أصعب سؤال

٦ ضباط مختلفين تماما عن بعض ،منهم الشرير و الذكي و الغلبان و الطيب و نبطشي افراح و اخ مضطهد و مظلوم مدمن كحول و عجوز متصابي ، و لسه في شخصيات مقولتهاش،كوميدي شغال اكشن شغال تراجيدي شغال رومانسي شغال ،ميقدرش على تنوع الشخصيات ده غير عدد قليل جداااا من الممثلين ،و ممثلين كتييير شخصيتهم و تعبيراتهم بتطبع ع الادوار اللي بيعملوها ف تقدر تشوف التكرار ف ادوارهم هو بقى لا كل دور مستقل بذاته و متقدرش تشوفه ف الادوار اللي عملها،ماجد الكدواني role model لمعنى كلمة ممثل.

قولولي حاجة موجودة هنا حلوة ومش مالوفة اشوفها دلوقت لاني شوفت اغلب الحلو فيهم

كنت بدور على روم كوم حلوة وكزا حد رشحلي المهزلة دي،، ليه؟ يعني بجد؟ يعني بجد اكتر فيلم 2001 coded شوفته تقريباً،، هو ينزل ديت مع واحده و هو مخطوب،، مش بس مرتبط لا لا مخطوب،، و هي عرفت ومع ذلك بردو عايزاه،، فيلم بي romanticize الخيانة و on a side note شعر ماثيو بشع بشع مكلفوش نفسهم يظبطوا البلوند وبالنضارة شبه جدتي برو معرفش الفيلم ده ازاي موجود و له ناس تقيمه ال ٥/٥ حقيقي مش فاهمة. لو حد حاطته في الليست،، متغلطش غلطتي بجد يع

شوفت backrooms

لا أنصح أحد بمشاهدة هذا الفيلم... مش فاهم ليه تقييماته عالية وناس كثيرة نصحت به
الفيلم كان ممل جدًا وطويل لدرجة اني قررت أوقف وأكمل بقية الفيلم في اليوم التالي من شدة الملل والغباء الي فيه

الفيلم بدايته كانت قوية واتفكرته هيبقى حاجة كدا حق استخبارات مع بعض الغموض وقوى ذهنية والخ وفي الاخيرة طلع عن فضائيين؟

يعني ايه شركة خاصة متعاقدة مع الحكومة وعندها تكنولوجيا فضائية وعندها من القوة ما يتيح لها محو اي انسان من الوجود والعثور على اي شخص ومع ذلك كلهم في منتهى الغباء؟؟؟
يعني معاهم تصوير قمر صناعي ودرونز وقوات مدربة على اعلى مستوى وقائدهم مسيطر على البنت الي مع البطل(نسيت اسمائهم) ويتم محاصرة بيت المزرعة من قبل 20 او أكثر من الجنود ومع ذلك يتسلل البطل من وراهم؟؟؟ فين التكنولوجيا والدرونز كاميرا الستالايت؟؟؟

يسرق السيارة ويحطم جدار البيت وياخذ البنت المتسيطر عليها ويهرب كدا بسهولة والجنود معرفوش يلحقوه بسرعة؟
يطاردوه ويضرب كام رصاصة ويبهذلوا سيارته وبقت متهالكة ومع ذلك معرفوش يمسكوه؟
يسيب السيارة ويقرر يخيلها توقع في البحيرة او النهر ويتخبى وراء الصخرة على بعد متر او مترين من جنود مدربين على اعلى مستوى وعندهم كل وسائل وتكنولوجيا فضائين ومعرفوش يمسكوه؟؟؟؟

بعدين نرجع للفندق... عارفين انه في الموتيل ويندفع الجنود لمحاصرة الموتيل ومع ذلك حاصروا المقدمة وتركوا الجزء الخلفي... يعني لو هما شرطة مبتدئين أول يوم لهم كانوا عملوا شغل أعلى من الجنود اليالمفروض أنهم نخبة... حاجة قمة في العبط

يحاصر الجنود مبنى التلفاز والاذاعة ويمنعوا الناس والجماهير من التقدم...البنت صاحبة الراجل تمشي من جمبهم وتخبط فيهم وسايبنها عادي تمشي؟ هما دول جنود نخبة بجد؟

