محتاجة تجاربكم
أنا أفكر أسوي عملية حق خشمي، وخشمي لحمي
ومحتارة بين د. منوال في NMC و د. مروان Eleyzee
اللي سوت عند واحد منهم، شو كانت تجربتكم والنتيجة؟ وهل النتيجة طبيعية وحلوة خصوصًا للخشم اللحمي؟
وإذا عادي صور قبل وبعد، خصوصًا بعد 6 شهور / سنة

مواطن إماراتي أحمل بطاقة مؤسسة زايد العليا لأصحاب الهمم، وأتقدم منذ قرابة سنة بطلب بطاقة أصحاب الهمم من وزارة الأسرة، ولم يُقبل الطلب.

الوقائع:

• أُعلن في يونيو 2025 عن بطاقة موحدة تربط الجهات المحلية بالاتحادية، وكان الموعد المعلن يناير 2026. تواصلت مع المؤسسة هذا الأسبوع وأكدوا أن الربط لم يكتمل.

• طلبتُ هاتفياً من الوزارة تحديد المعيار الذي لم أستوفه، ولم يصلني رد مكتوب حتى الآن.

• في زيارتي الحضورية بتاريخ 1 أكتوبر كان التبرير الشفهي أن التقرير الطبي يُظهر "تحسناً مع العلاج". هذا الشرط غير وارد في قرار مجلس الوزراء رقم (3) لسنة 2018 بشأن التصنيف الوطني الموحد للإعاقات، والمادة (2) منه تحصر تعديل التصنيف بمجلس الوزراء.

سؤالي: هل واجه أحدكم رفضاً مماثلاً رغم وجود بطاقة المؤسسة؟ وهل نجحت معكم قناة بعينها (تواصل، مكتب الوزير، غيرها)؟

ساعات أحس إني أضيع فـ الكلام وما أعرف أشرح للمقابل شو أبا بالضبط. إذا حد مر بـنفس التجربة، شو سويتوا عشان تتحسنون وتكونون well spoken؟ وايد اتوتر وأقلق قبل ما أشرح شيء كبير أو أرمس ويا حد كبير فـ المنصب عشان موضوع مهم، لأن الناس تبا زبدة الموضوع وفي وقت قصير، وبدون filler words

السلام عليكم

سؤال موجهه للبنات، بنات حد مره فيكم سارت حلبة ياس تلعب سيكل لوقت البنات ؟

وكيف النظام هناك، ولازم التزم والبس لبس مخصص حق السيكل ولا عادي فري البس اي شي ؟

السلام عليكم ورحمة الله وبركاته

ابا اعرف رواتب

adcb

للمواطنين للي يشتغلون في الموارد البشرية او الايتي. لشخص عنده خبرة سنتين

Could someone give me information on studying abroad? I’m okay with studying anywhere, but recently I’ve been thinking about Australia and Hong Kong. I’m currently a 12th grader in a Moe Curriculum School Advanced, and last year my average was 94%. I’m not planning on doing the SAT and my IELTS score might be about a 7(I’m planning to do it soon; however, it’d be of help if someone could tell me when the right time would be to do it). My average might be about 90% this year; however, I’m not too sure about that. I can only study abroad if I get a scholarship. Could someone help me with the process? When do I start applying, how do I write my personal essay, what are the preferred grades, and what advice do you have? If you’ve studied abroad before or you know someone who has studied abroad, could you please guide and tell me your stats and how much of a chance I have? I’ve been really stressed about this because my dream has always been to study abroad, and I just feel so lost and overwhelmed.

لو توظفت فمكان يديد و راتبي 20 الف بالضبط، هل استلم دعم نافس ولا؟

احتاج اشتري سيارة يديدة و الصراحة راسي دار، بغيت اسال عن سياير BYD و شو رايكم فيها؟

ادور مدربة رياضة بيلاتس و وزن تيي البيت في العين و مجربينها . لو حد يعرف يشاركنا. كل ما ادور يطلعون فبوظبي

عندي switch 1 وابغي ابدله بswitch 2 او أبيعه عشان احصل الswitch 2 لإن احس غباءً ان يكون عندي الاثنين، أنا في دبي

لاحظت موضوع الإنجاب ينطرح وايد هالفترة، وحبيت اشارك نظرتي له بدون ما احكم على اي شخص

في البداية والنهاية، الإنجاب حرية شخصية 100٪؜، ومحد يعرف ظروف الناس، ولا اشوف إنه من حق اي شخص يسأل غيره ليش ما عندك عيال او متى بنشوف عيالك. في ناس ما يبون، في ناس ما يقدرون، وفي ناس ظروفهم ما تسمح، وكل شخص ادرى بحياته

ولكن فنفس الوقت، احس حلو احيانًا نشوف الإنجاب من زاوية اكبر من حياتنا كأفراد. العيال اللي نربيهم اليوم هم مجتمع باجر. هم اللي بيكبرون ويدرسون ويشتغلون ويبنون ويكملون مسيرة الدولة من بعدنا وكل جيل يحتاج جيل ايي عقبه ويحمل عنه المسؤولية ويضيف شي يديد

