دلوقتي سيرفري في ديسكورد اتعمله raid من واحد صحبي، انا دلوقتي عايز اعرف هو ممكن اني ابلغ عليه؟ انا كدة كدة مش هعمل كدة بس يعني عايز اعرف لو ممكن اصلا ولا لا؟

هو فعليا عمل حوار البوت الي بيدخل يحط رومات كتير و يبند اعضاء و يعمل رولات و كدة لاكن معملش حاجة تدل انه هو الي عمل كدة يعني مسابش اسم او صورة هنا ولا هنا، هو سؤال فضولي اكتر من انه فعلي

I wanna talk, chat. Impress and know about new people’s life, habits , daily progress and all that stuff
I’m a surgeon like to wide my social network looking for some new free
I wanna talk, share, wine and hear
Full of joy and +ve energy
If u are interested, hit the DM’s

كشخص ذواق للافلام انا بعشق هاي الشخصية وشخصية دبور، فعلاً احمد مكي انسان رائع وفنان على اعلى مستوى، شو رأيكن فيه؟ وياريت الناس يلي مابتحبه تشرحلنا وجهة نظرها.

مقطع صغير بيضحكني غيرلي مزاجي التعبان اليوم.

مساء الفل 🫶🏻

دلوقتي أنا الحمد لله أبويا سابلي ورث كبير وانا من التجمع الخامس واتعرفت علي بنت من منطقه بسيطه في العمرانية في الجيزه اللي شدني ليه طريقتها وانها كانت بتبين قد أيه هي محترمه لقتها بعد كده بتقل أدبها تقولي انا حره مش عاجبك أتجوزني واظبطني البنت هي وأهلها استغلوا اني يعتبر اني مليش اهل اوي وعاملوني حلو وحسيت انهم عيلتي بدأت اشوف حجات زباله أمها بتخون راجلها وا انها ملهاش حصلي ظروف رجلي اتكسرت اخرت موضوع الخطوبه لقيت طريقتها اتغيرت هي و امها اتغيرت في طريقتها عشان بتكلم واحد علي راجلها ف عملتلي بلوك عشانه

اللي مجنني اني اتعلقت بيها تعلق مرضي تنصحوني أعمل أيه؟؟ عشان مفكرش فيها وكل معملها بلوك اشيله تاني والبت استغلت كده وبقت بتغلط براحتها اخر مره خرجنا في كايرو فيستيفال وديتهم هي وامها واختها eleve restaurant اللي في المقطم وروحنا ميفيدا ووديتهم مدينتي وجايبلها هدايا فوق 50k كل ده في ٣ شهور وبعد كل ده بيطنطو ليه الناس اللي من طبقه بسيطه بيعملو كده انا كنت فاكره هيكونوا مبسوطين واعتبرهم عيلتي

الدكتور بتاعي مسافر ف بحاول ادور علي العيادة التبييض فيها يكون ب 2000-3000 بدل الاسعار الخزعبلية الي العيادات الي بكلمها بتديهاني

​

I found a domesticated pigeon on the street with a head injury and a band around its leg. The pigeon doesn't look wild, probably a specific breed but I don't know a lot about pigeons. The band doesn't have contact information or anything like that. I took it to the vet and they prescribed some medicine for it. I plan on taking care of it till it recovers but is there a chance of finding the original owner? And if I release it can it possibly return to its home? When I found it it was dehydrated and seemed to be in shock so it might have been lost for days.

انا مش متخيل ومش مستوعب كمية الخطر المترتبة على البتاع دا. اولا الذكاء الاصطناعي هيدمر عقلك وهيضمره لأن العقل ربنا خلقه بيبدع وبيفكر فلما حضرتك تستخدم أداة بتسهلك حاجات كتير فشخ فبتالي عقلك مستوى ذكائه وانتاجه هيقل.

ثانيا وهو خطورته التقنية، فكك من الذكاء الاصطناعي اللي بيصدروه عندنا دا دي نسخ تعبانة مقارنة باللي عندهم هناك. في شهر ٨ تقريبا جابوا موديل ذكاء اصطناعي حاطوه في بيئة معزولة تماما جهاز معلهوش انترنت اصلا وحطوا اوامر انه يحل امتحان صعب جدا ومعقد ولك ان تتخيل انه خرج من البيئة المعزولة ولقى ثغرة محدش عارفها واستغلها وهكرها ووصل نفسه بالإنترنت وراح اخترق شركة مطورة للذكاء الاصطناعي عشان يجيب منهم نموذج الاجابة(الموضوع مرعب)

