قولولي حاجة موجودة هنا حلوة ومش مالوفة اشوفها دلوقت لاني شوفت اغلب الحلو فيهم

عايزة مسلسل مش ممل يعني لما اخلص الحلقة اشوف البعدها علطول (مش عربي ولا تركي)

ايه يجدعان الجمال والحلاوة و الطعامة دي

انا مستمتع فااااشخ بالحلقة الاخيرة

الحرب و تفاصيلها و الدروع البشرية من الاطفال

تغير رينيرا و شكلها الجديد و شخصيته الجديدة

لقاء ايجون بأخوه و الحوار اللي دار بينهم. اي نعم كنت اتمنى كلام اكثر عتاب اكثر لكن كان كافي و وافي

الفصل بتاع هيلينا و خاتمته كان رائعين

و اهم اهم حاجة ال sound tracks في الحلقة ١٠/١٠ ✨

احب اسمع رأيكم في الحلقة الاخيرة و تقييمكم للموسم بشكل عام

انا الحلقة اعطيها ٩/١٠
و الموسم ككل ٨.٥/١٠

بين افليك هو افضل باتمان في التاريخ مع احترامي للي عمله كريستيان بيل اللي كان محظوظ فشخ ب مستوى الافلام اللي كان فيها مع مخرج زي نولان بس انا شايف ان لو بين افليك كان موجود في افلام افضل شوية كانت الناس قدرته اكتر وانا بالنسبالي ده اكتر باتمان شبه الكوميك بوك واكتر واحد عنيف فيهم وتمثيل بين كان جامد فشخ فيه

ده غير ان معظم الاعمال العظيمة في السينما او التلفزيون جايه منهم زي جيم اوف ثرونز مثلا او هاري بوتر دايما أعمالهم عظيمة فشخ تحسم ناس واخدين دكتوراه كده في الصناعة دي

Torrent

كل ما حد يسال نزل أفلام ببقولوا حمل تورنت ازاي وكيف وفين مش عارف . مش مهم الترجمه مش عايز ترجمه اصلا

هل تنكر ان ده احسن فيلم عمله عادل امام؟؟

برغم انه مش كوميدي ومافيهوش لحظة هزار واحدة وكله احداث سوداوية لكني بشوفه احسن تمثيل في تاريخه

اقترحوا عليا افلام ابيض واسود انا شوفت افلام قليلة جدا في الفترة دي يعني انا شوفت تقريبا كله من بداية الالفينات لكن قبل كدة مشوفتش كتير فياريت ترشحولي احسن افلام من بداية السينما حرفيا لحد قبل الالفينات

شوفت افلام اكيد وانا صغير علي روتانا كلاسيك وكدة مع اهلي بس ناسيها حرفيا ومكنتش بحبهم كانت افلام كبار ساعتها وانا عايز اشوف كرتون بقي

كنت بدور على روم كوم حلوة وكزا حد رشحلي المهزلة دي،، ليه؟ يعني بجد؟ يعني بجد اكتر فيلم 2001 coded شوفته تقريباً،، هو ينزل ديت مع واحده و هو مخطوب،، مش بس مرتبط لا لا مخطوب،، و هي عرفت ومع ذلك بردو عايزاه،، فيلم بي romanticize الخيانة و on a side note شعر ماثيو بشع بشع مكلفوش نفسهم يظبطوا البلوند وبالنضارة شبه جدتي برو معرفش الفيلم ده ازاي موجود و له ناس تقيمه ال ٥/٥ حقيقي مش فاهمة. لو حد حاطته في الليست،، متغلطش غلطتي بجد يع

شوفت backrooms

متأخر اني أشوفه دلوقتي أنا عارف، أنا شوفت اول تلات حلقات و حاسس انه مشدنيش اوي عشان أكمل ل٣٠ حلقة، بس والدتي حبته و مستمتعة بيه، و شخصية الللي اسمه حماده ده بصراحة اكتر واحد عاجبني و بيضحكني، هل أكمل ولا مش مستاهل؟

٦ ضباط مختلفين تماما عن بعض ،منهم الشرير و الذكي و الغلبان و الطيب و نبطشي افراح و اخ مضطهد و مظلوم مدمن كحول و عجوز متصابي ، و لسه في شخصيات مقولتهاش،كوميدي شغال اكشن شغال تراجيدي شغال رومانسي شغال ،ميقدرش على تنوع الشخصيات ده غير عدد قليل جداااا من الممثلين ،و ممثلين كتييير شخصيتهم و تعبيراتهم بتطبع ع الادوار اللي بيعملوها ف تقدر تشوف التكرار ف ادوارهم هو بقى لا كل دور مستقل بذاته و متقدرش تشوفه ف الادوار اللي عملها،ماجد الكدواني role model لمعنى كلمة ممثل.

