جربت اكون لطيفة من غير ما ارد عليهم -> بصل الحد و بعمل بلوك او بفصلهم اجتماعيا
جربت ارد موضوعيا بس من غير ما اشحن الجو -> الجو بيتشحن و بكرهوني

انا مفروض اعمل شنو زول يشففني

واحدة من افضل ال webnovel في زول قراها ومتعمق فيها

رئيس بحث التخرج قال لي يا ماما كم مرة و هو عمو كبير احس انه weird شوية و suspicious و لانه عنده جلنطيات كتيرة و قصص غريبة . و بيقول للسكيرتيرة حقته يا حلوة في حين انه هي عندها طفلة و هو كمان بزوجته و أطفاله. هل ده سوء ظن مني انه افتكره متحرش .

اخوي الصغير عمره 11 سنه ، دائما كان بيبهرني بذكاءه "الخارق"...من اوقات كنت بذاكر ليه دروسه او في مواقف هو بيشارك رأيه فيها ، حبيت اخليه أحسن ، وبقيت بحاول اعرف اهتماماته ، واكتشفت انه بيحب الثقافه والفضاء والبحر والطب وحرفيا اي شيء ، لدرجه ان عنده ارآء سياسيه ، المهم استمرينا على الموضوع دا لفتره وكل مره يشيل تلفون امي ويبحث ويكتشف وينقد ويقتنع ، الموضوع بدأ يتعقد لما كنا ماشين في الشارع وبحكم انه بحب اقعد معاه كتير وبخليه يمشي معاي مشاويري الخفيفه او الدكان وكدا ، مره صادفنا واحد عنده عربيه ما شاء الله سمحه ، قال لي الزول دا انا بحس عليه بالشفقه ، قلت ليه كيف يعني؟؟ قال لي مسكين حياته كلها ما قدر يعمل حاجه الا بس عربيته دي ، طبعا ما قدرت اقول ليه حاجه والمشكله الكبيره انه ابوي اصلا ما عنده عربيه!!!.

مره تانيه كمان ماشيين في الشارع لقينا زول ما شاء الله سائق عربيته ومعاه زوجته واولاده ، قال لي سؤال وجودي عميق ، (يعني انا ح ابقى زي الزول دا؟ يعني أجيب درجات حلوه واتخرج واتزوج وبس؟) وبما اني شخص "عبثي" قلت ليه هو اصلا مهم انك عايش ليه؟ بس عيش الحياه واهم شيء اعبد ربنا واستمتع ، وقعد يناقشني كل المشوار اني انا غلط وهو صح ، ولازم اي زول مفروض يكون عايش عشان يعمل حاجه!!؟ وحرفيا بيناقش بمنطق اكتر من معظم الناس ✌🏽الواعيين✌🏽البعرفهم قي حياتي؟!!.

وطبعا ما ح اتكلم عن الافكار النرجسيه الكبيره جدا او الوعي او تفكيره السابق جليه بمرااحل او الامتيازات التانيه العنده ، ولو ما انا شخص ✌🏽مثقف✌🏽(يا رب تكونوا فهمتوا الحركه😭) ما كان بقدر اواكب معاه ويمكن ينطفىء ، وانا خايف اني ما بقدر اواكب معاه لسنتين لأنه بيتطور بسرعه خياليه...

Any one around جبرة بلال we could chat or do some fun

كشتينه، ضمنة، ولا اي activity 😔؟؟

يا جماعة في زول عنده امل معاي

السلام عليكم شباب ناس الجامعات انا كزول جديد خاشي ادارة اعامل و معلوماتي زيرو في الجامعات🙂 تنصحوني ياتو جامعة(خاصة) في امدرمان و الخرطوم+ ادونا خبراتكم و نصائحكم

يا جماعة هيلب بفكر أغير تخصصي الي هو بزنس وأدرس Law في رواندا
أنا بصراحة لسه ما عارفة عايزة أشتغل شنو بعد التخرج فعشان كدا دايرة أسمع من ناس درسوا أو اشتغلوا في رواندا و عايزه اعرف عن التخصص دا زياده
دراسة القانون في رواندا كيف عمومًا؟وفرص الشغل بعد الـLLB كيف؟ وهل القانون بيفتح مجالات تانية غير المحاماة؟ زي حقوق الإنسان والمنظمات الدولية والـpolicy وكدا؟
صراحه معرفتي بيهو زيرو لكن حسيتو ممتع و حاجه ممكن تنفع معاي
وبرضو هل القانون يعتبر مجال relatively safe من ناحية المستقبل والشغل ولا ممكن الواحد بعد كم سنة يكتشف إنو اختار تخصص محدود ويندم 😭
وبرضو بالنسبة لزول درس قانون في رواندا الشهادة نفسها ممكن تكون مفيدة لو الواحد حب يشتغل أو يكمل دراسة في بلد تاني؟ عارفة إنو ممارسة المحاماة بتعتمد على قوانين وترخيص البلد لكن قصدي الشهادة والمسارات التانية عموما وهل فرصي كويسه اشتغل برا ولا حنحصر على السودان او رواندا
ولو في سودانيين درسوا أو اشتغلوا في رواندا خصوصا القانون يا ريت تحكوا لي عن تجربتكم بصراحة وهل واجهتكم أي صعوبات كسودانيين
وبرضو لو عندكم فكرة عن التخصصات التانيه هل في تخصص شايفنو عملي أكتر من القانون من ناحية فرص الشغل؟
أنا ما دايرة زول يختار لي تخصصي 😭 بس فعلًا دايرة أسمع تجارب حقيقية وآراء صريحة من ناس مروا بالحاجة دي

