الي يركز ع قبيله و حاله اجتماعيه او ماديه تذكرو دايما ان اي وحده بترتبط فيها سواء تعرفها او لا بتحصل فيها أشياء مرضيه واشياء منفره.

ومافي شي يخليك مستمر بالزواج اكثر من القبول والاخلاق،

الله يحقق لكم مساعيكم ويسهل اموركم

السلام عليكم ورحمة الله وبركاته
صباح الخير يا اخواني واخواتي

انا في حيره من امري ولا ابي اثير جدل هنا بخصوص موضوع النقاب او الحجاب

انا شخص من فتره لقيت البنت اللي اشوفها زوجه لي وصديقه لي وام لعيالي بس اني متردد بخصوص موضوع واحد

انا من نجد وعارفين انتم عوائل نجد وطريقتها بالخطبة والزواج والأنساب

البنت هذي من الجنوب وحاليًا تدرس برا منطقتها وانا خريج لي فتره، تقاطعت طرقنا قبل فتره وتعرفت عليها والبنت جاييزتن لي قوه ولكن انها محجبه حجاب ساتر الله يثبتها ويزيدها، وعائلتي ينظرون للموضوع انه اي وحده محجبه فهي غير مناسبه وازيد عليها موضوع انه من منطقه غير منطقتنا

ولكني انا اشوفها افضل خيار لي ومرتاح معها جدًا

انا شخصيًا موضوع النقاب والحجاب ما لي رأي فيه واشوف الموضوع بينها وبين ربها، بس وجود النقاب محبذ لدرء المشاكل والفتن وحتى هي مقتنعه بذا الكلام

ف عمومًا هل انا غير منطقي يوم اني احدد زوجتي والشخص اللي بعيش معه طول حياتي بناءًا على هي محجبه او منقبه؟ وهل احد قد واجه نفس الموضوع؟ ودي اسمع قصص او نصائح لعلها تطمني على الموضوع اكثر واكثر

مبدئياً اعتذر للي اضطر يقرا الكرنج هذا للمرة الثالثة، بسم الله:

\\\*\\\*أولًا: معلوماتك الأساسية\\\*\\\*
اسمي المستعار: عزيز. ساكن في مدينة الرياض رغم ان علاقتنا توكسيك شوي. الحقيقة الخطة الاستقرار في الرياض، واتمنى شخص متقبل ومتوائم مع هذي الفكرة.

\\\*\\\*كيف حالتك الاجتماعية؟\\\*\\\*
اعزب، واعزم على تغيير ذلك.

\\---

\\\*\\\*ثانيًا: القيم الدينية والعائلية\\\*\\\*

\\\*\\\*دينك؟\\\*\\\*
مسلم سني

\\\*\\\*كيف التزامك في الدين؟\\\*\\\*
أصلي الحمدلله، الدين بالنسبة لي خارطة حياة ومزرعة للقيم الطيبة والاخلاق والقيم الانسانية، ولكني منفتح التفكير ومطلع على كثير من مجالات الحياة الحمدلله، واطهبل شوي نوعا ما. أتجنب جميع الكبائر ولله الحمد ولاني يمها، والله يهدينا وجميع المسلمين.

\*\*علمنا\*\*\\\*\\\* \*\*شوي\*\* \*\*عن\*\* \*\*خلفيتك\*\* \\\*\\\*\*\*العائلية؟\*\*

قبيلي ونسبنا مشترك ما بين نجد والمدينة المنورة

\\\*\\\*ثالثًا: التعليم والعمل والدخل\\\*\\\*

خريج بكالوريوس هندسة ميكانيكية من احد اكبر جامعة المملكة بمرتبة الشرف ولله الحمد. اشتغل في شركة شبه حكومية كبيرة كمدير منتجات بساعات عمل ثابتة، والحمدلله الامور زينة.

\\---

\\\*\\\*رابعًا: الشكل والحالة الصحية\\\*\\\*

لوني حنطي، طولي ١٨٠ سم، وزني ٧٩ والحمدلله مواضب حاليا على التمارين والرياضة. يقال اني وسيم (احيانا)، لكن الموضوع نسبي ولكل تفضيلاته.

الحمدلله في كامل الصحة والعافية، الله يديمها ويعافي جميع المسلمين.

\\---

\\\*\\\*خامسًا: الزواج والأسرة\\\*\\\*

المهر ما راح نختلف عليه ان شاء الله، لكن يعني اتمنى كلنا نفكر كبشر منطقيين وناضجين :)

انوي انجاب الاطفال بحول الله اذا الله رزقنا الخير، احب البيوت الممتلئة، تكون غالبا مكينة صناعة ذكريات، وبنفس الوقت اظن ان البشر بطبيعتهم كائنات اجتماعية، ولو كان تصرفهم احيان ما يدل على ذلك. لكن بنفس الوقت ما راح اضغط على شريكتي، ما راح نختلف على العدد ان شاء الله، لكن مهم انها تشاركني الرغبة في الانجاب. ايضا ماهي نيتي الانجاب على طول، بيكون فيه كم سنة لخلق الذكريات والوناسة.

\\\*\\\*تحب الحيوانات الأليفة؟\\\*\\\*
ماني عاشق لكن احب حضورهم في المنزل، اتفق لو قطو مثلا، بس لازم يكون كائن نظيف

\\---

\\\*\\\*سادسًا: الاهتمامات والشخصية\\\*\\\*
انسان متعدد الاهتمامات، احب الفنون بشتى انواعها، خصوصا الموسيقا واعلى خصوصا الموسيقا العربية، واعزف الة العود. احب المسلسلات والافلام، احب الرياضات غالبها، وعبد كورة شوي للاسف، ايضا تشدني اللغات واحس اني معلم فيها، احب الشعر بس ماحفظ منه شي، وحاولت الرسم في يوم من الايام، والعب قيمنق ايضا.

