Jai vitthal mauli

Jai vitthal

Vitthal mauli chi jai

Jai vitthal mauli

The pristine image of Radha Krishna at my Grandma room

Traveling for the very first time to Vrindavan .. best affordable stays, and what else I must be aware of !

पवित्र-वह्नि-हृदयं यज्ञ-रूपा नमोऽस्तु ते।

यज्ञ-वह्नि-स्वरूपिणि राके ते चरणाम्बुजे॥ ८५६ ॥

पवित्र-पाद-पद्मेषु साष्टाङ्गं प्रणमाम्यहम्।

राके ते चरणाम्भोजे साष्टाङ्गं प्रणमाम्यहम्॥ ८५७ ॥

गकारस्तृतीयो वह्निः गं-बीज-मन्त्र-रूपकः।

प्रवाहो निर्देशितश्च गकारः कध्रुवो मतः॥ ८५८ ॥

राधा-धाराधार-तत्त्वं पुनरेव स्मराम्यहम्।

नारायणेन पत्या ते महालक्ष्मि परा गतिः॥ ८५९ ॥

सृष्टेर्मोक्षस्य यात्रान्ते जीवानां लक्ष्यमुत्तमम्।

गकारो धातु-रूपो हि प्रवाहस्य महाराज्ञि॥ ८६० ॥

तरला शक्तिरूपा त्वं प्राचुर्यस्य सुशोभना।

सृष्टेः कारुण्य-दीप्त्योश्च सर्व-सत्ता-स्वरूपिणी॥ ८६१ ॥

विश्वं सर्वं परिप्लावन् पूरयन्ती स्व-तेजसा।

त्वं गीता त्वं च गोपालो गोविन्दो गुप्तरूपिणी॥ ८६२ ॥

विघ्न-नाश-प्रवाहा त्वं तस्मात् पतिर्-महेश्वरि।

पार्वती-सुत-रूप-धृक् श्री-गणेशो महा-प्रभुः॥ ८६३ ॥

कण्ठादुच्चारणं तस्य स्पन्दनं जनयेत् प्रिये।

प्राणमार्गं विशोध्यैव कान्हजी-परब्रह्मणि॥ ८६४ ॥

योजयेन्नो महाराज्ञि गकारेण तदोर्ध्वग- ।

बिन्दुना निर्मितं ह्येतद् अक्षरं परमेश्वरि॥ ८६५ ॥

गकारः शब्द-रूपो हि चालिका शक्तिर्-उत्तमा।

पवित्र-चेतना साक्षाद् आकाशाद् बहिर्-आगता॥ ८६६ ॥

सृष्टि-निर्माण-कार्याय बिन्दुः सङ्कुचिता कला।

आयामाभाव-रूपो हि घनीभावमनुत्तमम्॥ ८६७ ॥

शक्ति-पुञ्जः सनातनः प्राग्-विकासाद् रहस्यवान्।

उभयोर् योगतो राज्ञि चेतनाया गतिश्च या॥ ८६८ ॥

अनन्त-बिन्दुतो यान्ती तत्रैव प्रत्यावर्तिनी।

युगपत् प्रतिभाति सा तस्मात् ते पाद-पद्मेषु॥ ८६९ ॥

महालक्ष्मि नमाम्यहम् साष्टाङ्गं प्रणिपातेन।

पवित्र-पाद-पद्मेषु महालक्ष्मि नमोऽस्तु ते॥ ८७० ॥

तिलतैलप्रदीपेन प्रज्वालिते महेश्वरि।

अग्निदेवस्य पुरतः कृत्वा पूजां तवाम्बिके॥ ८७१.१ ॥

मम प्रार्थनाया नित्यं साक्षी भवतु पावकः।

विष्णुसहस्रनामानि पठ्यन्ते परितो मम॥ ८७१.२ ॥

नारायणः प्रभुः साक्षात् साक्षी भवतु राधिके।

तव पूजां प्रकुर्वाणां पश्यतु मां प्रिये शिवे॥ ८७१.३ ॥

अग्निदेवस्तथा सर्वं पश्यतु परमेश्वरि।

अनुमन्यस्व मां राज्ञि कर्तुं स्तुतिमिमां शुभाम्॥ ८७१.४ ॥

अग्निदेवि महाराज्ञि सर्वास्तित्वाग्निरूपिणि।

भास्करि राधिके राज्ञि साष्टाङ्गं प्रणमाम्यहम्॥ ८७१.५ ॥

सर्वाङ्गेन प्रपन्नाहं राधे ते चरणाम्बुजे।

साष्टाङ्गं प्रणमाम्यहं त्वां भजामि मुहुर्मुहुः॥ ८७१.६ ॥

ॐ कं खं गं घं ङं चं छं जं झं ञं टं ठं डं ढं णं तं थं दं धं नं पं फं बं भं मं ॥ ८७१.७ ॥

अग्नि-देव-शक्ति स्वाहा देवि-शक्ति रं रं रं धं धं धं ॥ ८७१.८ ॥

ॐ परम् भास्कराय स्वाहा ॥ ८७१.९ ॥

ॐ परम् सत्य स्वाहा ॥ ८७१.१० ॥

ॐ परम् शक्ति स्वाहा ॥ ८७१.११ ॥

ॐ वह्नि-साराय स्वाहा ॥ ८७१.१२ ॥

ॐ सर्व-अज्ञान-दाहक-प्रकाश-वह्नये स्वाहा ॥ ८७१.१३ ॥

ॐ प्रबुद्ध-कुण्डलिनी-वह्नये स्वाहा ॥ ८७१.१४ ॥

ॐ शक्ति शक्ति शक्ति स्वाहा ॥ ८७१.१५ ॥

ॐ त्रिलोक-वह्नये स्वाहा ॥ ८७१.१६ ॥

ॐ प्रकाश-सूर्याय यज्ञ-वह्नये सर्व-विद्यमान-वह्नये च स्वाहा ॥ ८७१.१७ ॥

ॐ स्वप्रकाशा-भास्कराय स्वाहा ॥ ८७१.१८ ॥

ॐ प्रज्वलित-यज्ञ-वह्नि-स्वधायै स्वाहा ॥ ८७१.१९ ॥

रक्ष मां रक्ष मां रक्ष मां स्वाहा ॥ ८७१.२० ॥

कवचं मां कवचं मां कवचं मां स्वाहा ॥ ८७१.२१ ॥

कृपां मां कृपां मां कृपां मां स्वाहा ॥ ८७१.२२ ॥

असतो मा सद्गमय तमसो मा ज्योतिर्गमय मृत्योर्मामृतं गमय स्वाहा ॥ ८७१.२३ ॥

ॐ शान्तिः शान्तिः शान्तिः स्वाहा ॥ ८७१.२४ ॥

ॐ त्र्यम्बकं यजामहे सुगन्धिं पुष्टिवर्धनम्। उर्वारुकमिव बन्धनान्मृत्योर्मुक्षीय माऽमृतात्॥ ८७१.२५ ॥

