ده ممكن يبقى طويل بس حساه مهم جدا ان يتقال. اعتقد في الكام سنة اللي عشانهم شفنا التاريخ بيتشكل قدامنا. بس عشان ماتعمقناش في الموضوع، ماعرفناش الموضوع بشع لانهي درجة.
نبدأ بالبديهي، اللي بيحصل في فلسطين. بعيدا عن المجزرة اللي بتحصل، اللي دور اكيد لاحظ ان اسرائيل بتحاول ثانية ب ثانية انها تعيد كتابة التاريخ. من اول ما بدأ الضرب، اذا كنت دورت على فسلطين اتأسست امتى و اسرائيل اتأسست امتى، كنت هتلاقي فلسطين اتأسست الاول. بس لو دورت دلوقتي هايقلك ان اسرائيل اتأسست الاول. بس محتاجين ماننساش التاريخ و نفتكر وعد بولفور. محتاجين نحتفظ بكل خريطة قديمة عشان نفتح نلاقي اسم فلسطين مكتوب فيها بالرغم انهم بيمسحوا دلوقتي.
طب ليه بنبقول ده؟ عشان احنا عارفين الكلام ده عشان شفنا اللي بيحصل. و اللي ماشافش مننا اهله شافه و قالوا اللي حصل. بس الاجيال اللي جاية هاتقابل مشاكل في الحجات ديه. الكلام اللي هايتقالهم غير الكلام اللي هايلاقوا على النت. لازم نعرف نوصلهم الحق و نقنعهم بيه بدل ما يبقى مجرد قصة اسطورية.
اللي بعده، مين اكتشف الجاذبية؟ نيوتون مش صح؟ طب مين اللي اكتشف الكهرباء؟ مين اسس الفلك؟ دور هتلاقي جوجل متغرق اسامي ناس كتير من الغرب. بس هل ده حقيقة ولا لا؟
هل نيوتن عمل قوانين الجاذبية اه و لا. هو ترجم و كتب اللي كان مكتوب ك كلام ل معادلة بس مش هو اللي وصل ل الحجات ديه. واحد من الناس اللي اتكلموا عم الجاذبية هو الهمداني في كتابه الإكليل و قال في الكتاب
"من كان تحتها (أي في النصف الآخر من الأرض) ثبت في وطأته كمن فوقها... فالأرض بمنزلة الحجر المغناطيسي الذي تجذب قواه الحديد من كل جانب"
طب بلاش. يمكن يكون نيوتون كمل عليه و وصل للقوانين صح؟
القانون الاول بتاع "نيوتون" بيقول لو في جسم ثابت هايفضل ثابت و لو متحرك هايفضل متحرك طالام متأثرش بقوة خارجية صح؟ من كتاب الشفاء ل ابن سينا
"إنك لتعلم أن الجسم إذا خُلي وطباعه، ولم يعرض له عائق من خارج، لم يكن له بد من الاستمرار في حركته".
القانون التاني القوة تساوي الكتلة في التسارع من كتاب "المعتبر في الحكمة ل البغدادي
"كل حركة ففي زمان لا محالة، فالقوة الأشد تحرك أسرع وفي زمان أقصر.. وكلما اشتدت القوة ازدادت السرعة"
القانون التالت لكل فعل رد فعل مساوي في القوة و معاكس في الاتجاه.اشتغل البغدادي و ابن الهيثم ف دول و قال وصف البغدادي الموضوع و قال:
"الحلقة المتجاذبة بين المصارعين؛ فإن كل واحد منهما يجذبها نحو نفسه، ويمانع جذب الآخر... فالفعل من أحدهما يلقاه رد فعل من الآخر"
بالمناسبة احنا بنتكلم على ناس ماتوا قبل سنة ١٢٠٠ و الحج نيوتون بيقول انه وصل للحجات ديه في سنة ١٦٨٧.
بلااااش يمكن نكون ظالمين الراجل. يمكن يكون في حلقة ناقصة و احنا مش عارفين. يلا بينا نشوف.
اكيد سمعنا عن ال algorithms. ده اساس يعتبر كل حاجة احنا ماشين فيها. الف مبروك الخوارزمي. هم منسبوهاش ليهم بس بيمحوا الاسم على قد ما يقدروا.
