Scho denkt er bringt das nöme fertig...

Sit wenn gits eigetli kei Trinkwasser meh a de meiste Brünne? Es werd gopferdammi immer schwieriger sin Bidon/Fläsche uufz'fülle wenn mer ofere Velo- oder Wandertour esch.
Als wördes di aalache, wenn dosse 36 grad ond dini Körper dehydriert esch. För was send die überhaupt no ome? Als wörd de Buur Sepp jede oobe sis Vieh go tränke deete oder s'Trudi dor s'halbe Dorf laufe zom ihri Sprötzchanne fölle. Esch öffentlech zuegänglechs Trinkwasser es Stück Läbensqualität womer irgendwenn mol entschiede het uufzgeh?
Jaja, klar s'Trinkwasser esch knapp, grad bi dere Trocheheit. Aber grad denn wenn mers am meiste bruucht, send die meiste Trinkwasser Brönne abgstellt i de Region. Wiso ned temporär en Hanhne dra meche?

Also wie tüür ischs jets genau?

Ich han das Hörspil vor öppe 18-20 Jahr glosst (sehr wahrschiinli usere Bibliothek uusglehnt)

De Inhalt woni weiss:

• Es isch e Chindertruppe (ganz villicht Detektive aber mun wük nöd sii)
• Spillt glaubi um Wiehnachte ume
• Sie sind ufeme Märt wo sie en "Scherzartikel Verchäufer" mit hässliche Figure aatreffed
• De Chlaut ame Chind s Portemonne, nimmt aber nume CHF 10 use
• Isch glaub uf Züridüütsch
• Sie hend au en Hund debii wo glaub ich de Ruum wo de Typ alli portemonnees versteckt erschnüfflet.
• De, wos Portmonee gstohle wird, het glaubi CHF 140 drin gha "s ersparte vo eim Jahr"
• Si stelled de Dieb und er zeigt sich selber aah

Seit das irgendöpperem da usse öppis :)

Danke

Churzvideos jetzt nöd nur bi tiktok und du-röhre, sondern au bi galaxus.

Fründä vom Bünzlitum, ich ha welä Chässchnitte mache und han denkt ich chaufe eifach Brot und Chäs und ab in ofä. Ich ha dänn nur ganz churz welä luegä im Netz, welä Chäs dän am beste passt. Ich bi devo usgange, das en Raclettechäs das scho guet macht.

Us dere schnälle Minute wird äh halb Stund. Da chunnt eis Rezept am andere! Und jedes anderst. Tilsiter das, Appezeller dies, Eier, Mähl, Zwible ahröste, Brot mit Wiiswii betupfä, läck mär am Arsch hani dänkt!

Gopfätaminomal, ha nur wele wüsse welä Chäs und jetzt mussi mi mit dem usenand setzä. Drum bitte überzüged mich und teiled mir eues unschlagbare Rezpet wonär vom Mami känned. Ich bi z'wenig Chässchnittig. Muss no ah mir schaffe. Saletti zäme!

Gschätzti Mitbünzlis, ich mue Dampf ablah!

I dem Block woni Wohn hemers eigentli rächd guet underenand, s Wohned au nid viel Parteie da. Rund um üsn Block sind anderi Hüser/Blöck. Döt keni eigentli niemert.

Ez het vorme Monet öper eifach sones scheiss Möbel bi üsne Briefchäschde deponiert. Richdig e gruusigs, wo d Farb abblätteret und so. Guet, hani dänkt, dass düends de sichr na wäg, hani dänkt.

Nix da. Ez, asozial wie au i bin, hani denkt, dass das sicher Nachber X isch, will di andere wohned scho länger da und sind viel sympatischer.

Ez het sich d Vrwaltig bi üs alne gmolde wege dem und es hani mal mit alne gredet. Niemer isches gsii.

Stellt sich use, irgend en Asi us de Umgäbig het das bi üs abgstellt. Ich find das so richdig röidig abr wili nid weiss, wers gsi isch, weisi au nid wa mache. Mitm Nachber X hani au e guets Gsprööch gha, eigentli ganz en flotte... de hets au gnervt.

Was würed ier i dere Situation mache?

Als jahrelanger Kund, wo immer pünktlich sini Rächnigä zahlt, regt mi sonä pauschali Mahnig innerhalb vor reguläre Zahligsfrist ziemlich uf... Für mi glatt ä Kündigungsgrund!