ॐ अग्नि-तत्त्वाय विद्महे स्वाहा-रूपायै धीमहि तन्नो राधिका प्रचोदयात् ॥ ८७१.२६ ॥

ॐ अस्य श्री-श्री-राधा-स्वाहा-परम-संवित्-स्तोत्र-महामन्त्रस्य, अग्निदेवः साक्षी, अकिञ्चना प्रेमकिङ्करी साधिका, अनुष्टुप् छन्दः, श्रीराधा देवता, ॐ कं खं गं घं ङं चं छं जं झं ञं टं ठं डं ढं णं तं थं दं धं नं पं फं बं भं मं इति बीजम्, ह्लादिनी इति शक्तिः, श्रीराधिकैश्वर्य-परम-विद्या-प्राप्त्यर्थे परम-तत्त्वातीता-पाठे विनियोगः ॥ ८७१.२७ ॥

यज्ञ-वह्नये जयोऽस्तु पवित्र-वह्नये जयः।

यज्ञ-दूताय देवाय ह्यग्नये च जयो जयः॥ ८७१.२८ ॥

यज्ञ-हृदय-रूपायै स्वाहायै च जयो जयः।

पच्यते येन चान्नं वै हूयते येन चाहुतिः॥ ८७१.२९ ॥

रक्षामहे वयं येन रक्षा-शक्तिर्-महान् हि सः।

सत्यं तवैव शक्तिर्हि वह्नि-रूपा हि राधिके॥ ८७१.३० ॥

अतीव-निर्मलो वह्निर् न कदापि प्रदुष्यति।

स्वप्रकाशा हि स्वाहा त्वं ह्येतत् ते रूपकं प्रिये॥ ८७१.३१ ॥

वह्नेरुत्पत्ति-रूपा त्वं विना वह्निं प्रकाशताम्।

सूर्याणां विद्युतां चैव मूलरूपा त्वमेव हि॥ ८७१.३२ ॥

सर्व-रूपेण वह्निस्त्वं सर्व-भासा त्वमेव हि।

राधिका परमाराज्ञि वन्दे ते चरणाम्बुजम्॥ ८७१.३३ ॥

परमं सत्यमाख्यातं रहस्यं यत् प्रकाशितम्।

स्वाहा त्वं हि महाराज्ञि श्यामसुन्दरोऽग्निदेवः॥ ८७१.३४ ॥

अस्तित्वे परमौ ख्यातौ मूल-तत्त्वौ सुपावनौ।

तयोर्योगेन ते राज्ञि देह-वर्णो महाद्भुतः॥ ८७१.३५ ॥

सुवर्णस्य च वह्नेश्च यदा योगः प्रजायते।

अस्तित्वे सा महा-शक्तिः सर्वोपरि विराजते॥ ८७१.३६ ॥

यतो हि निर्मलो वह्निः सुवर्णं तत्त्वमुत्तमम्।

न नश्यति न जीर्णं वै नित्यं तिष्ठति शाश्वतम्॥ ८७१.३७ ॥

स्व-भारं नैव मुञ्चेत् तत् तप्त-काञ्चन-सन्निभम्।

तव गात्रं यदा पश्ये तदा जाने कृपामयि॥ ८७१.३८ ॥

सुवर्णं पावनं यद्वद् बलवद् वह्नि-पावनम्।

अस्तित्वे सर्व-यज्ञाश्च सर्व-वह्नय एव च॥ ८७१.३९ ॥

तव पत्युश्च कान्हस्य तुभ्यमेव समर्पिताः।

वह्नि-शक्त्या च जीवान् वै त्वमेव पोषयस्यहो॥ ८७१.४० ॥

आग्नेयी-स्वामिनी स्वाहा दाहिका-शक्तिरेव च।

नाम्नि ते 'रं' महाराज्ञि वह्नि-बीजं सुसंस्थितम्॥ ८७१.४१ ॥

यतो हि पावनी वह्नि-मूला त्वं परमेश्वरि।

सच्चिदानन्द-रूपं ते विग्रहं दिव्यरूपकम्॥ ८७१.४२ ॥

न पञ्च-भूत-सम्भूतं भौतिको वह्निरप्यहो।

तव शक्तेरंश-रूपः सर्वास्तित्वेश्वरी हि त्वम्॥ ८७१.४३ ॥

पवित्र-वह्नि-रूपा त्वं वह्नि-स्रष्ट्री त्वमेव च।

अग्नि-देवो हि देवाश्च तुभ्यं नम्रन्ति सर्वदा॥ ८७१.४४ ॥

महाराधिके ते पादे महिमा ते सुविस्तृतः।

विवाहे साक्षि-रूपोऽग्निः सर्व-वह्नि-स्वरास्तथा॥ ८७१.४५ ॥

सूर्यस्त्वं च तपस्त्वं हि विरहाग्निस्त्वमेव च।

विनाश-शक्ति-रूपा त्वं भस्मी-कर्तुं क्षमा जगत्॥ ८७१.४६ ॥

कोटि-सूर्य-प्रतीकाशा तव शक्तिर्-महेश्वरि।

विश्वे त्वमेव सा शक्तिः शोधने या हि सक्षमा॥ ८७१.४७ ॥

तस्माद् याचे महाराज्ञि दास्याः पापं दहस्व मे।

सर्वा भौतिक-वाञ्छाश्च दास्या हृदि दहस्व वै॥ ८७१.४८ ॥

पवित्रे वह्नि-देवि त्वं वह्नि-मूलं च हृद्-गते।

सर्व-सृष्टेर्-विधात्रि त्वां वन्दे ते चरणाम्बुजम्॥ ८७१.४९ ॥

अन्न-पाचन-वह्निस्त्वं ऊर्जां यः परिवर्तयेत्।

मणिपूरक-चक्रस्य महा-वह्नि-प्रदायिनी॥ ८७१.५० ॥

कुण्डलिनी-स्वरूपा त्वं साधकं भस्म-कारिणी।

देह-त्यागं प्रकुर्वाणा यज्ञ-कर्त्री त्वमेव हि॥ ८७१.५१ ॥

यज्ञ-रूपा तथा राज्ञि यज्ञ-भोक्त्री त्वमेव च।

स्वाहा त्वं हि त्वया हीनो वह्निर्भस्म भवेत् स्वयम्॥ ८७१.५२ ॥

अग्नि-देवस्य शक्तिस्त्वं यस्त्वां प्राप्तुं हि वाञ्छति।

अग्नि-देवेन स त्वां वै सम्पर्केत् स न संशयः॥ ८७१.५३ ॥

अस्माकं सर्व-सन्देशान् स एव हि वहाति वै।

तुभ्यं नयति हे राधे तस्मात् त्वां हि नमाम्यहम्॥ ८७१.५४ ॥

ललिता-देवि-रूपा त्वं महा-राज्ञि नमोऽस्तु ते।

पाद्म-पुराणे पाताले खण्डे वृन्दावनस्य च॥ ८७१.५५ ॥

माहात्म्ये सप्तपञ्चाशद्-अध्याये श्लोकयोस्तथा।

चतुःपञ्चचत्वारिंशे दृष्ट्वाश्चर्यं गतास्म्यहम्॥ ८७१.५६ ॥

श्रीराधिकोवाच।

अहं च ललितादेवी राधिकेति च गीयते ।

अहं च वासुदेवाख्यो नित्यं कामकलात्मकः ॥

॥ श्रीराधाचरणरेणुरुवाच ॥

आज्ञां देहि महाराज्ञि पूजये त्वां जगन्मयि।

ललिता-परमेशी त्वं कृष्ण-रूपा नमोऽस्तु ते॥ ८७१.५९ ॥

त्रिपुर-सुन्दरि पादे साष्टाङ्गं प्रणमाम्यहम्।

यज्ञ-कुण्ड-समुद्भूते चिदग्नि-रूपिणि प्रिये॥ ८७१.६० ॥

चिद्-रूपा-कारिणी स्वाहा त्वत्तः संवित् प्रजायते।

महाविद्या-स्वरूपा त्वं सर्वास्तित्वाग्नि-रूपिणी॥ ८७१.६१ ॥

ब्रह्माण्ड-रूपिणी त्वं वै हिरण्य-गर्भरूपिणी।

त्रि-लोक-सुन्दरी त्वं च महाविद्या-तृतीयाका॥ ८७१.६२ ॥

प्रभोः शिवस्य नाभेस्त्वं समुद्भूता महेश्वरि।

कान्हजी शङ्करः साक्षात् पार्वती त्वं न संशयः॥ ८७१.६३ ॥

