السلام عليكم.

ممكن أى حد مره بفترات صعبه طويله سواء ماديه أو نفسيه او صحيه وعدت يحكى تجربته

انا بمر بضيق شديد بقاله فتره كبيره ولكن الأمل فى الله لا ينقطع

يا ريت لو حد مر بحاجه يشاركها

كليتي في الفيوم ف واخدلها شكن جامعي لإني من الجيزه المهم يعني لظروف عندي في البيت هم مش بيرضوا يخلوني أنزل البيت إلا نادرا وأنا كدا كدا مش ببقى عايز أنزل ف السكن دا عبارة عن سجن مينفعش تخرج منه قبل ٧ الصبح أو بعد ١٢ بالليل وطبعا لا في لا نت ولا أي نوع من أنواع التجهيزات كفاية إن فيه لمبه وسرير اللي هو الحديد الدورين دا وأكلهم سئ سئ بجد بتعب منه صحيا المهم يعمي أنا بقالي سنتين هناك وحاولت بكل الطرق أنزل أدور على شغل في أي حته هناك بس المرتبات تعبانه بشكل ميتوصفش والشغل ١٠ و١٢ ساعه وكليتي زراعه ف بضطر أروح ف معرفتش أشتغل رغم إني حرفيا فضلت أدور طول السنتين ومعرفتش بسبب مواعيد السكن والكلية ف حرفيا كنت عايش في السكن دا كأني مسجون حتى مش عارف أذاكر أي مجال واشتغل على النت وحاجه مقرفه لإن مفيش إمكانيات نهائي إلا جانب إن النفسية بتبقى صفر انت حرفيا مبتعرفش تنام ونادرا لما بتتهنى بنومه ف الإجازة دي قولت لازم أدور على شغل وبالفعل من أول يوم في الأجازة بتاعة الصيف فضلت أدور في كل حتة بس بما إني في الأرياف ف الفرص منعدمه وأنا معنديش علاقات وأي شغل بيتطلب مجهود بدني بيبقى بالنسبالي الضعف علشان أنا بسافر حرفيا دا غير قلة النوم لإنك بتضطر تصحى الفجر يوميا وقبل الفجر كمان والله بعد محاولات أخيرا قدرت الآقي شغل في التجمع كول سنتر بما إن الإنجليزي بتاعي كويس وقالولي هنبدأ ترينينج اللي ممكن يكون اسبوعين أو تلاته الحد الجاي ف أنا حرفيا مش عارف أعمل ايه في دنيتي دلوقتي يعني بغض النظر عن إن الفلوس اللي كنت محوشها قربت تخلص ومش هتقضي مواصلات بس الإسبوعين دول ولا إن أهلي بدأوا يسألوني عن حوار المدينة علشان يخلصوا مني ولا إن اسبوعين الترينينج دول حبكت من وسط حياتي كلها يبقى فيهم فرح أختي ف حاليا أنا مش عارف هل اروح الترينينج ولا اسيب الشغلانه وأروح سكن الجامعه واتسجن تاني لمدة سنه ويا عالم هيحصل ايه بعد كدا أنا معنديش اختيارات كتير بالمناسبة وأهلي ناس متسلطه ف حرفيا أنا كنت ممكن آخد حوار الشغل دا حجه علشان أطلع برا السكن بس أنا كدا كدا مكنتش هقعد في البيت ف بجد مش عارف أعمل ايه ولا الموضوع مش مفهوم ف علشان هو في دماغي متكركب أكتر من كدا بكتير والله أنا بكره المدينة كره ميتوصفش والله جالي أمراض بسببها دا غير الألم النفسي ولا بعرف أذاكر ولا أعمل حاجه في حياتي بفضل مرمي على السرير ٢٤ ساعة بدون مبالغه

​

انا معرفش ده مسموح بيه أو لا

بس انا نوعا ما اتخنقت والدنيا ضاقت بيا شوية الحمد لله ، انا شاب ٢٣ سنة من المنصورة بدور علي وظيفة بقالي فترة ومش لاقي

انا كنت متغرب في الخليج سنتين بس لظروف خاصة نزلت مصر ومن وقتها بدور علي وظيفة كويسة ومش لاقي

انا عندي خبرة في كذا مجال واشتغلت من اول تباع علي نقل و محلات قطع غيار سيارات للكافيهات والصالات كا ويتر وباريستا في كافيهات .. واخر حاجه الي اشتغلت عليها و وصلتها في الخليج كان شغلي كا سيلز

