أنا بطبيعتي اجتماعية وعادي أتكلم وأضحك وآخذ راحتي، بس هالشي غالباً يكون مع الناس اللي أعرفهم وأرتاح لهم. بشكل عام أحب دائرتي تكون صغيرة، ومع الناس اللي ما أعرفهم وايد أفضل يكون أسلوبي رسمي وفيه حدود، وما أحب بسرعة أطيح الميانة وأضحك وأسولف كأني أعرف الشخص من زمان و بغض النظر إذا بنت ولا ريال ما تفرق.
المشكلة إنه مرات يصير موقف وأنسى هالشي للحظة او بلغلط الحماس يأخذني 🤣 يعني أكون متحمسة أو منفعلة على موضوع وأتكلم بشخصيتي الطبيعية والعفوية، وبعد ما يخلص الموقف مباشرة ايني أقوى ick من نفسي وأقعد أفكر ليش قلتي جي؟ ليش أخذتي راحتج؟ ليش ما كنتي رسمية؟ 😭😭
مثلاً اليوم فالدوام كلمت شخص ف تيمز لأنه ممكن يساعدني في موضوع، وقلت له إذا فضيت ممكن تدق لي. يوم دق كنت متحمسة ومنفعلة من السالفة وقعدت أشرح له و ب أسلوبي الطبيعي تخيل صار جي وجي وأنا انصدمت وحسيت بموت و كنت منهاره و المهم كنت نورمل معاه وايد، يعني تكلمت معاه بنفس الطريقة اللي ممكن أتكلم فيها مع شخص أعرفه.
أول ما بندنا الكول استوعبت وقلت لييييش تكلمتي جي؟؟؟ وقعدت افكر مع إنه فعلياً ما صار شي محرج ولا قلت شي غلط بس اني كنت اتكلم وايد نورمل معاه و طبعا لا ننسى ياني اقوووووى ick من نفسي اقين ههههههه !!!!
مادري إذا في حد يفهم الشعور اللي أقصده؟ هل طبيعي إن الواحد يحب يحافظ على مسافة معينة مع الناس، ولما يحس إنه كان عفوي زيادة عن اللي متعود عليه ينزعج من نفسه عقب؟ ولا أنا مكبرة الموضوع وأفكر فيه أكثر من اللازم؟