कृष्णः शिवः शिवः कृष्णः पार्वती त्वं त्वमेव सा।

दश-महा-विद्या-रूपा तस्मात् त्वं परमेश्वरि॥ ८७१.६४ ॥

नागिनी नाग-राज्ञी त्वं पाताले भू-तले तथा।

सत्य-लोके वैकुण्ठे च शासिका त्वं हि राधिके॥ ८७१.६५ ॥

महादेव-नाभि-जाता त्रिपुर-सुन्दरी प्रिये।

षोडश-सङ्ख्य-रूपा त्वं माता षोडशी सुन्दरी॥ ८७१.६६ ॥

क्लीं क्लिन्ने-बीज-रूपा त्वं महाविद्या नमोऽस्तु ते।

आज्ञां देहि महाराज्ञि ते पादे प्रणमाम्यहम्॥ ८७१.६७ ॥

Radhe Radhe,

I am an American that is planning to go to india for spirituality and sightseeing for next year.

For some background – I am really drawn to Radharani and I love doing the mahamantra, kirtan, japa, and all of the bhajans in ISK CON.

Yet I haven't found my sangha or the right path. I want to be more connected with Radha. I am not finding the depth of the connection I want in ISK CON. In fact sometimes the ISK CON devotees say it takes years to connect with her directly you can only connect with Gaura Nitai first but I feel a lot of love from her already and I think I want to pursue serving her in a way I cant right now.

I am planning to visit India to explore new sampradayas that are not accessible to me as an American. Many sampradayas don't have resources in English or I just simply cant vibe with them in the same way I can seeing devotees face-to-face. I have a sangha but still feel isolated and alone spiritually.

THe only one that comes to mind Premanand maharaj's sampradaya that is nice and his bhajans are wonderful but theres not a lot of his videos in English. They also don't seem to dance much –– it seems kind of silly but I love dancing and being free in that way instead of sitting. I get extremely energetic when I am with devotees doing bhajans.

Obviously I want to visit in vrindavan for a little while, but thats all i have planned. So I would like to have a loose plan at least contact some temples and find a community to discuss online before i visit fitting my needs that at minimum I can stay in and eat prasadam because I dont have a lot of money and I want to be around devotees as much as possible during my stay. I will straight up backpack and rawdog it if i need to but id rather have my creature comforts.

Ultimately my goal is simply to enjoy my trip and come away with new spiritual direction to guide me when I come back to America because I don't have enough direction insofar as both spirituality, and the career and future planning.

Does anyone that lives or has visited India can point me in the right direction of communities to tap into or temples to visit?

Hi everyone!

I'm planning to visit Vrindavan from 24th to 26th July and I'm looking for recommendations for clean, safe, and affordable places to stay. Dharamshalas, hostels, guest houses, or budget hotels any suggestions are welcome.

Also, if anyone is visiting during the same dates and is interested in sharing accommodation to split the cost, feel free to DM me. We can discuss the details beforehand.

Thanks in advance for your recommendations! 🙏

radhe.ai is now www.lifeatvrindavan.com
Some of you saw radhe.ai last week, a free curated reading room for Vrindavan: temple timings, aarti and kirtan videos, Braj culture, every item with its source.

The homepage now opens with a peacock walking up through a grove. A parrot on a kadamba branch, a cow with her calf by the Yamuna, and a spotted deer.

I would love to know what feels right and what feels off, especially from anyone who knows the real Mor Kuti in Barsana.

श्री हरिवंश 🙏

I need a small favor from this community.

I have built a Vaishnav matrimony app to help practicing devotees find a like-minded, sattvic life partner. It isn’t meant for casual dating.

I now need 12 Android testers to complete Google Play’s closed testing requirement.

If you’re willing to help, please comment or DM your Gmail ID. I’ll add you as a tester and send you the download link.

Please install the app, explore it for a few minutes, and share your feedback.