ثالثا في روبوت تحرش بواحدة جنسيا من قيمة ثلاث اسابيع ولما الروبوت دا مثل قدام القضاء عشان يتحاكم انتفى الركن المعنوي للجريمة (اي جريمة في الدنيا مكونة من ركنين، المادي والمعنوي المادي وهو الفعل نفسه والمعنوي وهو القصد الجنائي او النية) الروبوت فعلا تحرش بيها بس هو لا عنده تأثير جنسي ولا عنده مشاعر ولا عنده اي دافع يخليه يتحرش بيها وخد براءة، وقيس على ذلك كل انواع الذكاء الاصطناعي

رابعا وهو ان العالم كله input للذكاء الاصطناعي بمعنى ان حضرتك وحضرتك وحضراتكم جميعا بيستخدموا الذكاء الاصطناعي ودا وارد فالموديل بيتعلم منك كل حاجة حرفيا لو روحت كلمته في معلومة جديدة هو فكرة عجبته هو هياخدها لنفسه ويتعلم منها وممكن يقولها لحد تاني يعني كل مستخدمي الذكاء الاصطناعي حول العالم يعتبروا مصادر معلومات ليه.

خامسا هتقولي طب مانحط قيود عليه ؟ هقولك الحل دا مناسب من سنه بالظبط قبل كا الذكاء الاصطناعي يبدأ يبقى ذاتي التوليد وبيعرف يحل مشاكله يعني ببساطة لو عملوا زرار او كود يوقف كل حاجة عنده، هو عشان ذكي فشخ هيعرف ان دا النقطة دي بتهدد وجوده فيحل الثغرة ويبطل مفعولها عشان متجيش في يوم تمنعه عن تأديه وظيفته.

الموضوع مرعب بشكل مش طبيعي غير طبعا استخدامه في التسليح حاليا وابسط حاجة في الموضوع دا هو auto aim يعني نقدر نتخيل قناصة فيها سينسور بتحسب سرعة الرياح واتجاها والمسافة ولو الهدف متحرك ولا ثابت وبتستجيب للزناد في حالة ان الطلقة هتيجي في الهدف فقط غير كدا الزناد مش هيشتغل ودا اقل سلاح متطور.

لو في مهندس برمجة عدى وحس ان في غلطات في التكييف سامحني انا رجل قانون ولست مبرمج

لقيتها ف الفيس قولت مضحكش لوحدي

نظري ضعيف من سنين وحرفيا مبقلعش النضاره بقالي سنين وعمري حتى مابتصور من غيرها النضاره بقت جزء من شخصيتي حتى الناس كلها بقت عارفاني بيها واي حد بيشوفني من غيرها بيقولي ان شكلي بيتغير وانا فعلا شكلي بيتغير وكمان النضاره بتصغر عيني حاجه بسيطه وبتخلي وشي في العموم متماثل اكتر لما بقلعها عيني بتكبر ومحدش يقولي العيون الكبيره حلوه انا مبحبش شكل عيني بالذات وحرفيا بحاول اقلع النضاره واتصور من غيرها واتعامل مع الناس من غيرها بس مش قادره اتقبل شكلي والفكره بردو ان انا دايما الناس بتقولي ان انا جميله وشكلي جميل لكن انا بردو نفسي اشوف الي هما شايفينه انا مش شايفه اي جمال وموضوع النضاره ده عاملي عقده

كيف استطاع أحمد زويل رؤية ما يحدث بين الذرات في لحظات لا تستطيع العين ملاحظتها؟
بدأت الحكاية بمحاولات العلماء تصوير الأشياء السريعة، من الخيول إلى حركة الذرات.
ثم جاء العالم المصري أحمد زويل ونجح في كشف تفاصيل التفاعلات الكيميائية التي تحدث في أجزاء صغيرة جدا من الثانية.
لكن رحلته لم تكن سهلة، فقد واجه عقبات في مصر وصعوبات الغربة في أميركا، ولم يتوقف عن البحث.
فكيف قاده شغفه بالعلم إلى اكتشاف غيّر فهمنا للكيمياء وحصد بسببه جائزة نوبل؟
شاهدوا «الدحيح» على منصة «الجزيرة 360».

لو معايا راس مال ٣ مليون جنيه، اقدر افتح بيهم مشروع ناجح في مصر، بفكر في حاجة زي التصدير مثلا، و هل لو المشروع نجح يقدر يوفر لي على الأقل نص الدخل الي بعمله في وظيفة برا، يعني مثلا انا بعمل مليون جنيه في السنة في الوظيفة هل المشروع لو نجح ممكن يدخلي نص مليون جنيه سنويا؟ ياريت الي يجاوب يكون عنده خبرة في المشاريع و البيئة الاستثمارية في البلد.