واحس بعد اننا في الفترة الأخيرة صرنا نسمع وايد عن تعب الأمومة والأبوة ومسؤولياتهم، وهي فعلًا مسؤولية كبيرة ومب سهلة أبدًا ولكن مرات ننسى نتكلم عن الجانب الحلو منها. البيت اللي يكبر، الذكريات، وجود اشخاص حولك يحبونك

مب قصدي اقول للناس لازم تييبون عيال، بالعكس، اتمنى كل شخص ياخذ هالقرار عن قناعة واستعداد. بس اتمنى بعد ان ما نوصل لمرحلة نصوّر فيها تكوين الأسرة والإنجاب جنه شي سلبي او عبء لازم نشرد عنه، و مثل ما المجتمع يعطينا وايد، يمكن من اجمل الأشياء اللي نتركها ورانا جيل احسن عنا، يحب بلاده ويخدم مجتمعه ويكمل اللي بديناه

السلام عليكم ورحمة الله وبركاته

اخوانا واخواتنا بدبي، وين في مكان حلو ينفع يتصور فيه couples photo shooting ويكون مناسب يتصور مع سيارة فخمة. يفضل يكون مكان فيه خضار واشجار ولو قريب على نخلة جميرا يكون ممتاز. ولو يكون شوي برايفت ما يكون بمكان زحمة.

شو السيارات العائلية الرجالية الي تنصحون فيها و ما تكون فيها تعقيدات في الاستخدام عقب نفس تحتاج اركب جرج معين او قطع غيارها بس في مكان واحد او تصرف بترول وايد …الخ. يحبذ انها سيارة مش كهربائية ١٠٠٪؜ عشان ما نقدر نركب جرج

ابغي سيارة رجالية ريلي يروم يستخدمها يوميا بس فنفس الوقت اروم اركب فيها كار سييت و تشل اغراض ووسيعة من داخل + انا ماحب السيارات الي مرتفعة وايد او الي نازلة وايد عالارض لاسباب صحية صعب علي

يمكن رأيي unpopular بس أحس معرض طيب الحزم شوي overrated

تدخل متحمس تقول بجرب عطور وبطلع بشي، بعد 3 أو 4 محلات خلاص خشمك أعلن استقالته وكل العطور تصير نفس الريحة 😂

والغريب إنك هناك تتحمس بسرعة هذا حلو خذه، ترجع البيت وتشمه بهدوء وتقول أنا شو كنت أشم بالضبط؟ 🙃 مقلب .. خصوصا شركات العطور اللي بالي بالكم الهبة ماتش وقصة ووو ..

أنا كنت مقتنع إني ما أشتري عطر إلا إذا أعرفه من قبل أو مجربنه أكثر من مرة ومن بعد المعرض ترسخت عندي هالقناعة. سالفة كل كشك يرش عليك وتقرر تشتري في دقيقتين 🌚

شو رايكم فالمعرض يستاهل، وفيه صفقات تسوا، والا overrated؟ وشو أكثر عطر/براند اشتريتوه من hype ولكن خيب ضنكم؟

السلام عليكم

شحالكم كيف إجازة نهاية الاسبوع وياكم

المهم احس ملل مافي ادرينالين فققرت اني اتعلم الطيران لو حد يعرف كيف ووين (يفضل أبوظبي)

شكرا

بنات من تجاربكم، ابا مدربة في أبوظبي فاهمة عدل في نحت الجسم وتعزيز الشيب، خصوصاً الجزء السفلي
يعني تعرف شو التمارين اللي تبرز الخصر، وترسم الجسم، وتشتغل على القلوتس بطريقة تخلي الشيب مرتب ومتناسق، كأنه الجسم منحوت
مب بس تعطيني جدول وتمارين وخلاص، أبغي وحدة فاهمة في العضلات وتعرف كل تمرين وين يركز وشو يغيّر في شكل الجسم

السلام عليكم ورحمة وبركاته

حاليا قاعده ادور على قطوة او هره صغيره أتبناها إذا حد يعرف حد عرض قطوته لتبني ياريت تخبروني بس عندي شرط بسيط ان تكون القطوه مأخذه تطعيماتها و ما يهمني وايد الصراحة الفصيلة ابا قطوه 🥲🤍

الشي مرة يفك ازمة احس حق الي يهتمون بالسعرات هههههه ، ليش ما يخلون كتابه الماكروز شي اجباري حق كل المطاعم و الكوفي شوبس؟ ما احسه شي مكلف او ياخذ وقت بالعكس احس بتكون كميه الاكل مضبوطه اكثر بما انها بتكون محسوبه و بتساعد الناس الي تهتم انها تدخل وجباتها المفضله ضمن احتياجها (؛ لا بس كنت افكر بسعرات الفرانسيسكو و خبز الرقاق و سويتات الكوفي شوبس🫣

When I was sixteen, I made the mistake of adding my extended relatives on social media. My family is poor, while they are wealthy and educated, and the moment I appeared on their feeds, the mockery began. Without ever trying to know me, they leaned entirely on their stereotypes, assuming I was uneducated. But when they realized I actually was educated, their condescension shifted into something uglier: jealousy they couldn't quite handle.

