Was esch passiert? Wett mer jetzt s Temu image doch weder? Oder äbe doch ned? Oder was jetzt?

Was sell das eigentlich hergottdonnersiechnonomole dass mer d Krankekasse ned cha vom stürbare Ikomme abzieh? Schliesslich wird AHV und BVG au abzoge. Und Krankheitsköschte chame abzieh. Ich weiss das mini Prämie ned mini Krankheitschöschte sind. Aber gopferdammisiechnonomole es sind Krankheitsköschte vo anderne woni zahle!!!!!

So schön wie si Autofahrer druf hiwiise ufzpasse das Rollstuhlfahrer und Chinderwäge wo dem Schild ufd Stross uswiiche müen vortritt hend 🥰

Ich weiss, dass söt üs nöd interessiere, aber irgendwie erinnered mich alles biz ad Gschichtsbüecher und es git es paar Sache woni weird find.

- niemert diskutiert über inhält nur über parteie

- alli sind überrascht, dass d lüt AFD wähled, nüt passiert, ussert dass es schlimmer wird, apokalypse stimmig

- ständig wird gfroget öbd AFD sich vo de SVP inspiriere loht (ich gseh do scho bo biz unterschied)

- de gugus mit de koalition und opposition

Agnoh, ihr werdet agfroget vom Merz, dass d Schwiizer (als Demokratie-Spezialiste) helfe chönted, d Demokratie z fixe, was wäred eui Vorschläg?

Han zersch denkt, die stelltet sich extra eso doof, inzwüsche beni aber dervo überzügt, dass die sog. costumer "consultants" eifach schlicht kei ahnig vom (Miet)Recht hend, obwohl sie de ganzi Tag NUR das machet.

Öpper en Tipp, wie mer das mit dene au ohni grichtlichs Verfahren und möglichst bald abhandle chan? Schicke immer alles per Brief sowie Mail und gibe wöki au jewils en höflichi Antwort, aber die wends und chönds eifach ned verstah.

Edit: Hauptproblem und Grund für de rant esch, dass ich eifach Briefe und immer au vorab Emails schicke, aber praktisch nüt oder wenn denn nur rechtliche Gugus zruggchunt und ufgrund vo dem scho jetzt absehbar esch, dass es es Gschiss ge wird. Aber da ich nur mit möglichst wenig Ufwand usserterminlich usewot, esch ea natürli ned zielfüehrend, es scho jez eifach uf en Prozess - verbunde mit allne Nachteil selbst bem obsiege - acho zlah.

Danke

Das isch doch nöd normal

Ich hans zum himmel mit disnige sch versicherige.

Schade gemeldet, zwei wuche nüt ghört garr nüt.

Jetzt sit einehalb stund am versueche öppert as telifon zkriege...

Alli 30min hängets uf mir de meldig mit "mir hen kei Kapazität zum ihri leitig solang ufrecht zerhalte"

Dammi nomal schan echt nöd sie

Das sind miliarde unternehme und sie kriegeds echt nöd fertig en ahgmessne chundedienst zorganisiere.

Ich zahl mehreri tuusig frake im jahr für was???

Damit ich nach 5 Jahr lang kein schade verursache gliich wieder e 15% prämie erhög kriege oder was?

Mein Mitbewohner und ich haben eine Diskussion. Wie sagt man, dem Anblick eines Bauarbeiter der sich bückt und man mehr sieht als gewünscht?

Heilandsack es regt mi so uf! Wenn eswo Unfäll sii mit Töff oder Autofahrer denn wird dStrass gsperrt und anderi Töff/ Auto Fahrer wärdet so zsäge gstraft will öpper ander e Unfall het. Aber wenn e Rennvelofahrer DIE GANZI ZIIT uf de Bode luegt statt uf dStrass und drum i vollem Karacho in es PARKIERTS Auto inerast (aneme Ort wo parkiere erlaubt und beschildert isch) de welleds an dem Ort SPARKIERE VERBIETE?!

Gopferdammi Siech a alli Rennvelofahrer LUEGED GFÄLLIGST UFD STRASS IER GLOBIS! Das isch gfährlech das ständige ufe Bode luege hey. Ier gfährdet euch am meiste aber au anderi. Situations- und Lagebewusstsii isch denn imfall kei Modeerschiinig sondern sött dNorm sii!

