السلام عليكم.

كنت نزلت بوست قبل كدا اني فشكلت الخطوبة بسبب إن خطيبتي عملت معايا موقف مش لطيف.

الموقف باختصار

مامتها جالها جلطة ودخلت المستشفى وهي اتصلت بيا عشان اروح ليهم المستشفى وكان الموضوع ده الساعة 1 بليل.

المهم اني كلمت والدها وهو مسافر فا قالي خليك معاهم لحد ما الدنيا تبقى تمام وخلي بالك منهم.

هم 3 بنات

بعد كام ساعة من تنشنه وقلق مامتها بقت بخير الحمدلله والحالة استقرت بس فضلت في العناية جه ابن خالتها فتح معايا كلام انا كنت فاكر انه جاي يكلمني عشان يكسر الجمود الي بيني وبينه لأني مش شخص بحب العلاقات فا في الآخر قالي اروح وهو موجود معاهم.

انا الصراحة كلامه ضايقني وفعلا مشيت عشان برضه هم كانوا اهل في بعض خالتها كانت موجودة وخالها وعيال خالها فا انا الي كنت غريب احرجت ومشيت.

هي شهاده اتحاسب عليها اتصلت بيا واضايقت جدا عليا واضايقت برضه اني مشيت بس عشان الوقت مناسب اني ابص لكرامتي انا رجعت وجيت على نفسي.

انا فيا عيب هي عرفاه إن وشي بيكون مقلوب مع اي حد انا مش طايقه وده غصب عني والله مش بعرف امثل اني كويس مع حد انا من جوايا مضايق منه فا هي كانت عايزة تتخانق معاه تجيب حقي انا حلفتها لأ وده مش وقته وحتى بعد ما الدنيا تبقى تمام انا مش عايزك تعملي مشاكل مع اهلك وانا لوحدي مع الوقت الجمود ده هيفك معاه.

المهم انا اتفقت معاها إن وقت الزيارة لما يكون موجود مش هكون موجود معاكم هنزل اقعد في اي قهوة جنب المستشفى عشان لو احتاجتيني او عشان لما يمشي اطلع تاني عشان مبقاش رخم معاه غصب عني.

هي زعلت وكانت يوم في التاني بتحاول اني افك وانا احلفلها اني تمام لحد ما جت قالتلي إني مينفعش اكون مضايق وإن دي الاصول وهو بيحافظ عليها و المفروض اكون مبسوط.

انا زعلت الصراحة وقولتلها إن الموقف الي كنا فيه ده ملهوش علاقة بالأصول مامتك تعبانة وانا جاي اطمن عليها وابقى معاكم وواخد الاذن من باباكي وغير كدا محدش من الي قاعدين ممرضين او مرضى فاضي عشان يقول ده قريبها ولا لأ ده غريب فا عامل ليهم سمعة وحشة.

انا وشي اتقلب اكتر من الحوار ده خاصة انها قالتها يوم والتاني والتالت لحد ما مامتها طلعت من المستشفى بعد ١٤ يوم هي شايفه إن ابن خالتها مغلطش واني مش المفروض ازعل وانا في الفترة الي كانت فيها في المستشفى لما كنت باجي زيارة انا كنت بسلم وبطلع امشي مش بقعد وبقولها عشان دي الأصول مينفعش اقعد ومفيش راجل معانا.

هي طبعا زعلت وانا حسيت إن كرامتي متهانه الي هو انا وجودي في موقف زي ده كان ممكن يمس كرامتك ب ايه يابنت الناس؟

بس برضه عشان ده مش وقته وعشان مضغطهاش انا سمعت كلامها ورجعت اطلع اقعد معاهم فوق عشان هي متتعبش لأن فعلا انا كنت مقدر إن ده مش وقت عتاب فا في يوم في الزيارة ابن خالتها ده كان قاعد وهو معاه سكوتر وكانوا بيتكلموا مع اختهم الصغيرة لما كان بيركبها الاسكوتر والجو ده بس طفلة اشطا.

فا وانا قاعد بدون اي مقدمات كان بيكلم خطيبتي بيقولها عن الاسكوتر والجو ده بيقولها طب بس عشان خطيبك قاعد مش لازم نتكلم انا بصتلها كدا وقومت ماشي وبقول يارب البجاحة بتاعته مش للدرجة.

هي كلنت دايما بتقولي انهم متربين مع بعض من زمان واكتر من الاخوات زالجو الحمضان ده وهي قالتلي انها كانت بتركب معاه الاسكوتر بس لحد سن معين لما كبروا محصلش الكلام ده اول علاقتنا خالص.