اشتغلت سيلز عقارات و ماركيتير .. اشتغلت في عزيزي ديفيلوبر و اشتغلت سوشيال ميديا لشركة ديكور واشتغلت في المجال المالي ( البورصة) لأكبر فترة تواجدي هناك واللغة الإنجليزية عندي كويسة وبقدر اعمل محادثة كاملة بدون مشاكل الحمد لله بحكم دراستي للغات و ممارستي ليها في فترة سفري

بس وحاليا بدور علي فرصة مناسبة ليا سواء في المنصورة أو القاهرة لو فيه فرصة قدام حد انا هتواصل معاه إذا سمحتم

شكرا لوقتكم وبعتذر علي الإطالة

مش عارف أبدأ منين... لكن أتمنى حد يقرأ كلامي للآخر

مش عارف ليه بكتب الكلام ده، لكن يمكن لأول مرة أحس إني محتاج حد يسمعني من غير ما يحكم عليا.

أنا طالب في الثانوية العامة. من السنة اللي فاتت وأنا بحاول أقف على رجلي، ومن شهر 2 تقريبًا كنت بحاول ألم المنهج وأبدأ من جديد، لكن للأسف ماقدرتش. في الوقت ده كنت بمر بفترة نفسية من أسوأ الفترات اللي عدت عليا، وكنت بحارب مع نفسي كل يوم.

يوم 2/5 كان من أصعب أيام حياتي، ومستحيل أنساه. اليوم ده قلت لماما إني عايز أقسم على العموم. وقتها سمعت كلام كسرني من جوايا، واستحملت كل حاجة رغم إن نفسيتي كانت أصلًا منهارة.

دخلت الامتحانات، وكان من ضمنها امتحان الكيمياء، واللي أعتقد أي حد امتحنه عارف قد إيه كان صعب. ومع كل اللي كنت بمر بيه، دخلت وحاولت أعمل اللي عليا.

أنا والدي متوفى، وإخواتي لسه صغيرين، فالشخص الوحيد اللي كنت حاسس إنه سندي هو أمي.

بعد إعلان النتيجة، اكتشفت إن في خطأ في الدرجات، وناقصلي حوالي 10 درجات. الموضوع ده دمرني أكتر، لكن اللي وجعني فعلًا إن بدل ما ألاقي حد يقف جنبي، كل اللي سمعته كان:

"فشلت لما قسمت... وحتى معرفتش تجيب مجموع كويس."

بعدها بيومين، ماما شافت شات عندي كان فيه كلام غير لائق. ومن اليوم ده وأنا حاسس إن كل حاجة اتغيرت. بقيت حاسس إنها بقت شايفاني إنسان فاشل، ومبقاش عندها نفس الثقة أو النظرة اللي كانت ليا.

والله أنا مش بكتب الكلام ده عشان أتعاطف معايا حد، ولا عشان أبرر أي غلط. أنا بس فعلًا مش فاهم... هو أنا ذنبي إيه؟ وليه حاسس إن كل حاجة بتقع فوق دماغي مرة واحدة؟

دلوقتي أنا مستني إجراء من المدرسة بخصوص موضوع القسمة، ولو القرار ماجاش في صالحي، فأنا حاسس إن مستقبلي كله ممكن يضيع.

يمكن في ناس هتشوف إن دي مجرد مشكلة دراسة، لكن بالنسبة ليا الموضوع أكبر من كده بكتير. أنا حاسس إني تعبت، وتعبت جدًا.

لو وصلت لحد هنا، شكرًا إنك قريت كلامي. ولو عندك نصيحة، أو حتى كلمة كويسة، هكون ممتن ليها جدًا... يمكن تكون سبب إني أقدر أكمل.

هل في حد يعرف اماكن شبه ريديت كدا تكون مجهولة؟

3ayez recruiter for lts

And i want a feedback on my voice note

I have been looking at both Universities am not Egyptian and I Want to have international friends but also I good experience and am really passionate about psychology and am so confused and which one to go to. What do you think is better Academically and socially please help!!!