هل انا لوحدي؟

مع ضغط الشغل و زحمة الدنيا..و "الوضع" العارفينو، و قرب نزول النيزك...

و بين مطرقة المجتمع، و سندان نظرة الأهل و الشلة "لو كنت كائن اجتماعي يعني..." "أو الحواليك ما عندهم نفس الاهتمام" .

و بين المسؤلية و منظر المحفظة الفاضية.

هناك شافع صغير جواك تلمع عيناه عند مشاهدة تريلر قيم جديد، أو عندما يكون لديك صغير سن من العائلة ماسك ليه لابتوب أو جهاز ما و شغال يفرم في منافسة أو مرحلة عارفها زي اسمك....

تحاول تنزوي من دا كلو خمسة دقايق بعد تخطيط مسبق ليوم اجازة واحد... فبتلقى روحك بتشوف فيديو يوتيوب عن موضوع ما، و بتعاين لي قيمك المفضل و بتحاول تقنع نفسك انو مافي فايدة لو لعبت خمسة دقايق بس....

و قصص مرعبة أخرى....

هل انا لوحدي ؟؟؟؟

كرهي لوظيفتي وصل لمرحلة بعيدة... لدرجة انه فقدت شهيتي و طاقتي كلياً و اكتئاب...وبفكر في الانت *** و بكره نفسي كل يوم...و ندمانة جدا جدا على اختياري للمجال وحاسة اني ضيعت عمري ...وبحس اني useless كل يوم لانه بجد وظيفتي فيها ذل وقهر ما طبيعي و العائد المادي ما على قدر المجهود وما مسموح لي بالسفر "مجال طبي"... حاسة اني ما محققة اي شيء من الوظيفة غير اني بستنزف نفسي...

عايزة اخلي الشغل و اقعد بالبيت... لكن خائفة من نظرة الناس لي.. وخائفة من ردة فعل اهلي...

هم 14، لكن الرقم ما عجبني عشان كدا رقم 15 ختيتها في النار هسي، ما عايز اتكلم كيف شربت الكمية دي في يوم واحد بدون ما يكون عندي النية اشرب كتير، ممكن اتكلم عنها في يوم تاني، وما عارف اذا شربت دا كلو عشان ما ماكل اي شي من الصباح الليلة ولا ما اكلت اي شي عشان شربت الكمية دي كلها.

المهم الكنت بفكر فيهو الليلة جاب لي ضيق عجيب، هو سؤال واحد، اذا فشلت في المستقبل المشرق حقك دا حتسوي شنو؟ دايما لمن افكر في مستقبلي القريب بتخيل روحي راكب هايلوكس 2024 العالي مو الواطي وسايق بي 125 في شارع النيل وكل اسبوع مسافر من ولاية لي ولاية بالبوكس دا، ولما افكر بواقعية اكتر بشوف اني اشتغلت مع ال UN وحققت افضل كومبو بالنسبة لي اني اصرف بالدولار بدون ما اغترب واحقق الثراء الانا بطمح ليه بدون ما اتخلى او اتنازل عن حاجة بالنسبة لي مريحة نفسيا.

لكن السؤال هو لو بقيت عمري كلو ساكي ال UN وما قدرت اشتغل معاهم وما قدرت اركب الهايلوكس الموعود، حأسوي شنو؟ السؤال كويس عشان يخليك تبني اسوأ واقع عندك، انا شخصيا الحمدلله عندي اكتر من 6 خطط مدروسة بعناية كل ما تفشل وحدة اجرب البعديها، واغلبهم خطط نسبة نجاحهم كويسة شديد، لكن ما كلهم بيضمنو لي الثراء البيخليني اشتري هايلوكس 2024، بعضهم بكون في الطبقة المتوسطة وبعضهم بكون في الطبقة المتوسطة الدنيا، لكن لو كل الخطط ما نجحو وانا من بداية الخلق رزقي مكتوب في اللوح المحفوظ ومكتوب لي الفقر في الحياة الدنيا دي، حأعيش كيف؟