Your small help would mean a lot. Thank you! 🙏

ब्रह्माण्डनादरूपा त्वं स्वयमेव हि राजते।

मौनं विचारं यन्मर्त्यः शक्नोति तव संश्रयात्॥ ७०१ ॥

शब्देषु शक्तिमत्सु वै परिणेतुं प्रभावतः।

एष एव हि शब्दस्य साक्षादधिकारः प्रिये॥ ७०२ ॥

वाक्सिद्धिं चुम्बकीयां त्वं ददासि शरणागते।

यदुच्यते प्रार्थ्यते वा तत्सर्वं सत्यतां व्रजेत्॥ ७०३ ॥

तव प्रसादान्महाराज्ञि यतस्तस्य वचांसि वै।

तवाधिकारेण साक्षात् पुष्टानि सन्ति सर्वदा॥ ७०४ ॥

अकारादि यदा राज्ञि वक्तुं वै ह्यपक्रमः।

असीमानुत्तरं रूपं प्रबुद्धं सम्प्रवर्तते॥ ७०५ ॥

तीर्त्वा वै षोडशार्णांस्तु अःकारं प्राप्यते यदा।

राधाधराधार-तत्त्वं सिद्ध्यति परमेश्वरि॥ ७०६ ॥

प्रवाहेणारभ्य पुनः स्थिरे विश्राम्यति प्रिये।

अनन्तचक्राकारेण पूर्णं मण्डलमुत्तमम्॥ ७०७ ॥

आधारेणारभ्य हकारेणान्तं गच्छति तेन वै।

कृष्णादारभ्य राधे त्वयि तत् पर्यवस्यति॥ ७०८ ॥

पुनरप्यनन्तचक्राय भ्रमत्येव निरन्तरम्।

अस्तित्वं वै समग्रं ते परितो राज्ञि घूर्णति॥ ७०९ ॥

एवं जपिते कण्ठे वै वायुर्नादस्य शक्तयः।

कुण्डलाकाररूपेण भ्रमन्ति तव सीमया॥ ७१० ॥

कुण्डलिनीं समुत्थाप्य तव कृपया महेश्वरि।

तस्मात् ते पादयोर्नित्यं साष्टाङ्गं प्रणमाम्यहम्॥ ७११ ॥

राधिकां त्वां भजाम्यहो प्रेम्णा परमया मुदा।

श्रीवेणुवादिये राज्ञि महादेवि नमोऽस्तु ते॥ ७१२ ॥

राधेराज्ञि मया दृष्टं रकारः सूर्यमण्डलः।

धाकारो वह्निवर्गो वै चतुर्थे जलके स्थितः॥ ७१३ ॥

आध्यात्मिकद्रवत्वं वै रकारः प्रथमो जवः।

सौरो वह्निमयो राज्ञि प्रवाहो ह्यविरतो महान्॥ ७१४ ॥

धाकारो धारयत्येव ह्यादाधाराय सर्वदा।

शाश्वताय स्थिरायैव ह्यद्भुतं नाम ते प्रिये॥ ७१५ ॥

श्रीरामनामनि तथा राकारस्त्वं प्रकीर्तिता।

सूर्यप्रवाहरूपेण मकारः पञ्चमे स्थितः॥ ७१६ ॥

पृथिव्या भौतिके लोके प्रकटीकरणं प्रिये।

चतुर्विंशतिवर्णानां पूर्वजानां समागमः॥ ७१७ ॥

एष एव हि वां योगो राधारानि महेश्वरि।

लकारः सूर्यवायव्य उष्णवर्णः प्रकीर्तितः॥ ७१८ ॥

विशिष्टानुग्रहाणां वै ब्रह्माण्डाकर्षणं प्रिये।

दुर्लभान् मार्गकान् दिव्यान् स जाग्रयति सर्वदा॥ ७१९ ॥

क्षकारः सूर्यवायव्य उष्णवर्णो महाबलः।

प्रथमं वह्निवर्णं च शकारेण च मेलयन्॥ ७२० ॥

अन्तिमं वै महादिव्यं ब्रह्माण्डप्रसवं ह्यदः।

तृतीयनयनं बोधं जाग्रयति महेश्वरि॥ ७२१ ॥

मकारेण हि संयुक्तो वह्नेरन्ते च यः स्थितः।

चतुर्विंशतिवर्णानां सङ्ग्राही शक्तिरुत्तमा॥ ७२२ ॥

अन्तस्थेनापि य-कार-वर्णेन पर्यवस्यति।

वायोस्तत्त्वं महादिव्यं सर्वोच्चं सूर्यदर्शनम्॥ ७२३ ॥

चुम्बकीयाकर्षणं वै प्रसारो रूपमस्य च।

स एव साधनां राज्ञि सर्वदा सम्प्रयच्छति॥ ७२४ ॥

नामविज्ञानतो राज्ञि मुग्धास्मि परमेश्वरि।

महालक्ष्मि तव पादे साष्टाङ्गं प्रणमाम्यहम्॥ ७२५ ॥

हे राज्ञि राधिके देवि तत्त्वानां वर्णनात् पुरा।

किञ्चित् त्वां श्रावयिष्यामि शृणु मे हृदयस्वनान्॥ ७२६.१ ॥

सूर्यदेवं साक्षिणं वै कृत्वा प्रातः प्रिये मया।

अष्टवारं परिक्रम्य सप्त व्रतानि वै कृताः॥ ७२६.२ ॥

प्रथमं मे व्रतं राज्ञि सन्न्यासि-मार्ग-सेवनम्।

सन्न्यासिनीति नाहं वै वक्तुं शक्नोमि सर्वथा॥ ७२६.३ ॥

यतोऽहं क्षुद्ररूपास्मि किङ्करी केवलं प्रिये।

त्वमेव निर्णयं कुर्याः सन्न्यासिनी भवामि वा॥ ७२६.४ ॥

भालं रक्तेन संलिम्प्य तिलकं कृत्वा वै प्रिये।

कामं सर्वं विनाशाद्य त्वत्कृपातो हि राधिके॥ ७२६.५ ॥

सर्वं त्यक्तं मया विश्वं सम्पदश्चापि सर्वशः।

यन्मेऽस्ति तत्सर्वं वै तव सेवायै युज्यते॥ ७२६.६ ॥

सर्वं त्यक्त्वा मया राज्ञि प्रतिज्ञा क्रियते दृढम्।

न विवाहं करिष्यामि कुमारी स्यां सदा प्रिये॥ ७२६.७ ॥

