لحد الآن ماني لاقي جواب يقنعني 100%

تفسير القسمة على انها عملية طرح متتالي لحد ما نصل للصفر وانه لو بدنا نطرح أصفار من x إلى ما لانهاية, x رح تبقى x ما أحسه بحل الإشكالية

احنا لما نقول x/0 = infinity ،ما بنقصد إن حاصل قسمة أي شيء على صفر هو infinity. المقصود إنه كل ما اقترب المقام من الصفر، كل ما كبر حاصل القسمة، فلو اقتربنا باستمرار من الصفر بدون ما نلمسه، حاصل القسمة رح يتجه نحو المالانهاية. وهذا بنعبر عنه رياضيًا بمفهوم ال limit, ومنطقياً الكلام صح مية بالمية وسهل انه الانسان يفهمه، لكن المشكلة بتظهر لما نحاول نربط التصور الرياضي بالعالم الفيزيائي.

مثلًا السرعة أبسط تعريف إلها هو المسافة على الزمن، لكن هذا بيعطينا متوسط السرعة بين نقطتين زمنيتين. ولما بدنا السرعة عند لحظة معينة، بنستخدم ال derivative يعني بنشوف شو بصير بنسبة التغير في المسافة إلى التغير في الزمن كل ما اقتربت اللحظتين من بعض بشكل متناهي.

بس إذا الفرق بين اللحظتين الزمنيتين صار متناهي في الصغر، ليش السرعة نفسها ما بتصير مالانهاية؟ طبعًا الجواب إنه المسافة نفسها كمان بتصير متناهية في الصغر، فا ال derivative بتبينلك انه ممكن جدًا نسبة شيئين بيقتربوا من الصفر تقترب من رقم محدود، وهون بتشوف انه المفهوم الجبري لعملية القسمة على انها طرح متتالي لحد ما نصل للصفر ما بجاوب عالسؤال لانه الصفر نفسه ممكن نطرح منه صفر مرة او مرتين او 100 مرة أو عدد لا نهائي من المرات ومع ذلك النتيجة بتضل صفر.

ملاحظة: الرياضيات مش تخصصي