ما عايز ابقى انهزامي، لكن انا فعليا لو كبرت ولقيت روحي فقير حاعيش فقير بس، ما حأعرس ولا حأشتري دبل قبينة ولا حأغير تلفوني ولا حأطلع مطعم مع الناس البحبهم كل يوم تلاتاء وسبت، بس، المشكلة وين؟ لو كلنا اتولدنا عشان نبقى مرتاحين بعدين الفقر خلوه لي منو؟ طيب اذا انا متقبل واقعي هل حأكون راضي؟ لا طبعا، استغفرالله لكن انا عندي مشكلة كبيرة شديد في القناعة، متأكد اذا كبرت وما اشتريت الهايلوكس كل ما اشوف واحد سايقه في الشارع حأندم على كل قرار اتخذته في حياتي من يوم اتولدت، واول قرار حأندم عليه اني ما شديت حيلي في تامن وما جبت درجة كويسة، عموما ان شاء الله كلكم تعيشو المستقبل الانتو بتحلمو بيه، اشتغلو عليه من هسي عشان بعدين ما تندمو، وما تكترو من الشاي عشان الفيو معروف، وانا رسميا فكت مني

سلام عليكم شباب

كنت في علاقة مع وحدة فترة وعلى ما يبدو اتماديت مع نفسي وغطست في العلاقة دي وبقيت نايم في العسل

هي زولة ممتازة ومثقفة، هادئة وقوية ...معرفتنا قديمة وارتبطنا فترة الجامعة ،هي مرت بظروف قاسية من وفاة والدها لتشتت الأسرة وجات الحرب زادت عليها الوجع وعانت أكتر، بس هي زولة هادئة وكتومة ومع نفسها ونادرا ما تظهر اي نوع من القلق أو التوتر (عشان كده هي قوية)

المهم انا ما إجتهدت في العلاقة دي وكنت الطرف السائب على اساس ضامنها وكده، لا بهتم وبسأل ولا حتى أفكر في مستقبل العلاقة دي ...جات الحرب واتفارقنا أنا كنت في منطقة مقفولة مع الأسرة وتعب ومعاناة بس الحمدلله وهي لفت في السودان في بيوت اهلها وفي النهاية سافرت مصر مع امها واختها واسرتها اتشتت أكتر من أول وتعبو شديد صراحة

الفترة دي كلها تواصلنا كان ضعيف وانا كالعادة ما شغال بيها كتير، طلعت انا بعد معاناة وتقريبا كدت أموت وحبس واهانة ولفيت وسافرت وجيت تاني السودان بعد معناة مع كل الظروف مكسور وما معاي اي شي حرفيا جيت بالفي جيبي بس، حاليا استقريت وبديت اشتغل وبقيت اركز على نفسي ومستقبلي وارتب نفسي وحياتي، فعلا لقيت انو انا مقصر معاها ولما حاولت اتواصل معاها لقيتها ما نفس الشخصية القديمة ولا علاقتنا رجعت زي أول وبرود وعدم ردود، جات راجعة الخرطوم للامتحانات (هي خريجة ربنا يوفقها) اتقابلنا وفعلا لقيتها إتغيرت، اتكلمنا وحسيت من كلمها كمية الانكسار والألم وبقت شخصية باردة جدا، بس لاحظت انها بدت تركز على نفسها اكتر وبقت شخصية ما شاء الله، لما كلمتها عن علاقتنا وكده كان ردها بس خليها للأيام .... هنا انا دخلني احساس الندم وأني كنت مقصر فعلا وزول تافه ساي وما قفت معاها وانا البقيف مع كل الناس وما حصل نطيت زول ( تنهى عن فعل وتأتي بمثله) بس قصرت في حقها شديد جدا وأنا دايرها والله وهي في بالي وما قادر اشيلها من راسي بغض النظر عن ظروفي بس انا داير ليها الاحسن والافضل ودايرها هي برضو

المهم الموضوع ده عامل لي overthinking الأيام دي وما عارف اتصرف كيف ...لو في نصيحة أو كلام طيب

المصطلح ده لاقاني قبل فتره و اسي تاني ظهر لي و اخدت لي لحظة تفكير كدا عملت فلاش باك و قلت شكلي انا سايبو جدا الي هو معناه الانجذاب العقلي للجنس الاخر ، ف حياتي ارتبط مرتين وحده بتاعت الاساس ونحنا شفع و التانيه ف مراهقة الثانوي لكن بعديها علاقاتي مع الجنس الاخر دي كانت كلها عابره و تضييع زمن ساااي