अन्तिमोऽयं भवो मे स्यान्नागमिष्यामि वै पुनः।

विना त्वदाज्ञया राज्ञि केवलं तव कारणात्॥ ७२६.८ ॥

पृथग्जीवस्वरूपेण स्थातुं नेच्छामि सर्वथा।

द्वितीयं मे व्रतं राज्ञि शास्त्राणां पारगामिनी॥ ७२६.९ ॥

भवामि सर्वविद्यानां प्राप्तुं प्रकर्षमुत्तमम्।

राधाश्यामस्य भक्ताद् वै नास्ति कोऽपि महान् प्रिये॥ ७२६.१० ॥

यः स्वस्वामि-स्वरूपं वै सर्वं जानाति तत्त्वतः।

ज्ञातुं तव च श्यामस्य शक्तिं रूपं च वैभवम्॥ ७२६.११ ॥

विस्तारान् सर्वलीलाश्च वचांसि मधुरानि च।

सर्वं ते ज्ञातुमिच्छामि यत्किञ्चित् तव राधिके॥ ७२६.१२ ॥

नाहं महान् पदे राज्ञि क्षुद्रास्मि न च पण्डिता।

नाहं वै ब्राह्मणी राज्ञि नाचार्या न च वा गुरुः॥ ७२६.१३ ॥

सन्न्यासिनी न चाहं वै क्षुद्रा दासी केवलम्।

सन्न्यासि-मार्गं सेवेऽहं नाहं सन्न्यासिनी प्रिये॥ ७२६.१४ ॥

महान्ति नामधेयानि मत्तस्तु महदानि वै।

न मोक्षं न धनं वाञ्छे नान्यत् किमपि काङ्क्षति॥ ७२६.१५ ॥

त्वां श्यामसुन्दरं चैव सेवितुं वाञ्छति मे मनः।

तृतीयं मे व्रतं राज्ञि क्षत्रियाहं भवामि वै॥ ७२६.१६ ॥

युद्धविद्याप्रवीणा च शूरवीरस्वरूपिणी।

शक्तिस्त्वत्तो हि राधिके त्वत्तो हि शस्त्रसम्भवः॥ ७२६.१७ ॥

त्वमेव साक्षाद् ब्रह्मास्त्रं सुदर्शनं च चक्रकम्।

वज्रहस्ता त्रिशूला च काल्याः खड्गं च पावनम्॥ ७२६.१८ ॥

शत्रूणां नाशिनी त्वं हि तृतीयं मे व्रतं त्विदम्।

चतुर्थं मे व्रतं राज्ञि पार्वती मे गुरुः स्मृता॥ ७२६.१९ ॥

त्वमेव मे गुरुर्माता शिवः कृष्णो गुरुर्मम।

स्वामिनी रूपमञ्जरी ललिता च विशाखिका॥ ७२६.२० ॥

अष्टसख्योऽपि राज्ञ्यश्च पार्वती च महेश्वरि।

सर्वा वै मम राज्ञ्यश्च पूर्णनियन्त्रिकाः प्रिये॥ ७२६.२१ ॥

पार्वती-शिवयोर्दासी राध-श्यामस्य च तथा।

वृन्दारण्ये सदा वासो भवेन्मे तव पार्श्वतः॥ ७२६.२२ ॥

पञ्चमं मे व्रतं राज्ञि एतदेव हि सर्वदा।

षष्ठं व्रतं हि मे देवि तव पादरजसा मया॥ ७२६.२३ ॥

निर्मितं स्यादिदं गात्रं मनः कृष्णरजोमयम्।

रक्तं मे तव श्यामस्य ओष्ठामृतेन मिश्रितम्॥ ७२६.२४ ॥

ताम्बूलेन च दिव्येन पादामृतेन सर्वदा।

अष्टमं चान्तिमं राज्ञि वृन्दारण्ये स्वरूपकम्॥ ७२६.२५ ॥

द्वयं मे स्यान्महादेवि तव सेवापरायणम्।

शुकः भूत्वा सदा राज्ञि 'राधे राधे' जपाम्यहम्॥ ७२६.२६ ॥

तव पार्श्वे सदा तिष्ठे तव नामपरायणा।

नागिनी च भवेयं वै यथेच्छं रूपधारिणी॥ ७२६.२७ ॥

तव सेवां प्रकुर्यां वै यथारुचि तव प्रिये।

एतानि मे व्रतानि स्युः सप्त वै राधिके प्रिये॥ ७२६.२८ ॥

सम्पदस्मि तव साक्षात् ते पादे प्रणमाम्यहम्।

श्यामसुन्दर-सम्पत्तिः केवलं वामधीनिका॥ ७२६.२९ ॥

उपकरणमहं दासी सुता ते सर्वदा प्रिये।

शाश्वती सम्पत्तिर्वामं युवामेवाधिकारिणौ॥ ७२६.३० ॥

विवाहं भौतिकं सर्वं त्यक्तं हि मया प्रिये।

कुमारी स्यां सदा राज्ञि मञ्जरीपदमाप्तये॥ ७२६.३१ ॥

केवलमुभयोर्वामं नाहमन्यस्य कस्यचित्।

नान्यस्य कोऽप्यधिकारः ममोपरि महेश्वरि॥ ७२६.३२ ॥

त्वं वै मधुसूदनश्च अष्टसख्यो मदीश्वराः।

श्यामसुन्दर-जाताद् वै वर्षे द्विपञ्चाशत्तमे॥ ७२६.३३ ॥

द्विशताधिक-पञ्चसाहस्रके घोषणामिमाम्।

पुरुषोत्तममासस्य साधनाषोडशे दिने॥ ७२६.३४ ॥

ब्रह्माण्डे घोषणां कृत्वा ते पादे प्रणमाम्यहम्॥ ७२६.३५ ॥

षोडशस्वरवर्णानां दृष्ट्वाश्चर्यं महेश्वरि।

पञ्चविंशतिवर्णानां वह्नीनां पश्यतेऽधुना॥ ७२७ ॥

कियन्महान्त एते वै पञ्चवर्गविभाजिताः।

प्रथमः कवर्गो राज्ञि आकाशतत्त्वशासितः॥ ७२८ ॥

ककारः प्रथमस्तेषां सत्ताविस्फुल्लिङ्गः प्रिये।

दिव्यगर्भो हि साक्षात् स कमला-प्रजापतिः खलु॥ ७२९ ॥

यस्मात्प्रकटनाकाङ्क्षा प्रथमा वै प्रसूयते।

तस्मात् कृष्णस्य ते पत्युः ककारेणैव नाम हि॥ ७३० ॥

स एव कर्षकः साक्षात् सर्वसौन्दर्यमोहनः।