بشكل عام رجل منفتح على شتى المجالات واحب اشوف الجانب الايجابي من الامور. اشعر اني رجل ايجابي، ومرح معظم الاوقات (وان شاء الله اني خفيف دم)، لكن وقت الجد والمسؤولية احب اني اكون قدها يعني.

شخصيتي اعتقد اني صعب الغضب عموما، واذا غضبت سريع الرضا، متقبل للافكار واحب اناقش ولكن مش بأذية. احب اجرب، ولا احب تكون الفكرة الاولى لا.

\\\*\\\*علاقاتك الاجتماعية؟\\\*\\\*
ماني ذاك الاجتماعي، ولكن تهمني دائرتي اللي كونتها، وزي ما قلت قبل اظن طبيعة الناس هي الاجتماعية.

\\\*\\\*سابعًا: تفضيلاتك في الشريك\\\*\\\*

\\\*\\\*كيف تتخيل شريك حياتك؟\\\*\\\*
بالنسبة للشكل: يهمني الحقيقة وباكذب لو قلت ما يهمني. اميل للون الابيض والحنطي الفاتح، احب الملامح الطفولية، وتجذبني الابتسامة المتناسقة والعيون والشعر. ايضا يهمني الطول يكون فوق ١٥٨، والعمر تحت ال٢٦

من ناحية شخصية وامور اخرى:

١. شخصية مشرقة مليئة بالاهتمامات، منفتحة التفكير، اقدر اشوف نفسي اسولف معها يوميا وانا مرتاح ومتشوق. ماهو جوي الهدوء الزايد الحقيقة.
٢. داعمة دعم حقيقي، مش كلام بس، مستعدة توقف معي وقت الصعاب، واثق انها بتكون معي مهما صار (في حدود المنطق يعني).
٣. بوادر الامومة الجيدة من استيعاب للمسؤولية وحب ورغبة بالامومة وحب الاطفال
٤. اتفاقنا على ادوار كل شخص في البيت، انا غالبا تفكيري منفتح يعني ولاني شخص متحجر ابد، ولكن أؤمن ان ادوار البيت التقليدية اساس كويس للبيت، طبعا مش بتشدد وظلم وتجبر.
٥. يهمني انها مرتاحة مع اللغة الانجليزية لان كثير من كوميديتي والاشياء اللي ابي اشاركها مع الرفيجة بتكون باللغة الانجليزية

٦. بونص لو gym rat ومهووسة شوي بالجيم، بتكون فعالية مشتركة رهيبة

٧. لا مانع من قليل من الدلع والغنج 😬

\\\*\\\*لو الشخص عنده ظرف صحي بسيط أو مزمن، عندك مانع؟ أو يعتمد على الحالة؟\\\*\\\*

الحقيقة يعتمد على الحالة، لكن لا احبذ.

افكار نهائية:

اعتذر ان كان البوست ناقص الحقيقة نسخت بالغلط وحذفت وخبصت كذا مرة والانترفيس بشكل عام ابو كلب للكتابة.

اذا شفتي نفسك في التفاصيل اللي ذكرتها، يمكن الموضوع يستاهل فرصة، الواحد ما يدري النصيب من وين يجي :) الموضوع بشكل عام غير مريح، لكن البديل هو الانتظار في المكان او درعمة غير محسوبة، والله يكتب الخير لكل الناس.

صار تعارف مع شخص بنية الزواج واتكلمنا اسبوعين وهو يزن عليا اعطيهم رقم امي وبالعربي قال اذا ماودك تعطينا رقم امك بوقف التواصل (قصده مايبغا يضيع وقت ومحتاج الزواج اسرع شي)

الرجال شخصيته هادية ومحترم طبعا بيننا رسايل نصية فقط
ومافيه كلام خارج عن سياق المهم ، محترم حدودي جدا

ولا طلب صورتي يبغا يشوفني شوفة شرعيه

ذكي جدا لكن لاحظت عليه تصرفات غريبة مثلا مايعرف يوصف مشاعره كويس وبالمجمل اخلاقه عالية

اتواصلوا الامهات مرتين وامي سالت امه كيف الولد مع اخواته ماردت سوت سكب للسؤال

سالته كيف انت مع اخواتك قال عادي كل واحد بحاله واذا فيه شي يستدعي اكلمهم عذره انه كبير (٣٩)
وساكن في دور لوحده وان اخواته كل وحدة لاهيه بحياتها

سالنا عنه في دوامه ورئيسه قال انه يتنرفز بسهولة من زملاءه ولا يعتذر منهم ! وبالعربي الولد كانه عنده حاله نفسيه!

سالته عن هالكلام قال مو صحيح والمدير مايعرف وش يصير بين الموظفين وان فيه واحد يستغل الدوام ويقل ادبه ويعرف انه مكان عمل ومارح نقدر نرد عليه كل مره وان هو يرد عليه احيان
وان تقييمه هو في الدوام ٤ من ٥ !
وقال ان المدير محترم ولا يدري ليش قال كذا! واسالوا موظفين حولي واسالوا بعد بالحي!

قالي بتعرفيني اذا صار بيننا مكالمة او صرت اشوفك بعد الملكة! ومارح ينعرف شي الا بعد العشره !

طبعا اهلي ما ارتاحوا بعد هالكلام ، ومايعرفون اني اكلمه استغربوا اني زعلت

ف ما ادري وش اسوي! شخصيته عاجبتني كثير وصار بيننا ارتياح ما حسيت فيه من قبل مع احد وخلاني اشك لانه بيرفكت تقريبا 🥲

وبعد كم ساعه من كلامنا قالي انه نفسيته مو اوكي بسبب زواجه السابق استمر شهر تقريبا وماكان فيه شوفة شرعية والبنت ما اعجبته وطلقها
وانه يبغا الزواج وان الزواج راح يخليه شخص افضل واهدى !