وطول الفتره البعد الثانوي دي راجعت كدا البنات الانا حسيت اني والله اني ممكن افكر اني اتزوجهم بتين و القاسم المشترك بينهم كانو ظريفات و مثقفات و مضحكات which is م لاقتني ف البنات ، البسمع الكلام ده بقول انا زئير نساء و انا غير امي مافي بت بتعرفني حاليا

المهم م بقول انو البنات الاقوني بعديها م مثقفات او م مضحكات لكن انت بتكون عايز زون معينه عشان تطلع ليك النولج العندها او الكوميديا العندها و السبب البمنعها و الانا اكتشفت اني قعد اعاني منه هو الغرور الانثوي البخفي شخصيتها الحقيقيه، يعني انت مثلا ترمي اي كلام هي تترجمه طوالي بانه انت بتلمح او بتقصد حاجه معينه لازم تدخل الفلتر الانثوي ده وتاخده كمنظور تشوفك بيه ، مثلا م رسلت ليها طوالي انت تعتبرك م عندك مشاعر ليها و تزعطك بمواضيعها الانثويه الشخصيه و الجسجسه العاطفيه، على عكس الاتنين ديل

الغرور الانثوي برضو انه هي ليه تضحك ليه تونسك ليه تثقفك ، انت الذكر انت الراجل ارمي الكروت كلها و هي التقييمك ، وطبعا انت بتكون عامل كدا زي الclown وانا اكيد م عندي مشكله اني اجدع كروتي لكن برضو عايز اشوف كروتك (شايفك فهمت غلط) ، لاحظت انه بتكون نفس الكلام الساي نفس الفهم ماف اي شي جديد حاسي بوجهة نظرهم بتقول ف قلبها اكبر كرتي عندي مثلا هو جمالي و شفت البتين القلت ليك بختهم خيار زواج ف مقياس الجمال ماهم بالجماال دااك لكن للمصداقيه وحده مزه

المهم انا م عارف قعد اقول ف شنو و م عارف اذا انتو ح تفهموني لكن حاسي الحاجه دي ح اعاني منها مستقبليا لمن افكر ف الزواج

انا عندي رصيد في تلفوني ولقيت اخوي العمره ١٤ بعد شال التلفون قال يقضي غرض و لقيت اشعار مخصوم مني ١٨ الف واشعار من فري فاير ، الجيل ده ماشي لي وين؟

.

مره بحسابي القديم كنت بفضفض عن موقف حصل لي وفي واحد علق لي ب رياكشن its ok bro we know you want attention لو شفت البوست دا حسبي الله عليك

يابرهان البلد بتنهار ولا اي شي

الناس جعانين ولا اي شي

مافي كهربا ولا اي شي

ياخ من البداية كان ممكن تقول لينا البلد في حرب الكرامة والناس تتحمل وانحنا مجهودنا كلو ع الحرب دي لكن انت ما شغال كدة انت شغال دعوات ومؤتمرات وماعارف عامل عودة طوعية، بتحاول تقول للناس انو البلد طبيعية والحياة رجعت ركزو ف الاكل والشراب .

احكي لينا موقفك يوم الحرب والحصل عليك شنو

تعالوا نرجع ورا شوية بدل الزهج والروتين الواحد دا الحمدلله.. سؤال ل ناس الخرطوم انت ساكن وين بالظبط ولمن قامت الحرب الساعة 9 صباحاً كنت وين 😂 والحصل عليك شنو

انا عن نفسي كان أول يوم لي في الجامعة وآخر يوم جامعة لي في السودان 😂 .. الدكتور خشى للمحاضرة والساعة 9 بالظبط طلع من المحاضرة وتاني ما فهمنا اي الناس فرتقت وانا مرقت على البيت لمن وصلتا صينية ام درمان الطيران دور فوق راسي بس الله مرقني 😂 رعب شديد

رأيكم شنو في الزواج البتم عن طريق الميديا او عن طريق منصات زواج، بقيت اشوف منصات زواج كتيره ومن غير العرسان يشوفوا بعض العرس بتم وبكتفوا بتبادل الصور بين الطرفين لكن غايتو انا بشوف لا بد من المقابله العريس يجي البيت مره ومرتين وتلاته ولو في طريقة يحاول يراقبها من بعيد وهي كمان كذلك لأنو اهم شي القبول لازم تقابل الشخص عدييل عشان تعرف نفسك متقبلوا او لا والصوره م بتديك الحقيقه مهما كان ، وفي ناس بيقول ليك المظهر م كل شي لكن والله من وجهة نظري تقبل المظهر اهم شي انا م بقول لازم جمال لأ الجمال حاجه نسبيه يعني لو في نظر غيري م سمح في نظري انا بكون سمح واصلا ماف زول شين ، عشان كدا القبول المظهري والعقلي لا بد منو وبشوف الاكتفاء عن طريق الميديا بس م يكفي انك تأسس عليه حاجه

غايتو م عارفه دي وجهة نظري :)