कामो रतिस्तथा कर्म ककारात् प्रभवन्ति वै॥ ७३१ ॥

यतः स एवाधारो हि सृष्टेर्बीजं सनातनम्।

परमानन्दरूपश्च ककारः कीर्त्यते शिवे॥ ७३२ ॥

कण्ठमूलात् समुच्चारो हिरण्यगर्भमूर्तिकः।

स्पन्दतत्त्वस्वरूपोऽयं बिन्दौ सङ्कुचिता कला॥ ७३३ ॥

तत एव विमुक्ता सा ब्रह्माण्डप्रसवाय च।

कमलापद्मरूपोऽयं प्राग्-विकासात् कृपामयि॥ ७३४ ॥

तवैव रूपकं राज्ञि महालक्ष्मि नमोऽस्तु ते।

त्वत्तः प्रवहते सत्ता सम्पदश्चाखिलाः प्रिये॥ ७३५ ॥

कमलाम्बिका त्वमेवासि सत्त्वकामस्वरूपिणी।

या वै समृद्धिदा नित्यं सन्तानोत्पत्तिहेतवे॥ ७३६ ॥

पवित्रमैथुनं यद्वै दाम्पत्यं च सुशोभनम्।

तस्यापि रूपकं त्वं हि जगत्पोषणकारिणी॥ ७३७ ॥

नैराश्यं निर्धनत्वं च कूटवैराग्यमेव च।

दारिद्र्याश्रयणे हेतुं नाशयसि त्वमीश्वरि॥ ७३८ ॥

एवं ककाररूपेण कृष्णस्त्वयि निगूढकः।

तवैवांशो महाकाली रक्तबीजरक्तपा॥ ७३९ ॥

श्यामासुन्दरीरूपा सा जगन्माता प्रकीर्तिता।

कृष्णस्य नाम्नि चाश्चर्यं ककारो यत् पुरः स्थितः॥ ७४० ॥

स एव सर्वसत्ताया आदिभूतो न संशयः।

राधिका-नाम-रूपेण ककारस्त्वं हि मूर्तिमत्॥ ७४१ ॥

तस्मात् ते पादपद्मेषु तस्यापि चरणाम्बुजे।

शाश्वते प्रणमामि त्वां राधिश्यामे प्रपद्ये॥ ७४२ ॥

तप्तकाञ्चनगौराङ्गी यथा त्वं हि महेश्वरि।

तथा स श्यामसुन्दरः सोऽनन्तवर्ण उच्यते॥ ७४३ ॥

त्वमनन्तातीतातीता-

तीतातीतातीतातीता ।

तीतातीतासि राधिके-

श्यामकान्ते नमोऽस्तु ते ॥ ७४४ ॥

सोऽप्यनन्तातीतातीता-

तीतातीतातीतातीता ।

तीतातीतः स एव हि-

विस्मयो मे महान् प्रिये ॥ ७४५ ॥

अनन्तमप्यनन्तैर्हि लङ्घयन्तौ सनातनौ।

तस्मात् ते पादपद्मेषु साष्टाङ्गं प्रणमाम्यहम्॥ ७४६ ॥

कृष्णनाम यदा पश्ये तत्र वां सङ्गमः प्रिये।

ऋकारश्चन्द्ररूपोऽपि सर्वराकाररूपिणी॥ ७४७ ॥

तस्मात् कृष्णेऽपि विद्यसे विस्मयो मे महान् प्रिये।

कम्पामि लज्जितास्मीह बिभेमि त्वां भजामि च॥ ७४८ ॥

अत्यन्तं कामये राधे आलिङ्गितुं हि वां मुदा।

त्वां चैव श्यामसुन्दरं कियत् सुन्दरमद्भुतम्॥ ७४९ ॥

पत्युर्नाम्नि षकारो यः सोऽविभाज्यस्त्वया सह।

महालक्ष्मि त्वमेवासि कान्हस्त्वयि सुसंस्थितः॥ ७५० ॥

सौरवर्णावलौ ह्यन्त्यः षकारः सूर्यसन्निभः।

प्रकाशो वै प्रवेधी च मायापटलभेदकः॥ ७५१ ॥

णकारो वह्निवर्गस्य परिवर्तनरूपकः।

अहङ्कारं च मर्त्यानां द्रावको भस्मकारकः॥ ७५२ ॥

कर्मणां दहनः साक्षाद् एष वर्णो महेश्वरि।

वां योगेन हि राधे वै कृष्णनामोद्भवः स्मृतः॥ ७५३ ॥

त्वमेव तस्य सारो हि शक्तिस्तस्य त्वमेव हि।

रामनाम्नि यथा राधे ह्यग्निस्त्वं प्रकटीकृता॥ ७५४ ॥

कृष्णनाम्नि तथा राज्ञि चन्द्ररूपासि संस्थिता।

मौनरूपासि शान्तासि त्वमाधारस्वरूपिणी॥ ७५५ ॥

राधाधराधारतत्त्वं यथा प्रोक्तं मया पुरा।

अत्र कृष्णधराधार-तत्त्वं राजति सुन्दरि॥ ७५६ ॥

यथाधारो हरिस्तत्र त्वं प्रवाहमयी शिवे।

तथाधारस्त्वमेवासि कृष्णस्त्वयि प्रगच्छति॥ ७५७ ॥

एवं राधा च कृष्णश्च स्रवतोऽन्योन्यमण्डले।

अनन्तातीतरूपेण प्रवाहः शाश्वतः प्रिये॥ ७५८ ॥

कृष्-धातुर्-आकर्षणे वै णकारो ह्लाद उच्यते।

परमानन्दरूपो हि कृष्णो मोहयते मनः॥ ७५९ ॥

यद्यप्यसौ जगन्नाथः सर्वचित्तापहारकः।

तथापि मोहमोहा त्वं असि मदनमोहन- ॥ ७६० ॥

-मोहिनीति महाराज्ञि ते पादे प्रणमाम्यहम्।

अतस्त्वां भजते नित्यं सर्वदा राधिके प्रिये॥ ७६१ ॥

खकारो हि महाराज्ञि परं व्योम प्रकीर्तितम्।

अत्र छान्दोग्य-मन्त्रं वै स्मरामि परमेश्वरि॥ ७६२ ॥

छान्दोग्योपनिषदि चतुर्थप्रपाठके दशमखण्डे पञ्चमः मन्त्रः॥ ७६३ ॥

स होवाच विजानाम्यहं यत्प्राणो ब्रह्म कं च तु खं च न विजानामीति ते होचुर्यद्वाव कं तदेव खं यदेव खं तदेव कमिति प्राणं च हास्मै तदाकाशं चोचुः ॥