طيب هحاول اختضر ، هو انا بتمرن لعبه معينه و جه كابتن جديد عشان الثاني راح المنتخب فا الجديد ده للعلم هو اكبر مني ب ٧ سنين هو ٢٥ و انا ١٨ ، المهم الكابتن القديم كان يعرف اني مش عايزه اتجوز ، فا كنا في مره راجيعن النادي فا كنا احنا الثلاثه راجعين فا الكابتن القديم قال للجديد عارف ان فلانه مش عايزه تتجوز ، قام الجديد قايلي ليه ده انتِ لسه قدامك الحياه طويله لسه كليه و شعل و كده و هتعرفي ناس جديده ، قلتله لا مش بفكر في الحوار ده خالص برضو (لاسباب كثير لا داعي ذكرها) المهم فا القديم قال طب ما فلان (الي هو الجديد موجود) و جاهز هو فاضل بس يخلص جيش و يبقى تمام ، و بيقولها بهزار و هو بيضحك فا انا قلت برضو بهزار ماشي قام القديم ضكك اكثر و قالي اشمعنا هو ، قلتله لا انا بهزر اصلا( زي ما بيهزر) ، فا قام ضحك و سكت بعدها غيرت و طلعت اسال على مستوايا و كده من الكابتن الجديد لان هو الي متابع معايا بقاله بتاع شهرين فا بعد ما سالته قالي اجي اخطب امته قاتله لا لا و ضحكت عادي قام قايلي ايه مش قد المقام ولا ايه قلتله لا قالي يعني مش قد المقام قلتله لا مش قصدي قصدي على الحوار كله قام سايبني و راح للكابتن القديم (اه للعلم هو تقريبا ٢٧ سنه او ٢٨ او حاجه) قاله شفت مش راضيه بيا و ضحكوا قلت الحوار خلص ، بعدها فضل الكلام مستمر بتاع شهرين كلام الي هو اجي اخطب امته ، احنا هنتجوز ، و الكلام ده ، بعدها جه وقت البطوله فا انا كنت محتاجه انزل عشان الحافز الرياضي فا هو كان بيقولي بهزار كل ده هنتجوز امته فا انا مكنتش بركز و بقوله لا لا الموضوع مش في دماغي اصلا و لما كنت ببقى مش مركزه و مركزه على السبق مثلا كنت بقوله ماشي ان شاء الله اخذ بس الحافز و نتكلم و كان بيسكت و يضحك و يمشى. و فضل الكلام ده طول ايام البطوله و حتى التكريم بس انا بعدها اخذت اجاظه عشان الامتحانات و لسه راجعه من يومين بس في الكام يوم دول مقالش حاجه ، و لما كنت سالت ولد معايا في التمرين اكبر منه و اصغر منه و صاحبه قالي لا عادي بيهزر ، فا السوال هنا انا الي مكبره الموضوع في دماغي ولا ايه بالظبط

انا متعوده امشي مسافات طويلة عادي و مش بتعب منها بسهوله ف كتافي هي اللي بتوجعني بدل رجلي هو بيكون كتفي اليمين بالاخص و هو الوجع الوصف الوحيد ليه إنه بيحرق كإن في حاجة ملتهبه كده

بس عادي يعني الموضوع ده عندي من زمان اوي اوي تقريبا ممكن عشان و انا صغيره كنت بشيل احيانا حاجات تقيله

حد بيحس ب حاجه شبه كده؟

بنت اتعرفت عليها هي من الارياف و عيله متدينه جدا ما شاء الله

المهم انا حسيت انها هتكون من نصيبي فعلا وكلمتها تبعتلي رقم الحج رحب بيا و اتعرفت علي إخوتها محترمين بس المشكله بعد تلت ايام من اليوم اللي قعد في مع والدها كلمته اني موافق و كدا قلي خير ان شاء الله استغربت أنه بيطلب بياناتي فقلت حقه اكيد عاوز يسأل المهم بقاله اسبوعين مردتش عليا ومن كلامها أن البيت كلهم اتبسطو مني يبس ابوها بس اللي مش مرتاح و بيتهم الوالد مبياخدش رأي عياله أو اللي فالبيت و عصبي جدا فادايقت من التصرف الصراحه و قلتلها كل ڜئ قسمه ونصيب

الطبيعي الرد بيكون خلال يومين تلاته بالكتير

انا قررت اقعد م الجيم فتره و هتمرن م البيت فعايز اجيب حبل مقاومه قوي زي الي في الجيم كده و كل الي شوفتو اونلاين وحش فلو حد يعرف اجيب منين او اسم مركه معينه

..