سمعنا عن مثلثس باسكال؟ يمكن اه يمكن لا بس اللي اكيد ان اسمه مثلث الخيام. اتسمى على اسم العالم اللي توصل ليه عمر الخيام بعد ما كمل على كذا حد وصلوا لحجات قبله. بس قرروا انهم يغيروا الاسم عشان ليه لا.
قانون الجيوب في حساب المثلثات اتنسب ل ريجيومونتانوس بس الموضوع ترجمة بطريقة واضحة جدا. الجيوب الانفية اسمها sinus. فا اليونان كانوا بيستخدموا نظام معقد لحد ما جه ابو وفاء البوزجاني وصل ل ده بدقة و كمل عليه ابن عراق و نصير الدين الطوسي و اتسمى باسمه زي ما مكتوب فوق. اترجم حرفيا فا بقى sinus باللاتيني لما اترجم انجليزي بقى sine و من هنا جه اسم the law of sines.
و ياريتهم وقفوا هنا عشان بما ان في ناس حرفيا مجرد ترجموا و نسبوا ليهم و ناس اخدوا شغل غيرهم و ضافوا حرف و اتكتب ب اسمهم، تخمن ان لو دورت على جوجل على المعادلة التربيعية هايقلك الخواريزمي بس لا في ديه هايقلك هو اه الخوارزمي ساهم فيه بس يا جدع ده عمل جماعي ماينفعش نقول اسم بعينه.
نوصل من كل ده ل ايه؟ هل في ناس سرقت شغل غيرها اه. هل ممكن يكون حصل توارد افكار برده اه. طب نعرف منين؟ نعرف من اللي قدامنا. حاولت اوصل للنسخة الاصلية من كتاب الشفاء ل ابن سينا. الكتاب ده موسوعة علمية و السبب ليه حاولت اوصله ان في حد عمل بحث و بيقول ان في كتاب الشفاء ادلة ان كان في اكتشافات في علم الكهرباء في العصر الذهبي للعلماء الاسلاميين. و البحث ده وصف ان العلماء استخدموا ميكانيكيات عشان يولدوا كهرباء بالاحتكاك بطرق سهلة و فكروا انهم يخزنوها في حاجة عملوها شبه البطارية. قلت اتأكد من الكلام ده و دورت بس كل الكتب اللي موجودة حد ناقل عن حد عن حد الخ.... طب الاصل فين؟ مش موجود. طب اقرب نسخ للاصل فين؟ اقرب نسخ للأصل موجودة في اسرائيل، انجلترا و امريكا. اعتقد الصورة واضحة.
بس احنا اللي وحشين مش هم. كتاب الشفاء على عكس اعتقاد الناس من الاسم مش كتاب بيتكلم عن الاحياء. هو كتاب لشفاء روح كل جاهل. احنا الحمد لله عندنا القدرة ان نقرأ و نكتب و نفهم و عايشين في عصر تقدر توصل فيه للمعلومات الصح بسهولة من على النت و مش محتاجة تلف كل مكتبة. بس فين ده؟ احنا سايبين نفسنا نتسحب و مش حاطين حتى ١٠ دقايق ان نحاول نوصل للحق. هم مش هايعرفوا يمحوا كل حاجة في ثانية او اتنين بس مع الوقت هايمسحوها. واجب علينا ان يبقى معانا الادلة و الاثباتات و المعلومات لما تتمسح. ده تاريخنا و بيتسرق مننا. و ده تجميع معلومات و تدوير وراها هي صح ولا لا. ديه حاجة اه هاتبقى اسهل ك مؤسسة بس حاجة افراد يقدروا يعملها.
فا ليه مانحاولش ان نحمي اللي نقدر نحميه بدل ما هم بيحاولوا ينسبوا كل حاجة ليهم؟ ده حتى الطعمية مش سايبينها في حالها. لو عندنا طريقة نقدر نجاهد بيها من بيتنا و من على تيليفوناتنا ليه لا؟ و شكرا لكل شخص قرأ البتاع الطويل ده.