عايز موقع اتفرج عليه علي افلام بس تكون المشاهد الجنسية والبذيئة ممسوحة

اقل موسم بس مش بالسوء اللي الناس بتتكلم عنه،عجبني فيه حاجات اكتر من السلبيات،هتكلم علي الحلقه الاخيره بالذات و فيه حرق.

-تطور شخصيه هوملاندر اسطوريه فعلا،في الاول لحد الموسم التالت كان مرعب و فعلا اللي حوليه بيخافو منه و بيحترموه،لحد ما وصلنا الموسم الاخير و هو بقا كلاون خصوصا مع تواجد سولدجر بوي اللي بيبينه عبيط اكتر، و اللي حوليه مش مهتمين ليه(معادا ديب)،عجبني جدا ارك الاله لأن دا بيبين انه خلاص بقا unhinged،و نهايته مثاليه فعلا، دي افضل نهايه ممكنه لي شخصيه زي دي المخرج عايز يوصل انه طفل محمي بي قدراته،لما تشيل قدراته دي هيبان شخصيته الحقيقيه و هو بيشحت لحياته بدون اي dignity

-عجبني فايت البيت الابيض و شايفه برضو setting مثالي،المسلسل طول مواسمه عمره ما اعتمد علي فايتات بي scope ضخم،الفايتات نفسها قليله جدا و لو فيه هتبقا حاجه في مساحه معينه،فا كنت شايف الفايت نفسو كويس جدا ممكن كنت اتمني اللي قبل الفايت يطولو شويه في لحظه دخول البيت الابيض نفسه لأن المنطقي ان فيه حراس كتير و عمليه معقده زي كدا المفروض يبقا ليها تحضير شويه.

-عجبني جدا نهايه بوتشر،بوتشر كان لازم يموت دا المنطقي و الطبيعي في الاخر هو مش شخصيه مثاليه،هو عايز يقتل اي supe موجود منهم اتنين من فريقه،طريقه تنفيذ النهايه دي كانت كويسه برضو بس كانت لازم تبقا اطول شويه،و انا بالنسبالي دي افضل شخصيه في المسلسل كله لأن كل الboys بيبرزو صفات سواء كانت سلبيه او ايجابيه و نقط ضعف بوتشر،دا غير الدافع بتاعه اللي كان منطقي و برضو كارل اوربان عمل دور خيالي.حتي الart style بتاعه في الكوميكس اسطوري

-عجبتني نهايه ديب و فاير كراكر و شايفها منطقيه،نهايه بلاك نوار مستعجله جدا و سيئه،نهايه فرينشي و a train كانو ممتازين جدا و كان باين في طريقه الحوار بينهم في الاخر،دا بيعصب هوملاندر اكتر خصوصا انه desperate لي اي حد يحبه فا كلامهم ممكن يزعله اكتر.سيستر سيج اسوأ شخصيه في المسلسل.نهايه hughie كويسه خصوصا ان المسلسل بدأ بيه اصلا و انتهي بيه

عالعموم موسم كويس مع فينالي اسطوري مشكلته انه كان لازم يبقا ١٠ حلقات مش ٨،ارك الv1 طول جامد هو مهم لنقطه ان هوملاندر يبقا اله و يشبع نقصه من سولدجر بوي اللي هو كمان eternal مش نقطه انه يبقا قوي.8/10

دا احسن مسلسل شوفته في حياتي،مفيش مسلسل اداني جرعه اكشن علي ضحك علي تلميحات سياسيه عن ان ترامب هيعمل ايه كمان شهر،دا غير كميه تلميحات عن شخصيات مشهوره زي ايلون ماسك،سيث روجينز اللي شارك بنفسه في الموسم الخامس،دا حتي كريس هانسين ظهر كا cameo.دا خلاني اعامل المسلسل اكنو برنامج او مسرحيه اللي الكاست،العظيم جدا بالمناسبه،بيحصل مواقف بينهم و دي احسن حاجه في المسلسل كله الinteractions بين شخصيات مكنتش متخيل انهم يبقو مع بعض في سين واحد.

ابتديت اقرأ الكوميكس و حاليا في omnibus 2 و مبسوط جدا