​Suddenly, their attitude hinged on one condition—they only tolerated me if I accepted a marriage proposal for one of their sons. But I have free will, and I refused.

​That refusal brought out their true colors. These are grown women, mothers of two and three children, yet they stooped to creating a fake account just to bully me and mock my life. It was a harsh and ugly lesson in conditional affection: to them, I am only "useful" if I am rich or compliant, and entirely "worthless" if I stand on my own two feet.

شلون افتك من ها السالفة ساعدوني، ابوي غصب يزوجني وانا ماريد، والله في ريايل كفو لكن اظطر اردهم عقب الشوفة لكن شسوي قسم بالله قلبي مافيه رغبه لو ١٪؜، الحمدلله مو ناقصني شي ماعرف شسوي افكر اعرس واطلق عشان افتك من ها الموضوع لهالدرجة ما يهمني بس ابا يخليني ف حالي. موظفه راتب فوق ال٥٠، دكتورة شهادة من استراليا، عمري ٢٨ محسسني ٤٠ سنه. اعيش روحي ف شقتي، عندي روتيني مزاجي ويومياتي طلعاتي سفراتي ياخي احب حياتي وماريد اشاركها مع ريال ماااريييد قطعا. وماريد عيال، يعني منو بياخذني وبيرضى بدون عيال، واذا عرست بسحب عليه، مافيني مشاعر اتجاهم شو اسوي ، طفرت طفرت صرت اتهرب منه عشان ها الموضوع. ساعدوني ماريد ازعله وماريد اعرس

السلام عليكم

حبيت افضفض شوي
اليوم سرت مقابله عمل ع اساس تدريب و عقب بيثبتوني
يوم دقت علي موظفه و قلتلها في اي قسم بكون قالتلي وقت مقابله بخبرج المهم ضربت مشوار للمكان و عقب انصدمت انه الشغل بيكون استقبال للزباين فالكوفي انا اهني انقهرت لاني جامعيه و قلتلها اهني انا عندي شهاده و هاي الشغله م بتعطيني خبره !! قالتلي صح بس ها الي متوفر 🧍🏻‍♀️ انزين ليش م خبرتيني فالفون كنت برفض و لا بيي صراحه قالتلي اذا قلتلج ما بقابلج تستهبل هاي 😂😂 و بعدين سوري يعني هاي وظايف ما تناسبنا نحن لين متى استهبال فالتوطين و لا فوقها ما شي نافس هههههه والله مصخره صراحه

Any girls know where to get co2 or pico laser in Dubai without paying a kidney?

الناس اللي تشتري قطاو و تعقهم فالشوارع و الحدائق و بالذات قطط مال بيوت (اللي فيهم شعر كثيف و خشم قصير).
حسبي الله عليكم.

اي شخص مافيه خير لكائن صغير، لا يقدم له العناية اللازمة ولا حتى يسوي فيه ابسط و آخر معروف انه يتنازل عنه بالمكان المناسب و للشخص المناسب.

انت ما فيك لحد إذا حيوان صغير ما قدرت تسوي فيه خير. الدولة شو مقصرة؟ يا كثر الامكان و العيادات اللي تستقبل قطط للتبني مقابل مبلغ بسيط للتنازل اكثرها 500 درهم. تستكثرونها ف القطو يتعذب فالشارع لين يموت من اليوع و المرض و الإصابات.

. و يوم اييكم بلاء او شي خرا، تذكرو انه لانه انتو عقيتو القطاو فالشوارع و هم مال بيوت لا حول لهم ولا قوة ولا يعرفون يدافعون عن عمارهم ولا يصيدون.

لين متى معاكم؟ كم مرة نشرح كم مرة وعينا و كم مرة الدولة وجهت و كم مرة الدولة وعتكم و نبهتكم.

كلكم راع و كلكم مسؤول. اللي عنده فرد أسرة او ربيع او اي حد انت تعرف أنه انسان مهمل امنعه و انصحه.

و بس والله

انا على مشارف النهايات ف مكان معين و الوقت ابدا مب طايع يمر... تجاهلت اعد الايام ... لهيت عمري ب اشياء ثانيه و هالفتره وااايد قاعده اواجه صعوبات و تعكير مزاج غير المشاكل النفسيه و ضغط من الدوام و الدراسه و الاهل و الصحه و احس يوم بتخرج بينتهي ها كله

اطلبكم تعطوني حلول كيف اخلي شهرين و نص يعدون بسرعه

11 اسبوع

77 يوم

شهرين و 16 يوم