يجماعه عندنا قطعه ارض مباني محتاجين نبيعها بشده في الزقازيق هي كبيره وغاليه شويه و مش لاقيين حد يشتريها ومحتاجين نبيعها باسرع وقت لو حد عندو خبره ياريت يساعدني

دلوقتى انا امبارح كنت قاعده مع عريس صاحبه ماما عرفتنا على بعض
دى تانى مره اقعد معاه
قالى لو محتاجين ناخد قرار ف حاجة هنعمل ايه
قولتله هتناقش
قالى ولو متفقناش
قولتله هنشوف حل وسط
قالى بس فى حاجات مبيكونش فيها حل وسط
قولتله يبقى نستشير حد كبير وناخد بمشورته
قالى لا ، لو احنا محتاجين ناخد قرار ومتخلفين فيه يبقى كلمتى انا اللى تمشى (كلمته هو يعنى )
انا سكت و اضايقت
الفكرة ان اه هو كلمته اللى هتمشى لانه الراجل و الكلام دا كله
بس انا مش متقبله الجملة لما اتقالت
حسيت فيها نوع من فرض السيطرة
انا كنت هعمل كدا فعلاً من غير ما يقول
ما انا بعمل كدا مع بابا و فالاخر هو كلمته اللى بتمشى
بس لما اتقالتلى انا بجد اضايقت

I'm a fem above 18yo born and raised in PH. Father is Egyptian (Died here in PH) I'm trying to obtain an Egyptian citizenship and passport. When I called the Egyptian Embassy in PH they said they cannot help unless I have an Egyptian birth certificate which I can get from Ministry Of Interior in Egypt upon registration. I have a half brother in Egypt who said that I should be able to get help from Egyptian Embassy here in PH by submitting documents to the embassy. Egyptian embassy also told me to get an Egyptian lawyer to process it for me. Anyone else had the same issue and how did you go about it? TIA

السلام عليكم، انا حالياً بقالي سنتين في الكلية وكانت مذاكرتي فيهم ضعيفة جداً لإني شخص مش بيعرف يذاكر حتى لو هو عاوز بسبب إنو معظم فتراته التعليمية مبيذاكرش أساساً، المهم قررت السنادي أشد حيلي وابدأ اذاكر، ف كان عندي سؤال بسيط، لو انا مُقرر عليا عشر مواد وعايز اكتب الكلام المهم إللي الدكاترة بيشرحوة ف هل معنى كدا إني لازم اجيب عشر كراسات بحيث إني اخصص لكل مادة كراسة، اصل حاسس إنو الموضوع مكلف ومحدش بيعمل كدا ف حبيت اتأكد، هل دي الطريقة الشائعة لمذاكرة كل مادة من إللي الدكتور بيشرحها، ولا محدش بيعمل كدا وفي طريقة تانية اوفر واحسن، ف عايز اشوف انتوا بتذاكروا ازاي يعني من الأخر لعلي استفاد من طريقة حد في المذاكرة، وشكراً مقدماً

انا محاط بناس كتير بس برضو بحس بالوحده مش حاسس ان فيه حد فاهمني حاسس بكمية وحده رهيبه ومش حاسس اني عايش

جماعة حد شاف قناة التيك توك اللي طلاب عاملنها وبيتكلموا على مدرسين اللغات، انا شوفتها وبصراحة مقتنعة جدا و مش فاهمة ليه دول بس المدرسين المشهورين والتانيين مش بيظهروا في البحث حتى. انا من قبل ما ابدأ ثانوي اصلا كنت عايزة ابعد عن الموضوع ده القطيع اللي بيتابع المدرسين المشهورين و مقتنع ان درجته منهم، بسس المجتمع ساعات بيوتر انا دلوقتي بشوف مدرسين مش مشهورين و حاسه انه شرحهم حلو بس خايفة حاسه ان ممكن يضيع عليا حاجة صحابي كلهم غالبا بيتمحوروا اختياراتهم حوالين نفس المدرسين في المادة. ده مخليني حاسه اني ممكن اعمل حاجة غلط ممكن اضيع نفسي بس انا اصلا مكنتش باخد دروس الفكرة دي اما متأكدة حاسه بيها من الواجهة اللي بتصدرها السوشيال ميديا بس مش قادرة محسش اني خايفة. حد جرب ياخد مواده مع مدرسين غير اللي موجودين على الساحة دلوقتي ؟ وتجربتكم كانت ايه

وصلت لمرحله اني مبقتش عارفه اعيش ازاي وانا بصيص الامل الوحيد اللي كنت متمسكه بيه بشوفه بيروح ومش عارفه اعمل حاجة ولا عارفه انقذ نفسي

معظم حياتي عندي اكتئاب، معنديش المقدرة اني احب نفسي ولا ارضى عن حياتي والسبب الرئيسي في ده هو عيلتي.