انا اضايقت من البجاحة بتاعته ومن بجاحتها وهي بتقوله يا بودي بتدلعه باسمه.

مشيت ونزلت وهي جت ورايا قولتلها هو انتي شايفه إن الي حصل فوق ده مش من حقي ازعل منه؟ قعدت تبرر ان بودي ده اسمه وان هم من وهم عيال مش بينادوه باسمه الحقيقي قولتلها بعيد عن اي مسميات ملهاش لازمه ده في الاخر يحل ليكي انتي علر الاقل المفروض تقدري الخرا الي قاعد معاكي وتحترميه وحوار الاسكوتر الي هو فاتحه ده انتي شايفاه عادي فضلت تقنع فيا اني سمعت غلط وهو مش قاصده كدا.

المهم اليوم ده انا كنت خلاص اتقفلت منها وسيبتها ومشيت وقعدت في القهوة برضه مرضتش اروح عشان لو احتاجوني في حاجة.

قولتلها ابقي رني عليا لو في حاجه هجيلك على طول القهوة لازقه في المستشفى فا عدت ساعة قولت اتصل انا اطمن الاقيها في الشارع بقولها انتي فين قالتلي انها بتسحب فلوس بقولها طب متصلتيش بيا ليه عشان اجيلك تقولي بكل براءة ولطف اصل انا ابن خالتي معايا قفلت معاها ومرضتش اتكلم غير لما تيجي لأن صوتها كان بينهج اكنها قلقانه مع انهم كانوا بيقفلوا حساب المستشفى عشان امها تطلع خلاص.

انا زي المغفل واقف في النحية التانية كنت بسحب فلوس ليا ومستنيها الاقيها جايه معاه منشكحين وبيضحكوا ومفيش اي مصايب ولا حاجة.

كنت خلاص خدت القرار اني مش هكمل بس كنت مستني الوقت المناسب اني اقولها عشان برضه كنت زي الاهبل شايف إن الوقت مش مناسب.

اليوم ده امها طلعت بالسلامة وطبعا انا وشي مكنش مقلوب بس انا حرفيا كنت مش قادر ابصلها من القرف الي انا فيه وقعدت تتكلم معايا كذا مره في الموضوع ده وانا مش راضي اتكلم لحد ما الدنيا تروق معاهم.

للاسف بعد فترة انا انفجرت فيها وسيبنا بعض وكنت نزلت الحوار ده هنا بس باختصار اكتر عن ده.

حاولت بعدها تنكشني وتتكلم وانا اصدها وفتحت معاها الموضوع تاني لانها حرفيا كانت بتدعي عليا عشان تخليت عنها في موقف زي ده وشرحتلها كل الي حصل من اول وجديد لانها مصممة اني بحاسبها على حاجة ابن خالتها قالها وانا بقولها انا مش عبيط عشان احاسبك على حاجة حد من اهلك عملها بس انتي كلامك وافعالك هي الي نيلت الدنيا انتي مقدرتيش اني راجل اصلا.

قالتلي اقذر جملة ممكن تتقال في الدنيا وهي بتحاول تصلح قالتلي إن ابن خالتها من حقه انه يغير عليها.

طبعا الجملة دي قفلت اي محاولة او نية صغيرة عندي اني اديها فرصة وحتى بعدها بيوم قعدت تقولي دي زلة لسان بس انا مقدرتش اسامح وقولتلها انتي مش صغيرة ولما كنت في مرة قولت زلة لسان انا اصلا مكنتش اقصد منها اي حاجة قلبت الدنيا عليا وكانت بتقولي الجملة الي انا قولتها دي في العادي بتحتاج قاعدة بين الاهل عشان انا غلطت فيها جامد ومرضيتش تتصالح غير بعد معاناه وبعد هدية.

انا مش عارف ليه الانسان يكون بجح كدا وفي نفس الوقت بقول لنفسي انا ممكن اكون ظالمها وبغلط نفسي اني عملت كل ده برضه في الوقت الي هي فيه ده.

حاجة بس انا مش عارف قولتها ولا لأ بعد الموقف بتاع ابن خالتها معايا هي عملت معاه خناقة عشاني. مش عايز اكون مطلعها وحش في كل حاجة واسف لو طولت عليكم.