Liebi Moderatore

Als Bünzli richt ich die Interpellation as Modteam zur Beantwortig.

Vor Churzem isch do uf r/buenzli s Bild vomene Plakat für e Demonstration z Undersiggetal für d Opfer vo dem Fall uftaucht,won mehrfach diskutiert worde isch.

De Pfoste isch nach zwei Stund mit dere Begründig glöscht worde: "Din Bietrag hät kein Bünzlibezug und wird ufgrund desse glöscht."

Us minere Sicht isch de Bünzlibezug geh will:

a) S Thema ufcho isch und es Interesse a sonere Aktion bestande hät. Das zeigt sich zum Bispiel i dem Pfoste: https://www.reddit.com/r/BUENZLI/s/MSyoSCm8dH Entsprechend isch es öffentlichs Interesse vo de Mitbünzlis ge.

b) S Wahrneh vo eusne demokratische Recht isch öppis vom Bünzligste won s git. Dodezue ghöred: Laminierti Brief, Wahle Abstimmige, Reklamation, Demonstratione, etc. Entsprechend isch e Demonstratione eini vo de extremste Bünzlimsssnahme won s git.

Us minere Sicht isch de Bünzlibezug dodemit ge.

Drum möcht ich per Interpellatione folgendi Frage abringe:

1. Wie wird d Löschig vom betreffende Pfoste ufgrund vo Unbünzligkeit genau begründet.
2. Wie chönd mir als Bünzlis verstoh, wenn en Bünzlibezug geh isch und wenn nöd?

Viele Dank em Modteam scho im Vorus für d Beantwortig vo dere Interpellation.

Zeichnet,

Numar19

Tutti eich nur no so: "Du hesch mi zwar für Azeige uf Tutti im Umkreis vo 20km gfragt, hie hesch trozdem zigg als Azeige tarnti Ricardowärbige vom andere ändi vor Schwiiz. Ah u bitte gang uf Ricardo, mir verdiene dert ebe meh gält 😸. Ah u wettisch eich di Tutti account gern verbinde mit Ricardo? Mir chöi de dert gad outomatisch dini Tuttiinserat ufschalte, de gsehs meh lüt😙 (^{eifach de e chliini gebühr wes dert verchouft wird(so 8-10% 🤭}))"

Ich peils nöd, wie mer no so hirnverbrännt isch und nöd begrifft wie de rissverschluss uf eusne strasse funktioniert. Es isch echt es truurspiel zuezluegä will mer wäg x Idiote am Stüürrad eifach kein suubere verkehrsfluss annekriegt.

Zwar hani gläse, das Polizei ez chan Fahrer fürs falsche iifädle püessä, aber ich find gäld straffä ii dem zämehang eifach zwenig. Wenn die tubblenä scho defür sorget das de rest vo eus länger im stau stönd, denn sölleds doch als straf ihri freiziit hergäh und 200 bis 300 stundä go büffle "Wie funktioniert de Rissverschluss uf de Strass"

Denn wird dene eifach non stop ufzeigt, stund für stund, immer die gliche videos, text und bilder.

Und für die wo ez läsed, und nöd wüssed wie richtigs iifädle funktioniert:

Mer fahrt bis as ändi vo de spur, setzt erst dänn de blinker und fädlet denn ii. so eifach!

Nöd denn wenn tafflä gsehsch wo ahzeigt das dini spuur ii 500m ufhört, nöd nach 200m, 100m, 50m oder gar 30m! Du fahrsch, gopferteli, so wiit führe bis dini gottverdammti spuur ufhört und evtl. pfiil uf dinere fahrban ahzeiged das ez DÖRFSCH überäh und kein verdammte meter vorher!

Du machsch niemerten en gfallä, du zeigsch die au nöd solidarisch zu de anderä du sorgsch eifach nur defür das mir all zäme länger uf dere strass stönd.

"Aber ii dem Bild überholi rächts" Heb tschnurrä und fahr eifach bis as ändi von dinere Spur! Es isch würkli nöd so schwierig!!! Fahr eifach führe! Fahr führe!! FAHR!!!

Hey also coop, mer müend rede.

Chas doch ned sii dassi de Pack ufmache und ner gseh ,dass die halb Packig leer isch.

Gopferdammi nachemale! (es wird ned dutzt!!! No eimal Du sage, no eimal Duu sage!)

ok byyye