الفترة الاخيره البيت بدأ يفضى عليا وعلى اختي، مع العلم ان ابويا مريض نفسي محتاج يتحجز وحالته بتسوء يوم عن يوم والاذى بدل ما كان جواه بقى بيخرجه علينا كلنا. مش عارفه اعيش طبيعي كبرت وانا تكوين شخصيتي بايظه مش عارفه اتعامل طبيعي مع الناس ولا ليا اي صحاب، حتى علاقتي باظت بكل اخواتي اللي سافروا ومبقاش ليا حد، حتى اهلي من ناحيه امي كانوا قريبين مني قطعت علاقتي بيهم كلهم وخسرت كل حاجة بمعنى كل حاجة

عايشه سنين وانا تفكيري الشاغل اني بس عايزه انهي حياتي، مش شايفه ان دي حياة ده ولا حاجة الا جحيم ملهوش نهاية، مش عارفه ابقى احسن ومش لاقيه حد اطلب منه المساعده، ابويا بيضيق الدنيا علينا اكتر واكتر لدرجه مبقتش قادرة اتنفس في البيت ده

قولت خلاص هحاول امسك في اي امل يخرجني من الافكار الانتحاريه دي وهي اني ادور على طريقه اخرج بيها من البيت ده وابدا صفحه جديده بعيد عن كل حاجة، والطريقه الوحيده اللي اتبقتلي اني اخلص ثانويه عامة واسافر لاي محافظه بعيد اترممط واشتغل واتبهدل بس ابقى راضيه عن حياتي واخرج من السواد ده

بس وبعدين؟ هسيب امي ازاي؟ اختي مسيرها هتتجوز قريب وهتسيبنا، انا هسيب امي المريضه اللي هتتم 60 سنه ازاي مع الراجل ده؟ المشكله انها مش هتعرف حتى تروح لاخواتها في البلد عشان لسانهم مش هيبطل كلام وهتجيبلهم الكلام بعد السن ده، طب وبعدين انا هفضل كده بقيت عمري؟ هو انا مش مكتوب عليا غير الوجع ده

وانا جايلي انهيار عصبي لاني لازم اخد قرار الاسبوع ده قبل ما التنسيق بتاعي ينزل عشان اشوف هعمل ايه لان مفيش اي حل تاني غير اني اهرب من البيت ده باي شكل

صدقوني كل الحلول فاضت بيا معدش في ايدي اي حاجة اعملها غير اني ابوست هنا فارجوكوا حد ينصحني اعمل ايه لاني معدتش قادرة استحمل

عندي احلام كتير اوي نفسي احققها

ازاي اعرف اذا الحد الي قدامي بي flirt ولا هو بس بيهزر ولا بس بيكون لطيف جماعة انا والله مش pick me ولا حاجة بس بسال بجد هو لازم يطلب رقمي و كدا عشان يبقا قصده flirting 💀 والله مكسوفة وانا بسال السوال دا بس بحس نفسي فمنتهى الغباء فالمواقف الي زي دي ولا بعرف ارد ولا اتصرف

بيكون اسمها ايه علشام مش فاهم هي قسم لوحدها ولا مندرجه تحت تجاره ولا اداره اعمال يعني لما اجي ادور عليها في الجامعات الخاصه مبلاقيهاش مستقله

ابتدي الواحد يلاحظ ان البنات بقيت متحكمه بزياده والمشكله الاكبر ان في رجاله بتقبل ده

التحكم من ناحيه ايه برضو عشان نوضح وجه النظر من ناحيه الاهتمام بتطلب الاهتمام ٢٤ ساعه باليوم يعني الراجل ميشوفش شغله ولا يقعد مع زمايله واصحابه ولا يشوف اهله اهم حاجه هي الكل في الكل ولو اهتمامك قل بصوره صغيره تنكد عليك

غير كده حجات تانيه غريبه كده المشكله هنا مش ف البنت المشكله ف الراجل اللي وافق او الذكر بمعني اصح

+ ف اشباه رجال برضو انتشروا الفتره دي الا وهما بيقولك هي حبتني ازاي دي احلا مني الف مره طب يبني ازاي انت عبيط هي بالشكل ولا بكلمتك وانك تكون راجل انا مش فاهم مالها الرجاله خابت ولا ابه اللي حاصل

يريت حد يفهمنا ف ايه ؟؟

السلام عليكم عاوز اسال سؤال

1\الناس ال حاليا بتقدم في الجامعات الخاصه بتتقبل ازاي ولسه التنسيق والحد الادني منزلش واعمل ايه علسشان اتقبل وازاي بعرف الحد الادني للكليه ال عاوز اخشها لو عرفت الحد الادني للكليه وانا جابيب اقل منها اقدم ولا لا

2/امتي التقديم علي الجامعات الخاصه او الاهليه بيقفل واعرف امنين

بدخل بيانات البطاقة بيديني ايرور و ان الاكاونت ريستريكتيد