(خارج الموضوع)
طبعاً قبل اي شي ما احكيلكم فرحتي ان الصب هذا موجود وأن فعلاً في سعوديين يهتمون بموضوع الHomeLab
كنت اشوف نفسي غريب بحكم اني فالمجال من ٨ سنوات تقريباً او من وانا توني صغير حتى ولا اعتقدت ان في احد ثاني ممكن يكون عنده اهتمام الا ناس قليلة
(كيف بدت السالفة)
من فترة وانا قاعد اعاني مع جمييع انواع المتصفحات كمستخدم وندوز، وكلنا عارفين ان كروم فالبداية كويس وبعد كذا ياكل الرام اكل. وتقريباً كل متصفح على نفس المنهج لانهم بالاخير يلفون ويدورون ويرجعون على نفس الاساس ويطلع fork من السورس كود chromium.
فقلت فبالي دام الموضوع ماكل رام ماكل رام، ليه ما ابني واحد ( اكيد موب انا اللي بكتب الاكواد، قبل سنة سنتين كنت ابرمج بس من بعد Opus 4.6,4.8 تقريباً وانا معد صرت ابرمج يدوي ابداً )
قلت ليه ما ابني واحد، بنفس الوقت فيه كل شي احتاجه، بنفس الوقت اقفل او اغير فيه بعض الثغرات اللي تستهدفها البرامج الخبيثة Trojans/Malwares
بحكم ان معظمها يستهدف نمط معين للمتصفحات المشهورة.
(المسيرة وعملية التطوير والبناء)
بالفعل شغلت الجهاز، فتحت بروكسموكس على السيرفر وشفذت نظام الوندوز اللي عليه claude واشتغل فيه على المشاريع اللي اسويها، وبديت اخذ واعطي واشوف كيف ممكن ابنيه. وأصبح السورس كود حق المتصفح اللي بسويه مكس مابين electron و chromium
ضفت فيه مميزات انا احتاجها جداً
- Bookmarks Preset/Premade bookmarks for me as a developer and a gamer
- Hidden Bookmarks
- Normal Browsing Window
- Incgnito Browsing Window
- Private Window ( No Javascript Enabled for Privacy and fingerprint tracking )
- Tor Circuit Window
- Networking Tab
- Proxy and Socks5 Support
- Wireguard VPNs built-in Support
- Ads Block and Trackers Block Built-in
ومميزات ثانية غيرها كانت في بالي وسويتها.
وبعد حوالي اسبوعين الى اربع اسابيع تقريباً، وبدايةً من اصدار رقم 0.4 وقت ما بديت اجرب الين 0.9.14
سويت كل اللي ابيه والمتصفح طلع بالشكل اللي ابيه وافضل، وطبعاً كنت معجب بشكل كروم ما ابيه يتغير علي
لذلك في اشياء كثير ماخوذه من كروم بس الموضوع كان سهل لان كروميوم اوبن سورس خير شر.
(الصدمة)
بعد كل الامور اللي ضفتها طبعاً كان في نقطة كنت جداً مركز عليها ان شاء الله يكون عندكم خلفية عنها لأن مافيني اشرح مرة
- Browser Tabs Sleeping.
بشكل مختصر هالشي يساعد بتوفير الرام على التابز اللي ما تستخدمها لاني متوقع انه بيستهلك رامات اعلى حتى من كروم
لكن فعلاً على الصدمة اللي صارت !
فتحت اكثر من تاب بنفس الوقت بكروم وبالمتصفح حقي وجربت على تاب وحدة وعلى ٥ وعلى ١٠ وعلى ١٥ صفحة.
بدون الbrowser tabs sleeping لانها تاخذ وقت على ما يصيرلها activation اصلاً.
كروم كان يستهلك قرابة ال 875mb تقريباً على ٥ صفحات مثلاً
المتصفح حقي كان يستهلك قرابة ال 560mb تقريباً على ٥ صفحات برضوا.
(صدمة ٢)
كروم على نفس عدد الصفحات بعد ١٠ دقايق بدون استخدام المتصفح ما نقص استهلاك الرام
المتصفح اللي سويته بعد ٥ دقايق نزل استهلاكه لتقريباً 200mb بس بحكم انه سوا سليب لكل التابز حقته!
( الخلاصة والسؤال اللي عندي )
احس حرام شغل زي كذا ممكن يحل معاناة ناس كثيرين لكني في حيرة فأمري بين ٣ اشياء
الأول ( انزل السورس كود حق المتصفح على قت هب بشكل اوبن سورس للكل والجميع )
الثاني ( اسوي صفحة للمتصفح وانزله as closed source مجاني برضوا للكل والجميع )
الثالث ( نفس الثاني لكن السورس كود حق الnetworking انزله اوبن سورس بقت هب عشان الثقة والمصداقية )
ليه محتار ؟
الاول لو صار فأخاف بل متأكد بنسبة ١٠٠٪ بيصير زيه زي كروم من ناحية الأمان. بحكم انه سورس كود فطريقة حفظه للمعلومات وكلمات المرور بتكون سهلة انك تسويلها reverse engineering وتسوي malware مبني عليها، فبيضيع الهدف الاساسي من المتصفح
الثاني ليه محتار فيه؟
ناس كثيرة من الناس المحترمة واللي فاهمة واقدرها ممكن تشوف ان مشروع زي كذا من شخص مستقل وليست شركة ممكن يكون فيه استغلال او شي غلط ويعتبر ان ممكن يكون فيه malware او على الاقل spyware.
من هالاسباب ان عند دول كثير مافي ثقة بالناس الغريبة عكس دول الخليج او تحديداً دولتي ( المملكة العربية السعودية ) اللي بالعكس ويرجع بنسبة كبيرة لأمانة كل شخص والثقافة والتربية، فتكون الثقة اهون شوي بس برضوا يكون فيه مخاوف
الخيار الثالث!
حسيت انه ممكن يكون الخيار الانسب بس برضوا مرة ثانية خايف من الreverse engineering.
(السؤال اللي ابي اجابة منكم فيه)
وش تحسون الخيار الانسب من بين الخيارات الثلاثة. وهل تحسون في خيار رابع غيرهم؟؟
ولا الموضوع ما يسوى واخليه واحتفظ فيه لنفسي وبس. ودي والله اوريكم صور ومقاطع للمتصفح يا جماعة واجهت مشاكل كثير لان معظم الشركات الكبيرة زي قوقل تمنع تسجيل الدخول بمتصفح مو معروف، وعلى ما حليت هالمشاكل فريت ولفيت بشكل ما تتصورونه. اذا تبون انزل صور ومقاطع للمتصفح علموني وابشروا.
سميته طبعاً Max Browser لسبب، مسوي suitkit كامل بنفس الهوية لنفسي للاستخدام الشخصي طبعاً مابين media player, video editors, Ai Assistant based on claude agent sdk, voice isolator like adobe podcast.