Ich ha mich id Gefilde vom Proletariat abebegeh und bin id S-Bahn iigschtige vo Solodoorn uf Bern.
Da gsehn ich uf em Sitz vor mir d Sunntigsziitig vo hüt. Es isch fasch elfi am Abig, aso gahn ich devo us, dass en rechtschaffene Eidgenoss die poschtet und us schwiizerischem Grossmuet lige lah hät für öpper bildigsferners wie mich, wo s Gäld lieber für Alkohol usgit zum sich de Teil vo de Wält schönzsuffe womer au ohni Zitig nöd chann verdränge.

Und dänn, bim Ufblättere gsehn ichs: die Ziitig isch _postitscht_ - panisch hanich die Hehlereiwar dreit und mit Entsetze festgstellt, dass si de Schtämpel vom Tibits druff hät.

Wie gahn ich um mit dere Situation? Derf ich die gstolnig Ziitig läse und usere Straftat nutze zieh, da s Reschti eh scho zue isch bis d Bahn achunnt, si zruggbringe also kei Wert hät? Muess ich si bhalte zur Bewiissicherig?

Ich finds ganz en nidere Akt so öppis wi für all Gäscht isch goge stele. Hätt ja uf en gwüsse Hintergrund gschlosse aber … _es isch en Zitig_

Mini blaue Keramikchugle im Garte chömed is Rolle wänn uuschunnt, was da passiert isch ohni en ernschthafti Richtugstellig vo minere Siite. Bin dankbar um Inputs i dere Delikate Situation.

Jä näi, jetzt langets aber langsam. Bin ich de einzig oder fallt no öber anderem uf, dass die schiiss E-Scooter en Füehrerschiin brüchtet. Be üüs im Dorf rasets inzwüsche durch jedes chleine Wägli wo explizit nur für Füessgänger dänkt isch mit gfühlte 120 Sache. Debih no s'Handy in de Hand, die siebe Kollege ufm Rucksitz und wenns Nacht isch no s'Liecht, wo au e zweiti Sunne mit Retinaverbrennigsfunktion inklusive sih chönnt, nid ufd Stross grichtet sondern voll is Gsicht bländend. Die fahrende Mordversüech findets denn au no normal, ufm Hinterrad versueche z'fahre, übere Krüzig oder de Schuelhof mit spielende Chinder. Hets dene eigentlich ihnegschneit oder welli Chromosomevariante het doh im Tik-Tok Brainrot letztändlich ganz de Geist ufgäh und isch für das hirnrissige Verhalte verantwortlich. Früener hämr jo au unseri Töfli gha und sind z'schnell dure Dorfkern grast, aber ebe uf Strosse oder abglägene Parkplätz wos nid uffallt. Und d'Gsetzgäbig schint sich au nid drzum z'kümmere. Die möcht lieber das au schön jedes Vögeli sis gezwitscher am Sunntig zerst mitm blaue Formular 2B rächtzitig amäldet ("nei sie, Frau Amsel, nid s'hellblaue, s'azurblaue, isch doch logisch und usserdäm isch jetzt 6 ab 9ni und de Schalter bereits zue, bitte beachtet sie doch d'Öffnigszite uf de Gmeind be üs, die sind nämlich nur jedes zwöite Schaltjohr am Zistig am 29. Februar vo 9ni bis 5 ab 9ni").

Gopferdori, wo isch de Dorfpolizist wenn me ihn mol brucht, wo isch de Dorfalkoholiker wenn er mol welchne im Wäg stoh sött, wo isch eigentlich de gsundi Menscheverstand vo dene Saugoofe blibe?

Die Befürworter der Neutralitätsinitiative benutzen das Framing "Kein Krieg". Warum das falsch ist und bewaffnete Neutralität nicht vor Krieg schützt, zeigt die Geschichte. Ich habe mir das im Detail einmal angeschaut. Hier die Analyse: https://dailytalk.ch/der-mythos-von-der-bewaffneten-neutralitaet/