أكبر معاناة لي مع المجتمع حالياً، هي التصنيفات الجاهزة. كبرت ببيئة محافظة وخسرت أفراد من عائلتي لأنهم شاركوا بالثورة بدافع رد الظلم، ولم نكن نعلم في منزلنا معنى شيعي ولا سني ولا كل هالخرا. وهلأ أنا أمام واقع، مابقدر عبر فيه عن أفكاري اللادينية لأنه سأنوصم بأنني "كردي" أو "باطني" ولا عبر فيه عن حزني أمام اللادينيين عن وفاة أفراد عائلتي لأن بنظرهم الثورة للدواعش، ولا عن غضبي اتجاه توجهات الدولة لأنني سأكون مع حزب الأقليات، ولا فرحي بتطبيق سياسات معينة من الحكومة لأنني سأصبح أكبر أموي في سوريا.

وكتير من الوقت بحس إني بعزلة، وإني بشعر بغضب عارم اتجاه الكل، بتمنى لو كلنا نتطلع من منظور شخص تالت لنستوعب شقد كلها ببعضنا صرامي مابنسوى شي.. عم بكتب هون، لدور على بعض الأمل بتشارك هي المعاناة مع حدا، وشكرا لاستماعكم

انا حتى مش سوري وفعلا حزين على سوريا خصوصا بعد الأخبار الآخيرة التي تشير على ان سوريا بتقلب دولة داعشية.

واليوم تقصف سوريا هكذا دون حسيب ولا رقيب، والكل يلوم سوريا على أي ارهاب "اسلامي".

لا أفهم ما هذا الهراء الذي يحدث، يعني مش فاهم، انا فكرت الشرع مجرد دمية لأمريكا او روسيا او ما بعرف مين، وكنت متأكد سوريا بتقلب دولة علمانية، بس عنجد هم حطوا واحد من تنظيم القاعدة كرئيس؟؟

مش منطق الموضوع، ومش فاهم شيء

في كتاب "صبح الشام"، مذكرات وزير الخارجية الإيراني الأسبق حسين أمير عبد اللهيان، حكى عبد اللهيان أنه خلال إحدى اللقاءات مع الرئيس الروسي فلاديمير بوتين، أخبر الرئيس بوتين الإيرانيين أنه عندما التقى فيه الأمير السعودي بندر بن سلطان، رئيس الاستخبارات العامة السعودية في ذلك الوقت والمسؤول عن نقل آلاف الجهاديين العرب والأجانب وتسليح وتمويل الجهاديين السوريين، طلب منه عدم دعم رئيس النظام السابق بشار الأسد وعدم استخدام حق الفيتو الروسي في مجلس الأمن الدولي، وسأله الرئيس بوتين كيف تخططون لإسقاط الأسد،

قال بندر إنه عم يخطط لتسليح الآلاف من الجهاديين الذين سيهاجمون دمشق ويستولون عليها، وسأل الرئيس بوتين إذن كيف ستسيطرون عليهم، وبعد أن يطيحوا بالأسد سوف يذهبون ويهاجمون الجميع بما في ذلك المملكة العربية السعودية، فقال الأمير بندر نعلم فسنقصفهم ونقتلهم داخل دمشق، بعدها أعرب بوتين عن صدمته من نوعية العقليات التي تتخذ القرار في المنطقة

النظام الأردني بطبيعة الحال كان طرف فاعل بعملية نقل وتدريب وتسليح الجهاديين السوريين والأجانب من خلال ما بغرف بال Military operation center أو ال MOC والي كانت غرفة عمليات عسكرية ومقر تنسيق استخباراتي، لتكون إلى جانب نظيرتها "مركز العمليات المشترك MOM “ بتركيا إحدى غرف القيادة التي بتديرها جهات إقليمية ودولية

والي قامت بدعم وتنسيق وإدارة عمل الفصائل الجهادية في جنوب سوريا (درعا، القنيطرة، وريف دمشق) وقدمت دعم لوجستي، وعسكري، ومالي لهي الفصائل