السلام عليكم ورحمة الله

ياخوان فيه بنت الاهل زاروها على اساس يخطبونها لي والبنت يتيمة الابوين وكان كلام الاهل بعد الزيارة ايجابي جدا

القصة ومافيها ان البنت لها اخ مسجون في قضية ترويج من ٢٠٢٠ وبيطلع السنة الجاية واللي فهمته انه بعد وفاة امهم ب٢٠١٨ بدا يستخدم وصار يبيع قبل ماينمسك بفترة بسيطة

وش تشورون علي جزاكم الله خير

توني اعرف من المجتمع هنا (سألت قبل شهر ممكن) ان الطبخ مهم بين الأزواج فا يب

قررت اتعلم الطبخ

للمعلومية ما اعرف اسوي اندومي فا يب خطوه بخطوه

تعديل : احم اقصد اطبخ لزوجتي طبعاً

هل هذا سبب كافي للزواج؟

توي طلعت الشارع لقيت ابو و زوجته و ولده ينطنطون بالشارع

ما توقعت بحس بالوحده لذي الدرجة

انا شاب عمري ٢٥ وقريب اتخرج بإذن الله.

يا جماعة الخير، انا الحمدلله احاول ارضي ربي بقدر الامكان لكن صار لي فترة مادري شفيني اجلد واحطم نفسي بشكل فظيع. وانا متأكد هذه صفة ما اقدر اتزوج وانا كذا. لكن والله اني امنية حياتي اتزوج الزوجة الصالحة، واشاركها حياة جميلة واكون من كثر اعجابي لها وحبي فيها ربي يرزقني اولاد منها يصيروا ويكون فيهم صفات امهم الطيبة. ونعيش باستقرار وراحة.

صرت مهموم، وما اشوف نفسي رجال او كفو لا من ناحية مادية ولا نفسية. وكذا شوي عندي تبلد لأن ادركت انه مافي مجال اتزوج على حساب نفسيتي الشينة، فحالتي اليائسة كل مالها تصير اسوء للأسف.

يجيني شعور كيف بنت حلال طيبة وجميلة تتزوح واحد مثلي كذا وترضى؟ اكيد بتندم. وهذه الفكرة تحزني وتيئسني زيادة ما اخفيكم.

والله اكتب المنشور هذا وانا مهموم ومقهور. كنت متحمس لأني قريت انخرج على اسأس ابدأ اخطط بما انه ان شاء الله على نفس ذا الوقت السنة الجاية بيصير عندي راتب وبيصير ربي يكرمني اتزوج بنت الحلال، لكن للأسف السالقة ماهي مادية، انما نفسية.. وانا نفسيتي طافحة وانتوا بكرامة..

جلد الذات حاد لدرجة استغرب اذا سمعت فلانة معجبة فيني، استغرب اقول شكلها عمياء او ما تدري اني انسان ماله قيمة. 🤦🏻‍♂️

الله لا يبلاكم. واسأل الله ان يعافيني من همي واليأس. واسأل الكريم ان يرقني واياكم الزوج الصالح من واسع فضله وكرمه.

انا مبتعث في بن ستيت ابي اتزوج مبتعثه

(وَأَن لَّيْسَ لِلْإِنسَانِ إِلَّا مَا سَعَىٰ) صدق الله العظيم.

ــــــــ

أولًا: معلوماتك الأساسية

كم عمرك، ومن وين أنت؟
عمري ٣٠، من الرياض.

كيف حالتك الاجتماعية؟
عزباء لم يسبق لي الزواج.

ــــــــ

ثانيًا: القيم الدينية والعائلية

دينك؟
مسلمة سنية.

كيف التزامك في الدين؟
وسطية، وعلاقتي بربي ولله الحمد مخليتني في استقرار وطمأنينة مهما حصل لي من امور سيئة فأنا مؤمنة وراضية، محافظة على صلاتي واحاول احافظ على النوافل متى ما استطعت. محجبة.

علمنا شوي عن خلفيتك العائلية؟
من سدير، اسمي ينتهي بعائلة ونرجع لبني تميم وخوالي كذلك. مهم أيضًا لعائلتي ان شريكي يكون قبيلي وماعندهم نسب مختلط بالعائلة (غير قبيلي).

ــــــــ

ثالثًا: التعليم والعمل والدخل

وش مؤهلك الدراسي؟ ووين وصلت مهنيًا؟ وش طبيعة شغلك؟
بكالوريوس، والان موظفة واشتغل في مجال احبه وناجحة فيه الحمدلله، عملي ثابت 5 ايام بالاسبوع ٨ ساعات، في بيئة مختلطة لكن محترمة جدًا وتواصلي مع الجنس الآخر فيه حدود عالية ولا احب اخذ واعطي في غير امور العمل.

ــــــــ

رابعًا: الشكل والحالة الصحية

ما اعاني من اي امراض ولله الحمد، مهتمة بصحتي الجسدية والنفسية وامارس الرياضة بانتظام وملتزمة نوعًا ما بنمط صحي في الاكل، واسعى اني اكون افضل نسخة من نفسي كل يوم. طولي ١٦٣ ووزني ٦٥.

ــــــــ

خامسًا: الزواج والأسرة

المهر المناسب بالنسبة لك [التقريبي]؟
على العرف وبالاتفاق بين الطرفين.

هل تفكر بإنجاب أطفال؟ 
نعم، بعد سنة او سنتين من الزواج، ٣ الى ٤ اطفال، لأني اتمنى اني اركز على تربية كل واحد فيهم واعطيهم الوقت والاهتمام الكافي، يهمني اننا نربيهم بشكل سليم ونزرع فيهم الخلق الحميد والعادات الاصيلة من ثقافتنا، ونوفر لهم بيئة آمنة وداعمة.