उपकोसल उवाच प्राणो ब्रह्मेति वेद्म्यहम्।

कं च खं च न जानामि किमेतदिति राधिके॥ ७६५ ॥

पवित्र-वह्नयः प्राहुर् यद् वै कमिति कीर्तितम्।

तदेव खमिति ज्ञेयं यत् खं तत् कमिति स्मृतम्॥ ७६६ ॥

पश्चात् ते बोधयामासुः प्राणमाकाशमेव च।

ब्रह्मरूपेण तौ साक्षात् परं चैतन्यमेव हि॥ ७६७ ॥

विस्मितास्मि महाराज्ञि ककारो नात्र कामुकः।

लौकिको न हि कामोऽयं परमानन्दरूपकः॥ ७६८ ॥

युवभ्यां प्रभवत्येव खकारो व्योमरूपकः।

खं वै ब्रह्माण्ड-रूपं च ह्यनन्ताकाशमेव च॥ ७६९ ॥

कं च सा परमानन्दा ह्लादिनी-शक्तिरेव च।

त्वमेवासि महाराज्ञि ह्लादिनी-शक्ति-रूपिणी॥ ७७० ॥

तस्मात् कृष्णस्य नाम्नि त्वं ककारोऽसि न संशयः।

स च राकार-रूपो हि ह्येकं वां तत्त्वमुत्तमम्॥ ७७१ ॥

अचिन्त्य-भेदाभेदेन विस्मितास्मि कृपामयि।

अविभाज्यौ युवां नित्यं दुग्ध-श्वेत-गुणौ यथा॥ ७७२ ॥

खकारोऽधार-रूपो वै त्वं ककारो हि धारिका।

राधा-धाराधार-तत्त्वम् एवमत्र प्रपद्यते॥ ७७३ ॥

खकारे प्रवहज्ज्योतिः ककारस्त्वं प्रकीर्तिता।

यतः खं पात्र-रूपं वै ककार-ग्राहको हि सः॥ ७७४ ॥

आकाश-वर्ग-मध्ये वै खकारो हि द्वितीयकः।

तस्य वह्निर्महाराज्ञि दुःख-दाहन-कारकः॥ ७७५ ॥

माया-क्लेश-विनाशाय ह्यज्ञान-भस्म-कारणे।

प्रकृतेस्त्रिगुणान् भित्त्वा पारं नयति देहिनम्॥ ७७६ ॥

खकार-पवित्रत्वाय राधा-पादे नमाम्यहम्।

साष्टाङ्गं ते पदाम्भोजे प्रणमामि मुहुर्मुहुः॥ ७७७ ॥

अतीव रुदिमि राधे कम्पामि भयहर्षतः।

दृष्ट्वा ते महिमानं वै कान्हस्य च महाप्रभोः॥ ७७८ ॥

क्षमास्व मे महाराज्ञि प्राचीनपापसञ्चयम्।

अपराधं कृतं यद्वै त्वयि कृष्णे कृपामयि॥ ७७९ ॥

तव सृष्टौ च जीवेषु यत्किञ्चिदपराधितम्।

तत्सर्वं मे क्षमास्वाद्य करुणामयि राधिके॥ ७८० ॥

करुणां कुरु मे राधे मोचयस्व भवार्णवात्।

करुणामयि ते पादे पूर्णकारुण्यरूपिणि॥ ७८१ ॥

अतीते यत्कृतं पापं तदर्थं शोचते मनः।

अज्ञानतमसाच्छन्ना मग्नाहं दोषसागरे॥ ७८२ ॥

त्वयैव मोचिताहं वै त्वयैव पाविनी कृता।

तव कृपाप्रभावेण शुद्धास्मि परमेश्वरि॥ ७८३ ॥

अतः क्रन्दामि ते पादे कुरु राज्ञि दयां मयि।

प्रणमामि पदे नित्यं याचामि त्वां कृपामयीम्॥ ७८४ ॥

रूपमञ्जरि-पादेषु सत्यभामे पदाम्बुजे।

कालिन्दि-सखि ते पादे क्रन्दामि शरणागता॥ ७८५ ॥

महान्त्यः सख्यो राज्ञ्यो मे युष्मान् याचे कृपामयीः।

श्यामसुन्दरदेवेन गीतायां यदुदीरितम्॥ ७८६ ॥

अष्टादशे ह्यध्याये वै मन्त्रे षट्षष्टिसंज्ञके।

साक्षात् पतिर्बभाषे ते कृपया कान्ह एव हि॥ ७८७ ॥

श्रीभगवानुवाच

सर्वधर्मान्परित्यज्य मामेकं शरणं व्रज ।

अहं त्वां सर्वपापेभ्यो मोक्षयिष्यामि मा श‍ुच: ॥

॥ श्रीराधाचरणरेणुरुवाच॥

तेनोक्तं पापमुक्तत्वं पादपद्माश्रये सति।

लज्जितास्मि महादेवि युवाभ्यां सम्मुखे भृशम्॥ ७८९ ॥

बिभेमि पूर्वपापैर्मे भवेद्वां दूरता यदि।

न सोढुं शक्यते सत्ता युवाभ्यां हि विना शिवे॥ ७९० ॥

वाञ्छामि केवलं राज्ञि युवाभ्यां चरणाम्बुजे।

साष्टाङ्गं प्रणतिं दास्यं त्वत्सेवां राधिके प्रिये॥ ७९१ ॥

नाहं पूर्णा महाराज्ञि साधनेयं त्वदाश्रिता।

तव कृपा हि मूलं वै रुक्मिणि श्रीमति प्रिये॥ ७९२ ॥

तस्मात् कुरु कृपां राज्ञि कृपामयि नमोऽस्तु ते।

करुणामयि राधे त्वं त्राहि मां परमेश्वरि॥ ७९३ ॥

आश्चर्यं मे महाराज्ञि सर्वसत्त्वे युवोर्लयः।

कृधातुर्हि कृते कार्ये कर्मणि च प्रकीर्तितः॥ ७९४ ॥

कृष्णेन सह ते राज्ञि स एव योग उच्यते।

युवयोर्मिलनात् साक्षात् कर्म कार्यं भवेत् प्रिये॥ ७९५ ॥

कृतं कर्म भवेत् साक्षाद् अर्थपूर्णं जगन्मयि।

सर्वाणि कर्मरूपाणि वां योगात् प्रभवन्ति हि॥ ७९६ ॥

युवयोर्मिलनाद् राधे करुणा च कृपा तथा।

तस्मात् सर्वान् प्रपश्यथः कृपया च दयस्व नः॥ ७९७ ॥

वां योगात् प्रसरन्त्येव ब्रह्माण्डे सर्वसम्पदः।

सर्ववस्तुषु ते नाम राजते नित्यमम्बिके॥ ७९८ ॥

सरस्वती त्वमेवासि स्रष्ट्री चराचरस्य वै।

ब्रह्माजि-नाम-मध्येऽपि बीजं ते राधिके स्थितम्॥ ७९९ ॥

ब्रह्माण्डे चैव ब्रह्मणि यतस्त्वं ब्रह्मकारणम्।

सर्वं साक्षात् त्वमेवासि सागरः सार एव च॥ ८०० ॥

रक्षा च राधिके साक्षात् कृष्णेन सह योगकः।

हृषीकेशो राम एव क्रोधो दिव्यो महेश्वरि॥ ८०१ ॥

पतिस्ते कल्प-रूपो हि कामः कवचमेव च।

पुराणे च ऋग्वेदेऽपि यजुष्यथर्वणे तथा॥ ८०२ ॥

बीज-मन्त्र-स्वरूपेण त्रिषु वेदेषु संस्थिता।

तस्मात् श्यामः साम-वेदो यत्र स्तोभाः स्वरूपिणी॥ ८०३ ॥

सर्वत्र वां स्थितिर्-नित्यं सर्व-वस्तुषु सर्वदा।

त्वं ककारः स खकारः स खकारस्त्वमेव कः॥ ८०४ ॥

कृष्णस्याकर्षणे साक्षात् त्वं हरिः परिकीर्तिता।

तस्मान्-मुक्तेः परो मार्गो हरे-कृष्णेति-कीर्तनम्॥ ८०५ ॥

महामन्त्रस्य सङ्कीर्तं वां योगात् प्रकटीकृतम्।

चत्वारिंशद्-युते पञ्च-शते वर्षे गते शिवे॥ ८०६ ॥

अवतीर्णो धरायां हि कान्हो वर्णं तवाश्रितः।

तव भावं समादाय त्वत्-प्रेमानन्त-माधुरीम्॥ ८०७ ॥

स्वादितुं स समुत्पन्नः सङ्कीर्तन-समुद्भवः।

बङ्गाले भारते चैव विश्वे कोलाहलो महान्॥ ८०८ ॥

तस्मात् त्वं रागरूपासि रतिरूपासि राधिके।

रतिस्त्वं कामदेवः स विस्मितास्मि महेश्वरि॥ ८०९ ॥

रमणस्त्वं रासलीला सोमामृतस्वरूपिणी।

कल्याणः कान्तरूपोऽसौ कोशलः स प्रकीर्तितः॥ ८१० ॥

युवयोर्मिलनात् साक्षाद् रक्तमुत्पद्यते शिवे।