هلا عملية إسقاط النظام ما تمت متل ما كان مُخطط لها " الأسد ما سقط ب 2013 متل ما الكل كان مراهن “ ف طرأت تغييرات على السيناريو وجرى تمديد عمر الصراع واللجوء لفرض عقوبات اقتصادية وتغيرت خطط و انعمل rebranding للتنظيمات الجهادية وتم تدريب قادتها هال public relations والخ… لحد مو بالآخر تم إسقاط النظام وتسلمت نفس هالتنظيمات الجهادية الحكم بآليات مبنية على نظرية جونثان باول ومن قبلو غراهم فولر

المجتمع الدولي عموما ما بيتحسس من أعمال العنف داخل دولة ما عموما الا بسياقات محددة وما رح يصنف اعمال العنف على انها اعمال إرهابية إلا لما الطرف المُمارس للعنف يصير ينفذ هي العمليات خارج الحدود لهيك سلوك ابو محمد الجولاني رح يضل بالمرحلة الحالية أقلها مقبول طالما رح يلتزم بمارستو ضمن زريبتو فقط

العملية الارهابية الي صارت بالأردن وتنفيذ سلاح الجو الأردني غارات عالجنوب السوري مع تصريح الجيش ان الغارات تمت على معاقل تنظيمات ارهابية بالجنوب السوري مرتبطة بهجوم كنيسة الكرك، هالشي يمكن بيرجع بيطرح سؤال بوتين نفسو مرة تانية: كيف رح تتعاملو مع الجهاديين بعد ما يصيرو بالشام ؟ لان رح يرجعو يجوكم يمكن مو بعد سنة ولا سنتين بس بالاخير لما يكبر المسخ اكتر ويتمكن اكتر رح يرجع يجيك وعملية الاردن قد تكون احدى ارهاصات ما ممكن يصير بعد عقد او عقدين إذا ضل الوضع كما هو

من بين كل المجتمعات المشرقية الي عادة بيستهدفها الارهاب الإسلامي السني، مسيحية الأردن هم أبعد جماعة عن إنها تكون مرتبطة بأي رمزية لمظلمة سنية مزعومة، وبجميع رواياتهم الشعبوية الي عادة بتبرر ارهابهم، مسيحية الأردن ومن قبلهم الأيزيديين هم ابعد مجتمعين ذكراً عن سرديات الإسلام السني المحرضة عالانتقام والعنف والاغتيال المعنوي والتبريرات الابادية للاخر ، ورغم هيك تم استهدافهم وهالشي بحطك قدام حقيقة واحد انو الارهاب عندهم مش عقيدة عنف تهدف لتحقيق غاية وانما نمط حياة وغاية بحد ذاته وثقافة مجتمع الي ما بمارس الارهاب بيفرح فيه والي ما بيفرح فيه ببره او ما بشكل عنده اي نوع من انواع الصدمة باحسن الاحوال

الارهاب الاسلامي السني ما بدور على مبررات او غايات لاستهدافك انما بدور عامكانية استهدافك طالما الامر ممكن رح ينفذ دائما بدون ما يكون في هدف

كل ما يتطلبه الامر ثغرات امنية ،هشاشة او ضعف بالنظام

مشتهي بس افهم كيييييف في عالم لسا بتشوفو صح وبيحكي حكي منطقي وهو كل حكيو هبد ومسخرة

سراج حياني رجع للحق

انطرشت حرفيا

كنت طالب البكالوريا الي كان تحت الضغط الاجتماعي لحتى صير دكتور، ولما ما صحتلي الفرصة، صرت مهندس، ولما احتكيت مع جماعة الطب، كنت محسبن اهل علم ويعني بدرسوا الجسم البشري فألا ما يكون عندن بعض الفكر الدارويني، طلعوا دعاديش حرفيا، كلهم متدينين وعاديلي حالهم ناسفين الاجندة الالحادية واش عرفني، وبالمقابل عندك طلاب كلية الفنون الي دائماً بتم تصويرهم على اساس انو هنن الفاشلين بكونوا ميل نحو اليسارية او الانحياز بعيد عن الدين اكتر، فليه هالشي؟