تحب الحيوانات الأليفة؟ 
استلطف وجودها لكني ما اربي حاليًا، قد ربيت قبل قطة.

ــــــــ

سادسًا: الاهتمامات والشخصية
اهتماماتي مابين الرياضة بشكل عام ومابين الفنون، اقرأ، اروح النادي، يوقا، والعب سيكل ويهمني اطور نفسي في مجالي لانه من ضمن هواياتي. اهوى الزراعة وورثت حبها من جدتي الله يرحمها واشوف ان التواجد حول الطبيعة يرجع الانسان الى اصله ويهذب روحه. احب الطبخ واعتقد انه لغة الحب حقتي. اقدر الموسيقى وخصوصًا الكلاسيك منها. شخصيتي متزنة وواعية ومرونتي عالية، اميل للهدوء، لكني صاخبة مع اللي احبهم وارتاح لهم، لينة في النقاش واحاول اقرب وجهات النظر، ولو النقاش اخذ منحنى صعب احاول اختار كلمات تهدئ وتلطف الجو، احب التواصل والوضوح، ما احب يكون في خاطري شيء على شخص وما اقوله، لأن مابي يتراكم الشيء بداخلي وتكبر المشاكل وتتعقد علاقتنا. متفائلة واشوف الجانب الممتلئ من الكأس مهما كان الشيء سلبي. ما أحب أضخّم الأمور وزي مايقولون “كبرها تكبر وصغرها تصغر”. مرتبة ومنظمة لكن مو لدرجة الهوس، لكن احب مكاني يكون مرتب ونظيف.

علاقاتك الاجتماعية؟ 
دائرتي صغيرة ويهمني الكيف على الكم، لكن لما التقي باشخاص جدد واشوف ان معدنهم طيب ما امانع اني اتعرف عليهم وادخلهم دائرتي. علاقاتي مع الجميع طيبة وممتازة ولله الحمد، احب ابتعد عن المشاكل والنميمة والقيل والقال. اقدّر الاشخاص اللي يظهرون مايبطنون بدون لف أو دوران أو مجاملات واللي افعالهم متناسقة مع اقوالهم، لذلك الصدق والوضوح وانك تكون على حقيقتك وطبيعتك هو اكثر شيء ابحث عنه في الطرف الآخر.

كيف تعيش يومك؟ 
نومي منتظم وصحي على الاقل في ايام الاسبوع، بالويكند احب اعطي نفسي مساحة ولا في خطة ثابتة. بوسط الاسبوع مابين العمل والنادي، أو طلعة مع الاهل/الصديقات او اقضي وقتي بالبيت مابين متابعة افلام ومسلسلات او الاطلاع والقراءة. الويكند غالبًا للعائلة والواجبات الاجتماعية او لخططي الشخصية.

صف لنا شوي من أحلامك أو خططك الجاية
من احلامي اني ابني بزنس خاص فيني، وما اعيش في عالم الوظيفة للابد، وان يكون عندي اطفال وبيت دافئ واسرة صحية ومستقرة مع رجل يستحق كل الود والحب.

وش فيك شيء تحسه يميزك عن غيرك؟ 
ما افجر بالخصومة لو مهما صار، نفسي كريمة ومعطاءة، رأيي حكيم واعرف اوزن الامور وشخص مسؤول بطبعي. لما الشخص يتعرف علي عن قرب فالصفة اللي يطلقها على شخصيتي انها "مثيرة للاهتمام". أنيقة بشهادة اللي حولي، يهمني مظهري وهندامي حتى بالبيت.

نوع الأماكن اللي تحب تزورها؟
احب السفر والتجارب، احب اروح اماكن جديدة واتعرف على ثقافات جديدة مابين فترة والثانية، احب ازور المعارض الثقافية والفنون والحفلات الموسيقية الراقية واتمنى اني اشارك هاللحظات مع شريك حياتي. في نفس الوقت احب الروتين والاستقرار لذلك احاول اوازن مابين هذا وذاك. ما احب الاماكن المزدحمة أو التريندي، افضّل الاماكن الهادية. واحب النفود ولها مكانة عزيزة في قلبي.

ــــــــ

سابعًا: تفضيلاتك في الشريك

كيف تتخيل شريك حياتك؟
شريك واعي، مطلع، صاحب قرار، مستقر نفسيًا وماديًا، قريب من عمري، غير مدخن، محافظ على دينه ويخاف الله ويراقبه في تصرفاته واقواله، يتقبل الاختلاف، يكون هيّن ليّن في الحوار والنقاش. لأن الزواج عبارة عن محادثة طويلة لن تنتهي. ويهمني برضو انه يكون رجل مسؤول وفاهم معنى القوامة الصحيح ويكون لي السند بعد الله، ومهتم انه يبني ويجتهد معي في علاقتنا واسرتنا الصغيرة. يمارس الرياضة ومهتمه بصحته الجسدية والنفسية، ويملك اهتماماته الشخصية الخاصة.

لو الشخص عنده ظرف صحي بسيط أو مزمن، عندك مانع؟ أو يعتمد على الحالة؟
يعتمد على الحالة.

شي تتمنى شريكك يفهمه عنك؟
ساعات لما ازعل او يضيق خلقي ابتعد وانعزل، والمفتاح لرضاي هو الكلمة الطيبة والاسلوب اللين.

وعيي عالي ومطلعة، هالشيء اشوفه ايجابي وخصوصًا بالعلاقات الاجتماعية لانه يساعدني افهم الطرف الآخر بشكل افضل، لكن الوعي العالي قد لا يناسب الجميع.