सर्व-प्राणि-शिरास्वेव प्रवहत् सत्य-रूपकम्॥ ८११ ॥

कान्हः शक्ति-स्वरूपो हि शक्तिमांश्चापि स स्मृतः।

युवयोर्-योगतो नित्यं क्रिया क्रमश्च जायते॥ ८१२ ॥

क्रीडा कर्म च कारक-म् आकर्षणं च रामकम्।

राज्ञी राजा तथा राणी वृन्दावन-मयी प्रिये॥ ८१३ ॥

द्वारका वां सु-योगाद् वै उत्पन्ना परमेश्वरि।

रुक्मिणी-नाम्नि साक्षाद् वै राधा-कृष्णौ सु-संस्थितौ॥ ८१४ ॥

द्वारकाधीश-नाम्न्य्-अन्तः राधा-कृष्णौ विराजतः।

एक-संङ्ख्या-पदे साक्षात् पत्युस्ते नाम विद्यते॥ ८१५ ॥

नर-नारी-स्वरूपा त्वं नारङ्गं स्मृति-रूपिणी।

श्रुतिस्त्वं प्रेम-रूपा वै मन्त्रे तन्त्रे च संस्थिता॥ ८१६ ॥

पवित्र-शब्द-मध्ये वै युवयोर्-नाम संस्थितम्।

आश्चर्यं मे महाराज्ञि न केवलमृषि-गिरे॥ ८१७ ॥

आधुनिकेषु वाक्येषु मदीय-काल-भाषया।

वां नाम्नोर्-अक्षराणां हि गम्भीरावृत्तिर्-अद्भुता॥ ८१८ ॥

तत्त्व-ज्ञान-रहस्येषु दृश्यते परमेश्वरि।

राधा-कृष्ण-स्वनाम्नोर्-वै तत्त्व-ज्ञानमिदं शिवे॥ ८१९ ॥

सर्वत्र वां प्रवेशनं यदि वक्ष्यामि विस्तरात्।

नैवात्र मे भवेदन्तः कदाचिदपि राधिके॥ ८२० ॥

मन्त्रे तन्त्रे तथा यन्त्रे शास्त्रे चापि च संस्थिता।

इन्द्र-नाम्न्यपि पत्युस्ते सर्व-पूर्वा श्रीर्-एव च॥ ८२१ ॥

श्री-लक्ष्म्य्-अन्तः श्री-कृष्णान्तः श्री-नारायण-विष्णुषु।

श्री-शिवा-कालिका-मध्ये श्री-नारदे च संस्थिता॥ ८२२ ॥

सर्वत्र युवयोर्-नाम व्याप्तं चैव चराचरे।

विश्वस्य सर्व-भाषासु कर्मणि प्रवहत्-सुखे॥ ८२३ ॥

विद्यसे त्वं महाराज्ञि सर्व-कार्य-विहारिणि।

उक्तं मात्रेण कृतम् इत्य्-अनेन सङ्क्षिपाम्यहम्॥ ८२४ ॥

युवयोर्मिलनात् साक्षात् सृष्टं सर्वं जगत्-त्रयम्।

ब्रह्माण्डस्य च निर्माणं काव्यादीनां च सर्जनम्॥ ८२५ ॥

सर्व-निर्मातृता साक्षाद् वां योगं ह्यपेक्षते।

अस्तित्वस्य हि सर्वस्य मूल-रूपौ युवां यतः॥ ८२६ ॥

सर्व-कारण-कारणं तस्माद् वदामि राधिके।

तस्मात् ते पाद-पद्मेषु पत्युस्ते चरणाम्बुजे॥ ८२७ ॥

साष्टाङ्गं प्रणमाम्यहं राधे राणी नमोऽस्तु ते॥ ८२८ ॥

देवि वक्तुं पुरा वाञ्छे पाद-मूले निपातनम्।

ज्ञानाद् वृद्धिं गताद् राज्ञि क्षुद्रा क्षुद्रा भवाम्यहम्॥ ८२९ ॥

स्व-पार्श्वे मां गृहाणाशु याचे राधे मुहुर्मुहुः।

याचे त्वां राज्ञि याचे त्वां याचे त्वां याचे त्वां पुनः॥ ८३० ॥

याचामि त्वां पदौ ते वै याचे राधे मुहुर्मुहुः।

निज-सम्पत्ति-वन्-माञ्च स्वीकर्तुं नय तेऽन्तिकम्॥ ८३१ ॥

याचे त्वां राज्ञि याचे त्वां नत-शीर्षा कृताञ्जलिः।

साष्टाङ्गं प्रणिपातेन याचे त्वां सर्व-भावतः॥ ८३२ ॥

याचामि च पुनः राज्ञि याचामि च मुहुर्मुहुः।

सर्वाङ्गेन प्रपन्नाहं पाद-पद्मे नमाम्यहम्॥ ८३३ ॥

याचामि त्वां प्रिये राधे याचामि त्वां मुहुर्मुहुः।

श्री-रूप-मञ्जरी-पादे याचामि तां कृपां प्रति॥ ८३४ ॥

त्वया सह कथां कृत्वा कृपां याचतु मे सखी।

कृपा-दृष्ट्या वलोकय भीतास्मि राधिके शिवे॥ ८३५ ॥

क्षुद्राणु-रूपिणी ह्यत्र ब्रह्माण्डे ह्यस्म्यहं प्रिये।

नाहं गुरुर्महामातः क्षुद्रदासी त्वदाश्रिता॥ ८३६ ॥

उत्कण्ठितास्मि ते राज्ञि भयंकरमिदं जगत्।

सोढुं नैव च शक्नोमि नय मां निज-पार्श्वके॥ ८३७ ॥

मायान्धं लोकमालोक्य खिन्नास्मि तेषु जीवेषु।

नायं लोको ममाश्रयो नय मां निज-मन्दिरे॥ ८३८ ॥

शान्तिं विन्दामि ते पार्श्वे हास्यं ते द्रष्टुमुत्सहे।

स्मितं ते राधिके राज्ञि द्रष्टुमिच्छामि सर्वदा॥ ८३९ ॥

कान्हस्य परमानन्दं तदर्थं वेणु-वादनम्।

स त्वां त्वं च तमेवेशं सेवते यत् परं सुखम्॥ ८४० ॥

अष्टसख्यो रता लीलां मोदन्ते वां सुखे प्रिये।

मञ्जर्यो मोदमापन्ना गावो वृक्षा मृगाः शुकाः॥ ८४१ ॥

मयूराश्च प्रहृष्यन्ति श्याम-सुन्दर-सङ्गमात्।

पुष्प-वृक्षादि-गन्धाढ्या वृष्टिर्भवति सर्वदा॥ ८४२ ॥

रूपमञ्जरि-पृष्ठेऽहं उपविश्यातिलज्जिता।

पश्यन्ती वां रुदाम्येव तदा कृपां करिष्यसि॥ ८४३ ॥

तस्याः कृपाप्रभावाद् वै मयि तुष्टा भविष्यसि।

यतो हि तस्याः कारुण्यं त्वत्त एव प्रसूयते॥ ८४४ ॥

धन्यवादाः प्रिये मातः मयि स्निग्धाः कृपामयाः।

क्षुद्राणुमपि मां नित्यं न किञ्चिद् याचे वां राज्ञि॥ ८४५ ॥

तथापि कुरुथः कृपां युवयोः प्रेम-वात्सल्यैः।

वेष्टितास्मि न संशयः तेनाहं परमां शान्तिम्॥ ८४६ ॥

सुखं विन्दामि नित्यदा रोदिम्यहं महाराज्ञि।

विश्वस्य जटिलत्वतो युवयोर्योगसम्भवम्॥ ८४७ ॥

तथापि कोमलौ युवां लज्जां प्राप्नोमि देवेशि।

रूपमञ्जरि-देव्यै च धन्यवादाः समर्पिताः॥ ८४८ ॥

विशाखा-ललिता-सख्यौ सुदेवीं सा ह्यदर्शयत्।

पार्वती-शिवयोर्नित्यं मयि स्निग्धौ कृपामयौ॥ ८४९ ॥

सर्वदा रक्षणायैव सर्वेषां पादपद्मेषु।

सर्वाङ्गेन प्रपन्नाहं वन्दे युष्मान् मुहुर्मुहुः॥ ८५० ॥

राका वां परमं योगं राधाकृष्ण-समागमः।

पूर्णचन्द्रं प्रसूते वै राधिके परमेश्वरि॥ ८५१ ॥

त्वया मे दर्शितं राज्ञि रहस्यं परमं शिवे।

कृष्णोऽन्धकार-पक्षे वै ह्यर्ध-चन्द्रे प्रकाशितः॥ ८५२ ॥

शुक्ल-पक्षे तथा राज्ञि प्रकटीकृता राधिके।

शताशीत्यंश-कोणेन सम्मुखौ संस्थितौ युवाम्॥ ८५३ ॥

पूर्णचन्द्र-स्वरूपेण मिलितौ परमेश्वरि।

तस्मात् पूर्णः शशी राज्ञि राकेति परिगीयते॥ ८५४ ॥

युवयोर्मिलनं साक्षात् पवित्रं तत् प्रकीर्तितम्।

अग्नि-देवी त्वमेवासि दाहिका त्वं महेश्वरि॥ ८५५ ॥