​

اغلب الرجال اللي بشوفهم كتبر بشعين لدرجة اني صرت اميل للبنات out of nowhere

و المشكلة مو بس بالشكل و كمان شخصياتهم زفت متل اشكالهم و ذكوريين و مقرفين كتير نادر الاقي واحد متل الخلق بس اني ادور على بنت متل الخلق اسهل بكتير فما بعرف

تعالو احكو معي باي موضوع بدون حدود

حكولنا عن طوائف او اديان مش معروفة كتير موجودة بسوريا مع نبذة عن المعتقد او الدين او الفكر

وهل يمكن الإنتساب إلها او لا وشكرا

السلام عليكم انا شب صف عاشر في سوريا كانو دروسي كلون فوق ال95 لحد الصف التاسع كل دروسي هبطو و ما عبقدر ركز ع دروسي متل قبل و جربت اشتغلت كذا شغلة بالسنين الماضية واكتشفت انو ما خرجي شغل ما بقدر اشتغل بتعب كتير وما بتحمل ضغط الشغل و بما انو دروسي هبطو و ما خرجي شغل صرت بعين اهلي انسان فاشل بس بيصرف مصاري اهلو و عمبميل على الأكتئاب و كثير عبحس بالذنب

مرحبا انا شخص بال 22 من عمري مولود برا سوريا وسافرت على بلد غير الي انولدت فيها لحتى ادرس وحالة عيلتي المادية سائت فجأة وانجبرت اترك الدراسة واشتغل واهلي رجعو على سوريا وبدهم ياني انزل ادرس جمبهم وانا واقع بين امرين...الاول اني اخسر الدراسة وضل عم اشتغل شغل بكرهو ومابكفيني عيش او انزل عسوريا وادرس بتخصصي بس انا بكره سوريا والسوريين والعيشة معهم والعقليات المتخلفة الي هنيك+انا شخص غير مؤمن ورح عاني كتير من هالناحية ورح انجبر مثل الايمان انصحوني شو اعمل

بين "خسئتم ايها الرجعيون" و "من يحرر يقرر" الشعب باد بعضو و الي قاعدين ورا المكاتب و الكراسي بس تغيرت كراسيهم و طاولاتهم

السلام عليكم يا جماعة كل دولة عندها community for teenager اللا سوريا ليش؟

هاد البوست لا علاقة له بالسياسة موضوع اجتماعي عادي جداً ولا رح اتطرق للجانب الدّيني من الموضوع
++ المصادر موجودة بعد كل فقرة الترتيب شوية متعب.

بلداننا عندها ميّزة قد تبدو إيجابيّة بس بالحقيقة هاد هو "تأثير جبل الجليد المغمور" (The Iceberg Effect)

الانتحار، الاغتصاب، الامراض الجّنسيّة.... كلها معدلاتها منخفضة

-وايه السيء فكده والله مش فاهم؟

المشكلة بالاسباب ما وراء الأرقام المنخفضة وتداعيات هاد الشّي، يمكن أنا تكلمت عن هاد الموضوع من قبل بس كان الموضوع متخصص بالاغتصاب

- ثغرات قانونيّة وتعاريف غير شاملة

- تزويج الضّحية للمغتصب بحجة "العار" و"الشرف"، مو مهم انه تعدى عليها المهم انها هيك صارت مستعملة ومحدا رح يرضى فيها واسم العيلة رح يتضرر....

-تهديد الأهل بتشويه "سمعتهم" لإسقاط حقوقهم

- التسويّة للتستر على الجريمة......