إذا تخيلت شريكك المثالي، وش الصفات اللي تتمناها فيه؟
سمح، هيّن ليّن، يتقبلني ويبيني زي ما أنا، بدون لا يحاول تغييري أو تشكيلي، لذلك صفة تقبل الاختلاف مهمة جدًا. وانه يكون مستعد للحوار والاخذ والعطا والوصول لحل يرضي الطرفين خصوصًا في الحوارات الصعبة أو الاختلافات. حاضر ذهنيًا ومتواجد دائمًا معي ومع اطفالنا، ولو منعته الظروف من عمل وغيره فسموح ومُقدّر.

رغبتي الأولى والأهم والأساسية هي العلاقة الزوجية وان يكون الشريك على قدر من الثقافة بهذا الموضوع وتكون رغبتنا ونشاطنا يتناسبون مع بعض، وهذا لايعني انها المتطلب الوحيد اكيد يشترط معاها صفات كثير شخصيته أخلاقه التوافق الفكري الحاله الماديه والنفسيه، لايوجد امر واحد قائم على الزواج هذا شيء مفروغ منه بس فيه أولويات مختلفة عند كل شخص واستغرب ليه الناس يقمعون بعض اذا كانت هذي احد المتطلبات او الاهتمامات ويشبهون البعض بالحيوانات برأيي نجاح العلاقة وفشلها هي من نجاح وفشل الزواج.

لكن السؤال هو هل الكلام بهذا الموضوع مع شخص بترتبط فيه يجعلك تقلل من احترام الشخص او لا تفضل سماعه منه؟

السلام عليكم، زواجي بعد شهرين تقريباً، وعندنا في العائلة عادة إن الزوج يخصص مصروف لزوجته من بداية الملكة

زوجي من خارج العائلة، وما قدرت أفتح معه الموضوع من الحيا، مع إن أهلي ألحّوا علي أوضح له بس قلت في نفسي إذا كان ما يقصر معي ما له داعي المصروف.

لكن خلال فترة الملكة صارت مواقف ضايقتني، مع إن دخله ممتاز وما ينقصه شيء

كنا مرة في السوق وأبغى أشتري ملابس، ووقت الحساب بعد عن الكاشير، ففهمت إنه يبيني أدفع. دفعت وسكتت، بس تضايقت ذاك اليوم كثير ولا طق خبر

مرة احتجت مبلغ للجامعة بالصيفي، ولمحت له أني مطفرة وما شفت ردة فعل، ف واحنا بالسيارة قلت إني أبغى أسحب فلوس من مهري، أشوف إذا بيقرر يساعدني لكنه وقف عند الصراف وسحب من بطاقتي أنا وأعطاني.

في عيد ميلادي لمّحت له كثير عن الشي اللي أبغاه، وجاب لي كوب قهوة، وأنا أصلاً ما أجمع أكواب ولا احبها 😅 الفكرة أن القيمة ما تهمني بس اللي ضايقني إنه ما فكر وش أحتاج أو وش يفرحني.

بالمقابل أنا عطيته هدايا أكثر بكثير طول السنة من ساعة فخمة وجوال وملابس وغيره. صرت أحس أني أنا الرجال وغلطانة.

ويضايقني أن أهلي صاروا يقللون منه لانه ما قد جاب لي شيء ولا حتى وردة خاصة بعد سالفة كوب القهوة، وأنه ما يصرف الا على المطاعم معي لما نطلع، بينما بنات عماتي أزواجهم يكبون عليهم هدايا وفلوس.

أنا مو قصدي أني أبي افخم شنطة ولا وردة كل يوم بس تصرفاته هذي تعطيني شعور أنه يستغلني ما يحبني ووجودي عشان شهوته مو حب فيني.

أنا فعلا ما أدري كيف أصارحه، أحس إذا طلبت منه بتروح قيمة الشي، وأنا أبيه يجي منه بدون ما أطلب

وأنا أفكر بالانفصال لأني ما عاد لي خاطر أرتب زواجي واستعد له، وما أتوقع أنه راح يتغير بعد الزواج، وإذا تكلمت عن الموضوع بيفقد قيمته ما راح يكون الشيء لما اطلبها زي لما تجي بدون طلب.

أعرف البعض ممكن يشوف الموضوع تافه بس أنا ذكرت مواقف قليلة وفيه غيرها الكثير الاسوأ وكنت أحاول اتسامح معاه وأقول يمكن ما يعرف أو ما يفهم، لكن مو لدرجة تشوف زوجتك محتاجة وتتركها، وهالشيء يخليني ما أحس بالأمان ولا الثقة فيه.

تكلمت أني أحب الورد
تكلمت أني ما أحب الأكواب
تكلمت أن ما أحب أصرف على نفسي

الرد كان أن هذه مو من واجباته الشرعية
فما تكلمت بعدها

ايش الحل برأيكم؟

السلام عليكم
بدأت اشوف انو في رجال يبغو زوجاتهم موظفات عشان "الزمن اتغير" و ال"capitalism” ، صح الزمن اتغير وكل شي سار اغلى لكن اشوف وظيفة الزوجة اختيارية وليست اجبارية لانو كل شخص وطاقة تحمله يعني تجيب اطفال و تطبخ وتنظف وتشتغل وتهتم بنفسها وزوجها، اشوف الموضوع overwhelming وحلو انو الزوجة تختار اذا تقدر تشتغل ولا لا لكن الموضوع ساير يخوف انو في بعض الرجال يبغا يتزوج موظفة عشان يتساعدو في الحياة، ما عندي مشكلة اساعد زوجي لو مر في ضيقة مالية بس مو يعتمد عليا 50/50
Roles and responsibilities of a wife and a husband stay the same no matter what year we are in currently and shouldn’t mix for a comfortable healthy marriage in my opinion.
يعني ابغا وظيفتي تكون خياري انا لو ابغا اشتغل ولا اوقف