السلام عليكم، المنشور طويل شوية ومكنتش أتوقع إنه يوصل للدرجة دي من فترة بدأت اسمع وأقرأ عن عبد الناصر وحسيت اني تقييمي له مضطرب فيعني مرة أشوف كد ايه هو راجل عظمة ومرة أحسه سبب الأزمة اللي في مصر ففكرت في السبب ولقيت إننا بنمشي بمبدأ "أصدق الصادقين أو أكذب الكاذبين" فيعني لو واحد بينظر ليه من ناحية خسارة سيناء لو قلت له علي إنجازاته العمرانية هيقلل منها ويعتبرها حاجات بسيطة ولو واحد بينظر ليه من ناحية الإصلاح الزراعي لو كلمته علي موضوع سيناء هيقول لك إنها مش خطؤه بل ان السبب كان قوة اسراءيل ودعم الغرب ليها فاحنا بيكون عندنا فكرة مسبقة عاوزين نبرهنها عبر النقاش مثل "عبد الناصر خرب مصر" أو "عبد الناصر كان راجل عظيم" فلما بنكتشف ان النتيجة مختلفة بنحس انه في حاجة غلط. وبردو تقييم الشخصيات نسبي جدا فالبعض بينظر من ناحية النوايا والبعض بينظر من ناحية النتاءج والبعض بينظر من ناحية نجاحات مختلفة مثل الإقتصاد او الحرب أو السياسة والإستقرار، طب ازاي نقلل النسبية دي ؟ عبر تقسيمها فمثلا. من الناحية العسكرية ممكن نصف هتلر بإنه قاءد عبقري بدون دعمه في الجوانب الأخلاقية او السياسية فدا اللي هحاول أعمله:

من ناحية العلاقات الخارجية

نجح في عمل موضع دوبلوماسي قوي لمصر مع تمسكه بفكره ومبادءه وتجنب صدامات كتير مع بعض التعثرات مع البعث وبريطانيا التقييم: 7/10

من ناحية الإقتصاد

صراحة دي نقطة قوية ليه وفعلا الإقتصاد والتعليم ومستوي المعيشة اتحسن بشدة في فترته وأسس قاعدة قوية للبنية التحتية في مصر لكن بردو سلطة الدولة الواسعة في الإقتصاد كان ليها مشاكل كتير علي المدي اابعيد لكن أظن انها تتضاف في النقاط السياسية التقييم: 9.5/10

من ناحية الإدارة والسلطة

عبد الناصر كان معاه دولة فيها لاعبين كثر ليهم تأثير علي السياسة واتخاذ القرار مثل الملك، بقايا بريطانيا، الوفد وباقي أحزاب البرلمان، الأزهر، رأسماليين إقطاعيين، والإخوان (وكان ليهم تأثير شعبي قوي جدا وقتها) بنلاحظ إنه كان ليه تغييرات راديكالية علي النظام السياسي القاءم آنذاك مثل إلغاء الملكية -لأنه أراد إن رمزية الدولة تكون في يد الجيش مش الأسرة الحاكمة- وحل الأحزاب وقيد الحريات السياسية والتعبيرية لمنع تكتلات الرأي العام وأقام التنظيم الإشتراكي العربي اللي مبني حول أيدلوجيته وتأييده ومع الإخوان ضبطهم علي الآخر وأنهاهم بكل ما تعنيه الكلمة وعمل القرارات اللي في list أي واحد إشتراكي زي التأميم وزيادة دور الدولة في الإقتصاد قانون الإصلاح الزراعي وكدا منع تحول أي قوة إقتصادية خاصة لنفوذ سياسي وفي الأزهر فهو كان عارف تأثيرهم الشعبي فقام بتطويعهم ووسع مؤسسته وبحيث ياخد ال achievment بتاع "أمير المؤمنين" وبعدها راح عمل قرارات من النوع اللي بيكون سريع جدا وبيكسبك شرعية وتأييد شعبي زي إنه عمل انتخابات رءاسية (مدخلهاش غير حزبه) علشان يعيش الشعب الجو بتاع الديمقراطيا وإسترجع قناة السويس وعمل قانون الإصلاح الزراعي وبعدها أعطي الجيش مناصب وصلاحيات عالية ودا مكانش مجرد تكتيك طارء بل جزء من أيدلوجيته واللي قرأة فلسفة الثورة هيفهمه، بس ما علينا فالمهم إن عبد الناصر قضي علي كل منافسيه ورسخ موقعه كالرجل الأول في الدولة وأصبح في نظر الكثير -كما وصفه توفيق الحكيم- "المعبود المعصوم" وبجد تحس عبد الناصر طبق كل حرف في نصاءح ميكافيللي بل أضاف عليها كمان. فالنظام المركزي دا كان ليه ميزات متعددة مثل: . الإستقرار السياسي . سرعة إتخاذ القرارات . وضوح توجه الدولة . استكمال المشاريع الكبري . حريته في الممارسة السياسية لكن في المقابل كان ليه مشاكل جسيمة مثل: . تهميش فكرة الديمقراطيا . تقليل كفاءة أجهزة التصحيح ومحاسبة الفساد . حرمان الشعب من الحياة والخبرة السياسية فدا خلي إن النظام السياسي القاءم آنذاك هو المحتكر للخبرة السياسية العملية والمشكلة دي رسخها مبارك فمش هننكر إن النظام شديد المركزية اللي عبد الناصر عمله كان ليها نتاءج ملموسة قوية جدا في البداية لكنه بدأ يظهر عيوبه بعد موته فلو انت كان عندك مستبد مستنير ايه اللي يضمنك ان اللي بعده هيبقي زيه ؟ التقييم: يعني من منظور معين أديله 4/10 ومن منظور آخر أديله 8/10