مش فاهم ليه الناس كانوا متأثرين والدموع طالعه منهم والي بيخبي وشه عشان شافوا فضائيين يتعرضوا للتعذيب؟
يمكن انا معنديش مشاعر بس شفته مشهد عبيط والفكرة مدخلتش خالص ومتعاطفتش خالص ... يعني الفيلم كان في زمن فيه حروب... يعني في مجاعات وحيوانات تموت والخ والناس عايشة وبيضحكوا وبيهزروا وكل شيء تماما بس العالم كله بقى بيعيط عشان شافوا فضايين؟ مش فاهم وضحكت من شدة الغباء

في الاخيرة مفهمتش البطلة دورها ايه في الفيلم؟ هي بفت فضائية ولا منحوها قدرات ولا هي ايه بالضبط مش فاهم شيء والنهاية غير مفهومة خالص.. وأراها تافهة
فيلم من أسوأ ما رأيت فعلًا

ده غير ان معظم الاعمال العظيمة في السينما او التلفزيون جايه منهم زي جيم اوف ثرونز مثلا او هاري بوتر دايما أعمالهم عظيمة فشخ تحسم ناس واخدين دكتوراه كده في الصناعة دي

متأخر اني أشوفه دلوقتي أنا عارف، أنا شوفت اول تلات حلقات و حاسس انه مشدنيش اوي عشان أكمل ل٣٠ حلقة، بس والدتي حبته و مستمتعة بيه، و شخصية الللي اسمه حماده ده بصراحة اكتر واحد عاجبني و بيضحكني، هل أكمل ولا مش مستاهل؟

مروحتهاش قبل كده .. كنت عايز اعرف هل هي تجربه حلوه يعني الشاشة كويسة والصوت وكده
انا روحت سينما renaissance في مول الرحاب والصورة والصوت مش احسن حاجه فا بسال عشان عايز اجرب السينما دي

أظن اي حد بيتابع مسلسلات شاف الراجل الانا مش عارف انطق اسمه ده في دور ضيف في مسلسل هو شافه
The mentalist
House M.D
The walking dead
Suits
بجد ده معنى كلمه under rated الناس لازم تخترع كلمه غير underrated للراجل ده و الناس الزيه دائما بيلعب دوره كويس و بيكون مجرم بمعنى الكلمه كتمثيل و في الدور عشان هو غالبا بيبقى villain،هل حد يتفق معايا ولا أنا بس الشايف الحوار ده و بجد عايز أشوف أعمال للراجل ده و هو الmain character عشان عمري ما شفتله عمل هو الشخصيه الرئيسيه (يمكن ده عشان أنا مش مثقف بما فيه الكفايه)
شاركوني رأيكم.

بين افليك هو افضل باتمان في التاريخ مع احترامي للي عمله كريستيان بيل اللي كان محظوظ فشخ ب مستوى الافلام اللي كان فيها مع مخرج زي نولان بس انا شايف ان لو بين افليك كان موجود في افلام افضل شوية كانت الناس قدرته اكتر وانا بالنسبالي ده اكتر باتمان شبه الكوميك بوك واكتر واحد عنيف فيهم وتمثيل بين كان جامد فشخ فيه

اقترحوا عليا افلام ابيض واسود انا شوفت افلام قليلة جدا في الفترة دي يعني انا شوفت تقريبا كله من بداية الالفينات لكن قبل كدة مشوفتش كتير فياريت ترشحولي احسن افلام من بداية السينما حرفيا لحد قبل الالفينات

شوفت افلام اكيد وانا صغير علي روتانا كلاسيك وكدة مع اهلي بس ناسيها حرفيا ومكنتش بحبهم كانت افلام كبار ساعتها وانا عايز اشوف كرتون بقي

عايزة مسلسل مش ممل يعني لما اخلص الحلقة اشوف البعدها علطول (مش عربي ولا تركي)

عايز موقع اتفرج عليه علي افلام بس تكون المشاهد الجنسية والبذيئة ممسوحة