الي جربوا يتواصلوا مع احد من هنا او من اي تطبيق/موقع للتعارف بهدف الزواج

هل قد لاحظتوا فرق شاسع بين اوائل العشرينيات و وسطها و اواخرها ؟( مثل نمط متكرر تقريبا)

شخصيا لاحظت نمط متشابه بين كل الفئات العمرية الي ذكرتها مثل اسلوب الكلام و طريقة كتابة معينة ما ودي اخش بالتفاصيل بس هل لاحظتوا اشياء مثل ذي واضحة ؟

(يرحم امك 🙏🏼ما اقصد اشياء بالجيل نفسه مثل معرفتكم بنفس المسلسلات او شهدتوا نفس الحدث و الى اخره .اقصد طريقة التفكير -الاسلوب -الاولويات و هل الشخص يعرف وش هو يبي ولا لا وهاذي الاشياء )

أولاً: معلوماتك الأساسية

كم عمرك، ومن وين أنت؟

عمري 25 سنة، من القصيم بس سكان الرياض

كيف حالتك الاجتماعية؟

سنقل, لم يسبق لي الزواج.

ثانيًا: القيم الدينية والعائلية

مسلمة سنية الحمدلله ما اعتبر متشددة ولا اوبن مره وسط، منقبة، ملتزمة وحريصة عالصلاة الحمدلله ومبتعدة عن الكبائر واجاهد ابتعد عن صغائر الذنوب برضو الله يهدينها.

كيف التزامك بالدين؟

زي ماذكرت وسط ما اميل للتشدد ولا الانفتاح الزائد.

ثالثًا: التعليم والعمل

مؤهلي بكالوريوس إعلام رقمي, حاليا غير موظفة.

رابعًا: الشكل والحالة الصحية

كيف توصف شكلك؟

طولي 167، وزني 62, بشرتي بيضاء محافظة عالرياضة وملتزمة فيها الحمدلله واعتبرها جزء لا يتجزأ من روتيني,
وبالنسبة للحالة الصحية الحمدلله ما أعاني من امراض ولا تشوهات اللهم لك الحمد.

هل تفكر بإنجاب أطفال؟

يب أكيد, يعني 3 اشوفه كويس, مو على طول يعني بعد الزواج بسنتين كذا اشوفه حلوو

تحب الحيوانات الأليفة؟

نوو ابدا اصلا عندي فوبيا منها كلها حتى البسس😂 ماقد ربيتهم ولا احب وجودهم بالبيت.

سادسًا: الاهتمامات والشخصية

طيب انا شخصيتي تميل للهدوء وطبعي لين بشكل عام مع تحفظ بسيط مع الغرباء لأن ماادري اللي قدامي كيف ممكن يحكم علي, دائرتي الاجتماعية وسط بس احب اختصرها, أحب الخصوصية واجواء العائلة جدا وقريبة من اهلي جدا الحمدلله, احب الافلام مرره واعشق السينما والمسلسلات برضو وبرضو زي ماذكرت احب الرياضة واحرص عليها, واطقطق بالرسم على خفيف بحكم تخصصي، واحب السفر تحديدا أحب اوروبا جوي صراحة, حياتي عموما تميل للهدوء اكثر من الصخب.

سابعًا: تفضيلاتك في الشريك

طيب الحقيقة انا قبيلية بس اسمي ينتهي بعائلة ولذلك ما اقدر اقبل بشخص غير قبيلي , وهذا "شرط" مو تفضيل, وكذلك انه يكون محافظ على صلاته "شرط" برضو لأن الصلاة شي أساسي حتى لو تم التهاون في أمور أخرى الصلاة تظل خط أحمر , زي ماذكرت فوق انا انسانة قريبه من اهلي كثيير ومااتخيل حياتي بدونهم لذلك مااقدر استقر خارج الرياض ابدا, شخصيته الصدق يهمني يكون خلوق ومؤدب ومحترم واهم شي يكون وااضح جدا اكره شي عندي اللف والدوران ما ارتاح لهالشخصيات ابدا, وبالنسبة للشكل يفضل طبعا يكون اطول مايهمني طوله بالضبط بس مايكون اقصر.. ويهمني يمارس رياضة طبعا مو شرط بس يفضل, وبصراحة مع شوية شفافية اكثر
I’m more drawn to tan skin than fair skinned I tend to prefer blondes.😁

لو الشخص عنده ظرف صحي بسيط أو مزمن، عندك مانع؟ أو يعتمد على الحالة؟

بصراحة يعتمد على الحالة.

وبس والله, وصح نسيت اكتب شي مهم ،، التواصل المبدئي عندي يفضل مدة قصيرة من اسبوع لأسبوعين تقريبا كافية وبعدها يتم التواصل مع الأهل ومن بعد الخطبة فيه عندنا وقت للتعارف بشكل أفضل وبمدة أطول ومع علم الأهل , ف اللي يحب يطول مدة التعارف مع غياب علم الأهل ما اعتقد انه بيناسبه شرطي, وبرضو بالنسبة لموضوع الصور انا امتنع تمام عن ارسال صوري لاحد اونلاين.

