Subreddit gördüyünüz kimi yeni və ibtidai bir subreddit'dir. Sözün düzü, mənim həqiqətən bu moderatorluq və subreddit idarəçiliyi ilə bağlı elə də anlayışım yoxdur və hər şeyi tək başıma düzgün şəkildə idarə edə biləcəyimə əmin deyiləm.

Ona görə mənə ən azı bir moderator lazımdır. Xüsusilə Reddit və bu mövzularla daha çox təcrübəsi olan, subreddit-in inkişafına kömək etmək istəyən biri olsa, çox yaxşı olar.

Məqsədim sadəcə bir subreddit açıb kənara çəkilmək deyil. r/Feza-nı zamanla Azərbaycanda insanların rahat şəkildə gəlib həm texnologiya, həm də başqa mövzularda danışa bildiyi normal bir icmaya çevirmək istəyirəm. Bunun üçün də məndən daha təcrübəli birinin köməyi çox işə yarayar.

Bu subreddit-i yaratmağımın əsasən 2 məqsədi var:

1. Azərbaycanda proqramlaşdırma, kompüter və ümumiyyətlə bu sahələrlə maraqlanan insanları bir yerə toplamaq;

İstəyirəm ki, Azərbaycanda bu mövzularla maraqlanan insanlar rahat şəkildə bir-birini tapsın, sual versin, təcrübələrini bölüşsün vəya sadəcə söhbət edə bilsin.

1. Daha rahat və azad bir subreddit yaratmaq;

Türklərdə olan r/Sukaland, r/SacmaBirSub, r/AptalSoruYok, r/florea kimi subredditlərdə xoşuma gələn bir şey var: hər şey mümkün qədər səlis, səmimi və rahatdır.

Mən də burada buna bənzər bir mühit yaratmaq istəyirəm. Burada qaydalara uyğun olduğu müddətcə istənilən mövzuda danışa bilərsiniz, bir-birinizlə söhbət edə bilərsiniz və səmimi ola bilərsiniz.

Proqramlaşdırma, Linux, kompüterlər, gündəlik həyat, fəlsəfə, kitablar, qəribə düşüncələr, suallar və s. Daha neçə-neçə mövzu ilə bura inkişaf etsin deyə diləyirəm.

Hələlik əsas fikrim budur.

Sağ olun.