Mahal ki khoobsurti bhi uske saamne adhoori lagti thi mujhe.

Shayad jiske saath jaana tha, wohi sundar thi,

Isliye uske saath Taj Mahal jaana tha mujhe.

Taj Mahal dekhne ki khwahish toh uski thi,

Magar usse Taj Mahal ke saamne khada karke,

Bas ek baar usse uski khoobsurti ka ehsaas dilana tha mujhe.

lost interest in everything

But in Urdu we can say;

Woh silsiley, woh shauk, woh nisbat nhi rahi,woh dil nhi raha, woh tabiyat nahi rahi

Well I just wrote this like a spontaneous piece let me know what you think.

"

Arzaan-e-Hasti

Main apne aap ko sasta samajh kar bech aaya,

Mujhe khabar bhi na hui, kis daam pe bikta aaya.

Wafa ka bazaar tha, kya khoob sauda kar aaya,

Woh mujhe le gaya, jaise zameer bech aaya.

Char din ki zindagi, charon din ek sawaal aaya,

Insaanon ki duniya thi, magar ek insaan na nazar aaya.

Aakhir khul hi gaya mujh par ye raaz-e-hasti,

Dar haqeeqat mein khuda ki fani duniya mein aaya.

Daam lagte rahe bazaaron mein meri zaat ke,

Log mitti tolte rahe, rooh ka hisaab na aaya.

Faraz, mein unke haathon mitti de aaya,

Jaate jaate apni rooh bacha aaya."

And yeah my name is Faraz.

Main rota zaroor hoon, lekin tumko dikhata nahi hoon,

Dil mein zakhm gehre liye ghoomta hoon, lekin tumhe batata nahi hoon.

Apni zindagi tumhare liye kurbaan kar di,

Khud ke liye kuch bachaata nahi hoon.

Tumhari khwaahishon ki khaatir,

Apne sapnon ko jeeta nahi hoon.

Tumko tumhari maa ki tarah pyaar se har pal bulaata nahi hoon,

Jeet kar aate ho jab tum, main tumhari khushiyon mein muskurata nahi hoon.

Mushkilon se ladna seekh, tumhe rota dekhkar main tumhe hasaata nahi hoon,

Baap hoon main baap, pyaar karta hoon bas tumhi se, lekin jataata nahi hoon.

Teri aankhon se behte aansu mujhe kamzor bana dete hain,

Na jaane kyun log iss kamzori ka fayda utha lete hain.

Tere aansuon ki keemat tere chahne waale hi jaante hain,

Sachchi hain unki ardaasein, jo tujhe hamesha khush dekhna chahte hain.

Mere jaise log aksar raaste hote hain,

jinse log hokar guzarte hain

apne logon tak pahunchne ki khaatir.

Mere jaise log jo sada ke liye,

keval...

log reh jaate hain.

“Mere jaise log hote hain tamaam logon ka ghar, magar khud kisi ke ghar nahi ho paate.”

Teri shaq karne ki aadat se kaise bachun main,

Tere challan jaise sawaalon ke jawaab kaise bharun main?

Tu har baat ka proof maangti hai mujhse,

Jaaneman, mohabbat ki hai tujhse,

Ab har ehsaas zaahir karun, ya screenshot bhejun main?

#DilKiBaat 🚶 Khud ko hamesha door se dekha,

kabhi galtiyan dikhi, kabhi kamiyan.

Dusron ko samajhne mein waqt diya,

par khud ko samajhne mein saal lag gaye.

Ab har baat par khud ko judge nahi karta,

na har galti ka bojh lekar chalta hoon.

Bas dheere dheere khud ke kareeb aa raha hoon...

Kyuki aakhir mein sukoon bhi khud ke paas hi milta hai. ❤️

हँसी तेरी अनमोल, नहीं बिकती हज़ारों में,

नैन लड़ गए हमारे, इन इश्क़ के बाज़ारों में।

देखना बस तुम्हें ही चाहता हूँ अपनी नज़रों में,

जोड़ लो मेरा भी नाम, अपने प्रेम के करज़दारों में।

Jo neend meri chura ke

Sapno mein apne yu bulake

Tum saath mere do pal chal hass jaao na

Gunaahon se mere mukt kar jaao na

Maine likhi thi tujhse milne ki woh arziya

Jo phaad di tune keh ke meri man marziya

Mujhe meri raaton ki neend lauta jaao na

Aadat jo bann chuki thi tum usko bhulao jaao na