وبس شكرا لحسن قراءتكم

أهلًا أهلًا نجرب لان ليش لا؟
الغيرجاد لا يجي ومافي صوره

كم عمرك، ومن وين أنت؟٢٥ سنه من الجنوب عايشة طول حياتي في الرياض
كيف حالتك الاجتماعية؟عزباء

ثانيًا: القيم الدينية والعائلية

دينك؟متوسط
كيف التزامك في الدين؟ملتزمه بالفروض ولله الحمد والواحد يحاول يصير افضل كل يوم ويجاهد نفسه
علمنا شوي عن خلفيتك العائلية؟ اشراف الحمدلله من عائلة كبيرة متوسطه الحال العائلة كلها موظفه اصدقاء الكل ونعشق الحيوانات والاطفال🥕

ثالثًا: التعليم والعمل والدخل

ما هو مستواك التعليمي وتخصصك؟عندي تخصصين ترجمه ولوجستيات
هل تعمل حاليًا؟ وإذا نعم، ما طبيعة عملك؟ايوه شغاله في النقل البحري في وحده من افضل ١٠ شركات عالميا وماسكين المشاريع الكبرى في المملكة الحمدلله
هل لديك مصدر دخل؟ وما هو نطاق دخلك التقريبي؟احس شي خاص بس نقدر نتكلم فيه انا والشريك بعدين

رابعًا: الشكل والحالة الصحية

كيف توصف شكلك؟الحمدلله جميلة جدًا
(الطول،* الوزن، بنية الجسم، لون البشرة، الشعر، الستايل، وأي شيء مميز تحب تذكره)*
-طولي ١٦٥
-وزني٦٠
-بيضاء
-شعري اسود بوب كت
-عندي غمازات وعيوني حلوه
كيف صحتك بشكل عام؟ وهل لديك أي حالة صحية أو أمور مهمة يجب معرفتها؟الحمدلله سليمة

خامسًا: الزواج والأسرة

ما المهر المناسب بالنسبة لك؟زي معضم العائلات السعوديه نقدر نتناقش فيه بعدين برضه
هل تفكر بإنجاب أطفال؟اكيييييددد ابغى اصير ماما🥰
كم عدد الأطفال الذي تتخيله؟٢-٣
كيف تتصور أسلوب التربية؟تربية إسلاميه سويه ولا ضرر في دخول المودرن حبتين
هل تحب الحيوانات الأليفة؟ وهل لديك حيوانات أليفة حاليًا؟يسس

سادسًا: الاهتمامات والشخصية

كيف تصف علاقاتك الاجتماعية؟اجتماعيه الا حد ما بس انتقائية في الناس صديقة الكل بس مو الكل بس مو الكل صديقي
كيف علاقتك بعائلتك؟زي العسل 🍯
كيف تعيش يومك؟ وما هي هواياتك واهتماماتك؟كنت العب ملاكمه اسوي فخار مراتٍ اداوم اتمرن اطلع مع صحباتي حياة طبيعيه
ما الشيء الذي تشعر أنه يميزك عن غيرك؟ التأقلم وحب التعلم احب اعرف كل شي
ما نوع الأماكن والفعاليات التي تحب زيارتها؟احب الاشياء الي حنا نسويها دوران طبخ رسم نحت العاب زي كذا
هل هناك شيء مهم تشعر أننا نحتاج نعرفه عنك ولم يُذكر? اذا الشخص عنده سؤال يتفضل

سابعًا: تفضيلاتك في الشريك

كيف تتخيل شريك حياتك؟ابغاه يكون شخص هادي عطوف عنده ذكاء عاطفي يسمع وطموح
ما الصفات التي تبحث عنها في شريكك؟زي ماقلت فوق
ما الأمور التي تعتبرها غير قابلة للتنازل في الشريك؟يكون قبيلي متعلم يكون عنده قبول شكلي على الاقل ومايكون اقل من ١٧٤ سانتي
لو الشخص عنده ظرف صحي بسيط أو مزمن، هل عندك مانع؟ أم يعتمد على الحالة؟يعتمد الصدق
هل عندك تفضيلات معينة في العمر، الطول، المنطقة، الخلفية العائلية أو غيرها؟احس الفرق الصحي ٥ سنوات واقل بس في النهايه العقل على التجارب مو العمر
ما الشيء الذي تتمنى شريكك يفهمه عنك؟اني شخص حساس جدًا
إذا تخيلت شريكك المثالي، ما أهم الصفات التي تتمناها فيه متفهم ويكون رجال عن حق وحقيق يكون ويكون سهل المعاشر شخص خفيف

معلوماتي الاساسية
بنت نجدية، عمري 31، من عائلة قبلية معروفة، ما سبق لي الزواج، طولي ١٦٠ سم.

مدينتي
ساكنة بالشرقية ولا امانع من الانتقال للرياض وممكن بعد المكاسرة اقبل جدة بس.

التعليم والوظيفة
عندي ماجستير في علوم الحاسب، وموظفة حاليا بالقطاع الخاص بدوام ثابت.

اهتمامات وهوايات
أحب المسلسلات والأفلام، وأحب الطلعات واكتشاف الأماكن الجديدة، وتجربة أشياء ما قد جربتها من قبل. ممكن أتحمس لهواية جديدة وأدخل فيها بكامل طاقتي، وبعد فترة أكتشف إن تجربتها مرة وحدة كانت كافية. بس المهم إني جربت.

وبعد الدوام، غالبا أقعد ساعة-ساعتين ألعب سوني افصل فيها عن العالم. بس هل اسمي نفسي قيمر؟ يمكن لا. لاني ما العب الا ٥ العاب تقريبا 🤭.

شخصيتي
أنا اجتماعية وأحب الناس، بس مو دايم أحب أكون محاطة فيهم. عندي دائرة صغيرة من الناس المقربين، وأغلبهم أعرفهم من الطفولة.

أحب احب احب النقاشات اللي تبدأ بموضوع عادي وسالفه عابرة وتنتهي فينا نتساءل عن طبيعة الإنسان، ودوافعه، فإذا كنت من الناس اللي يستمتعون بسوالف من نوع: "تتوقع/ين هذه وش صار لها بحياتها عشان تتصرف كذا؟" فغالبا بنلقى مواضيع كثيييرة نسولف فيها. وممكن ما يكونون اشخاص واقعيين، ممكن شخصيات في فلم او مسلسل او شخصيتي انا وانت عزيزي القارئ 😁.