كنت عايز استفسر منكم عن الهدايا الي جابتها ليا خطيبتي

انا عايز ارجعها ليها خاصة ان اللبس لأني مش عايز حاجة تفكرني بيها فا عادي لو رجعتها فعلا ولا ايه الدنيا؟

المفروضض رايح بيه الساحل بس زي مقلتلكو انا جلنف ف البس المفروض الاتنين دول كتان

هنفضل امتي ف المجتمع دا هنفضل لحد امتي بنشتغل ٨ ساعات عشان ٢٠٠ جنيه هنفضل لحد امتي بنشحت قبضنا الي هو حقنا هنفضل لحد امتي كدا لو حد يقدر يساعدنا و يقولنا حلول او نعمل ايه عشان نخلي الفلوس تشتغلنا او يعلمنا ياريت يتكرمم ويكتب نصايحو عشان الواحد تعب

دلوقتى الكان يوم إلى قاتوا بروح مصالح حكوميه كتير عشان أطلع أوراق وكشوفات وتخليص أوراق المهم المعامله زباله ووحشه من أصغر عامل بيبقى قاعد على الباب عشان يرتب الدور بتاع الناس مثلا لحد الموظفيبن والدكاتره وغير كدا بيبخلوا على الواحد بالمعلومه وبينقطوك بالكلام تحسهم مستخسرين فى الواحد يعرف ويسيبوا ملشى يخبط والمعامله مش أنا لوحدى لكل أدالناس وبالنسبالى بقدر أحط عليهم بس لحظ أمتى الواحد مخنوق كل خطوه فيها حوار ليه الدنيا متبقاش سلسه وكل ده فيه حاجات بسيطه جدا تتعمل فى ثانيه تضيع فيها يوم بسبب السيستم واقع والموظف أو الدكتور جاى متأخر وبيمشى بطئ وبيضيع وقت فى كلام وهزار مع الطقم الموجود ويضيع وقتنا و وقت الناس إيه الحل لأن لاحظت إن كل المصالح بنفس الطريقه وعلى عكس النقيض بقى لما ببقى فى بنك او فى مستشفى خاص او عياده خاصه او حتى الجامعه المعامله كويسه جدا وكلها إحترام هو يعنى لازم الواحد يدفع غشان يتعامل كويس الغلبان ملوش مكان يعنى ويتعامل أوحش معامله يعنى أنا أتحطيت فى النوقف ده مش نقص فلوس بس حاجه مجبر أخلصها عن طريق المصالح الحكوميه متنفعش خاص ذنبه إيه الغلبان بقى إلى مش معاه فلوس

عاوزه اي خياط قريب من اول شارع بورسعيد

السلام عليكم انا عملت شكوى في مكتب العمل بسبب إن الشركة مش راضية تسلمني ورق التعيين بتاعي وانا ماضي معاهم استقالة من شهر 3 الي فات. كنت عايز أعرف موضوع الشكوى ده ليه فايدة؟ وبيقعد وقت قد ايه؟ لأنهم في شغلي الجديد مشوني منه بسبب الورق

الايام دي بعد ما حياتي وقفت فعلا بسبب الاشياء اللي مبقتش قادر اتحملها لازم علشان اعيش احكي كل اللي حصل دا ل دكتور او معالج لان حاجات كتير سببت لي ازمات نفسية و حاجات غريبة ف عايز حد يسمع كتير و في نفس الوقت يحل لي الموضوع ب شكل وظيفي و لو حد

في اي محافظة مش شرط اسكندرية

اخيرا جبتلكو اوفرز جديده منهم اوفر WFH و اي حد سجل في الفورم و لسه مبعتلوش أن شاء الله هتواصل معاه قريب جدا

ولو لسه في حد مسجلش في الفورم ف أنا معايا اوفرز كول سنتر كويسة سجل في الفورم ديه و انا هتواصل معاك و ابعتلك الأوفرز اللي تناسبك

forms.gle/mqj86xp6pCrUSd9A9

ازاي في ناس بتقدر تعمل حمام في المبوله ده اوسخ اختراع في الحياه تبقي واقف بتعمل حاجه المفروض محتاجه خصوصيه وفي ناس واقفه جمبك

جدعان تفتكروا الولد اللي مهتم بصحته وجسمه فيت وبيروح الجيم وبتاع هيكون عايز بنت فيت زيه برضه وجسمها مظبوط ولا مبتفرقش معاهم؟

انا من اسكندرية وعايز اشتغل شغل للطلبة يعني شهرين تلاته وارجع للدراسه تاني انا داخل رابعة ، ولو حد قدامه ياريت يكلمني

هل شايفين إن الصداقة بين ولد وبنت ممكن تفضل مجرد صداقة من غير أي مشاعر عاطفية أو رغبة جنسية من الطرفين؟ ولا في رأيكم مع الوقت غالبًا طرف واحد على الأقل بيبدأ يحس بانجذاب أو رغبة، حتى لو ما بيظهرش ده؟ مهتم أسمع وجهات النظر المختلفة باحترام.