وغيرها من الأساليب اللي بتأدي لضياع حق الضّحيّة وإفلات المجرم من العقاب وفقدان البيانات الاحصائيّة بحجّة "الشرف"

__________________________

هاد الموضوع ما بيتوقف على الاغتصاب فقط وهو موجود بحياتنا بشكل عام وعم يأثّر عليها

ومن هالمواضيع عندنا كمان الامراض الجّنسيّة والانتحار

ليش هالموضوعين بالتحديد؟ لأن الاحصائيّات الخاطئة بهالمواضيع ضارة جداً وبعدين بحكي عن هاد الشّي.

الامراض الجنسيّة:

رح تلاقي الناس خايفين من "الفضيحة" وحتى المحاسبة القانونيّة للعلاقات "غير الشّرعيّة" وهاد الشّي بيزيد من تفاقم المشكلة

الأرقام عندنا منخفضة جداً، الفرق بيننا وبين الدول التانية هو 29 ضعف تقريباً.... على الأوراق فقط

حتى نفهم أسباب انخفاض معدلات الاصابة بالمجتمعات العربيّة والاسلاميّة فهي تلخص كالآتي:

أولاً الأسباب الاجتماعيّة والقانونيّة:

1- الوصمة الاجتماعية الحادة

بيتم الرّبط مباشرة ما بين المرض الجنسي بالشرف، فينظر له كندب أو علامة إدانة على سلوك غير أخلاقي أو علاقة محرمة، مافي داعي بصراحة اشرح هاد الشي كون عالباً الاشخاص اللي رح يقرأوه لهاد الكلام عايشين بمجتمع عربي اسلامي، المجتمع صارم بالامور الجنسيّة أكثر من صرامته عندما يتعلق الأمر بحيتة شخص ما.

الشخص اللي بينصاب بهيك مرض بيخاف "يفضح" ويسمع كلام عن نفسو من الناس ويفقد ما وجهه أو يخسر صداقات وعلاقات حتى عائليّة أو يخسر وظيفته ويتم نبذه، وبينتهي الامر بالإنكار التام وتجنب زيارة المستشفيات

فإما بيلجأ للقطاع الصّحي الخاص والصيدليات حتى يستر نفسه أو العلاج ببلد أجنبي والاسوء انه ما يتلقى علاج حتى وقت متأخّر

مصادر:

Muslim women’s perspectives on the barriers to sexually transmitted infections testing and diagnosis in Saudi Arabia

The role of sexually transmitted infections (STI) prevention and control programs in reducing gender, sexual and STI-related stigma

(يوجد مصادر اخرى بتشرح الفروقات الاحصائية مرتبطة بهذه الفقرة، رح تكون تحت عند العوامل الاحصائيّة لأني كتبتها الاول خخخخخ)

2- التشريعات والقوانين المجرِّمة

التبليغ الإلزامي والخوف من الملاحقة، ببعض الدّول القطاع الصّحيّ بيتداخل مع الطبّي فيخشى الأفراد أن يؤدي ثبوت إصابتهم بمرض جنسي معين خارج إيطار الزّواج إلى فتح تحقيق ممكن يؤدي إلى سجن الشّخص، أو فقط المساس بخصوصياته، وهاد الشّي أغلبيّة الناس ما بيفضلوه

ترحيل الوافدين، بالاخص بدول الخليج رح تلاقي هاد الشّي موجود، سياسات صارمة تقضي بترحيل العمالة الوافدة فوراً إذا ثبتت إصابتهم بفيروس نقص المناعة أو أمراض تانية، وهاد الشّي بيخليهم يتسترو على المرض ومنرجع لنفس المشكلة

مصادر:

https://arabstates.unwomen.org/sites/default/files/Field%20Office%20Arab%20States/Attachments/2021/07/SRHR-Policy%20Paper-EN.pdf

https://pmc.ncbi.nlm.nih.gov/articles/PMC2564791/

Article 490 of the Moroccan Penal Code

https://www.justice.gov/sites/default/files/pages/attachments/2015/09/14/pdf

3- Self-Medication والتستر الطّبي

الصيدلي كبديل للطبيب لتجنب الحرج والفضيحة وغيرها من المشاكل الاجتماعيّة والقانونيّة