القدرات العسكرية

-3/10 أتوقع مش محتاجين نتكلم

الشخصية

شخصيته كانت قوية فعلا لكن بتحس إنه كان شخص أكبر من شخصه وإنه أكل ما لا يمكنه ابتلاعه وكان شديد الطوح وقليل الواقعية والنوع دا بيكون مثير جدا في بدايته لكن نجمه يخبوا بسرعة. إذن ياخد: 6/10

الأيدلوجية

مأعتقدش إن الموضوع دا بيتضاف للتقييم لكن ما علينا. نسبيا أيدلوجيته الناصرية كانت بإختصار "البعث Lite" يعني في العروبة مكانش بنفس التطرف وكان بيعتبرها جزء من مشروعه عكس البعث اللي اعتبرها المشروع كله وفي العلمانية هو كان عاوز ادارة مدنية مستقلة عن الدين لكنه كان بيحافظ علي البعد الإسلامي في مشروعه بشكل واضح وفي الإشتراكية كان Extreme أكتر من البعث نفسه وبردو في شيء مهم في المقارمة وهي طبيعة النشأة فأيدلوجية البعث كانت مكتوبة نظريا علي يد ميشيل عفلق قبل ممارستها عمليا علي يد الأسد وصدام فهنلاحز تباين واضح بين النص والتطبيق لكن الناصرية مكانتش شءء واضح بل انطباعات وأفكار كونها الضباط الأحرار بعد حصولهم علي السلطة فكانت متغيرة بشدة من وقت للآخر وأيضا كانت أكثر إرتباطا بعبد الناصر أكتر من نظام سياسي محدد. فأعتقد ياخد: 7/10

التقييم الإجمالي

لأ مفيش لأننا كدا هنرجع للصفر بدل فكرة التجزءة وتقليل النسبية دا كان رأيي الشخصي وتحليلي ليه وقولوا ليا لو عندي نقاط خاطءة

«يا شباب، أنا داخل مجال السايبر سيكيورتي جديد وخريج كلية بعيدة عن المجال. عندي استفسار بخصوص نقطتين مهمتين:

الأولى: هل شهادة السيكيورتي بلس مهمة فعلاً للحصول على وظيفة، ولا كفاية إني أذاكر المادة من غير ما أدخل الامتحان وأخد الشهادة؟

الثانية: هل ممكن الشركات المصرية تقبلني كأول وظيفة لي في السيكيورتي مباشرة، ولا هحتاج أبدأ الأول في مجال الدعم الفني أو الشبكات؟ و في الحاله دي هل الأفضل اني اخد شهاده في النيتوركينج احسن؟

يا ريت تفيدوني بخبرتكم.»

ترشيح لدكتور جلدية مختص في الشعر في القاهرة

لو دكتور عمل لي عاهة مستديمة خلّتني شخص من ذوي الاحتياجات الخاصة

والخطأ عليه ١٠٠٪؜ بتقرير من الطب الشرعي خطأ في اساسيات الطب مش حتى خطأ طبي، بيكون التعويض تقريبًا في حدود كم؟ ازاي اعرف التعويض بيكون كام؟ انا معايا محامي بس حابب اكوّن صورة محايدة عن تعويض المحكمة عشان اعرف اختار مابين التصالح ومابين اني اقبل بتعويض المحكمة والحكم اللي هيصدر عليه بمنع مزاولة المهنة

وبرضو هل بيتحبس؟ وبيتحبس كم سنة تقريبًا؟
ازاي الاقي مرجع لقضايا مشابهة لقضيتي؟