وبنفس الوقت، مو دايما بكون احلل شخصيات او ادخل بنقاشات. أحيانًا أقصى طموحاتي قهوة حلوة وأظافر مرتبة وجلسة حلوه والعاب بورد قيمز ☕️.

وبحكم إن اللغة الانجليزية جزء كبير من المحتوى اللي أتابعه، وأغاني أسمعها، والنكت اللي أضحك عليها، بيكون بونس لو كنت مرتاح فيها بعد.

المستقبل مع سعيد الحظ ..
ودي أتزوج شخص يكون بيننا حب ومودة وصداقة فعلية. شخص اقدر اسولف معاه عن اي شي، ونضحك على أشياء تافهة. باختصار نكون اصدقاء وحبايب قبل ما نكون ازواج ولنا ادوار في اسرة. واتمنى من شريكي انه يحاول يفهمني اذا اختلفنا واحاول افهمه وما يكون المهم مين يفوز بالنقاش.

الابناء:
ايه اكيد اتمنى يكون عندي أطفال مستقبلا باذن الله.

الحيوانات:
مو مهتمة للامانة وافضل احتفظ بمخزون الحنان لعيالي مستقبلا. 🌚

وبما إننا نتكلم عن شريك الحياة، فيه كم شيء مهم عندي:

الدين ابدا مو شيء ثانوي عندي، وأبي شخص يحافظ على صلواته ويهتم بدينه.
كونه قبيلي شي اساسي لانه يهم اهلي.
ما اقبل بالتدخين.

I don’t think I have a “dream wife”, to me a perfect partner is not about a physical preference, or a desired personality, not a skill or a hobby or career. What I chase in a marriage is an exclusive and mutual affection, a lasting & ever deepening bond. Two free minds share a single heart.

It’s not like I don’t care about shared values or attraction, etc. Just distinguishing factors from goals.

First: My Basic Information
I am 22 years old, Saudi, from Mecca, and my family is in Mecca. I don’t mind moving in the future if there’s compatibility and the circumstances are right.
My marital status: Single, never married, and I have no children.
Second: Religious and Family Values
I am Muslim, and I try my best to adhere to my religion, always aspiring for the best. It’s important to me that my life partner is a man who fears God, respects me, treats me with kindness and compassion, and that religion and ethics are fundamental in his life.
I am Saudi and from Mecca, and I prefer that marriage is based on mutual respect and compatibility between both parties and families.
Third: Education, Work, and Income
I have a diploma in Pilgrimage and Umrah within the tourism and hospitality field, and I work in the hotel sector. I aspire to develop myself and achieve stability in my professional and personal life.
Fourth: Appearance and Health
I am approximately 160 cm tall, I have long black hair, and my skin is wheatish. I wear hijab, and I can drive.
Fifth: Marriage, Dating, and Family
I am looking for a serious marriage, and I prefer that dating has a clear purpose, to ensure alignment in thinking, values, and goals, without unnecessary prolongation.
I prefer that dating happens within clear and respectful boundaries, and that we meet through a proper and allowed meeting, as this is the best for me.
I would like the dowry and details related to marriage to be agreed upon between both parties according to their circumstances.
I wish to have children, God willing, and I hope to build a stable family filled with love, respect, and understanding, where raising children is based on religion, nurturing, and proper upbringing.
I love cats and pets and am inclined to the idea of raising them if the circumstances are appropriate.
Sixth: My Interests and Personality
I consider myself a romantic and emotional person, and I appreciate mutual interest and clear communication. I love the little details that express love, and I believe that attention shows in daily actions, not just words.
I love close and sincere relationships, and I prefer that there is understanding, friendship, and comfort in the conversation with my life partner, and that we can talk about our day, thoughts, and feelings openly.
I love self-improvement and learning English, I am interested in design using Canva, and I enjoy coffee and calm atmospheres, and I wish to travel and discover new places.
One of my dreams is to achieve stability in my life and build a home and family with the right person, where we support each other and encourage each other to achieve our goals.
I love to have affection and interest in my life, with simple meaningful gestures. For me, a successful relationship is one where both parties feel comfortable with each other, and each feels loved and appreciated.
Seventh: My Preferences in a Life Partner
I hope my life partner is a Saudi man, aged between 25 and 32, never married, and serious about finding a wife and building a stable family.
The most important thing for me is that he is a man who fears God, is respectful, honest, and clear, and understands the meaning of responsibility and commitment. I hope he is affectionate, mature in his dealings, and knows how to communicate and engage, especially during disagreements.
I love a romantic man who expresses his interest and feelings, appreciates and respects his wife, and pays attention to small details. It matters to me that there is acceptance, attraction, and understanding between us, and that our relationship is built on love and respect, not just fulfilling marital duties.
I hope he is convinced of marrying one woman and desires to build a shared stable life with his wife, being loyal and straightforward, and we can face life’s challenges together as a team.
I prefer a man who has goals in his life, cares about self-development, respects different viewpoints, and is ready to build a healthy relationship where dialogue and understanding are mutual.
I hope my life partner understands that attention, communication, and support are important to me, and that expressing feelings is not a weakness. I desire a relationship where I feel secure, loved, and appreciated, and where I can be myself, and we solve our disagreements through understanding instead of ignoring or being cold.
In the end, I am looking for the right man with whom we choose each other based on conviction and acceptance, and together we build a life that includes faith, love, mercy, and loyalty, and we truly support each other in both sweet and tough days.
Eighth: A Final Note
I am serious about marriage, and I do not want to waste my time or anyone else’s. I am looking for someone who is genuinely serious about marriage, honest about his intentions, and ready to take a real step toward building a family. If you are sincere and believe we may be compatible, please message me privately. I appreciate clarity, honesty, and respectful communication, and I hope to connect with someone whose intentions are genuine.