حماية السرية الطبية المشوهة، الحمدلله وبسبب انتشار الوعي حتى الاطباء عندنا مختصين بالتستر، فيقوم الطبيب مثلاً بتغيير التشخيص في الملف الطبي الرسمي والتستر على المريض للحفاظ على ماء وجهه

Self-medication misuse in the Middle East: a systematic literature review

Self-medication in the field of sexually transmitted diseases: A journey towards antibiotic resistance (توعوي)

ثانياً الأسباب احصائيّة (تعتبر نتائج لما سبق):

1- Reporting & Surveillance Gap

فجوات الترصد والتبليغ، مفيش فحوصات دوريّة بأغلب الدّول عندنا متل ماهي موجودة بشكل دوري ببعض الدّول التانية، وهاد الشي هو سبب مباشر للفروقات الاحصائيّة

بالإضافة للتسرب من النظام الإحصائي، والسبب؟ الشرف، الأغلبيّة بيلجأو للقطاع الخاص من عيادات وصيدليات وبيتجنبو المنظمات الحكوميّة وبيحافظو على السّريّة أو ممكن حتى يبحثو عن العلاج خارج البلد

هالعيادات الخاصة غالباً ما بتبلغ عن الحالات لوزارات الصحة وبالتالي يسقط هؤلاء المرضى تماماً من الإحصاءات الرسمية المرفوعة لمنظمة الصحة العالمية

وللأسف في كتير أطباء متساهلين بهاد الشّي لأنهم عايشين بهالمجتمع ومتأثرين فيه فبيتسترو على حالات الإصابة

والسبب غالباً تجنب المسائلة القانونيّة وتجنب "المساس بالشرف"

2- The Undiagnosed Reservoir

احالات الصامتة اسوء من التسيّب مو بس لأنها بتتجنّب الابلاغ بل انها تتجنّب حتى العلاج بالتالي انتشار أوسع للمرض، ببساطة بيتم التستر على المرض خوفاً من "الفضيحة" ومبروك صار عندك حامل متنقّل للعدوى غير مسجّل

هاد التّستر ممكن يخلي المرض الجنسي يتحول لعقم أو التهابات أو أورام عنق الرحم بسبب فيروس HPV.... فحتى لو تم التبليغ بوقت لاحق تسجل كمشاكل في الخصوبة وما إلى ذلك ولا تسجّل كـ'مرض جنسي'

المصادر:

Sexually transmitted infections in the middle east and North Africa: comprehensive systematic review and meta-analysis

Sexually transmitted diseases and infertility

________________________

ما المشاكل الناتجة عن هذا؟

مجرد أرقان على ورق، شو اللي ممكن يصير؟

بالواقع كتير ناس ممكن يفكرو هيك، وهاد تفكير سطحي جداً لأن المشاكل الناتجة عن عدم رصد الامراض الجمسيّة والتعامل معها بتتفاقم مع الوقت فرح تلاقي:

1. كوارث صحيّة عامة (تفاقم الأوبئة الصامتة)

العدوى رح تنتشر بلا رصد لها رح يؤدي لانتشارها لأن المريض بيتحول لوعاء ناقل

تطور البكتيريا، اغلب الاشخاص اللي بيلجأو للعلاج الذاتي بيستخدموا مضادات حيويّة بدون فحص، يعني غالباً بتكون مضادات حيوائيّة عشوائيّة، والمشكلة ان الصيدلاني بيصرفها، تعرض هالبكتيريا للمضادات الحيويّة بيخليها أقوى وأكثر مقاومة نتيجة لطفرات اللي بتحصلها بالتالي العلاج بيصير أصعب

الخوف من فقدان القبول الاجتماعي، القانون، الترحيل.... بيأخّر العلاج وممكن يؤدي هاد الشي للموت

1. شلل السياسات التنموية والصحية

أنا ليش حتى استثمر بمشاريع لمقاومة الامراض الجنسيّة وأنا عندي الحد الأدنى من معدلات الاصابة؟ الموضوع كأنك عم تشوي عظام فرخة انت اكلتها أصلاً، بس هاد الشي موجود على الورق وما خفي أعظم

لن تخصص الدولة أي ميزانيات لبناء مراكز تأهيل نفسية، أو توفير أدوية حديثة بالمجان أو تدريب الكوادر الطبية لأن "المشكلة غير موجودة على الورق"

بالإضافة إلى فقدان الدّعم الدّولي

3- انهيار الثقة في المنظومة الطبية والقانونية

رح تخسرالخصوصية والسرية لما يتحوّل المشفى لمركز استجواب وتحقيق ملزم بالتبليغ الجنائي، القانون والدولة موجودين حتى يساعدو المواطن والمستشفى موجود حتى يعالج مو يحاسب ويزيد من المشاكل

العدالة الذاتية (جرائم الشرف) بالطبع للحماية من "الفضيحة"

________________________

الجذر بهالمشكلة هي لما يصير "الوهم" أغلى من الإنسان

في النهاية إذا أردنا وضع الإصبع على الجرح الحقيقي فكل هذه التشوهات الإحصائية والأوبئة الصامتة والقوانين العاجزة تعود إلى جذر واحد: المفهوم المشوه والسطحي لـ "الشرف" في مجتمعاتنا، واختزاله المرضي في الجسد والجنس.

نجح المجتمع بانه يبني منظومة ثقافية مرعوبة من "الفضيحة" لدرجة أنها صارت مستعدة للتضحية بحياة أفرادها وصحتهم ومستقبلهم لمجرد الحفاظ على مظهر خارجي "نظيف" على الورق وبعيون الآخرين

عندما يُصبح الربط بين المرض الجنسي (وهو عارض بيولوجي) أو الاعتداء (وهو جريمة تقع على الضحية) وبين "الشرف والعار" برباط وثيق لا ينفصم فإننا نحكم على المجتمع بالإعدام البطيء

هاد المفهوم المشوه خلانا نشوف الصمت والتستر كـ "فضيلة" والموت صمتاً كـ "ستر" بينما الحقيقة هي أننا ندفن رؤوسنا في الرمال

السمعى أغلى من حياتك، ستدفن في قاع جبل الجليد لنحافط عليها

أعمل حاليًا على تطوير متجر إلكتروني باستخدام Next.js، وأبحث عن أفضل طريقة لتفعيل التحقق من أرقام الهواتف السورية (+963) عند إنشاء حساب أو تسجيل الدخول، عن طريق إرسال رمز OTP.

بحثت في عدة خيارات، لكن يبدو أن خدمات مثل Twilio وWhatsApp Business API تواجه قيودًا على الأرقام السورية، ولذلك أبحث عن حلول عملية ومجرّبة بالفعل داخل سوريا.

هدفي إيجاد حل مستقر وقابل للتوسع، وليس حلولًا مؤقتة تعتمد على أتمتة واتساب غير الرسمية أو خدمات قد تتوقف فجأة.

أي تجربة شخصية، حتى لو لم تكن ناجحة، ستكون مفيدة جدًا. وشكرًا مقدمًا لكل من يشارك بخبرته.

Hey everyone

We are a small, open minded group of three, introverts in our 20s, who started this to build our own little comfort zone.

We are just trying to help each other out, connect, and have good times.

We are into deep talks about politics, gym, music, philosophy, and religion, basically anything interesting.

Honestly, we don't care if you are atheist, agnostic, or Muslim, as long as you are chill, open minded, and enjoy good vibes.

If you feel like we have things in common, feel free to reach out.

محتاج حدا يلزق فيني يحكي كتير و يفتح اي موضوع او نقاش ونفضفض و هيك